ⵢⴻⵅⴷⴻⵎ ⵓⵙⴻⵇⵇⴰⵎⵓ ⵏ ⵍⴰⵎⴰⵏ ⴰⵎⴰⴹⵍⴰⵏ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⵖⴰⵡⴻⵍ ⵖⴻⴼ ⵓⴱⴻⵕⵕⴻⵃ ⵏ ⵓⴷⴷⴰⵢⵔⴰ ⵏ ⵚⴻⵢⵢⵓⵏ ⵙ ⵓⵔⵓⵣⵣⴻⵖ-ⵉⵙ ⵏ ⵜⵎⴻⵏⵏⴰⴹⵜ ⵏ "ⵜⴰⵎⵓⵔⵜ ⵏ ⵚⵓⵎⴰⵍ" , ⴰⵢⴰ ⴷⴻⴳ ⵓⴽⴰⵜⴰⵔ ⵏ ⵜⵙⴻⴷⴷⴰⵔⵜ ⵉ ⴷ-ⵢⴻⵇⵇⴰⵔⴻⵏ "ⵉⴳⵓⵎⵎⴰⵏ ⵉ ⵢⴻⵜⵜⴰⴳⴳⴰⴷⴻⵏ ⵜⴰⵍⵡⵉⵜ ⴷ ⵍⴰⵎⴰⵏ ⵉⵎⴰⴹⵍⴰⵏⴻⵏ".
ⵢⴻⵏⵏⴰ-ⴷ ⵅⴰⵍⴻⴷ ⵅⵢⴰⵔⵉ, ⴰⵎⵄⵉⵡⴻⵏ ⵏ ⵓⵎⴻⵙⵍⵉ ⴰⵎⴰⵜⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⴻⵎⵙⴰⵍ ⵏ ⵡⴰⵎⵎⴰⵙ ⵏ ⵓⴳⵎⵓḍ, ⴰⵙⵢⴰ ⴷ ⵓⴳⴰⵔⴰⵡ ⴰⵎⴻⵍⵡⵉ, ⴷⴻⴳ ⵜⴻⵎⵍⵉⵍⵉⵜ ⵉ ⴷ-ⵢⴻⴳⴳⴰ ⵣⴷⴰⵜ ⵏ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵍⴰⵎⴰⵏ, ⴱⴻⵍⵍⵉ ⵓⵙⴻⵇⵇⴰⵎⵓ-ⴰⴳⵉ ⵢⴻⵙⵙⴰⴷⴻⵔ-ⴷ ⴰⵟⴰⵙ ⵏ ⵜⵉⴽⴽⴰⵍ ⵖⴻⴼ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵜⵉⵎⵓⵎⴰⵏⵜ ⵏ ⵚⵓⵎⴰⵍ, ⵜⴰⴷⵓⴽⵍⵉ-ⵉⵙ ⴷ ⵜⵍⴻⵍⵍⵉ-ⵉⵙ ⵜⴰⵙⴻⵔⵜⵉⵜ. ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴳⴷⵓⴷⴰ ⵏ ⵚⵓⵎⴰⵍ ⵜⴻⵏⴽⴻⵔ ⵙ ⵓⴱⵔⵉⴷ ⵉⵇⴻⴷⴷⴻⵏ ⴰⵔⵓⵣⵣⴻⵖ-ⴰⴳⵉ, ⵢⴻⵍⵍⴰⵏ ⴷ ⴰⵎⴻⵏⵏⵓⵖ ⵉ ⵢⴻⵜⵜⵡⴰⵅⴻⴷⵎⴻⵏ ⵓⴷⴻⵎ ⵖⴻⴼ ⵓⴷⴻⵎ ⵣⴷⴰⵜ ⵏ ⵜⵉⵎⵓⵎⴰⵏⵜ-ⵉⵙ.
ⵙⴻⴳ ⵜⴰⵎⴰ-ⵏⵏⵉⴹⴻⵏ, ⴰⴱⵓⴱⴰⴽⴻⵔ ⵄⵓⵜⵎⴰⵏ ⴱⴰⵍⵉ, ⴰⵎⴻⵜⵜⴻⵍ ⵏ ⵚⵓⵎⴰⵍ ⴷⴻⴳ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵏⴽⴻⵔ ⵙ ⵍⵊⴻⵀⴷ ⴰⴽⵛⴻⵎ ⵏ ⵓⴷⴷⴰⵢⵔⴰ ⵏ ⵚⴻⵢⵢⵓⵏ ⴷⴻⴳ ⵜⴷⵓⴽⵍⵉ ⵏ ⵚⵓⵎⴰⵍ ⵙ ⵓⵔⵓⵣⵣⴻⵖ ⵏ ⵜⵉⵎⵓⵏⴻⵏⵜ ⵏ ⵜⵎⴻⵏⵏⴰⴹⵜ ⵏ "ⵜⴰⵎⵓⵔⵜ ⵏ ⵚⵓⵎⴰⵍ", ⵢⴻⵙⵙⴻⴽⵏⴻⵢ-ⴷ ⴱⴻⵍⵍⵉ ⵜⴰⵎⴻⵏⵏⴰⴹⵜ-ⴰⴳⵉ ⵓⵔ ⵜⴻⵣⵎⵉⵔ ⴰⵔⴰ, ⵙ ⵓⵏⵏⴻⵛⵜ ⵏ ⵍⵇⴰⵏⵓⵏ, ⴰⴷ ⵜⴻⴽⵛⴻⵎ ⴷⴻⴳ ⵢⵉⵎⵜⴰⵡⴰ ⵏⴻⵖ ⴰⵔⵓⵣⵣⴻⵖ ⴷ ⴽⴰ ⵏ ⵜⵎⵓⵔⵜ ⵏⵏⵉⴹⴻⵏ.
ⵢⴻⵏⵏⴰ-ⴷ ⴱⴻⵍⵍⵉ ⵜⵉⴳⴳⵉⵏ-ⴰⴳⵉ ⴷ ⴰⵙⴻⴼⵙⴻⴷ ⵓⵏⵚⵉⴱ ⵏ ⵜⵛⴰⵔⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷ ⵢⵉⵍⵓⴳⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵍⵇⴰⵏⵓⵏ ⴰⵎⴰⴹⵍⴰⵏ, ⵢⴻⵔⵏⴰ ⵢⴻⵙⵙⴰⵡⴻⵍ ⵉ ⵡⴰⴽⴽ ⵜⵉⵎⵓⵔⴰ ⵏ ⴷⴷⵓⵏⵉⵜ ⴰⴷ ⴷⴷⵓⴽⴽⵍⴻⵏⵜ ⵣⴷⴰⵜ ⵏ ⵜⵓⵛⴹⵉⵡⵉⵏ-ⴰⴳⵉ ⵓⵔ ⵏⴻⵍⵍⵉ ⴷⴻⴳ ⵍⵇⴰⵏⵓⵏ.
ⵜⴰⵎⴻⵏⵏⴰⴹⵜ ⵏ "ⵜⴰⵎⵓⵔⵜ ⵏ ⵚⵓⵎⴰⵍ" ⵜⴻⵣⴳⴰ-ⴷ ⴷⴻⴳ ⵓⴳⴰⴼⴰ-ⵓⵎⴰⵍⵓ ⵏ ⵚⵓⵎⴰⵍ, ⵜⴰⵊⵓⵎⵎⴰ-ⵉⵙ ⴷ 175 ⵏ ⵢⵉⴳⵉⵎⴰⵏ ⵏ ⵢⵉⴽⵉⵍⵓⵎⵉⵜⵔⴻⵏ ⵉⵎⴰⵔⴽⴰⵢⴻⵏ. ⵜⴻⴱⴱⴻⵕⵕⴻⵃ ⵙ ⵜⵉⵎⵓⵏⴻⵏⵜ-ⵉⵙ ⵡⴻⵃⴷ-ⵉⵙ ⴷⴻⴳ ⵓⵙⴻⴳⴳⴰⵙ 1991, ⵍⴰⵎⴻⵄⵏⴰ ⴷⴷⵓⵏⵉⵜ ⵓⵔ ⵜ-ⵜⵓⵔⴻⵣⵣⴻⵖ ⴰⵔⴰ.
ⴰⵔⵏⵓ ⵖⴻⵔ
