ⵉⵙⴷⴻⴷ ⵓⵙⵍⵡⴰⵢ ⵏ ⵜⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴻⴷⵊⵉⴷ ⵜⴻⴱⴱⵓⵏ, ⴰⵙⵙ ⴰ ⵏ ⵓⵔⴰⵎ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⴱⴻⵍⵍⵉ ⴷⵣⴰⵢⴻⵔ ⵜⴽⵛⴻⵎ ⵢⵉⵡⴻⵜ ⵏ ⵜⴰⵍⵍⵉⵜ ⵜⴰⴷⴻⵙⵍⴰⵏⵜ ⴷⴻⴳ ⵓⵎⵏⴰⴹ ⴰⴷⴰⵎⵙⴰⵏ, ⵡⴰⵢⵉ ⵢⴻⵜⵜⴱⴰⵏ-ⴷ ⵙ ⵜⵓⵎⴰⵏⵜ ⵏ ⵓⵙⴻⵜⵜⴻⵢ ⵉ ⵜⴻⵜⵜⵡⴰⵍⵉ ⵜⵎⵓⵔⵜ ⵜⵓⵔⴰ.
ⵢⴻⵙⴼⴻⵙⵔ-ⴷ ⵓⵙⵍⵡⴰⵢ ⵏ ⵜⴳⴷⵓⴷⴰ ⴷⴻⴳ ⵢⵉⵏⴰⵡ-ⵉⵙ ⵉ ⵡⴻⴳⴷⵓⴷ ⴷⴰⵜ ⵓⴱⴻⵔⵍⴰⵎⴰⵏ ⵙ ⵢⵉⵅⴼⴰⵡⴻⵏ-ⵉⵙ ⵙⵉⵏ, ⴷⴻⴳ ⵓⵅⴰⵎ ⵏ ⵜⵎⵓⵔⴰ (ⵇⴰⵚⵔ ⵍⵓⵎⴰⵎ), ⴱⴻⵍⵍⵉ ⴷⵣⴰⵢⴻⵔ ⵜⴽⵛⴻⵎ ⵢⵉⵡⴻⵜ ⵏ ⵜⴰⵍⵍⵉⵜ ⵜⴰⴷⴻⵙⵍⴰⵏⵜ ⴷⴻⴳ ⵓⵎⵏⴰⴹ ⴰⴷⴰⵎⵙⴰⵏ, ⵢⴻⴱⴷⴻⵔ-ⴷ ⴰⵎⴹⴰⵏ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⴻⵜⵜⴻⵢ ⵉ ⵢⴻⵡⴹⴻⵏ ⵜⵓⵔⴰ 19 ⵏ ⵢⴰⴼⵏⴻⵏ (19.000) ⵙ ⵡⴰⵜⵉⴳ ⵏ 8242 ⵏ ⵢⵉⵎⴻⵍⵢⴰⵔⴻⵏ ⵏ ⴷⴷⵉⵏⴰⵔ, ⵡⴰⵢⵉ ⵢⴻⵙⵙⴻⴼⴽ-ⴷ 500 ⵏ ⵢⴰⴼⵏⴻⵏ ⵏ ⵢⵉⵎⴽⴰⵏⴻⵏ ⵏ ⵡⴻⵛⵖⴰⵍ.
ⵖⴻⴼ ⵜⴻⵎⵢⵉⴳⵔⵉⵡⵉⵏ ⵉ ⵜⴻⴳⴳⴰ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵉⵙⴷⴻⴷ ⵓⵙⵍⵡⴰⵢ ⵏ ⵜⴳⴷⵓⴷⴰ ⴱⴻⵍⵍⵉ "ⴰⵃⵔⵉⵛ ⵏ ⵜⵎⴻⴳⵔⵉ ⵢⴻⵜⵜⴻⴽⴽⴰ ⵙ 10 ⵏ ⵍⵎⵢⴰ ⴷⴻⴳ ⵍⴼⴰⵔⴻⵙ ⴰⵖⴻⵍⵏⴰⵡ ⵓⴼⵔⵉⴷ, ⵢⴻⵔⵏⴰ ⵏⴻⴱⵖⴰ ⴰ ⵏⴻⵔⴼⴻⴷ ⴰⵎⵓⵔ-ⴰ ⴰⵔ 13 ⵏ ⵍⵎⵢⴰ", ⵢⴻⵙⴼⴻⵙⵔ-ⴷ ⴱⴻⵍⵍⵉ ⵍⴼⴰⵔⴻⵙ ⵏ ⵢⵉⵙⴰⴼⴰⵔⴻⵏ (ⴷⴷⵡⴰ) ⴷⴻⴳ ⴷⵣⴰⵢⴻⵔ ⵢⴻⵡⵡⴻⴹ 82 ⵏ ⵍⵎⵢⴰ ⵏ ⵡⴰⵢⴻⵏ ⵢⴻⵃⵡⴰⵊ ⵙⵙⵓⵇ.
ⴷⴻⴳ ⵢⵉⵡⴻⵏ ⵓⵎⵏⴰⴹ ⴰⵢⴻⴹ, ⵢⴻⵛⴽⴻⵔ ⵜⵉⵔⵏⵉ ⵏ ⵓⴼⵙⴰⵔ ⵏ ⵜⵏⴻⵣⵣⵓⵜ ⵜⴰⴼⵔⵉⵇⵉⵜ, ⵉ ⴷ-ⵢⴻⵍⵍⴰⵏ ⴷⴻⴳ ⴷⵣⴰⵢⴻⵔ ⴷⴻⴳ ⵡⴻⵢⵢⵓⵔ ⵏ ⵛⵜⴻⵎⴱⴻⵔ ⵉⵄⴻⴷⴷⴰⵏ, ⵢⴻⵙⴷⴻⴷ ⴱⴻⵍⵍⵉ "ⵢⴻⵙⵄⴰ ⵢⴰⵏ ⵍⴼⴰⵢⴷⴰ ⵜⴰⵎⴻⵇⵔⴰⵏⵜ, ⵡⴰⵢⵉ ⵢⴻⵜⵜⴱⴰⵏ-ⴷ ⵍⵊⴻⵀⴷ ⵏ ⵓⵙⴻⵜⵜⴻⵢ ⴷⴻⴳ ⴷⵣⴰⵢⴻⵔ".
ⴰⵔⵏⵓ ⵖⴻⵔ
