ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵉⴳⴳ ⴰⵛⵉⵔⵉ ⴷ ⵓⵥⵓⵏⵥⵓ ⵏ ⵎⴻⵏⵏⴰⵡ ⵏ ⵢⵉⵙⴻⵏⴼⴰⵔⴻⵏ ⵉⵙⵏⵓⴷⴷⵙⴰⵏⴻⵏ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ

ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵉⴳⴳ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⵙ ⵏ ⵓⵙⴰⵎⴰⵙ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⵎⴻⵏⵏⴰⵡ ⵏ ⵢⵉⵙⴻⵏⴼⴰⵔⴻⵏ ⵉⵙⵏⵓⴷⴷⵙⴰⵏⴻⵏ ⵢⴻⵔⵏⵓ ⴷ ⴰⵢⴰ ⵉ ⴷ-ⵢⴻⵙⵙⴽⴰⵏⴰⵢⴻⵏ ⵜⴰⵎⴻⵖⵙⵉⵡⵜ ⵜⴰⴷⵓⵙⴰⵏⵜ ⵏ ⵓⵡⴰⵏⴰⴽ ⴰⴽⴽⴻⵏ ⴰⴷ ⴷ-ⵢⴻⵍⵀⵓ ⴷ ⵢⵉⵖⴻⴱⵍⴰⵏ ⵏ ⵢⵉⵖⴻⵔⵎⴰⵏⴻⵏ ⴷ ⵓⵙⵙⴻⵍⵀⵓ ⵏ ⵜⴻⴳⵏⵉⵜ-ⵏⵙⴻⵏ ⵏ ⵜⵓⴷⴻⵔⵜ. ⴰⵢⴰ ⵢⴻⵖⵍⵉ-ⴷ ⴷⴻⴳ ⵡⴰⴽⵓⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 64 ⵏ ⵓⵣⴰⵔⵓⴳ ⴷ ⵓⵙⵓⵖⴰⵍ ⵏ ⵜⵏⴰⵢⴰ ⵜⴰⵖⴻⵍⵏⴰⵡⵜ.

ⴷⴻⴳ ⵜⴰⵣⵡⴰⵔⴰ, ⵢⴻⵥⵥⵓⵏⵥⵓ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴷⴻⴳ ⵎoⵀⴰⵎⵎⴰⴷⵉⴰ, ⴰⵎⵎⴰⵙ ⴰⵖⴻⵍⵏⴰⵡ ⴰⵣⵣⴰⵢⵔⵉ ⵏ ⵢⵉⵎⴻⵥⵍⴰ ⵓⵎⴹⵉⵏⴻⵏ, ⴷ ⵜⴰⴷⵓⵎⵚⵓⴽⵜ ⵜⵓⵎⴹⵉⵏⵜ ⵜⴰⵏⴰⵢⴰⵜ ⵜⴰⵎⴻⵣⵡⴰⵔⵓⵜ ⵙⴻⴳ ⵜⴻⵍⵖⴰ-ⴰ ⴷⴻⴳ ⴷⵣⴰⵢⴻⵔ, ⴰⵙⴻⴹⵔⵓ-ⴰ ⴰⵙⵏⵓⴷⴷⵙⴰⵏ ⵢⴻⵙⵙⴽⴰⵏⴰⵢ-ⴷ ⴰⵎⵉⵔⴻⵡ ⵏ ⵓⵡⴰⵏⴰⴽ ⴰⴽⴽⴻⵏ ⴰⴷ ⵢⴻⵙⵙⴻǧⵀⴻⴷ ⵜⴰⵏⴰⵢⴰ-ⵏⵏⴻⵙ ⵜⵓⵎⴹⵉⵏⵜ.
ⴰⵙⴻⵏⴼⴰⵔ-ⴰ ⴷ ⴰⵥⵔⵓ ⵏ ⵍⵍⵙⴰⵙ ⵉ ⵓⵙⵏⵉⵊⴻⵡ ⵏ ⵢⵉⵙⴻⴼⴽⴰ ⴷⴰⵅⴻⵍ ⵏ ⵜⵎⵓⵔⵜ, ⴷ ⴹⵎⴰⵏ ⵏ ⵓⴽⴻⵎⵎⴻⵍ ⵏ ⵢⵉⵎⴻⵥⵍⴰ ⵓⵎⴹⵉⵏⴻⵏ, ⵢⴻⵔⵏⵓ ⴷ ⵡⵉⵏ ⴰⵔⴰ ⵢⴻǧǧⴻⵏ ⴰⵎⴱⵉⴷⴷⴻⵍ ⴳⴰⵔ ⵢⴻⴳⵣⵓⵎⴻⵏ ⴰⴷ ⵢⵉⵍⵉ, ⴰⵢⴰ ⴰⴷ ⵢⴻⵙⴱⴻⴹ ⴰⵍⴽⴰⵜ ⵓⵎⴹⵉⵏ ⵢⴻⵔⵏⵓ ⴰⴷ ⵢⴻⵙⵙⴷⵓⵙⵓ ⵜⵉⵙⵙⵓⴳⴻⵔⵜ ⵏ ⵢⵉⵡⴻⵥⵍⴰ ⵉⵏⴰⴳⴷⵓⴷⴻⵏ, ⵢⴻⵔⵏⵓ ⴰⴷ ⴷ-ⵢⴻⵙⴼⴰⵢⴷⵉ ⵙⴻⴳ-ⵙ ⵓⵖⴻⵔⵎⴰⵏ.
ⴷⴻⴳ ⵜⵖⵉⵡⴰⵏⵜ ⵏ ⴷⴻⵍⵢ ⴱⵔⴰⵀⵉⵎ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵉⴳⴳ ⵙ ⵡⵓⴷⴻⵎ ⵓⵏⵚⵉⴱ ⵜⴰⵙⵖⵉⵎⵜ ⵜⴰⵎⴰⵢⵏⵓⵜ ⵏ ⵓⵖⵍⵉⴼ ⵏ ⵜⵏⴻⵣⴷⵓⵖⵜ, ⵏ ⵓⵙⴻⵇɛⴻⴷ ⴰⵎⴷⵉⵏⴰⵏ. ⴰⵙⴻⵏⴼⴰⵔ-ⴰ ⵢⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵓⵙⴻⵜⵔⴻⵔ ⵏ ⵜⴻⵎⵚⵓⴽⵉⵏ ⵜⵉⵏⴰⴳⴷⵓⴷⵉⵏ ⴷ ⵓⵙⵙⴻⴱⴷⴻⴷ ⵏ ⵜⴰⵍⵍⵓⵏⵉⵏ ⵏ ⵓⵎⴰⵀⵉⵍ ⴰⵜⵔⴰⵔ ⵉ ⵢⴻⵜⵜⵇⴰⴷⴰⵔⴻⵏ ⵉⵍⵓⴳⴰⵏ ⵉⵎⴰⵢⵏⵓⵜⴻⵏ.
ⵙⴰⴽⴽⵉⵏ, ⵢⴻⵥⵥⵓⵏⵥⵓ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵙⴻⴳⵏⴰⴼ ⵢⴻⵎⵎⵓⵣⵣⴳⴻⵏ ⴷⴻⴳ ⵡⴰⴹⴰⵏⴻⵏ ⴷ ⵜⴻⴳⴼⵓⵙⵜ ⵏ ⵡⵓⵍ ⵉ ⵢⵉⴳⴻⵔⴷⴰⵏ « ⴰⵎⴰⵔ ⴱoⵓⵊⴻⵍⴰⴱ » ⴷⴻⴳ ⵜⵖⵉⵡⴰⵏⵜ ⵏ ⵎⴰⴰⵍⵎⴰ. ⴰⵙⴻⴳⵏⴰⴼ-ⴰ ⴷ ⴰⴽⵙⴰⴱ ⴰⵜⵔⴰⵔ ⴷⴻⴳ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵜⴷⴰⵡⵙⴰ, ⵢⴻⵔⵏⴰ ⵢⴻⵙⵙⴻǧⵀⴰ-ⴷ ⴰⴹⴽⴰⵍ ⵉ ⵢⵉⴳⴻⵔⴷⴰⵏ ⴷ ⵍⴻⴹⵡⴰⴼⴻⵏ ⵉ ⴷ-ⵉⵍⵓⵍⵢⴻⵏ ⵢⵓⴹⵏⴻⵏ ⵙ ⵡⴰⴹⴰⵏⴻⵏ ⵏ ⵡⵓⵍ, ⵙ ⵜⵉⵍⵍⵉⵏ ⵏ ⵓⴹⴽⴰⵍ ⴰⴷⴰⵡⵙⴰⵏ ⵢⴻⵎⵎⵓⵣⵣⴻⴳⴳⵏⴻⵏ, ⵢⴻⵙⵙⴻⵇⴷⴰⵛⴻⵏ ⵜⵜⴰⵡⵉⵍⴰⵜ ⵉⵙⵏⴰⵊⵢⴰⵏⴻⵏ ⴷ ⵉⵜⵔⴰⵔⴻⵏ ⵙ ⵢⵉⴼⴰⵙⵙⴻⵏ ⵉⴷⵣⴰⵢⵔⵉⵢⴻⵏ ⵉ ⵢⴻⵙɛⴰⵏ ⵜⴰⵔⵎⵉⵜ ⴷ ⵜⴰⵎⴻⵇⵔⴰⵏⵜ, ⵢⴻⵔⵏⵓ ⵢⴻⵇⵇⴻⵏ ⵖⴻⵔ ⵢⵉⵡⴻⵏ ⵏ ⵓⵏⴰⴳⵔⴰⵡ-ⴰ ⵓⵎⴹⵉⵏ ⵢⴻⵏⵏⵓⵎⵎⴻⴷ ⵢⴻⵔⵔⴰ-ⵜ ⴷ ⴰⵙⴻⴳⵏⴰⴼ ⴰⵎⴻⵣⵡⴰⵔⵓ ⵓⵎⴹⵉⵏ ⴷ ⵓⵎⵎⵉⴷ ⴷⴻⴳ ⴷⵣⴰⵢⴻⵔ.
ⴷⴻⴳ ⵜⴻⵎⴷⵉⵏⵜ ⵜⴰⵎⴰⵢⵏⵓⵜ ⵏ ⵙⵉⴷⵉ ⴰⴱⴷⴰⵍⵍⴰⵀ, ⵉⵛⴰⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵙ ⵡⵓⴷⴻⵎ ⵓⵏⵚⵉⴱ ⵜⴰⵎⵀⴻⵍⵜ ⵏ ⵓⵙⴻⴷⴳⴻⵔ ⵏ ⵜⵏⴻⵣⴷⵓⵖⵉⵏ ⵏ 2026 ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.
ⵜⴰⵎⵀⴻⵍⵜ-ⴰ ⵜⴻⵍⵍⴰ-ⴷ ⴷⴻⴳ-ⵙ 179.168 ⵏ ⵜⵢⵓⵏⵉⵏ ⵏ ⵜⵏⴻⵣⴷⵓⵖⵉⵏ ⵙ ⵓⵎⴳⴰⵔⴻⴷ ⵏ ⵜⴻⵍⵖⵉⵡⵉⵏ ⴷⴻⴳ ⵓⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⴳⴰⵔ-ⴰⵙⴻⵏⵜ 42.520 ⵏ ⵜⵢⵓⵏⵉⵏ ⵏ ⵜⵏⴻⵣⴷⵓⵖⵉⵏ ⵏ ⵍⵔⴽⵔⴰ ⴰⵏⴰⴳⴷⵓⴷ, 11.914 ⵏ ⵜⵏⴻⵣⴷⵓⵖⵉⵏ ⵏ ⵓⵙⴻⵏⵣⵉ ⵙ ⵍⴻⴽⵔⴰ (ⴰⴰⴷⵍ), 9.975 ⵏ ⵜⵏⴻⵣⴷⵓⵖⵉⵏ ⵏ ⵜⴰⵙⵎⴰⵍⴰⵏⵜ ⵢⴻⵜⵜⵡⴰⵍⵍⴻⵏ, 7.353 ⵏ ⵜⵏⴻⵣⴷⵓⵖⵉⵏ ⵏ ⵜⴰⵙⵎⴰⵎⴰⵍⵏⵜ ⵜⵉⵍⴻⵍⵍⵉⵜ, 76.423  ⵏ ⵏ ⵜⵏⴻⵣⴷⵓⵖⵜ ⵜⴰⵡⵎⴰⵣⵉⵔⵜ, 30.983 ⵏ ⵜⵏⴻⵣⴷⵓⵖⵉⵏ ⵜⵉⵏⵎⴻⵜⵜⵉⵢⵉⵏ ⵢⴻⵜⵜⵡⴰⴼⴻⵔⵇⴻⵏ. 
ⴷⴻⴳ ⵜⵖⵉⵡⴰⵏⵜ ⵏ ⵔⴰⵀⵎⴰⵏⵉⴰ, ⵢⴻⵥⵓⵏⵥⵓ ⴷⴰⵖ ⴰⵙⴼⴰⵢⵍⵓ ⴰⵎⴷⵉⵏⴰⵏ ⵏ « ⵓⵎⴻⵕⵃⵓⵎ ⴰⵎⵊⴰⵀⴻⴷ ⴰⵀⵎⴻⴷ ⵜⴰⵍⴻⴱ ⵉⴱⵔⴰⵀⵉⵎⵉ », ⵢⴻⵙɛⴰ ⵜⴰⵊⵓⵎⵎⴰ ⵏ 119,5 ⵏ ⵢⵉⵀⴻⴽⵟⵟⴰⵔⴻⵏ, ⵢⵣⴻⵏⵉ ⵢⴻⵙɛⴰ 10.507 ⵏ ⵜⵏⴻⵣⴷⵓⵖⵉⵏ ⵙ ⵡⴰⵀⵉⵍ ⵏ ⴰⴰⴷⵍ (ⴰⵙⴻⵏⵣⵉ ⵙ ⵍⴻⴽⵔⴰ), ⴳⴰⵔ-ⴰⵙⴻⵏⵜ 4 ⵏ ⵢⴻⴳⵎⴰⵎⴰⴻⵏ ⵉ ⵢⴻⵙɛⴰⵏ ⴰⴽⴻⵜⵜⵓⵔ ⵏ 2.500 ⵏ ⵜⵏⴻⵣⴷⵓⵖⵉⵏ ⴷ ⵢⵉⵡⴻⵏ ⵓⴳⵎⴰⵎ ⵉ ⵢⴻⵙɛⴰⵏ 507 ⵏ ⵜⵏⴻⵣⴷⵓⵖⵉⵏ, ⴰⵙⴼⴰⵢⵍⵓ-ⴰ ⴷ ⴰⵙⴻⴽⵎⴻⵎ ⵏ ⵜⵎⵓⵖⵍⵉ ⵜⴰⵜⵔⴰⵔⵜ ⴷⴻⴳ ⵓⴳⵣⵓⵎ ⵏ ⵜⵏⴻⵣⴷⵓⵖⵜ, ⵢⴻⵜⵜⴳⴻⵏⵙⵉⵙⴻ-ⴷ ⴰⵙⴻⴹⵔⵓ ⵏ ⵜⴻⵎⴷⵉⵏⵉⵏ ⵜⵉⵜⵔⴰⵔⵉⵏ ⵢⴻⵏⵏⵓⵎⵎⴷⴻⵏ.
ⴷⴻⴳ ⵢⵉⵏⴰⵡ-ⵉⵙ ⵉ ⵍⵎⴻⵏⴷ ⵏ ⵜⴻⴳⵏⵉⵜ-ⴰ, ⵢⵓⵎⴻⵍ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵔⵎⵓⴷⴻⵏ ⵉ ⵖⴻⵔ ⵢⴻⵡⵡⴻⴹ ⵓⴳⵣⵓⵎ ⵏ ⵜⵏⴻⵣⴷⵓⵖⵜ ⵉ ⵢⵓⵖⴰⵍⴻⵏ ⴷ « ⴰⵖⴱⴰⵍⵓ ⵏ ⵣⵣⵓⵅ ⵉ ⴷⵣⴰⵢⴻⵔ », ⵢⴻⵔⵏⵓ ⵢⵓⵎⴻⵍ-ⴷ ⴰⵙⵡⵉⵔ ⵉ ⵖⴻⵔ ⵢⴻⵡⵡⴻⴹ ⴷⴻⴳ ⵜⵖⵓⵍⵜ-ⴰ ⵙ ⵍⵎⴻⵏⴷⴰⴷ ⵏ « ⵡⵓⵙⵙⵉⵙⴻⵏ ⵏ ⵢⴻⵔⴳⴰⵣⴻⵏ ⵉⵎⴻⴷⴽⵉⵢⴻⵏ ⵉ ⵍⵎⴰⵏⴻⵜ ⵏ ⵢⵉⵎⴻⵖⵔⴰⵙⴻⵏ ⵓⴱⵖⵉⵙⴻⵏ ».
ⵢⴻⵔⵏⵉ ⵉⴱⴻⴷ ⴷⴰⵖ ⵖⴻⴼ ⵢⵉⵙⴻⴹⵔⴰ ⵉ ⵍⴰ ⵜⴻⵜⵜⵡⴰⵍⵉ ⴷⵣⴰⵢⴻⵔ ⴷⴻⴳ ⵢⴻⴳⵣⵓⵎⴻⵏ ⵢⴻⵎⴳⴻⵔⵔⴰⴷⴻⵏ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵢⴰ « ⵢⴻⵜⵜⴱⴻⵔⵔⴰⴷ ⵓⵍ ».
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵏⵏⴰ-ⴷ ⴷⴰⴽⴽⴻⵏ "ⵜⵉⵏⴻⵇⵇⵉⴹⵉⵏ ⵏ ⵜⴷⵓⵙⵉ ⵏ ⵜⵎⵓⵔⵜ-ⵏⵏⴻⵖ ⵍⵍⴰⵏⵜ ⴷⴻⴳ ⵡⴰⵢⴻⵏ ⴰⵢ ⴷ-ⵢⴻⵍⵍⴰⵏ ⵉⵎⵉ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴻⴷⵔⵉⵎⵜ ⵏ ⵓⵡⴰⵏⴰⴽ ⵢⴻⵜⵜⵡⴰⵖⴻⴷ ⵉ ⵓⵎⵏⴻⴽⵏⵉ ⴰⵏⵎⴻⵜⵜⵉ ⴷⴻⴳ ⵜⵖⵓⵍⴰ ⵏ ⵜⴷⴰⵡⵙⴰ, ⵏ ⵜⵏⴻⵣⴷⵓⵖⵜ, ⴷ ⵓⵙⵙⴻⴳⵎⵉ, ⴰⵢⴰ ⵓⴽⴽ ⴷ ⵉⴽⴰⵔⴰⵎⴻⵏ ⵉ ⵢⴻⵇⵇⵏⴻⵏ ⴳⴰⵔ-ⴰⵙⴻⵏ ⵢⴻⵔⵏⴰ ⵜⵜⵎⴰⵀⴰⵍⴻⵏ ⴰⴽⴽⴻⵏ ⴰⴷ ⵏⴰⵡⴻⴹ ⵖⴻⵔ ⵢⵉⵙⵡⵉ ⵉ ⵏⴻⵖⴻⵙ ».
ⵜⴰⵔⵔⴰⵢⵜ-ⴰ, ⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵜⴻⵙⵙⴰⵡⴻⴹ ⴷⵣⴰⵢⴻⵔ ⴰⴷ ⵜⴻⵇⵇⴻⵍ « ⴳⴰⵔ ⵜⵎⵓⵔⴰ ⵢⵓⴼⵔⴰⵔⴻⵏ ⵢⴻⵔⵏⵓ ⴷ ⵜⵉⴷ ⵢⵓⴼⵔⴰⵔⴻⵏ ⵙⴻⴳ ⵢⵉⴷⵉⵙ ⴰⴷⴰⵎⵙⴰⵏ ⴷ ⵜⵎⴻⵜⵜⵉ », ⴰⵏⴰⴳⵉ ⵏ ⵡⴰⵢⴰ ⴷ ⴰⵙⴻⵜⵜⴻⴼ ⵏ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵜⴻⵔⵣⴰ ⵜⴻⵎⵙⴰⵍⵜ, ⵉ ⵜⵜ-ⵢⴻⵙⵙⴻⵔⵙⴻⵏ ⴳⴰⵔ ⵢⵉⵖⵍⴰⵏⴻⵏ ⵢⴻⵏⴻⴳⵎⴰⵏ.
ⴷⴻⴳ ⵢⵉⵡⴻⵜ ⵏ ⵜⴻⵖⵙⴻⵔⵜ ⵏⵉⴹⴻⵏ, ⵢⴻⵙⵉⴳⴳ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴷⴻⴳ ⵢⵉⵡⴻⵜ ⵏ ⵜⵖⵉⵡⴰⵏⵜ, ⴰⵙⴻⵔⵙⵉ ⵏ ⵓⵥⵔⵓ ⵏ ⵍⵍⵙⴰⵙ ⵉ ⵓⵙⵓⴷⵓ ⴰⴷⵣⴰⵢⵔⵉ ⵏ ⵓⴷⴰⵡⵉ ⵙ ⵜⴻⴱⵏⵉⵇⵉⵏ ⵜⵉⴳⴻⵊⵊⴰⵜⵉⵏ, , ⴷ ⵡⵉⵏ ⵉⴷⴻⴳ ⴰⵔⴰ ⴷ-ⵢⵉⵍⵉⵏ ⴷⴻⴳ-ⵙ ⵜⴰⵍⵍⵓⵏⵉⵏ ⵏ ⵓⴷⴰⵡⵉ, ⵏ ⵓⵏⴰⴷⵉ, ⴷ ⵓⵙⵙⵉⵍⴻⵖ ⴷⴻⴳ ⵜⵖⵓⵍⵜ ⵏ ⵜⵓⵊⵊⵢⴰ ⵜⴰⵜⵔⴰⵔⵜ ⴷ ⵜⴻⵙⵏⴰⵜⵉⵡⵉⵍⵉⵏ ⵜⵉⵎⴻⴷⴷⵓⵔⴰⵏⵉⵏ.
ⴷⴻⴼⴼⵉⵔ ⵡⴰⵢⴰ, ⴷⴻⴳ ⵜⵖⵉⵡⴰⵏⵜ ⵏ oⵓⵍⴻⴷ ⴼⴰⵢⴻⵜ, ⵢⴻⵙⵙⴻⵔⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵥⵔⵓ ⵏ ⵍⵍⵙⴰⵙ ⵉ ⵓⵙⴻⴹⵔⵓ ⵏ ⵜⵣⴻⵇⵇⴰ ⵜⴰⵎⴻⵇⵔⴰⵏⵜ ⵏ ⵢⵉⵀⴰⵏⴰⵢⴻⵏ ⵙ ⵜⴻⵣⵎⴻⵔⵜ ⵏ 10.000 ⵏ ⵜⴻⵙⵖⵉⵎⵉⵏ, ⵢⴻⵔⵏⵓ ⵜⴻⵙɛⴰ ⵜⴰⵊⵓⵎⵎⴰ ⵏ 60.000 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ, ⵜⴰⵎⵚⵓⴽⵜ-ⴰ ⵉⵙⵡⵉ-ⵏⵏⴻⵙ ⴷ ⴰⴷⵀⴰⵍ ⵏ ⵜⴻⵎⴳⵓⵔⵉ ⵜⴰⴷⴻⵍⵙⴰⵏⵜ ⴷⴻⴳ ⴷⵣⴰⵢⴻⵔ.