ⵢⴻⵙⵙⴻⵏⵎⵎⴻⵔ ⵓⵙⵇⴰⵎⵓ ⵏ ⵍⵀⴻⵏⵏⵉ ⴷ ⵓⴼⵔⴰⴳ ⵏ ⵜⴰⴷⵓⴽⵍⵉ ⵏ ⵜⴻⴼⵔⵉⵇⵜ ⵍⵯⴻⵀⴷ ⵉ ⴷ-ⵢⴻⴼⴽⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉⵎⵉ ⴷ ⵏⴻⵜⵜⴰ ⵉ ⴷ "ⵓⵏⵚⵉⵔ" ⵏ ⵜⴰⴷⵓⴽⵍⵉ ⵏ ⵜⴻⴼⵔⵉⵇⵜ ⵉ ⵓⵎⴻⵏⵏⵓⵖ ⵎⴳⴰⵍ ⵓⵔⵔⵀⵉⴱ ⴷ ⵓⵇⴻⵀⵀⴻⵔ ⴷⴻⴳ ⵜⴻⴼⵔⵉⵇⵜ.
ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴷⵢⴰⵏ ⵏ ⵜⴰⴳⴳⴰⵔⴰ ⵏ ⵓⵙⵇⴰⵎⵓ, ⵙⴷⴻⴼⴼⵉⵔ ⵏ ⵓⴳⵔⴰⵡ ⴰⵏⴻⵖⵍⴰⴼⴰⵏ ⵉ ⴷ-ⵢⴻⵍⵍⴰⵏ ⵡⴰⵙⵙ ⵏ ⵜⵜⵍⴰⵜⴰ ⵉⵄⴻⴷⴷⴰⵏ, ⵖⴻⴼ ⵓⵎⴻⵏⵏⵓⵖ ⵎⴳⴰⵍ ⵓⵔⵔⵀⵉⴱ ⴷⴻⴳ ⵜⴻⴼⵔⵉⵇⵜ. ⵓⴷⵢⴰⵏ-ⵏⵏⵉ ⵢⴻⵙⵏⴻⵎⵎⴻⵔ "ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴷⴻⴳ ⵓⴱⴻⵇⵇⴻⵙ ⵏ ⵡⴰⵀⵉⵍ ⵏ ⵜⴰⴷⵓⴽⵍⵉ ⵏ ⵜⴻⴼⵔⵉⵇⵜ ⵎⴳⴰⵍ ⵓⵔⵔⵀⵉⴱ".
ⴷⴰⵖⴻⵏ, ⵓⵙⵇⴰⵎⵓ ⵢⴻⵙⵙⴰⵡⴻⵍ ⵉ ⵜⵎⴰⵔⵉⵜ ⵏ ⵜⴰⴷⵓⴽⵍⵉ ⵏ ⵜⴻⴼⵔⵉⵇⵜ ⵉⵡⴰⴽⴽⴻⵏ ⴰⴷ ⴷ-ⵜⵀⴻⴳⴳⵉ ⵢⵉⵡⴻⵏ ⵏ ⵓⵏⴰⴳⵔⴰⵡ ⵏ ⵜⴻⴱⵜⵉⵛⵜ ⵉ ⵓⴼⵔⴰⴳ ⵎⴳⴰⵍ ⵓⵙⴻⵎⵔⴻⵙ ⵏ ⵜⵜⴻⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⵉⵏ ⵙ ⵓⴼⵓⵙ ⵏ ⵢⵉⵜⴻⵔⵔⵀⵉⴱⵉⵢⴻⵏ, ⴰⵎ ⵜⴽⴰⵔⵔⵉⵢⵉⵏ ⵏ ⵜⴳⵏⴰⵡⵜ ⵎⴱⵍⴰ ⵓⵏⴰⵀⴰⴼ (ⴷⵔⵓⵏⴻⵙ), ⵙ ⵓⴱⵔⵉⴷ ⵏ "ⵢⵉⵎⴻⵏⵣⴰⵢⴻⵏ ⵏ ⵍⴻⵣⵣⴰⵢⴻⵔ".
ⴰⵏⴻⵖⵍⴰⴼ ⵏ ⴷⴷⵓⵍⴰ, ⴰⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ ⴷ ⵜⴰⵎⵙⴰⵍⵉⵢⵉⵏ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵀⵎⴻⴷ ⵄⴰⵟⵟⴰⴼ, ⵢⴻⵜⵜⴻⴽⴽⵉ ⴷⴻⴳ ⵓⴳⵔⴰⵡ-ⴰⴳⵉ ⵙ ⵓⴱⵔⵉⴷ ⵏ ⵓⴷⵉⵡⴻⵏ ⵏ ⵍⴱⴻⵄⵉⴷ.
ⴰⵔⵏⵓ ⵖⴻⵔ
