ⵢⴻⵜⵜⴻⴽⴽⵉ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ , ⴷⴻⴳ ⵜⴰⵎⴰⵏⴰⵖⵜ ⵏ ⵟⵟⴰⵍⵢⴰⵏ, ⵔⵓⵎⴰ, ⴷⴻⴳ ⵉⵎⴰⵀⵉⵍⴻⵏ ⵏ ⵜⴻⵎⵍⵉⵍⵉⵜ ⵏ ⵜⴻⴳⵔⵓⵎⵎⴰ ⵜⵓⴼⵔⵉⵏⵜ ⵢⴻⵄⵏⴰⵏ ⵍⴱⴰⴹⴻⵏ ⵏ ⵓⴳⵔⴰⴽⴰⵍ ⴷ ⵓⴳⵎⵓⴹ ⴰⵍⴻⵎⵎⴰⵙ ⴷⴻⴳ ⵜⴻⵙⵎⵓⵏⵜ ⵜⴰⴱⴰⵔⵍⴰⵎⴰⵏⵉⵜ ⵏ ⵜⵓⴷⴷⵙⴰ ⵏ ⵓⴳⴰⵔⴰⵡ ⵏ ⵓⴳⴰⴼⴰ , ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⵙⵇⴰⵎⵓ ⴰⵙⵙ-ⴰ ⵏ ⵜⵜⵍⴰⵜⴰ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ, ⵉ ⵢⴻⴱⴷⴰⵏ ⵉⵎⴰⵀⵉⵍⴻⵏ-ⵉⵙ ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ, ⵜⴻⵍⵍⴰ-ⴷ ⵙ ⵓⵜⴻⴽⴽⵉ ⵏ ⵙⵉⵏ ⵏ ⵢⵉⵎⴰⵙⵍⴰⴷⴻⵏ ⵏ ⵓⴱⴻⵔⵍⴰⵎⴰⵏ, ⵎⴰⵙⵙ ⴰⵢⵓⵓⴱ ⵃⴰⵎⵎⴰⴷ ⴷ ⵎⴰⵙⵙ ⵎⵓⵀⴰⵎⴻⴷ ⴼⴰⵡⵣⵉ ⴱⴻⵏ ⵊⴰⴱⴰⵍⵍⴰⵀ, ⴰⵎ ⵢⵉⵎⴰⵣⴰⵏⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ.
ⵉⵎⵙⴻⵏⵜⴰⵍ ⵉ ⴷ-ⵢⴻⵍⵍⴰⵏ ⴷⴻⴳ ⵓⵇⴻⵔⴷⴻⵛ ⴷⴻⴳ ⵡⴰⵙⵙ ⴰⵎⴻⵏⵣⵡⴰⵔⵓ ⵏ ⵜⴻⵎⵍⵉⵍⵉⵜ-ⴰⴳⵉ ⵣⵣⵉⵏ-ⴷ ⵖⴻⴼ "ⵢⵉⴽⴰⵢⴰⴷⴻⵏ ⵏ ⵜⵓⵔⴰ ⵙ ⵜⵎⵓⵖⵍⵉ ⵏ ⵡⴰⴷⴷⴰⴷ ⵏ ⵜⵎⴰⵏⴻⴳⵜ ⵉ ⵉⵅⴻⵚⵔⴻⵏ ⴷⴻⴳ ⵜⴻⵎⵏⴰⵟ ⵏ ⵓⴳⵎⵓⴹ ⴰⵍⴻⵎⵎⴰⵙ ⴷ ⵓⴱⴰⴳⵓⵙ ⴰⵄⵔⴰⴱ". ⵙⵏⴻⴽⴷⴻⵏ-ⴷ ⴷⴰⵖⴻⵏ "ⵡⴰⵣⴰⵍ ⵏ ⵓⴷⵓⴽⴽⴻⵍ ⵏ ⵍⵎⴻⴶⵀⵓⴷⴰⵜ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵢⵉⵡⴻⵏ ⵏ ⵓⴼⵔⵓⵔⴻⵢ ⵉⵕⴻⵙⵙⴰⵏ ⵢⴻⵔⵏⴰ ⴷ ⴰⵎⵉⵣⵢⴰⵏ ⵉ ⵓⵟⵎⴰⵏ ⵏ ⵜⵎⴰⵏⴻⴳⵜ ⴷ ⵡⵓⵔⴰⴽⵓ ⴷⴻⴳ ⵜⴻⵎⵏⴰⵟ-ⴰⴳⵉ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
