ⴰⵙⵇⴰⵎⵓ ⵓⵏⵏⵉⴳ ⵏ ⵢⵉⵍⴻⵍⵎⵣⵉⵢⴻⵏ ⴰⴷ ⴷ-ⵢⴻⵙⵙⵓⴼⴻⵖ ⵢⵉⵡⴻⵜ ⵏ ⵜⴻⵡⵡⵓⵔⵜ ⵜⵓⵔⴰⵇⵎⵓⵔⵜ ⵉⵡⴰⴽⴽⴻⵏ ⴰⴷ ⵢⴻⵙⵏⴻⵔⵏⵉ ⴰⵙⴻⴼⵔⴻⴷ ⵏ ⵜⵜⴻⵊⵔⴰⵡⵉⵏ ⵏ ⵢⵉⵍⴻⵍⵎⵣⵉⵢⴻⵏ ⴷⴻⴳ ⵓⵙⵡⵉⵔ ⴰⵖⴻⵍⵏⴰⵡ. ⴰⵢⴰ ⵢⵓⵙⴰ-ⴷ ⴷ ⵜⵜⴻⵙⵔⵉⵃ ⵏ ⵜⵓⵣⵣⵉⴳⵜ ⵜⵉⵙ ⴽⵔⴰⴹ (3) ⵏ ⵓⵙⵡⵉⵔ ⵏ "ⵉⵎⴹⴻⴱⴱⵔⴻⵏ ⵉⵍⴻⵍⵎⵣⵉⵢⴻⵏ ⵏ ⵍⴻⵣⵣⴰⵢⴻⵔ" ⵉ ⴷ-ⵢⴻⵀⴻⴳⴳⴰⵏ ⵉ ⵓⵣⴻⴽⴽⴰ ⵏ ⵍⴰⵔⴻⴱⵄⴰ.
ⵢⴻⵏⵏⴰ-ⴷ ⵓⵙⵇⴰⵎⵓ ⴷⴻⴳ ⵓⴱⴻⵔⵔⴻⵃ-ⵉⵏⴻⵙ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵜⴰⵡⵡⵓⵔⵜ-ⴰⴳⵉ ⵜⵇⴻⴷⴷⴻⵛ ⵉⵡⴰⴽⴽⴻⵏ ⴰⴷ "ⵜⴻⵙⴷⵓⴽⴽⴻⵍ ⵓ ⴰⴷ ⵜⴻⵙⵙⵉⵡⴻⴹ ⵖⴻⵔ ⵓⵔⴰⵇⴻⵎ ⵏ ⵓⵙⴻⴼⵔⴻⴷ ⵏ ⵜⵜⴻⵊⵔⴰⵡⵉⵏ ⵢⴻⵎⴳⴰⵔⴰⴷⴻⵏ, ⵙⴻⴳ ⵓⵙⵓⴷⴷⴻⵙ ⴷ ⵓⵙⵉⵀⴻⵍ ⵏ ⵡⵓⵙⵙⴰⵏ, ⴰⵛⴻⴳⴳⴻⵄ ⵏ ⵢⵉⵙⴰⵍⵍⴻⵏ ⵏ ⵜⴰⵣⵣⵍⴰ, ⴰⵙⴻⴼⵔⴻⴷ ⵏ ⵡⴻⴽⵜⴰⴱ ⴷ ⵜⵏⴻⴱⴷⴰⴷⵉⵏ, ⴷ ⵓⵙⴻⵎⵔⴻⵙ ⵏ ⵡⵉⴷ ⵉ ⴷ-ⵃⴻⴷⵔⴻⵏ ⴷ ⵓⵙⴻⴹⴼⴻⵔ ⵏ ⵜⵜⴰⵡⵉⵍⴰⵜ ⵏ ⵓⵀⴻⴳⴳⵉ ⴷ ⵜⴼⴻⵏⵏⵉⵢⵉⵏ ⵉⵡⴰⴽⴽⴻⵏ ⴰⴷ ⵜⵉⵍⵉ ⵜⵜⴻⵊⵔⴰ ⵙ ⵜⵙⴻⴷⴷⵉ."
ⵜⴰⵡⵡⵓⵔⵜ-ⴰⴳⵉ ⵜⵓⵔⴰⵇⵎⵓⵔⵜ ⵜⴻⵜⵜⴻⵊⵊⴰ ⴷⴰⵖⴻⵏ "ⴱⴹⵓ ⵏ ⵢⵉⴼⴰⵢⵍⵓⵢⴻⵏ ⵙ ⵍⴰⵎⴰⵏ ⴷ ⵓⵎⴱⴰⴷⴰⵍ ⴰⵍⵉⴽⵜⵔⵓⵏⴰⵏ ⵙ ⵡⴻⵣⵔⴰⵄ ⵏ ⵓⵙⵜⴻⵇⵙⵉ, ⵔⵏⵓ ⵖⵓⵔ-ⵙ ⴰⵙⵏⴻⵔⵏⵉ ⵏ ⵓⵏⴻⵔⵎⵉⵙ ⵙⵔⵉⴷ ⴳⴰⵔ ⵡⵉⴷ ⵉ ⴷ-ⵉⵙⵓⴷⴷⵙⴻⵏ, ⵡⵉⴷ ⵉⵎⴻⵍⵎⴻⵏ ⴷ ⵡⵉⴷ ⵉ ⴷ-ⵃⴻⴷⵔⴻⵏ, ⴷ ⵓⵙⴻⵎⵔⴻⵙ ⵏ ⵜⴻⵡⵡⵓⵔⵜ-ⴰⴳⵉ ⴷⴻⴳ ⵜⵉⵍⵉⵡⵉⵏ ⵜⵉⵣⴻⴳⵣⴰⵡⵉⵏ."
ⵜⵓⵖⴰⵍⵉⵏ ⵖⴻⵔ ⵜⴻⵡⵡⵓⵔⵜ-ⴰⴳⵉ ⵜⵓⵙⴰ-ⴷ ⴷⴻⴳ "ⵓⴱⵔⵉⴷ ⵏ ⵓⵙⴻⵎⵔⴻⵙ ⵏ ⵜⵜⴰⵡⵉⵍⴰⵜ ⵉⵔⴰⵇⵎⵓⵔⴻⵏ ⴷⴻⴳ ⵓⵙⴻⴼⵔⴻⴷ ⵏ ⵜⵜⴻⵊⵔⴰⵡⵉⵏ ⵏ ⵢⵉⵍⴻⵍⵎⵣⵉⵢⴻⵏ. ⴰⵢⴰ ⵢⴻⵙⵙⴰⴽⴰⵏ-ⴷ ⵍⴻⴱⵖⵉ ⵏ ⵓⵙⵇⴰⵎⵓ ⵓⵏⵏⵉⴳ ⵏ ⵢⵉⵍⴻⵍⵎⵣⵉⵢⴻⵏ ⵉⵡⴰⴽⴽⴻⵏ ⴰⴷ ⵢⴻⵙⵏⴻⵔⵏⵉ ⴰⵎⴰⵀⵉⵍ ⴰⵎⵙⴻⴷⴷⴰⵙⴰⵏ ⴷ ⵓⵙⴱⴻⴷⴷⵉ ⵏ ⵜⵏⴻⵣⵣⵉⵜ ⴷⴻⴳ ⵓⵙⵓⴷⴷⴻⵙ ⵏ ⵜⵜⴻⵊⵔⴰⵡⵉⵏ ⵜⵉⵖⴻⵍⵏⴰⵡⵉⵏ, ⴷ ⵓⵄⴻⴷⴷⵉ ⵙⴻⴳ ⵓⵙⵓⴷⴷⴻⵙ ⵏ ⵣⵉⴽ ⵖⴻⵔ ⵓⵙⴻⴼⵔⴻⴷ ⴰⵔⴰⵇⵎⵓⵔ ⴰⵎⴰⵢⵏⵓⵜ," ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ.
ⴰⵔⵏⵓ ⵖⴻⵔ
