ⴰⵙⴻⵍⵡⴰⵢ ⴰⵏⴳⵓⵍⵉ ⵢⴻⵙⵙⵏⴻⵎⵎⴻⵔ ⵜⴰⵎⵍⵉⵍⵜ ⵜⴰⵅⴰⴰⵔⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵓⵖⵏⴰⵙ ⵎⴳⴰⵍ ⵜⵔⴻⵎⵖⴰ ⴷ ⵜⴰⵥⵔⵉⵖⴻⴼⵜ ⴷⴻⴳ ⵜⴻⴼⵔⵉⵇⵜ

ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⵏⴻⵎⵎⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⴰⵏⴳⵓⵍⴰ, ⵎⴰⵙⵙ ⵊⵓⴰⵓ ⵍⵓⵔⴻⵏⵙⵓ, ⴷⴻⴳ ⵡⴰⵙⵙ ⵏ ⵓⵙⵉⵏⴰⵙ, ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵎⵍⵉⵍⵜ ⵜⴰⵅⴰⵜⴰⵔⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷⴻⴳ ⵓⵖⵏⴰⵙ ⵎⴳⴰⵍ ⵜⵔⴻⵎⵖⴰ ⴷ ⵓⴽⴽ ⵜⵓⴳⵏⴰⵜⵉⵏ ⵏ ⵜⴻⵥⵔⵉⵖⴻⴼⵜ ⴷⴻⴳ ⵓⵎⴻⵏⵥⴰⵡ ⴰⴼⵔⵉⵇⵉ.

ⴷⴻⴳ ⵉⵏⵏⴰⵡ ⵉ ⴷ-ⵢⴻⵏⵏⴰ ⴷⴻⴳ ⵜⵖⴻⵍⵉⵍⵜ ⵜⴰⵙⵓⵔⴼⴰⵏⵜ ⵏ ⵓⵎⵏⵉ, ⵢⴻⴷⴷⵓⴽⴽⵍⴻⵏ ⵙ ⵙⴻⵏⵜ ⵏ ⵜⴻⵅⵅⴰⵎⵉⵏ-ⵏⵏⴻⵙ ⴷⴻⴳ ⵓⴳⴻⵎⵎⵉⵡ ⵏ ⵢⵉⵖⵍⴰⵏⴻⵏ ⴷⴻⴳ ⵓⵇⵓⵙⵉⵙ ⵏ ⵓⵣⴰⵎⴱⵉ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵓⵏⴳⵓⵍⵉ ⴱⴻⵍⵍⵉ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ ⵢⵓⵖⵍⴰ-ⴷ ⴷ ⴰⵙⴰⴹ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵓⵖⵏⴰⵙ ⵎⴳⴰⵍ ⵜⵔⴻⵎⵖⴰ ⴷ ⵓⴽⴽ ⵜⵓⴳⵏⴰⵜⵉⵏ ⵏ ⵜⴻⵥⵔⵉⵖⴻⴼⵜ, ⵢⴻⵔⵏⵉ ⵉⴱⴻⵢⵢⴻⵏ ⴱⴻⵍⵍⵉ ⴷⵣⴰⵢⴻⵔ ⵜⴻⵜⵜⵙⴰⵡⴰ ⵓⵙⵙⵉⵙⴻⵏ ⵉⵎⴻⵇⵇⵔⴰⵏⴻⵏ ⵢⴻⵙⵜⴰⵀⴻⵍⵏ ⴰⵙⵏⴻⵎⵎⴻⵔ ⵉⵍⵎⴻⵏⴷ ⵏ ⵜⵎⴰⴼⵉⵜ ⵏ ⵜⵓⴼⵔⴰⵜⵉⵏ ⵉ ⵡⵓⴳⵓⵔⴻⵏ ⴷ ⵢⵉⵛⵇⵉⵔⵔⵉⵡⴻⵏ ⵢⴻⵜⵜⵇⴰⴱⴰⵍⴻⵏ ⵜⴰⴼⵔⵉⵇⵜ.

ⵢⴻⵙⵙⵡⴰⵍⵍⴻⵀ ⵉⵏⴻⴱⴳⵉ ⵏ ⴷⵣⴰⵢⴻⵔ ⵙⴻⴳ ⵓⵎⵉⵣⴰ ⵏ ⵜⵓⴷⴷⵙⵉⵡⵉⵏ ⵜⵉⵔⴻⵎⵖⴰⵏⵉⵏ ⴷ ⵎⴰⵜⵜⴰ ⵉ ⴷ-ⵜⵜⵙⴰⵡⴰⵏ ⴷⴻⴳ ⵓⵙⵔⴻⴱⵣⵉ ⵏ ⵓⵔⴽⴰⴷ ⵏ ⵢⵉⵡⴰⵏⴰⴽⴻⵏ, ⵢⴻⵔⵏⵉ ⵉⵡⴻⴽⴽⴻⴷ ⵖⴻⴼ ⵜⴹⵓⵍⵍⵉ ⵏ ⵓⵎⴰⵀⵉⵍ ⴰⵖⴻⵜⵜⴰⵙ ⵖⴻⴼ ⵜⵓⴽⴽⵙⴰ ⵏ ⵜⵓⵎⴰⵏⵜ-ⴰⵢⴰ.

ⴷⴻⴳ ⵡⴰⵜⴰⵍ-ⴰⵢⴰ, ⵉⵡⴻⴽⴽⴻⴷ ⵓⵙⴻⵍⵡⴰⵢ ⵊⵓⴰⵓ ⵍⵓⵔⴻⵏⵙⵓ, ⵖⴻⴼ ⵍⴻⴳⴷⴻⵔ ⵏ ⵡⴰⵙⵙⴰⵖⴻⵏ ⵉⵎⴻⵣⵔⵓⵢⴰⵏⴻⵏ ⵢⴻⵍⵍⴰⵏ ⵊⴰⵔ ⴷⵣⴰⵢⴻⵔ ⴷ ⵜⵎⵓⵔⵜ-ⵏⵏⴻⵙ, ⵢⴻⵔⵏⵉ ⵢⴻⵙⵙⵎⴻⴽⵜⵉ ⴱⴻⵍⵍⵉ ⵉⵍⵎⴻⵏⴷ ⵏ ⵓⴷⵀⴰⵍ ⵏ ⴷⵣⴰⵢⴻⵔ, ⵜⵓⵖⴰⵍ-ⴷ ⴰⵏⴳⵓⵍⴰ ⴷ ⵜⴰⵎⵓⵔⵜ ⵜⴰⵎⵣⴰⵔⵓⴳⵜ ⵢⴻⵙⵄⴰⵏ ⵜⴰⵏⴰ-ⵏⵏⴻⵙ, ⵢⴻⵔⵏ ⵜⴻⵥⵔⴰ ⵎⵍⵉⵃ ⵉⵛⵇⵉⵔⵔⵉⵡⴻⵏ ⵢⴻⵍⵍⴰⵏ ⵙⴷⴰⵜ-ⵙ.

ⵢⴻⵎⵎⴻⴽⵜⵉ-ⴷ ⴷⴻⴳ ⵜⵓⴳⵏⴰ-ⴰⵢⴰ, ⵜⴰⵎⵍⵉⵍⵜ ⵏ ⵢⵉⵙⴻⵍⵡⴰⵢⴻⵏ ⵉⵏⴻⵔⵃⴰⵎ ⴰⵀⵎⴻⴷ ⴱⴻⵏⴱⴻⵍⵍⴰ ⴷ ⵀⵓⴰⵔⵉ ⴱⵓⵎⴻⴷⵉⴻⵏ ⵢⴻⵍⵍⴰ, ⴰⵎⵎⴻⴽ ⵉ ⴷ-ⵢⴻⵏⵏⴰ ⵏⴻⵜⵜⴰ, ⴷ ⵓⴷⵎⴰⵡⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵜⴻⴼⵔⵉⵇⵜ, ⵢⴻⵅⴹⴰ ⴽⴰⵏ ⴷ ⵢⵉⵙⴻⵍⵡⴰⵢⴻⵏ ⵏ ⴷⵣⴰⵢⴻⵔ.

ⵢⴻⵔⵏⵉ ⵢⴻⵙⵙⴻⴷⴷⵉ ⴱⴻⵍⵍⵉ ⴷⵣⴰⵢⴻⵔ ⴷ ⵜⴰⵎⵓⵔⵜ ⵜⴰⵡⴻⵍⵜⵎⴰⵜ, ⵢⴻⵔⵏ ⴷ ⴰⵏⴻⴱⵍⴰⴳ ⵉⵜⴻⴱⵜⴻⵏ ⴰⴽⴽⴻⴷ ⴷ ⵓⵙⴱⵉⴹ, ⵜⴱⴻⵟⵟⴰ ⵜⴳⴰⵔⴰ-ⵏⵏⴻⵙ ⵓⴽⴽ ⴰⵣⴰⵍⴻⵏ ⵢⴻⵍⵍⴰⵏ ⵓⵖⴰⵍⴻⵏ ⴷ ⵜⴰⴳⵉⴷⵉⵜ ⵜⴰⵎⴻⵇⵇⵔⴰⵏⵜ ⵙⴻⴳ ⵍⴰⴱⴰⵙ ⵏ ⵢⵉⵙⴻⴳⴳⴰⵙⴻⵏ ⵏ ⵡⴰⵙⵙⴰⵖⴻⵏ ⵉⴳⴻⴷⵔⴻⵏ ⵊⴰⵔ ⵢⵉⵡⴰⵏⴰⴽⴻⵏ, ⵢⴻⵔⵏⵉ ⵢⴻⴱⴷⴻⵔ ⵖⴻⴼ ⵜⵉⴽⴻⵍⵜ-ⵏⵏⵉⴹⴻⵏ ⵍⴻⴳⴷⴻⵔ ⵏ ⵡⴰⵙⵙⴰⵖⴻⵏ ⵢⴻⵍⵍⴰⵏ ⴰⵔ-ⴰⵜⵙⴻⵏ, ⵉⵍⵎⴻⵏⴷ ⵏ ⵎⴰⵜⵜⴰ ⵙⵙⵄⴻⴷⴷⴰⵏ ⵉⵄⴻⵔⴼⴻⵏ ⵙⴻⴳ ⵓⵙⴻⵃⵇⴻⵔ ⴷⴻⴳ ⵜⴰⵍⵍⵉⵜ ⵏ ⵓⵙⴻⵀⵔⴻⵙ, ⵢⴻⵍⵍⴰⵏ ⵢⴻⵃⵡⴰⵊ ⴰⴷ ⵢⴻⴽⴻⵔ ⵉⴱⴰⵖⵓⵔⴻⵏ ⵏ ⵓⵎⴻⵏⵥⴰⵡ ⴰⴼⵔⵉⵇⵉ, ⵢⴻⵔⵏⵉ ⴰⴷ ⵢⴻⴽⴽⴻⵙ ⵜⴰⵖⴻⵛⵜ ⵏ ⵢⵉⵖⴻⵔⴼⴻⵏ-ⵏⵏⴻⵙ ⴷⴻⴳ ⵜⴻⴷⵢⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⴷⴻⴳ ⵉ ⴷ-ⵢⴻⵎⵎⴻⴽⵜⵉ ⴷⴻⴳ ⵡⴰⵜⵜⴰⵍ-ⴰⵢⴰ, ⵜⵉⵏⴻⴳⵣⴰⵔⵉⵏ ⵏ 8 ⴷⴻⴳ ⵎⴰⵢⵓ 1945 ⵢⴻⵍⵍⴰ ⵉⴳⵉ-ⵜⴻⵏ ⵓⵡⴷⴰⴳ ⴰⴼⵕⴰⵏⵙⵉ ⴷⴻⴳ ⴷⵣⴰⵢⴻⵔ.

ⵢⴻⵙⵙⵓⵎⴻⵔ ⵓⵙⴻⵍⵡⴰⵢ ⴰⵏⴳⵓⵍⵉ, ⴷⴻⴳ ⵢⵉⵏⵏⴰⵡ-ⵏⵏⴻⵙ, ⵜⴻⴷⴳⵉⵡⵉⵏ ⵓⴱⵍⵉⴳⵉⵏ ⵊⴰⵔ ⵢⵉⵡⴰⵏⴰⴽⴻⵏ ⴷ ⵜⵎⵓⵖⵍⵉ ⵜⴰⵢⵓⵏⴰⵏⵜ-ⵏⵙⴻⵏ ⵖⴻⴼ ⵍⴰⴱⴰⵙ ⵏ ⵜⵎⵓⵙⴰⵍ ⵜⵉⴳⵔⴰⵖⵍⴰⵏⵉⵏ ⴷ ⵜⴻⴼⵔⵉⵇⵉⵢⵉⵏ, ⴷ ⵜⵖⴰⵡⵙⴰ ⵢⴻⵍⵍⴰⵏ ⵜⴻⵜⵜⵃⴻⵜⵜⴰⵎ ⴼⴻⵍⵍⴰ-ⵙⴻⵏ ⴰⴷ ⵎⴰⵀⵍⴻⵏ ⵊⵎⵉⵄ ⵖⴻⴼ ⵓⴱⴻⵢⵢⴻⵏ ⵏ ⵜⵓⵣⵡⵉⵔⵉⵏ ⵜⵓⴱⵍⵉⴳⵉⵏ, ⴷ ⵜⵉⵙⴻⵎⵙⴻⴷⴷⴰ ⵏ ⵓⴱⵍⴰⴳ ⵜⵓⵔⵎⵉⴷⵉⵏ ⵉⵍⵎⴻⵏⴷ ⵏ ⵓⵙⵏⴻⴳⵎⵓ ⴷ ⵓⵔⴽⴰⴷ ⴷⴻⴳ ⵓⵎⴻⵏⵥⴰⵡ.

ⵢⴻⵔⵏⵉ ⵢⴻⴱⴷⴻⵔ ⴷⴻⴳ ⵡⴰⵜⵜⴰⵍ-ⴰⵢⴰ, ⵜⴰⴹⵓⵍⵍⵉ ⵏ ⵍⴻⵄⵏⴰⵢⴰ ⵙ ⵜⵎⵓⵙⴰⵍ ⵏ ⵢⵉⴱⴻⴷⴷⵉⵍⴻⵏ ⵏ ⵓⵏⴻⵣⵡⵉ, ⴷ ⵓⵙⴻⴳⴷⴻⵔ ⵏ ⵓⴳⴻⵏⵙⴻⵙ ⵏ ⵢⵉⵡⴰⵏⴰⴽⴻⵏ ⵉⴼⵔⵉⵇⵉⵢⴻⵏ ⴷⴻⴳ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ, ⵢⴻⵔⵏⵉ ⵢⴻⴱⴷⴻⵔ ⴱⴻⵍⵍⵉ ⵜⴰⴼⵔⵉⵇⵜ ⵡⴻⵔⵄⴰⴷ ⵜⴻⵍⵍⴰ ⴷⴻⴳ ⵡⴰⴳⴳⴰⵣ ⵏ ⵢⵉⴽⵉⵍⴰⵍ ⵉⵡⴻⵔⴷⴰⵏⵉⵢⴻⵏ, ⵉⵍⵎⴻⵏⴷ ⵏ ⵎⴰⵜⵜⴰ ⵢⴻⵍⵍⴰⵏ ⵖⴻⵔ-ⵙ ⵙⴻⴳ ⵜⵉⵖⴱⵓⵍⴰ ⴷ ⵢⵉⴱⴰⵖⵓⵔⴻⵏ, ⴱⴰⵛ ⴰⴷ ⵉⵡⴻⴽⴽⴻⴷ ⵖⴻⴼ ⵜⴹⵓⵍⵍⵉ ⵏ ⵓⵙⴻⵎⵔⴻⵙ ⵏ ⵜⵣⴻⵎⵎⴰⵔ-ⵏⵏⴻⵙ, ⴷ ⵓⵙⵓⵜⴻⴳ ⵏ ⵜⵉⵖⴱⵓⵍⴰ-ⵏⵏⴻⵙ ⴷⴻⴳ ⵍⴼⴰⵢⴻⴷⵜ ⵏ ⵢⵉⵖⴻⵔⴼⴻⵏ-ⵏⵏⴻⵙ.

ⵉⵍⴰⵖⴰ-ⴷ ⴷⴻⴳ ⵡⴰⵜⵜⴰⵍ-ⴰⵢⴰ, ⵉ ⵜⵓⴽⴽⵙⴰ ⵏ ⵓⴽⴽ ⵜⴰⵍⵖⵉⵡⵉⵏ ⵏ ⵓⵙⴻⵃⵇⴻⵔ ⴷ ⵓⴼⴻⵢⵢⵉ ⵏ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⵓⴱⴻⴷⴷⴻⵏ ⵖⴻⴼ ⵓⵎⵢⴻⵔⵣⴰⴽ, ⵢⴻⵔⵏ ⵉⴱⴻⴷⴷ ⵖⴻⴼ ⵜⴹⵓⵍⵍⵉ ⵏ ⵓⵙⴻⵎⵔⴻⵙ ⵏ ⵜⵓⴼⵔⴰⵜⵉⵏ ⵜⵉⴷⵉⴱⵍⵓⵎⴰⵜⵉⵢⵉⵏ ⴷ ⵓⴷⵉⵡⴻⵏⵏⵉ ⵖⴻⴼ ⵓⵙⵎⵉⵔⵉ ⵏ ⵢⵉⵎⵢⴻⵏⴽⴰⴼⴻⵏ ⴷ ⵢⵉⵎⴳⵓⵔⴰ.

ⴷⴻⴳ ⵢⵉⴷⵉⵙ ⵢⴻⵄⵏⴰⵏ ⵓⴽⴽ ⵢⵉⴷⵉⵙⴻⵏ ⵏ ⵓⵏⵎⵉⵔⴻⴳ ⴰⵙⵉⵏⴷⵉⵙⴰⵏ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵊⵓⴰⵓ ⵍⵓⵔⴻⵏⵙⵓ, ⴱⴻⵍⵍⵉ ⴰⵙⵙⴰⵖⴻⵏ ⵊⴰⵔ ⴷⵣⴰⵢⴻⵔ ⴷ ⴰⵏⴳⵓⵍⴰ, ⵜⵜⴰⵡⵉⵏ ⵢⵉⵥⵓⵔⴰⵏ-ⵏⵙⴻⵏ ⵙⴻⴳ ⵉⵣⵔⵉ ⵓⴱⵍⵉⴳ, ⴷ ⵓⵎⵢⴻⴼⴽ ⵏ ⵜⴻⵔⵎⵉⵜⵉⵏ, ⵢⴻⵔⵏⵉ ⵢⴻⵙⵙⵎⴻⴽⵜⵉ ⵙ ⵓⵡⵡⴰⵙ ⵏ ⴷⵣⴰⵢⴻⵔ ⴷⴻⴳ ⵓⵙⴻⵖⵏⴻⵡ ⵏ ⵜⴰⵔⵎⵉⵚⵜ ⵜⴰⵖⴻⵍⵏⴰⵡⵜ ⵜⵓⵏⴳⵓⵍⵉⵜ “ⵙⵓⵏⴰⵏⴳⵓⵍ”, ⴷ ⵜⵖⴰⵡⵙⴰ ⵢⴻⵍⵍⴰⵏ ⴷ ⵜⴰⴳⵉⴷⵉⵜ ⵖⴻⴼ ⵓⵙⴻⴳⴷⴻⵔ ⵏ ⵓⴱⵍⴰⴳ ⵊⴰⵔ ⵢⵉⵡⴰⵏⴰⴳⴻⵏ, ⴷ ⵡⴰⵎⵎⴰⴷ ⵏ ⵜⵣⴻⵎⵎⴰⵔ ⵢⴻⵍⵍⴰⵏ ⵖⴻⴼ ⵜⵎⴻⵚⴽⵉⵡⵜ ⵏ ⵢⵉⵎⴰⵍ ⵉⴱⴻⴷⴷⴻⵏ ⵖⴻⴼ ⵓⵎⵢⴻⴼⴽ ⴷ ⵍⴼⴰⵢⴻⴷⵜ ⵜⵓⴱⵍⵉⴳⵜ, ⵍⴰⴷⵖⴰ ⴷⴻⴳ ⵓⴷⵀⴰⵍ ⵏ ⵜⴹⵓⵎⵚⵓⴽⵉⵏ ⴷ ⵓⵙⴻⴳⴷⴻⵔ ⵏ ⵓⵍⵣⵓⵣ ⴰⴼⵔⵉⵇⵉ ⵓⴱⵍⵉⴳ.

ⵢⴻⵙⵙⵎⵉⵔ ⵓⵙⴻⵍⵡⴰⵢ ⵊⵓⴰⵓ ⵍⵓⵔⴻⵏⵙⵓ ⵙ ⵓⵙⵏⴻⵎⵎⴻⵔ ⵏ ⵓⴷⵀⴰⵍ ⵉ ⵜⴻⵙⵙⵎⴰⵀⵉ ⴷⵣⴰⵢⴻⵔ ⵉ ⴰⵏⴳⵓⵍⴰ ⴷⴻⴳ ⵜⴰⵖⵓⵍⵜ ⵏ ⵓⵍⵎⵓⴷ ⵓⵏⵏⵉⴳ, ⴷⴻⴳ ⵉ ⵜⴳⴰ 8000 ⵏ ⵜⵉⴽⴽⵉⵡⵉⵏ ⵉ ⵢⵉⵎⴰⵣⵔⴰⵡⴻⵏ ⴰⵏⴳⵓⵍⵉⵢⴻⵏ, ⵢⴻⵔⵏⵉ ⵢⴻⴽⵍⴻⵙ ⵙ ⵡⴰⵢ-ⴰ ⵜⴰⵎⴻⵖⵙⵉⵡⵜ ⵏ ⵜⵎⵓⵔⵜ-ⵏⵏⴻⵙ ⵉⴳⴻⴷⵔⴻⵏ ⵖⴻⴼ ⵓⵙⴻⴳⴷⴻⵔ ⵏ ⵡⴰⵙⵙⴰⵖⴻⵏ ⵏ ⵓⵏⵎⵉⵔⴻⴳ ⴰⵙⵉⵏⴷⵉⵙⴰⵏ, ⵙ ⵎⴰⵜⵜⴰ ⵢⴻⵍⵍⴰⵏ ⴷⴻⴳ ⵓⵎⴻⵥⵍⵓ ⵏ ⵢⵉⵖⴻⵔⴼⴻⵏ, ⵢⴻⵔⵏⵉ ⵢⴻⵙⵙⴻⵎⵔⴰⵙ ⴰⵣⴰⵍⴻⵏ ⵏ ⵜⴻⵖⴷⴻⵎⵜ ⴷ ⵜⵉⵎⵙⴻⵜⵍⴻⵍⵜ ⵊⴰⵔ ⵢⵉⵡⴰⵏⴰⴽⴻⵏ.