ⵜⴰⵏⴻⵖⵍⴰⴼⵜ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵉⵎⴻⵣⵣⵓⵍⴰⵏⴻⵏ ⵜⴻⵙⵙⴻⴽⴰ-ⴷ ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⵎⴰⵀⵉⵍ ⵏ ⵓⵎⵙⴰⵙⴻⵢ ⵉ ⵢⴻⵙⴷⵓⴽⴽⵍⴻⵏ ⵉⵎⴰⵙⵍⴰⴷⴻⵏ ⵏ ⵡⴰⵟⴰⵙ ⵏ ⵜⵏⴻⵖⵍⴰⴼⵉⵏ ⵏⵏⵉⴹⴻⵏ. ⵜⵉⵖⵉⵎⵉⵜ-ⴰⴳⵉ ⵜⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⵜⵜⵓⵙⴱⴻⴷⴷⴻⵏⵜ ⵜⴰⵔⵔⴰⵢⵉⵏ ⵏ ⵓⵙⴻⵍⴽⴻⵎ ⵏ ⵓⵎⴰⵜⴰⵔ ⴰⵖⴻⵍⵏⴰⵡ ⵏ ⵓⵙⵉⵍⴻⵖ ⴷ ⵜⵣⴻⵎⵎⴰⵔ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ-ⴰ ⵏ ⵍⴰⵔⴻⴱⴻⵄ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴰⵍⵉ ⴷ ⵓⵙⴻⴷⴷⴻⵔ ⵏ ⵓⵎⴰⵜⴰⵔ ⴰⵖⴻⵍⵏⴰⵡ ⵏ ⵓⵙⵉⵍⴻⵖ ⴷ ⵜⵣⴻⵎⵎⴰⵔ. ⵜⵉⵎⵍⵉⵍⵉⵜ-ⴰⴳⵉ ⵏ ⵓⵎⵙⴰⵙⴻⵢ ⵜⴻⵍⵍⴰ-ⴷ ⴰⵙⵙ ⵏ ⵜⵜⵍⴰⵜⴰ ⵢⴻⵣⵔⵉⵏ, ⵉⵡⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵓⵎⵙⴰⵙⴻⵢ ⵏ ⵡⴰⵍⵍⴰⵍⴻⵏ ⵉ ⵓⵙⴻⵍⴽⴻⵎ ⵏ ⵓⵣⴻⵏⵣⵉⵖ-ⴰⴳⵉ ⴷⴻⴳ ⵡⴰⵏⵏⴰⵔ ⵏ ⵓⵎⴰⵀⵉⵍ.
ⵉⵎⴰⵀⵉⵍⴻⵏ ⵏ ⵜⵉⵖⵉⵎⵉⵜ-ⴰⴳⵉ ⵣⵣⵉⵏ-ⴷ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⴻⴷⴷⴻⵔ ⵏ ⵓⵎⴰⵜⴰⵔ-ⴰⴳⵉ ⴷⴻⴳ ⵢⴻⵙⵡⵉⵔⴻⵏ ⵎⴻⵕⵕⴰ, ⵙ ⵓⵙⴰⵎⵙⵉ ⵏ ⵓⵙⵓⵜⵓⵔ ⵏ ⵓⵙⵉⵍⴻⵖ ⴷ ⵡⴰⵢⴻⵏ ⵉ ⴷ-ⵉⵙⵓⵜⵓⵔ ⵓⴳⴻⴷⴻⵣ ⵏ ⵓⵎⴰⵀⵉⵍ ⵏ ⵜⵉⴷⴻⵜ. ⴷⴰⵖⴻⵏ ⵜⴻⵡⵡⵉ-ⴷ ⵖⴻⴼ ⵓⵙⵏⴻⵔⵏⵉ ⵏ ⵓⵎⵙⴰⵙⴻⵢ ⴳⴰⵔ ⵜⵎⵓⵙⵏⵉⵡⵉⵏ, ⴷ ⵓⵙⵙⴻⴽⵛⴻⵎ ⵏ ⵢⵉⵎⵛⴻⴷⴷⵉⵡⴻⵏ ⵏ ⵜⴷⴰⵎⵙⴰ ⴷ ⵜⵎⴻⵜⵜⵉ ⵉⵡⴰⴽⴽⴻⵏ ⴰⴷ ⴷ-ⵜⵜⵓⵏⴻⵎⵍⴻⵏⵜ ⵜⵣⴻⵎⵎⴰⵔ ⵉ ⴷ-ⵉⵣⴻⵡⵡⵉⵔⴻⵏ, ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵉⵍⴻⵖ ⵏ ⵜⵉⴷⴻⵜ ⵉ ⵣⴻⵎⵔⴻⵏ ⴰⴷ ⵜⵜ-ⵉⴷ-ⵏⴻⵙⵏⴻⵙ.
ⵉⵙⵙⴻⴽⵏⴻⴷ-ⴷ ⵓⵙⵉⵡⴹ ⴷⴰⵖⴻⵏ ⵜⴰⵣⵎⴻⵔⵜ ⵏ ⵓⵎⴰⵜⴰⵔ-ⴰⴳⵉ ⴷⴻⴳ ⵓⵙⵏⴻⴼⵍⵉ ⵏ ⵜⵀⴰⵏⴷⴻⵙⵜ ⵏ ⵓⵙⴻⵍⵎⴻⴷ ⵏ ⵓⵏⴰⴳⵔⴰⵡ ⵏ ⵓⵙⵉⵍⴻⵖ, ⵙ ⵓⵙⴱⴻⴷⴷي ⵏ ⵢⵉⴱⵔⵉⴷⴻⵏ ⵏ ⵓⵙⵉⵍⴻⵖ ⵉ ⵣⴻⵎⵔⴻⵏ ⴰⴷ ⵜⵜⵓⵙⴻⵎⵔⴰⵡⴻⵏ, ⵉⵕⴻⵙⵙⴰⵏ ⵖⴻⴼ ⵍⴻⴱⵏⵉ ⵏ ⵜⵣⴻⵎⵎⴰⵔ ⵛⵡⵉⵟ ⵛⵡⵉⵟ. ⴰⵢⴰⴳⵉ ⴰⴷ ⵢⴻⵙⵙⴻⵃⵔⴻⵙ ⵜⴰⵣⵎⴻⵔⵜ ⵏ ⵓⵏⴻⴽⵛⵓⵎ ⵏ ⵡⵉⴷ ⵉ ⴷ-ⵉⵜⴻⴼⴼⵖⴻⵏ ⵖⴻⵔ ⵙⵙⵓⵇ ⵏ ⵓⵎⴰⵀⵉⵍ ⴷ ⵓⵙⵙⴻⴷⵔⴻⵡ ⵏ ⵓⵏⴰⴳⵔⴰⵡ ⵏ ⵓⵙⵉⵍⴻⵖ ⴷ ⵡⴰⵢⴻⵏ ⵉ ⴷ-ⵉⵙⵓⵜⵓⵔⴻⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⵜⵎⴻⵔ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⵉⵎⵍⵉⵍⵉⵜⵉⵏ-ⴰⴳⵉ ⵏ ⵓⵎⵙⴰⵙⴻⵢ ⴷ ⴰⵃⵔⵉⵛ ⵏ ⵓⴱⵔⵉⴷ ⵏ ⵜⴷⵓⴽⵍⵉ ⵉⵡⴰⴽⴽⴻⵏ ⴰⴷ ⵢⵓⵖⴰⵍ ⵓⵎⴰⵜⴰⵔ ⴰⵖⴻⵍⵏⴰⵡ ⵏ ⵓⵙⵉⵍⴻⵖ ⴷ ⵜⵣⴻⵎⵎⴰⵔ ⴷ ⴰⵍⵍⴰⵍ ⵏ ⵜⵉⴷⴻⵜ ⵉⵡⴰⴽⴽⴻⵏ ⴰⴷ ⵢⴻⵙⵙⴻⵃⵔⴻⵙ ⵜⵉⴳⴳⴰⵡⵜ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵓⵙⵏⴻⵔⵏⵉ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
