ⴰⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱﺒⵓⵏ, ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵏⴼⴰⵔ ⵏ ⵓⵣⵣⴰⵍ ⴷ ⵓⵣⵉⵏⴽ ⴷⵉ ⵡⴰⵙⵉⴼ ⴰⵎⵉⵣⵓⵔ (ⴱⴳⴰⵢⴻⵜ) ⴰⴷ ⵢⴻⴱⴷⵓ ⵓⵅⴻⴷⴷⵉⵎ-ⵉⵙ ⵇⴱⴻⵍ ⴰⴷ ⵜⴻⴽⴼⵓ ⵜⴳⴰⵔⴰ ⵏ ⴽⵔⴰⴹ ⵢⵉⵔⵏⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ ⵏ 2026.
ⴷⴻⴳ ⵓⵎⵙⴰⵡⴰⵍ-ⵉⵙ ⴰⵎⴰⴳⵏⵓ ⴰⴽⴽⴻⴷ ⵜⵓⵖⵎⵉⵙⵉⵏ, ⴰⵙⴻⵍⵡⴰⵢ ⵢⴻⵙⵙⴻⴼⵔⴰ-ⴷ ⴱⴻⵍⵍⵉ ⵜⴰⴳⴰⵡⵜ ⵉ ⴷ-ⵢⴻⵜⵜⴻⴷⴷⵓⵏ ⴷⴻⴼⴼⵉⵔ ⵓⵙⴻⵏⴼⴰⵔ ⵏ ⵓⵜⴰⵔⴰⵎ (Ouest), ⴷ ⵡⵉⵏ ⵏ ⵡⴰⵙⵉⴼ ⴰⵎⵉⵣⵓⵔ, ⴷⴻⴳ ⵡⴰⵢⵢⵓⵔ ⵏ ⵎⴰⵖⵔⴻⵙ (Mars) ⴰⴷ ⴱⴷⵓⵏ ⵡⵓⴽⴽⵓⵙⴻⵏ ⵉⵎⴻⵣⵡⵓⵔⴰ ⵏ ⵜⴻⵔⵔⵉⵛⵜ (forage). ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⵢⴻⵍⵍⴰ-ⴷ ⵙ ⵓⵇⴱⴻⵍ ⵏ ⵢⵉⵎⴻⵣⴷⴰⵖ ⵏ ⵜⵎⴻⵏⵏⴰⴹⵜ-ⵏⵏⵉ, ⵢⴻⵔⵏⴰ ⴰⵙⴳⴻⵎ ⵏ ⵡⴻⴷⴷⴰⴷ ⴰⴽⴽⴻⴷ ⵢⵉⵎⵓⵍⴰⵢ ⵏ ⵡⴰⴽⴰⵍ ⴰⵇⵍ-ⵉⵜ ⴷⵉ ⵜⴳⴰⵔⴰ.
ⵖⴻⴼ ⵍⵎⴰⵄⴷⴻⵏ ⵏ "ⴳⴰⵔⴰ ⵊⴱⵉⵍⴰⵜ", ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⴷ ⴰⵙⴻⵏⴼⴰⵔ ⴰⵙⵜⵔⴰⵜⵉⵊⵉ ⴰⵎⴻⵇⵇⵔⴰⵏ ⵉ ⵜⴷⴰⵎⵙⴰ, ⴰⴷ ⵢⴻⵊⵊ ⵍⵣⵣⴰⵢⵔ ⴰⴷ ⵜⴻⵃⵔⴻⵣ 1.5 ⵎⵉⵍⵢⴰⵔ ⵏ ⴷⵓⵍⴰⵔ ⵏ ⵜⴷⵔⵉⵎⵜ ⵏ ⴱⴻⵕⵕⴰ ⵉ ⵢⴻⵜⵜⵡⴰⴼⵔⵓⵏ ⵉ ⵓⵙⴻⵖⵏⴻⵙ ⵏ ⵓⵣⵣⴰⵍ ⵙⵢⴰ ⴷ ⵙⵢⴰ. ⵢⴻⵔⵔⴰ-ⴷ ⴷⴰⵖⴻⵏ ⵖⴻⴼ ⵡⵉⴷ ⵉⵛⴻⴽⴽⵉⵜⴻⵏ ⴷⵉ ⵍⴼⴰⵢⴷⴰ ⵏ ⵓⵙⴻⵏⴼⴰⵔ-ⴰ, ⵢⴻⵏⵏⴰ-ⴷ ⴱⴻⵍⵍⵉ ⵜⵉⵣⵔⴰⵡⵉⵏ (études) ⴰⴽⴽ ⵏ ⵓⵎⴰⴹⴰⵍ ⵙⵙⴻⴽⵏⴻⵏⵜ-ⵉⴷ ⵍⴼⴰⵢⴷⴰ-ⵉⵙ. ⴰⵙⴻⵏⴼⴰⵔ-ⴰ ⴰⴷ ⵢⴻⵍⴷⵉ 18,000 ⵏ ⵡⴻⵎⴽⴰⵏ ⵏ ⵓⵅⴻⴷⴷⵉⵎ.
ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⵙⴰⴽⴰ ⵏ ⵓⴼⵓⵙ ⵏ ⵓⵣⵣⴰⵍ
- ⴰⴱⵔⵉⴷ ⵏ ⵜⴻⵏⴷⵓⴼ-ⴱⴻⵛⵛⴰⵔ ⴰⴷ ⵢⴻⴽⴽⴻⵙ ⵜⴰⴳⴳⵓⴳⵜ (isolement) ⵢⴻⵔⵏⴰ ⵜⴰⵢⴼⵓⵙⵜ (ticket) ⵏ ⵜⵎⴰⵛⵉⵏⵜ ⴰⴷ ⵜⵉⵍⵉ ⴷ ⵜⴰⵔⵅⵉⵙⵜ (1700 DA).
- ⵖⴻⴼ ⵓⴼⵓⵙ ⵏ ⵓⵣⵣⴰⵍ ⵏ ⵓⵛⴻⵔⵇ (Est), ⴰⵙⵓⴼⴼⴻⵖ ⵏ ⵍⴼⵓⵙⴼⴰⵟ ⵙⵢⴰ ⵖⴻⵔ ⵍⵎⴻⵔⵙⴰ ⵏ ⵄⴻⵏⵏⴰⴱⴰ ⴰⴷ ⵢⴻⴱⴷⵓ ⴷⵉ ⵜⴳⴰⵔⴰ ⵏ 2026 ⵏⴻⵖ ⴷⵉ ⵍⴱⴻⴷⵡⴰ ⵏ 2027.
- ⵜⴰⵎⴰⵛⵉⵏⵜ ⴰⴷ ⵜⴻⵡⵡⴻⴹ ⵖⴻⵔ ⵓⵏⵥⵓⵍ (Sud) ⴰⵏⴻⴳⴳⴰⵔⵓ: ⵖⴻⵔ ⵜⵎⴰⵏⵖⴰⵙⴻⵜ ⴷⵉ 2028, ⵢⴻⵔⵏⴰ ⵖⴻⵔ ⵓⴷⵔⴰⵔ ⴳⴰⵔ ⵜⴳⴰⵔⴰ ⵏ 2026 ⴷ ⵍⴱⴻⴷⵡⴰ ⵏ 2027.
ⴰⵔⵏⵓ ⵖⴻⵔ
