ⵢⴻⵙⵙⴻⵍⵡⵉ ⵓⵎⴰⵙⵡⴰⵢ ⵏ ⴷⴷⵓⵍⴰ ⵣⴷⴰⵜ ⵏ ⵓⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵎⴰⵙⵙ ⵙⵓⴼⵉⴰⵏⴻ ⵛⵀⴰⵉⴱ, ⴰⴽⴽⴻⴷ ⵓⵏⴻⵖⵍⴰⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵎⴰⵙⵙ ⵎⵓⵀⴰⵎⴻⴷ ⵙⴻⵖⵉⵔ ⵙⴰⵄⴷⴰⵡⵉ, ⵡⴰⵙⵙ-ⴰ ⵏ ⵍⵃⴻⴷ, ⵜⴰⵞⵎⵓⵢⴰ ⵏ ⵓⵅⴻⴷⴷⵉⵎ ⵉ ⵓⵀⴻⴳⴳⵉ ⵏ ⵜⴰⴳⴳⴰⵔⴰ ⵏ ⵓⵙⴻⵏⴽⴻⵔ ⵏ ⵡⴰⵀⵉⵍ ⵏ ⵜⵉⵏⴻⵣⵣⴰⵢⵉⵏ ⵏ ⵓⵙⵙⴻⴳⵎⵉ ⵉ ⵢⵉⴳⴻⵔⴷⴰⵏ ⵏ ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ ⴷⴻⴳ ⵜⴰⵍⵍⵉⵜ ⵏ ⵓⵏⴻⴱⴷⵓ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ.
ⵢⵓⵔⴰ-ⴷ ⴷⴻⴳ ⵓⴷⵢⴰⵏ-ⵏⵏⵉ: "ⵢⴻⵙⵙⴻⵍⵡⵉ ⵓⵎⴰⵙⵡⴰⵢ ⵏ ⴷⴷⵓⵍⴰ ⵣⴷⴰⵜ ⵏ ⵓⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵢⴻⵇⵇⵏⴻⵏ ⵖⴻⵔ ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ, ⵎⴰⵙⵙ ⵙⵓⴼⵉⴰⵏⴻ ⵛⵀⴰⵉⴱ, ⴰⴽⴽⴻⴷ ⵓⵎⵓⵍⴰⵙ-ⵉⵙ ⴷⴻⴳ ⵓⵏⴰⴱⴰⵖ, ⴰⵏⴻⵖⵍⴰⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵎⴰⵙⵙ ⵎⵓⵀⴰⵎⴻⴷ ⵙⴻⵖⵉⵔ ⵙⴰⵄⴷⴰⵡⵉ, ⵡⴰⵙⵙ ⵏ 28 ⵢⵓⵏⵢⵓ 2026, ⵜⴰⵞⵎⵓⵢⴰ ⵏ ⵓⵅⴻⴷⴷⵉⵎ ⵉ ⵓⵀⴻⴳⴳⵉ ⵏ ⵜⴰⴳⴳⴰⵔⴰ ⵏ ⵓⵙⴻⵏⴽⴻⵔ ⵏ ⵜⴰⵍⵍⵉⵜ ⵜⴰⵎⴻⵏⵣⵓⵜ ⵏ ⵡⴰⵀⵉⵍ ⵏ ⵜⵉⵏⴻⵣⵣⴰⵢⵉⵏ ⵏ ⵓⵙⵙⴻⴳⵎⵉ ⵉ ⵢⵉⴳⴻⵔⴷⴰⵏ ⵏ ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ ⴷⴻⴳ ⵜⴰⵍⵍⵉⵜ ⵏ ⵓⵏⴻⴱⴷⵓ".
ⵉⵍⵎⴻⵏⴷ ⵏ ⵡⵓⵏⴰⴱⴰⵖ-ⵏⵏⵉ, ⴰⵙⴻⵏⴼⴰⵔ-ⴰⴳⵉ ⵏ ⵓⵙⵙⴻⴳⵎⵉ ⵉ ⴷ-ⵜⴻⵙⵙⵓⴼⴼⴻⵖ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ ⵢⵓⵙⴰ-ⴷ "ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵢⵉⵏⴻⵔⵡⴰⵢⴻⵏ ⵏ ⵜⵙⵓⵍⵟⴰⵏⵉⵏ ⵜⵓⵏⵏⵉⴳⵜ ⵏ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⵓⵞⵀⴷⴻⵏ ⵡⵉⴷⴻⵏⴻⴷ ⵉ ⵢⴻⵣⵔⴰⵏ ⴳⴰⵔ ⵢⵉⴳⴻⵔⴷⴰⵏ ⵏ ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ ⴷ ⵜⵎⵓⵔⵜ-ⵏⵙⴻⵏ, ⴷ ⵓⵔⵉⵔ ⵏ ⵢⵉⵙⵓⵜⵔⴻⵏ ⵏ ⵢⵉⴳⴻⵔⴷⴰⵏ ⴷⴻⴳ ⵡⴰⵏⵏⴰⵔ ⵏ ⵓⵙⵙⴻⴳⵎⵉ, ⵉ ⵡⴰⴽⴽⴻⵏ ⴰⴷ ⵞⵀⴻⴷ ⵓⵏⵢⵓⴷⴷⵓ-ⵏⵙⴻⵏ ⴷ ⵍⵍⵙⴰⵙ ⵏ ⵜⵎⵓⵔⵜ ⴷ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ ⴷⴻⴳ ⵢⵉⵙⵡⵉⵔⴻⵏ-ⵉⵙ ⵏ ⵜⵓⵜⵍⴰⵢⵜ, ⵓⵎⴻⵣⵔⴰⵢ, ⵜⴰⵢⴻⵔⵣⴰ ⴷ ⴷⴷⵉⵏ".
ⵜⵉⵎⵍⵉⵍⵉ-ⴰⴳⵉ ⵜⴻⵯⵯⴰ --ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴷⵢⴰⵏ-- "ⴰⵙⴱⴻⴷⴷⵉ ⵏ ⵜⴰⴳⴳⴰⵔⴰ ⵏ ⵜⴰⴷⵢⴰⵏⵜ-ⴰⴳⵉ ⵢⴻⴷⴷⵓⴽⴽⵍⴻⵏ ⴳⴰⵔ ⵙⵉⵏ ⵏ ⵢⵉⵃⵔⵉⵛⴻⵏ, ⴰⵔⴰ ⵢⴻⵯⵯⴻⵏ ⵉⵏⴻⵍⵎⴰⴷⴻⵏ ⵏ ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⵉ ⴷ-ⵢⵓⵣⵍⴻⵏ ⵖⴻⵔ ⵜⵎⵓⵔⵜ ⴷⴻⴳ ⵉⵎⵓⵔⴰⵙ ⵏ ⵓⵏⴻⴱⴷⵓ, ⴰⴷ ⴷ-ⴰⵡⵉⵏ ⵍⵎⴻⵏⴼⴰⵄ ⵙⴻⴳ ⵢⵉⵙⵓⵢⴰⵙ ⵏ ⵓⵙⵙⴻⴳⵎⵉ ⵉ ⵢⴻⵜⵜⵡⴰⵀⴻⴳⴳⴰⵏ ⵉ ⵏⵓⵜⵏⵉ, ⵉⵍⵎⴻⵏⴷ ⵏ ⵡⴰⵀⵉⵍ ⵏ ⵜⵃⴻⴷⴰⴳⵓⵊⵉⵜ ⵉⵍⴰⵏ ⵍⴼⴻⵟⵏⴰ ⵉ ⵢⵉⵙⵓⵜⵔⴻⵏ-ⵏⵙⴻⵏ ⴷ ⵓⵞⵀⴻⴷ ⵏ ⵜⵎⵓⵙⵏⵉ-ⵏⵙⴻⵏ ⴷⴻⴳ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ".
ⴰⵀⵉⵍ-ⴰⴳⵉ ⴰⴷ ⵢⴻⴱⴷⵓ ⵙⴻⴳ 6 ⵢⵓⵍⵢⵓ ⴰⵔ 13 ⵖⵓⵛⵜ, ⵉ ⵢⵉⴳⴻⵔⴷⴰⵏ ⵉⵍⴰⵏ ⴳⴰⵔ 8 ⴷ 16 ⵏ ⵢⵉⵙⴻⴳⴳⴰⵙⴻⵏ.
"ⵡⵉⴷ ⵢⴻⴱⵖⴰⵏ ⴰⴷ ⴷ-ⴰⵡⵉⵏ ⵍⵎⴻⵏⴼⴰⵄ ⵙⴻⴳ ⵜⴰⴷⵢⴰⵏⵜ-ⴰⴳⵉ ⵣⴻⵎⵔⴻⵏ ⴰⴷ ⵡⴰⵍⵉⵏ ⴰⵀⵉⵍ ⴷ ⵓⵊⴻⵔⵔⴻⴱ ⵏ ⵢⵉⵙⵓⵜⵔⴻⵏ ⴷⴻⴳ ⵜⵙⴰⴼⵉⵔⵉⵏ ⴷ ⵜⵇⵓⵏⵙⵓⵍⵉⵢⵉⵏ ⵏⵏⴻⵖ ⴷⴻⴳ ⴱⴻⵔⵔⴰ, ⵏⴻⵖ ⵙ ⵓⴱⵔⵉⴷ ⵏ ⵜⵎⴰⵢⵍⵜ (ⴻⵎⴰⵉⵍ): ⵙⵓⵎⵎⴻⵔⵛⴰⵎⵃ2026@ⵎⴰⴻ.ⴷⵣ", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵜⴰⵎⵙⴰﻟⵉⵢⵉⵏ ⵏ ⴱⴻⵔⵔⴰ.
ⴰⵔⵏⵓ ⵖⴻⵔ
