ⴰⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⴷⴻⴳ ⵓⵎⵙⴰⵡⴰⵍ-ⵉⵙ ⴰⴽⴽⴻⴷ ⵜⵓⵖⵎⵉⵙⵉⵏ ⵜⵉⵏⴰⵎⵓⵔⵉⵏ, ⵢⴻⵡⵡⵉ-ⴷ ⴰⵡⴰⵍ ⵖⴻⴼ ⵡⴰⵢⴻⵏ ⵉ ⴷ-ⵜⴻⴳⴳⴰ ⵍⵣⵣⴰⵢⵔ ⴷⴻⴳ ⵡⴰⵟⴰⵙ ⵏ ⵢⵉⵃⵔⵉⵇⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⵓⵔⵜ-ⵏⵏⴻⵖ ⴷ ⵜⴰⵣⵎⴻⵔⵜ ⵏ ⵡⴻⴳⴳⵉⴷ ⴷⵉ ⵜⵎⴻⵏⵏⴰⴹⵜ-ⴰ.
ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⵔ ⵜⴻⵜⵜⵏⴰⴷⵉ ⴰⴷ ⵜⵉⵍⵉ ⴷ "ⵜⴰⵣⵎⴻⵔⵜ ⵏ ⵍⵅⵉⵔ" ⴷⴻⴳ ⵓⵎⴰⴹⴰⵍ. ⵢⴻⵔⵏⴰ ⴰⴳⴷⵓⴷ ⴰⵣⵣⴰⵢⵔⵉ ⴷ ⴰⵃⵓⵔⵔⵉ ⵢⴻⵔⵏⴰ ⴰⴷ ⵢⴻⵇⵇⵉⵎ ⴷ ⴰⵃⵓⵔⵔⵉ ⵖⴰⵙ ⵓⵍⴰ ⵎⴰ ⵍⵍⴰⵏ ⵡⵉⴷ ⵉ ⵢⴻⵜⵜⵏⴰⴷⵉⵏ ⴰⴷ ⴷ-ⴽⴽⴻⵏ ⵎⴳⴰⵍ ⵜⵍⴻⵍⵍⵉ-ⵏⵏⴻⵖ. ⵖⴻⴼ ⵜⴻⴷⵉⵎⵓⵇⵔⴰⵟⵉⵜ, ⵢⴻⵏⵏⴰ-ⴷ ⴱⴻⵍⵍⵉ ⴰⴷ ⴷ-ⵢⵉⵍⵉ ⵓⵙⴻⴳⴳⴻⵎ ⴰⵜⵉⵇⵏⵉ ⵏ ⵜⵎⴻⵏⴹⴰⵡⵜ ⵢⴻⵔⵏⴰ ⴰⴷ ⵢⴻⵍⴷⵉ ⴰⴷⵉⵢⴰⵍⵓⴳ ⴰⴽⴽⴻⴷ ⵢⵉⴽⴰⴱⴰⴱⴻⵏ
ⵖⴻⴼ ⵜⵍⴻⵍⵍⵉ ⵏ ⵡⴰⵡⴰⵍ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⵜⴻⵜⵜⵡⴰⵃⵔⴻⵣ ⴷⵉ ⵍⵇⴰⵏⵓⵏ, ⵍⴰⴽⵉⵏ "ⵔⵔⴳⴻⵎ ⴷ ⵓⴽⴼⵓⵔ" ⵓⵔ ⵜⴻⵏ-ⵢⴻⵇⴱⵉⵍ ⴰⵔⴰ ⵍⵇⴰⵏⵓⵏ, ⵢⴻⵔⵏⴰ ⵜⴰⵎⵓⵔⵜ ⵓⵔ ⵜⴻⵜⵜⴰⵊⵊⴰ ⴰⵔⴰ ⵡⵉⴷ ⵢⴻⵜⵜⵏⴰⴷⵉⵏ ⴰⴷ ⴱⴹⵓⵏ ⴰⴳⴷⵓⴷ.
ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⵉⵎⵣⴷⴰⵖ-ⵏⵏⴻⵖ ⴷⵉ ⴱⴻⵕⵕⴰ, ⵢⴻⵏⵏⴰ-ⴷ ⴱⴻⵍⵍⵉ ⴰⴷ ⴷ-ⵢⵉⵍⵉ ⵓⵙⴳⴻⵎ ⵏ ⵡⴻⴷⴷⴰⴷ (régularisation) ⵏ ⵢⵉⵎⴻⵣⴷⴰⵖ ⵉⵍⵍⴰⵏ ⴷⴻⴳ ⵡⴻⴷⴷⴰⴷ ⵓⵔ ⵏⴻⵍⵀⵉ, ⴰⴱⵍⴰ ⵡⵉⴷ ⵉⵅⴻⴷⵎⴻⵏ ⵎⴳⴰⵍ ⵜⴰⵎⵓⵔⵜ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵢⴰ ⵓⵔ ⵢⴻⵇⵇⵉⵏ ⴰⵔⴰ ⵖⴻⵔ ⵡⴰⵢⴻⵏ ⵜⴻⵅⴷⴻⵎ ⴼⵔⴰⵏⵙⴰ (OQTF).
ⴷⴻⴳ ⵢⵉⵃⵔⵉⵇ ⵏ ⵜⴷⴰⵎⵙⴰ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⴰⴼⴰⵔⵉⵙ ⴰⵎⴰⵜⴰⵢ ⴰⴷⴰ𝙭ⵍⵉ (PIB) ⵏ ⵍⵣⵣⴰⵢⵔ ⴰⴷ ⵢⴻⵣⵔⵉ 400 ⵎⵉⵍⵢⴰⵔ ⵏ ⴷⵓⵍⴰⵔ ⴷⵉ ⵜⴳⴰⵔⴰ ⵏ 2027. ⵢⴻⵡⵡⵉ-ⴷ ⴰⵡⴰⵍ ⵖⴻⴼ ⵓⵙⴻⵏⴼⴰⵔ ⵏ "ⴳⴰⵔⴰ ⵊⴱⵉⵍⴰⵜ" ⴷⵉ ⵜⴻⵏⴷⵓⴼ ⵉ ⵢⴻⵜⵜⴰⴽⴻⵏ 18,000 ⵏ ⵡⴻⵎⴽⴰⵏ ⵏ ⵓⵅⴻⴷⴷⵉⵎ, ⴷ ⵓⵙⴻⵏⴼⴰⵔ ⵏ ⵓⵣⵣⴰⵍ ⴷ ⵓⵣⵉⵏⴽ ⴷⵉ "ⵡⴰⵙⵉⴼ ⴰⵎⵉⵣⵓⵔ" (ⴱⴳⴰⵢⴻⵜ) ⵉ ⵢⴻⵜⵜⵡⴰⴱⴻⴷⴷⵉⵏ ⴰⴷ ⵢⴻⴱⴷⵓ ⴷⵉ ⵍⴱⴻⴷⵡⴰ ⵏ 2026.
ⵖⴻⴼ ⵜⵉⵣⴷⴰⵢⵉⵏ ⵏ ⴱⴻⵕⵕⴰ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⵔ ⵜⴻⵙⵄⴰ ⴰⵙⵙⴰⵖⴻⵏ ⵢⴻⵍⵀⴰⵏ ⴰⴽⴽⴻⴷ ⵜⴰⵍⵢⴰⵏ, ⵙⴱⴰⵏⵢⴰ, ⵍⴰⵍⵎⴰⵏ, ⵎⵉⵔⵉⴽⴰⵏ, ⵔⵔⵓⵙ ⴷ ⵛⵛⵉⵏⵡⴰ. ⵖⴻⴼ ⵍⵎⵓⵔⵉⵜⴰⵏ, ⵢⴻⵏⵏⴰ-ⴷ ⴱⴻⵍⵍⵉ ⴷ ⴰⵢⵜⵎⴰ-ⵜⵏⴻⵖ ⵢⴻⵔⵏⴰ ⴰⴷ ⵜⴻⵏ-ⵏⵄⴰⵡⴻⵏ. ⵖⴻⴼ ⵏⵏⵉⵊⴻⵔ, ⵢⴻⵄⵔⴻⴹ-ⴷ ⴰⵙⴻⵍⵡⴰⵢ-ⵏⵏⵉ "ⵄⴰⴱⴷⴻⵍⵔⴰⵃⵎⴰⵏ ⵜⵢⴰⵏⵉ" ⴰⴷ ⴷ-ⵢⴰⵙ ⵖⴻⵔ ⵍⵣⵣⴰⵢⵔ. ⵖⴻⴼ ⵍⵉⴱⵢⴰ, ⵢⴻⵏⵏⴰ-ⴷ ⴱⴻⵍⵍⵉ ⴰⵢⴻⵏ ⵢⵓⵖⴻⵏ ⵍⵉⴱⵢⴰ ⵢⵓⵖ ⵍⵣⵣⴰⵢⵔ, ⵢⴻⵔⵏⴰ ⵢⴻⵍⵍⴰ ⴷⴰⵖⴻⵏ ⵡⴰⵡⴰⵍ ⵢⴻⵍⵀⴰⵏ ⵖⴻⴼ ⵎⵉⵚⵔ, ⵇⴰⵟⴰⵔ ⴷ ⵙⵙⴰⵄⵓⴷⵉⵢⴰ.
ⴷⵉ ⵜⴳⴰⵔⴰ, ⴰⵙⴻⵍⵡⴰⵢ ⵢⴻⵡⵡⵉ-ⴷ ⴰⵡⴰⵍ ⵖⴻⴼ ⵡⴰⴷⴷⴰⵍ (sport), ⵢⴻⵏⵏⴰ-ⴷ ⴱⴻⵍⵍⵉ ⵢⴻⵜⵜⴰⴱⴰⵄ ⵙ ⵍⵃⴻⵔⵙ ⵜⴰⵔⴱⴰⵄⵜ ⵜⴰⵏⴰⵎⵓⵔⵜ ⵏ ⴷⴷⴰⴱⴻⵅ ⵏ ⵓⴹⴰⵔ ⵢⴻⵔⵏⴰ ⵢⴻⵜⵜⴻⴼⵔⴰⵃ ⴰⵟⴰⵙ ⵎⴰ ⵢⴻⵍⵍⴰ ⵔⴱⴻⵃⵏ.
ⴰⵔⵏⵓ ⵖⴻⵔ
