ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵜⵉⵎⵏⴰⴷⵉⵏ ⴷ ⵢⵉⵙⵓⴽⴻⵏ ⵏ ⵜⴻⴳⴷⵓⴷⴰ ⵏ ⵜⵓⵏⴻⵙ, ⵎⴰⵙⵙ ⵉⵎⴻⴷ ⴷⴻⵔⴱⴰⵍⵉ, ⵉⵙⵙⴻⴽⵏⴻⴷ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵣⴰⵍ ⵏ ⵓⵙⵏⴻⵔⵏⵉ ⵏ ⵓⵎⵢⴻⵛⵛⴻⵔ ⴷ ⵓⵣⴻⴶⴶⴻⴷ ⵏ ⵡⴰⵙⵙⴰⵖⴻⵏ ⵉⴼⴰⵣⴻⵏ ⵉ ⵢⴻⵙⴷⵓⴽⴽⵍⴻⵏ ⵍⴻⵣⵣⴰⵢⴻⵔ ⴷ ⵜⵓⵏⴻⵙ, ⵉⵡⴰⴽⴽⴻⵏ ⴰⴷ ⴷ-ⴳⵍⵓⵏ ⵙ ⵏⴼⴰⵄ ⵉ ⵙⵏⴰⵜ ⵏ ⵜⵎⵓⵔⴰ ⴷ ⵢⵉⴳⵓⵔⴻⴼ-ⵏⵙⴻⵏ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵜⵏⴻⵖⵎⴰⵙⵜ (ⵒⵔⴻⵙⵙⴻ) ⵙⴻⵍⴷ ⴰⵎⵎⴰⴳⴻⵔ-ⵉⵙ ⴷ ⵜⴰⵔⴱⴰⵄⵜ ⵉ ⵜ-ⵉⴷ-ⵉⵎⵓⵏⵏⴻⵏ ⵙ ⵜⴰⵎⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴷⴻⴳ ⵓⴱⵉⵕⵓ ⵏ ⵜⵙⴻⵍⵡⵉⵜ, ⵎⴰⵙⵙ ⴷⴻⵔⴱⴰⵍⵉ ⵢⴻⵏⵏⴰ-ⴷ ⴱⴻⵍⵍⵉ ⵉⵙⵉⵡⴹ-ⴰⵙ-ⴷ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵙⵙⵍⴰⵎ ⵏ ⴳⵎⴰ-ⵙ ⴰⵙⴻⵍⵡⴰⵢ ⵏ ⵜⵓⵏⴻⵙ, ⵎⴰⵙⵙ ⵇⴰⵉⵙ ⵙⴰⵉⴻⴷ, ⵢⴻⵔⵏⴰ ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⵎⵎⴻⵙⵍⴰⵢⴻⵏ ⵖⴻⴼ "ⵡⴰⵙⵙⴰⵖⴻⵏ ⵉⴼⴰⵣⴻⵏ ⵉⵕⴻⵙⵙⴰⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ".
ⵢⴻⵔⵏⴰ-ⴷ ⵢⴻⵏⵏⴰ-ⴷ ⴱⴻⵍⵍⵉ ⴷⴻⴳ ⵜⴰⵍⵍⵉⵜ-ⴰⴳⵉ, ⴷ ⴰⴼⵓⴷ ⴰⵎⴻⵇⵇⵔⴰⵏ ⵉⵡⴰⴽⴽⴻⵏ "ⴰⴷ ⴷ-ⵢⵉⵍⵉ ⵓⵙⴻⴷⴷⴻⵔ ⵏ ⵓⵎⵢⴻⵛⵛⴻⵔ ⴷ ⵓⵣⴻⴶⴶⴻⴷ ⵏ ⵡⴰⵙⵙⴰⵖⴻⵏ ⵉ ⵏⴼⴰⵄ ⵏ ⵢⵉⴳⵓⵔⴻⴼ ⴷ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ", ⵎⴻⴱⵍⴰ ⵎⴰ ⵜⴻⵜⵜⵓⴹ ⵜⴰⵍⵍⵉⵜ ⵏ ⵓⵏⵏⴰⵖ ⴷ ⵓⵎⴻⵣⵔⵓⵢ ⵉ ⵜⴻⵏⵜ-ⵢⴻⵙⴷⵓⴽⴽⵍⴻⵏ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⴰⵎⵎⴰⴳⴻⵔ-ⴰⴳⵉ ⵢⴻⵍⵍⴰ-ⴷ ⵙ ⵜⵎⵓⵖⵍⵉ ⵏ ⵎⴰⵙⵙ: ⵄⵣⵓⵣ ⵏⴰⵚⵔⵉ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵏⵉⴳ (ⵙéⵏⴰⵜ), ⴱⵡⴰⵄⵍⴻⵎ ⴱⵡⴰⵄⵍⴻⵎ, ⴰⵎⴹⴻⴱⴱⴻⵔ ⵏ ⵓⴱⵉⵕⵓ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ, ⵄⴻⵎⵎⴰⵔ ⵄⴻⴱⴱⴰ, ⴰⵎⵙⵉⵡⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵜⴻⵎⵙⴰⵍ ⵏ ⵜⴷⵉⴱⵍⵓⵎⴰⵙⵉⵜ, ⴷ ⴼⴰⵔⵉⴷ ⴽⵓⵔⵜⴻⵍ, ⴰⵎⵙⵉⵡⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵜⴻⵎⵙⴰⵍ ⵏ ⵜⴷⴰⵎⵙⴰ.
ⴰⵔⵏⵓ ⵖⴻⵔ
