ⵉⵙⴻⴱⴳⴻⵏ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵍⴻⵜⵏⵉⵢⵉⵏ, ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵊⴻⴷ ⵙ ⵍⴽⴻⵎ ⵉⵡⴰⴽⴽⴻⵏ ⴰⴷ ⵜⴽⴻⵎⵎⴻⵍ ⵍⴻⵇⴷⵉⵛ ⴰⴽⴽⴻⴷ ⴷⴷⵓⵍⴰ ⵏ ⵍⴼⴰⵜⵉⴽⴰⵏ ⵉ ⵡⴻⵙⵏⴻⵔⵏⵉ ⵏ ⵔⵔⵓⵃ ⵏ ⵓⵎⵙⴻⴼⵀⴻⵎ ⴷ ⵓⵣⴻⵔⵔⴰⵄ ⵏ ⵓⴷⵉⵡⴻⵏ ⴷ ⵓⵙⴻⴷⴷⴻⵙ ⵏ ⵜⵓⴷⴻⵔⵜ ⵏ ⵜⴷⵓⴽⵍⴰ ⴷ ⵓⵎⵢⴰⵍⵍⴻⵍⵜ.
ⴷⴻⴳ ⵡⴰⵡⴰⵍ ⵉ ⵢⴻⵍⵇⴰ ⴷⴻⴳ ⵡⴰⵎⵎⴰⵙ ⴰⴷⴻⵍⵙⴰⵏ ⵏ ⵜⵎⴻⵣⴳⵉⴷⴰ ⵜⴰⵎⴻⵇⵇⵔⴰⵏⵜ ⵏ ⵍⴻⵣⵣⴰⵢⴻⵔ, ⵉⵍⵎⴻⵏⴷ ⵏ ⵓⵔⵣⵉ ⵓⵏⵚⵉⴱ ⵉ ⴷ-ⵢⴻⵅⴷⴻⵎ ⵍⴱⴰⴱⴰ ⵍⴻⵓⵏ ⵖⴻⵔ ⵍⴻⵣⵣⴰⵢⴻⵔ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵏⵏⴰ-ⴰⵙ ⵉ ⵍⴱⴰⴱⴰ: "ⵙⴱⴻⴱⴳⵏⴻⵖ-ⴰⵡⴻⵏ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵊⴻⴷ ⵙ ⵍⴽⴻⵎ ⵉⵡⴰⴽⴽⴻⵏ ⴰⴷ ⵜⴽⴻⵎⵎⴻⵍ ⵍⴻⵇⴷⵉⵛ ⴰⴽⴽⴻⴷ ⴷⴷⵓⵍⴰ ⵏ ⵍⴼⴰⵜⵉⴽⴰⵏ ⵉ ⵡⴻⵙⵏⴻⵔⵏⵉ ⵏ ⵔⵔⵓⵃ ⵏ ⵓⵎⵙⴻⴼⵀⴻⵎ ⴷⴻⴳ ⵓⵎⴽⴰⵏ ⵏ ⵓⴱⴹⵓ, ⴷ ⵓⵣⴻⵔⵔⴰⵄ ⵏ ⵔⵔⵓⵃ ⵏ ⵓⴷⵉⵡⴻⵏ ⴷⴻⴳ ⵓⵎⴽⴰⵏ ⵏ ⵓⵎⴻⵏⵏⵓⵖ, ⴷ ⵓⵙⴻⴷⴷⴻⵙ ⵏ ⵔⵔⵓⵃ ⵏ ⵜⵓⴷⴻⵔⵜ ⵏ ⵜⴷⵓⴽⵍⴰ ⴷ ⵓⵎⵢⴰⵍⵍⴻⵍⵜ ⴷⴻⴳ ⵓⵎⴽⴰⵏ ⵏ ⵜⵄⴷⴰⵡⵉⵜ ⴷ ⵓⵅⴻⵚⵚⴰⵔ."
ⵉⵙⵙⴻⴳⵣⴰ-ⴷ ⵓⵙⴻⵍⵡⴰⵢ ⴱⴻⵍⵍⵉ "ⵍⴻⵣⵣⴰⵢⴻⵔ ⵜⴻⵙⵙⴻⵏ ⵙ ⵜⴻⵍⵇⴻⵢ ⵍⵎⴻⵄⵏⴰ ⵏ ⵡⴰⵣⴰⵍⴻⵏ-ⴰⴳⵉ ⵉ ⴷ-ⵢⴻⵏⵏⵓⵍⴼⴰⵏ ⵙⴻⴳ ⵜⵎⴰⴳⵉⵜ-ⵉⵙ, ⵢⴻⵔⵏⴰ ⵜⴻⵡⵊⴻⴷ ⵉⵡⴰⴽⴽⴻⵏ ⴰⴷ ⵜⴻⵏ-ⵜⴻⵙⵏⴻⵔⵏⵉ ⴷⴻⴳ ⵜⴰⵎⵉⵡⵉⵏ ⵏ ⵍⵎⵓⵃⵉⵜ-ⵉⵙ ⴷ ⴱⴻⵔⵔⴰ ⵏ ⵜⵎⵓⵔⵜ."
ⵢⴻⵔⵏⴰ-ⴷ ⴷⴰⵖⴻⵏ ⴱⴻⵍⵍⵉ "ⵍⴻⵣⵣⴰⵢⴻⵔ ⵜⴻⵍⵍⴰ ⴷⵉⵎⴰ ⴷ ⴰⵎⴽⴰⵏ ⵏ ⵓⵏⵢⵓⴷⴷⵓ ⴷ ⵓⵎⴻⵣⴷⵓⴳ, ⵙ ⵓⴼⵔⴰⵇ ⵏ ⵡⵉⴷ ⵉⵟⵟⴻⵍⵎⴻⵏ ⴷ ⵡⵉⴷ ⵉⵃⴻⵔⵚⴻⵏ, ⵙ ⵓⵃⵔⴰⵣ ⵏ ⵍⵃⵓⵔⵎⴰ ⵏ ⵓⵎⴷⴰⵏ ⴷ ⵓⴱⴻⴷⴷⵉ ⵖⴻⵔ ⵜⴰⵎⴰ ⵏ ⵜⴰⵎⵙⴰⵍⵉⵢⵉⵏ ⵏ ⵍⵃⴻⵇⵇ ⴷⴻⴳ ⴷⴷⵓⵏⵉⵜ ⴽⴰⵎⴻⵍ, ⴰⵎⴰ ⴷⴻⴳ ⵜⴻⴼⵔⵉⵇⵜ, ⴰⵙⵢⴰ, ⵜⴰⵎⵔⵉⴽⵜ ⵏ ⵓⵏⵥⵓⵍ ⵏⴻⵖ ⵓⵍⴰ ⴷⴻⴳ ⵜⵓⵔⵓⴼⵜ."
ⵢⴻⴽⴼⴰ ⴰⵡⴰⵍ-ⵉⵙ ⵙ ⵓⵏⴻⴳⵎⵉ ⴱⴻⵍⵍⵉ: "ⴰⵣⴰⵍⴻⵏ-ⴰⴳⵉ ⵏ ⵓⵎⴷⴰⵏ ⵉ ⵏⴻⵣⵣⴻⵔⵔⴻⵄ ⵢⵉⴷ-ⵡⴻⵏ ⴰ ⵍⴱⴰⴱⴰ, ⴰⵎ ⵜⴰⴷⵔⵉⴼⵜ ⵜⴰⵏⵎⴻⵜⵉⵜ, ⵜⴰⵍⵡⵉⵜ, ⵜⵉⵍⴻⵍⵍⵉ, ⴰⴷⵉⵡⴻⵏ ⴷ ⵜⵓⴷⴻⵔⵜ ⵏ ⵜⴷⵓⴽⵍⴰ, ⴷ ⵡⵉⴷ ⵉ ⴷⴻⴳ ⵏⵓⵎⴻⵏ ⵢⴻⵔⵏⴰ ⵏⴻⴱⵖⴰ ⴰⴷ ⵜⴻⵏ-ⵏⴻⵙⵙⴻⴱⴷⴻⴷ ⴷⴻⴳ ⵜⵎⵉⵡⵉⵏ-ⵏⵏⴻⵖ ⴷ ⴷⴷⵓⵏⵉⵜ ⴽⴰⵎⴻⵍ."
ⴰⵔⵏⵓ ⵖⴻⵔ
