ⵢⴻⴼⴽⴰ ⵓⵙⵍⵡⴰⵢ ⵏ ⵜⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴻⴷⵊⵉⴷ ⵜⴻⴱⴱⵓⵏ, ⴰⵙⵙ ⴰ ⵏ ⵓⵔⴰⵎ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⵍⴰⵎⴻⵔ ⵉ ⵓⴱⴷⵓ ⵏ ⵢⵉⵙⴻⵏⴼⴰⵔⴻⵏ ⵏ ⵡⴰⵎⴰⵏ ⵏ ⵜⵉⵙⵙⵉ ⴷⴻⴳ ⵜⵉⵏⴷⵓⴼ ⴷ ⵜⵎⴰⵏⵖⴰⵙⴻⵜ, ⵢⴻⴱⴷⴻⵔ-ⴷ ⵡⴰⵢⴻⵏ ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵜⵏⴻⴼⵍⵉⵜ ⵏ ⵡⴰⵏⵣⵓⵍ ⵏ ⵜⵎⵓⵔⵜ, ⵍⴰⴷⵖⴰ ⴷⴻⴳ ⵍⵎⴻⵄⴰⴷⴻⵏ, ⵜⴰⵣⵎⴻⵔⵜ ⵜⴰⴼⵓⴽⴰⵏⵜ ⴷ ⵡⴰⵙⵙⴰⵢ ⵏ ⵡⵓⵣⵣⴰⵍ.
ⴷⴻⴳ ⵢⵉⵏⴰⵡ-ⵉⵙ ⴷⴰⵜ ⵓⴱⴻⵔⵍⴰⵎⴰⵏ ⵙ ⵢⵉⵅⴼⴰⵡⴻⵏ-ⵉⵙ ⵙⵉⵏ ⴷⴻⴳ ⵓⵅⴰⵎ ⵏ ⵜⵎⵓⵔⴰ (ⵇⴰⵚⵔ ⵍⵓⵎⴰⵎ), ⵢⴻⵏⵏⴰ ⵓⵙⵍⵡⴰⵢ ⵏ ⵜⴳⴷⵓⴷⴰ: "ⴼⴽⵉⵖ ⵍⴰⵎⴻⵔ ⵓⵔⴰ ⵉ ⵓⵎⴰⵔⵉ ⴰⵎⴻⵣⵡⴰⵔⵓ ⴰⴷ ⵢⴻⴱⴷⵓ ⴰⵙⴱⴻⴷⴷⵉ ⵏ ⵙⵏⴰⵜ ⵏ ⵜⵎⴰⵔⵉⵡⵉⵏ ⵏ ⵡⴰⵎⴰⵏ ⴷⴻⴳ ⵜⵉⵏⴷⵓⴼ ⴷ ⵜⵎⴰⵏⵖⴰⵙⴻⵜ".
ⵖⴻⴼ ⵍⵎⴻⵄⴷⴻⵏ ⵏ ⵖⴰⵔⴰ ⵊⴱⵉⵍⴰⵜ, ⵢⴻⵙⴼⴻⵙⵔ-ⴷ ⵓⵙⵍⵡⴰⵢ ⴱⴻⵍⵍⵉ ⴷⵣⴰⵢⴻ "ⵜⴻⵅⴷⴻⵎ ⵡⴰⵢⴻⵏ ⵢⴻⵍⵍⴰⵏ ⵢⴻⵜⵜⴱⴰⵏ ⴷ ⵍⵎⵓⵃⴰⵍ", ⵢⴻⵔⵏⴰ ⵍⵎⴻⵄⴷⴻⵏ-ⴰ "ⵢⵓⵖⴰⵍ ⴷ ⵜⵉⴷⴻⵜ ⵢⴻⵔⵏⴰ ⴷ ⵡⵉⵏ ⵡⵉⵙ ⴽⵔⴰⴹ (3) ⴰⵎⴻⵇⵔⴰⵏ ⴷⴻⴳ ⵓⵎⴰⴹⴰⵍ ⵏ ⵡⵓⵣⵣⴰⵍ".
ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⴷⴻⴳ ⵡⴻⴳⴳⵉⵔ ⵏ ⵢⴻⵏⵏⴰⵢⴻⵔ ⵉ ⴷ-ⵢⴻⵜⵜⴻⴷⴷⵓⵏ, ⴰⴷ ⵢⴻⵡⵡⴻⴹ ⵍⵇⵉⵟⴰⵔ ⴰⵎⴻⵣⵡⴰⵔⵓ ⵏ ⵍⵎⴻⵄⴰⴷⴻⵏ ⵙⵉ ⵖⴰⵔⴰ ⵊⴱⵉⵍⴰⵜ ⴰⵔ ⵡⴻⵀⵔⴰⵏ. ⵖⴻⴼ ⵍⴼⴰⵔⴻⵙ ⵏ ⵍⴼⵓⵙⴼⴰⵟ, ⵢⴻⵏⵏⴰ ⵓⵙⵍⵡⴰⵢ ⴱⴻⵍⵍⵉ "ⴰⵛⵓⴼ ⵢⴻⵍⵍⴰ ⵖⴻⴼ ⵡⴰⵢⴻⵏ ⵏⴻⵅⴷⴻⵎ ⴷⴻⴳ ⴱⵍⴰⴷ ⵍⵃⴻⴷⴱⴰ" ⴷⴻⴳ ⵓⵛⴻⵔⵇ ⵏ ⵜⵎⵓⵔⵜ, ⵢⴻⵔⵏⴰ ⵢⴻⵙⴷⴻⴷ ⴱⴻⵍⵍⵉ ⵍⴼⵓⵙⴼⴰⵟ "ⴰⴷ ⵢⴻⵜⵜⵡⴰⵅⴷⴻⵎ ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴰⵢ ⵙ ⵍⴰⵎⴰⵏ, ⵢⴻⵔⵏⴰ ⴰⴷ ⵏⴻⵔⴼⴻⴷ ⵍⵊⴻⵀⴷ ⵏ ⵍⴼⴰⵔⴻⵙ-ⵏⵏⴻⵖ ⵅⴻⵎⵙⴰ (5) ⵏ ⵜⵉⴽⴽⴰⵍ".
ⵢⴻⵛⴽⴻⵔ ⴷⴰⵖⴻⵏ ⴷⴻⴳ ⵢⵉⵡⴻⵏ ⵓⵎⵏⴰⴹ ⴰⵢⴻⴹ ⵡⴰⵢⴻⵏ ⵜⴻⴳⴳⴰ ⴷⵣⴰⵢⴻⵔ ⴷⴻⴳ ⵜⴰⵣⵎⴻⵔⵜ ⵜⴰⵎⴰⵢⵏⵓⵜ.
ⴰⵔⵏⵓ ⵖⴻⵔ
