ⴰⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⵔ ⵜⴻⵜⵜⴻⴽⴽⵉ ⴷⴰⵢⴻⵎ ⵉⵡⴰⴽⴽⴻⵏ ⴰⴷ ⵜⵉⵍⵉ ⴷ ⵜⴰⵣⵎⴻⵔⵜ ⵏ ⵡⴻⴳⴳⵉⴷ , ⵙ ⵜⵉⵣⴷⴰⵢⵉⵏ ⵢⴻⵍⵀⴰⵏ ⵉ ⵜⴻⵙⵄⴰ ⴰⴽⴽⴻⴷ ⵜⵎⵓⵔⴰ ⵏ ⵍⵊⵉⵡⴰⵔ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵢⴻⵄⵔⴻⴹ-ⴷ ⴰⵙⴻⵍⵡⴰⵢ ⵏ ⵏⵏⵉⵊⴻⵔ ⴰⴷ ⴷ-ⵢⴰⵙ ⵖⴻⵔ ⵍⵣⵣⴰⵢⵔ.
ⴷⴻⴳ ⵓⵎⵙⴰⵡⴰⵍ-ⵉⵙ ⴰⴽⴽⴻⴷ ⵜⵓⵖⵎⵉⵙⵉⵏ, ⴰⵙⴻⵍⵡⴰⵢ ⵢⴻⵡⵡⵉ-ⴷ ⴰⵡⴰⵍ ⵖⴻⴼ ⵡⴰⵟⴰⵙ ⵏ ⵜⵎⵓⵔⴰ:
ⵍⵎⵓⵔⵉⵜⴰⵏ: ⵢⴻⵏⵏⴰ-ⴷ ⴱⴻⵍⵍⵉ ⴰⵙⵙⴰⵖ ⵏ ⵍⵊⵉⵡⴰⵔ ⴰⴽⴽⴻⴷ ⵍⵎⵓⵔⵉⵜⴰⵏ ⴷ ⵡⵉⵏ ⵏ ⵡⴰⵢⵜⵎⴰ, ⵢⴻⵔⵏⴰ ⵍⵣⵣⴰⵢⵔ ⵜⴻⵜⵜⵄⴰⵡⴰⵏ-ⵉⵜ ⴷⵉ ⵜⴷⵓⵙⵉ (santé) ⴷ ⵓⵙⴻⴳⵎⵉ . ⵢⴻⵔⵏⴰ ⵍⵎⵓⵔⵉⵜⴰⵏ ⵜⵍⴻⵍⵍⵉ ⴷⵉ ⵜⵉⵣⴷⴰⵢⵉⵏ-ⵉⵙ ⵜⵉⴱⴻⵕⵕⴰⵏⵉⵏ.
ⵏⵏⵉⵊⴻⵔ ⴷ ⵙⵙⴰⵃⴻⵍ: ⵢⴻⵏⵏⴰ-ⴷ ⴱⴻⵍⵍⵉ ⵢⴻⵙⵄⴰ ⵇⴰⴷⴻⵔ ⵉ ⵓⵙⴻⵍⵡⴰⵢ ⵏ ⵏⵏⵉⵊⴻⵔ ⵎⴰⵙ "ⵄⴰⴱⴷⴻⵍⵔⴰⵃⵎⴰⵏ ⵜⵢⴰⵏⵉ", ⵢⴻⵔⵏⴰ ⵢⴻⵄⵔⴻⴹ-ⵉⵜ-ⵉⴷ ⴰⴷ ⴷ-ⵢⴰⵙ ⵖⴻⵔ ⵍⵣⵣⴰⵢⵔ. ⵖⴻⴼ ⵎⴰⵍⵉ, ⵢⴻⵏⵏⴰ-ⴷ ⴱⴻⵍⵍⵉ ⴰⵎⴻⵣⵔⵓⵢ-ⵏⵏⴻⵖ ⴷ ⵢⵉⵡⴻⵏ, ⵢⴻⵔⵏⴰ ⵢⴻⴼⴽⴰ-ⴷ ⵍⴻⵏⴱⵉⵀ ⵖⴻⴼ ⵡⵉⴷ ⵉ ⴷ-ⵢⴻⵜⵜⴰⵙⴻⵏ ⵉⵡⴰⴽⴽⴻⵏ ⴰⴷ ⵙⵍⴻⵃⵏ ⵏⴻⵖ ⴰⴷ ⴽⴽⴻⵔⵣⴻⵏ ⵍⵅⵉⵔⴰⵜ ⵏ ⵜⵎⵓⵔⵜ-ⵏⵏⵉ. ⴰⵙⵙⴰⵖⴻⵏ ⴰⴽⴽⴻⴷ ⴱⵓⵔⴽⵉⵏⴰⴼⴰⵙⵓ ⴷ ⵉⴼⴰⵣⴻⵏ.
ⵍⵉⴱⵢⴰ: ⵢⴻⵏⵏⴰ-ⴷ ⴱⴻⵍⵍⵉ ⴰⵢⴻⵏ ⵢⵓⵖⴻⵏ ⵍⵉⴱⵢⴰ ⵢⵓⵖ ⵍⵣⵣⴰⵢⵔ. ⵢⴻⵙⵙⴻⴼⴽ ⴰⴷ ⵊⵊⴻⵏ ⵉⵍⵉⴱⵉⵢⴻⵏ ⴰⴷ ⴼⵔⴻⵏ ⵡⵉⴷ ⴰⴷ ⵜⴻⵏ-ⵢⴻⵎⵎⴻⵜⵍⴻⵏ ⵙ ⵜⵉⴼⵔⴰⵏⵉⵏ.
ⵎⵉⵚⵔ ⴷ ⵜⵎⵓⵔⴰ ⵏ ⵍⵅⴰⵍⵉⵊ: ⵢⴻⵏⵏⴰ-ⴷ ⴱⴻⵍⵍⵉ ⴰⵙⵙⴰⵖ ⴰⴽⴽⴻⴷ ⵎⵉⵚⵔ ⵢⴻⵣⵔⵉ 70 ⵉⵙⴻⴳⴳⴰⵙⴻⵏ ⵏ ⵜⴷⵓⴽⵍⵉ, ⵢⴻⵔⵏⴰ ⵍⵣⵣⴰⵢⵔ ⵓⵔ ⵜⴻⵇⴱⵉⵍ ⴰⵔⴰ ⴰⵢⴻⵏ ⴰⴷ ⵜ-ⵢⵓⵖⴻⵏ. ⵢⴻⵛⴽⴻⵔ ⴷⴰⵖⴻⵏ ⴰⵙⵙⴰⵖⴻⵏ ⴰⴽⴽⴻⴷ ⵇⴰⵟⴰⵔ, ⵍⴽⵓⵡⵉⵜ ⴷ ⵙⵙⴰⵄⵓⴷⵉⵢⴰ, ⵢⴻⵏⵏⴰ-ⴷ ⴱⴻⵍⵍⵉ ⴷ ⴰⵙⵙⴰⵖⴻⵏ ⵏ ⵜⴳⵎⴰⵜ (fraternité) ⵢⴻⵍⵍⴰⵏ ⴷⴻⴳ ⵓⵙⵡⵉⵔ ⴰⵄⵍⴰⵢⴰⵏ.
ⵍⴻⵏⴱⵉⵀ ⵉ ⵢⵉⵡⴻⵜ ⵜⵎⵓⵔⵜ: ⴷⵉ ⵜⴳⴰⵔⴰ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⵜⴻⵍⵍⴰ ⵢⵉⵡⴻⵜ ⵜⵎⵓⵔⵜ ⵜⴰⵎⴻⵥⵢⴰⵏⵜ (ⵜⴰⴷⵡⵉⵍⵜ) ⵉ ⵢⴻⵄⵔⴻⴹⵏ ⴰⴷ ⵜⴻⴷⴷⴻⵯⴻⵍ ⴷⵉ ⵜⵉⴼⵔⴰⵏⵉⵏ ⵏ ⵍⵣⵣⴰⵢⵔ ⴷ ⵢⵉⵙⴻⵏⴼⴰⵔⴻⵏ-ⵏⵏⵉⴹⴻⵏ. ⵢⴻⵏⵏⴰ-ⴷ ⵙ ⵡⴰⴽⴽⴰ: "ⵙⵙⴰⵔⴰⵎⴻⵖ ⵓⵔ ⵏⴻⵏⴷⴻⵎ ⴰⵔⴰ ⵖⴻⴼ ⵡⴰⵙⵙ ⵏⵏⵉ ⴷⴻⴳ ⵜ-ⵏⴻⵙⵙⴻⵏ".
ⴰⵔⵏⵓ ⵖⴻⵔ
