ⵢⴻⵙⵙⴻⵍⵡⴰⵢ ⵓⵏⴻⵖⵍⴰﻓ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵎⴰⵙⵙ ⵎⵓⵀⴰⵎⴻⴷ ⵙⴻⵖⵉⵔ ⵙⴰⵄⴷⴰⵓⵓⵉ, ⴰⵙⵙ-ⴰ ⵏ ⵜⵜⵍⴰⵜⴰ, ⵢⴻⴷⴷⴰ ⴷ ⵜⵙⴻⵍⵡⴰⵢⵜ ⵏ ⵜⴰⴷⴱⴻⵍⵜ ⵜⵓⵏⵉⴳⴻⵏ ⵏ ⵜⴼⴻⴼⴻⴼⴼⵉⵜ ⴷ ⵓⵙⴻⵃⴷⴻⵔ ⵏ ⵓⵛⴻⴼⴼⵓ ⴷ ⵓⵎⴻⵏⵏⵓⵖ ⵎⴳⴰⵍ-ⵉⵙ, ⵎⴰⵙⵙⴰ ⵙⴰⵍⵉⵎⴰ ⵎⵓⵙⵙⴻⵔⴰⵜⵉ, ⴰⵍⴷⴰⵢ ⵏ ⵢⵉⵡⴻⵏ ⵏ ⵡⴰⵙⵙ ⵏ ⵓⵙⵉⵍⴻⵖ ⵉ ⵏⴼⴰⵄ ⵏ ⵢⵉⵎⴻⵏⴻⵀⵍⵉⵢⴻⵏ ⵏ ⵓⵙⴻⴳⵎⵉ ⴷ ⵢⵉⵎⴰⵏⴰⵢⴻⵏ ⵉⵎⴰⵜⴰⵏⴻⵏ ⵏ ⵜⵏⴻⵀⵎⴰⵍⵉⵏ ⵏ ⵓⵙⴻⴳⵎⵉ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ. ⴰⵙⵙ-ⴰⴳⵉ ⵏ ⵓⵙⵉⵍⴻⵖ ⵢⴻⵍⵍⴰ-ⴷ ⵙ ⵜⵜⴰⵡⵉⵍ ⵏ ⵓⴷⵉⵡⴻⵏⵏⵉ ⵙ ⵓⵙⴻⵍⴽⵉⵎ ⵏ ⵍⴻⴱⵄⵉⴷ.
ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ "ⵓⵙⴻⵍⴽⴻⵎ ⵏ ⵓⵎⵜⴰⵡⴰ ⵉⵕⴻⵙⵙⴰⵏ ⴳⴰⵔ ⵜⵏⴻⵖⵍⴰⴼⵜ ⴷ ⵜⴰⴷⴱⴻⵍⵜ ⵜⵓⵏⵉⴳⴻⵏ ⵉ ⵓⵙⴻⴶⵀⴻⴷ ⵏ ⵍⵍⵙⴰⵙⴻⵏ ⵏ ⵓⵙⴻⴼⵔⴻⴽ ⵢⴻⵍⵀⴰⵏ (bonne gouvernance) ⴷ ⵓⵕⵓⵚⵓ ⵏ ⵜⵎⴰⴳⵉⵜ ⵏ ⵜⴰⵏⴻⵣⵣⵉⵜ (intégrité) ⴷ ⵜⴼⴻⴼⴻⴼⴼⵉⵜ ⴷⴻⴳ ⵓⵙⴻⴷⴱⴻⵔ ⵏ ⵜⴻⵎⵙⴰⵍ ⵏ ⵓⵖⵔⴻⴼ".
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⴰⵏⴻⵖⵍⴰⴼ ⵏ ⵓⵙⴻⴳⵎⵉ ⵉⵙⵙⴻⴽⵏⴻⴷ-ⴷ "ⴰⵣⴰⵍ ⴰⵎⴻⵇⵇⵔⴰⵏ ⵉ ⵜⴻⵜⵜⴰⴽ ⵜⵏⴻⵖⵍⴰⴼⵜ ⵉ ⵓⵙⴻⴷⴷⴻⵔ ⵏ ⵜⵎⴰⴳⵉⵜ ⵏ ⵓⵃⵔⴰⵣ ⵏ ⵜⵎⵓⵙⵏⵉⵡⵉⵏ", ⵍⴰⴷⵖⴰ ⵉ ⵡⵉⴷ ⵉ ⴷ-ⵢⴻⵡⵡⵉⵏ ⵜⴰⵎⴰⵙⵉⵜ ⵏ ⵓⵙⴻⴷⴱⴻⵔ ⵏ ⵡⴰⵀⵉⵍⴻⵏ ⴷ ⵜⵎⵓⵀⴰⵍ ⵏ ⵜⴻⴷⵔⵉⵎⵜ, ⴷⴻⴳ ⵓⵇⴻⵔⵔⵓ-ⵏⵙⴻⵏ ⵉⵎⴻⵏⴻⵀⵍⵉⵢⴻⵏ ⵏ ⵓⵙⴻⴳⵎⵉ ⴷ ⵢⵉⵎⴰⵏⴰⵢⴻⵏ ⵉⵎⴰⵜⴰⵏⴻⵏ, ⵉⵎⵉ ⴷ ⵏⵓⵜⵏⵉ ⵉ ⴷ "ⵜⵓⵇⵇⵏⴰ ⵏ ⵜⵍⴻⵎⵎⴰⵙⵜ ⴷⴻⴳ ⵓⵙⴻⵍⴽⴻⵎ ⵏ ⵜⵙⴻⵔⵜⵉⵢⵉⵏ ⵜⵉⴳⴷⵓⴷⴰⵏⵉⵏ ⴷⴻⴳ ⵓⵙⵡⵉⵔ ⴰⴷⵉⴳⴰⵏ".
ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⴰⵎⴰⴳⵉⵜ-ⴰⴳⵉ "ⵓⵔ ⵜⴻⵃⵔⵉⵙ ⴰⵔⴰ ⴽⴰⵏ ⴷⴻⴳ ⵡⴻⴼⵀⴰⵎ ⵏ ⵢⵉⴹⵔⵉⵙⴻⵏ ⵏ ⵓⵙⴰⴷⵓⴼ", ⵍⴰⵎⴻⵄⵏⴰ ⵜⴻⵙⵙⴰⵡⴻⴹ ⵖⴻⵔ "ⵓⵡⵡⵉ ⵏ ⵢⵉⵡⴻⵜ ⵏ ⵜⵎⵓⵖⵍⵉ ⵜⵓⴷⴱⴻⵍⵜ ⵉⵕⴻⵙⵙⴰⵏ ⵖⴻⴼ ⵓⵃⵔⴰⵣ ⴷ ⵓⵇⴰⴷⴻⵔ ⵏ ⵢⵉⵍⵓⴳⴰⵏ, ⴷ ⵜⵣⴻⵎⵎⴰⵔ ⵏ ⵓⵙⴼⵓⵍⴻⵍ ⵏ ⵢⵉⵎⵉⵀⵉⵢⴻⵏ (risks) ⵢⴻⵄⵏⴰⵏ ⴰⵙⴻⴼⵔⴻⴽ".
ⵉⵙⵙⴻⵃⵔⴻⵙ ⴷⴰⵖⴻⵏ ⴱⴻⵍⵍⵉ ⴰⵙⵏⴻⵔⵏⵉ ⵏ ⵜⵎⵓⵙⵏⵉⵡⵉⵏ ⵏ ⵢⵉⵎⴹⴻⴱⴱⵔⴻⵏ ⴷⴻⴳ ⵢⵉⵏⵏⴰⵔⴻⵏ ⵉⵡⴻⵄⵔⴻⵏ ⴰⵎ "ⵓⵕⵓⵚⵓ ⵏ ⵜⵚⵓⵔⴰⴼ ⵜⵉⴳⴷⵓⴷⴰⵏⵉⵏ ⴷ ⵓⵙⴼⵓⵍⴻⵍ ⵏ ⵓⵙⴻⵍⴽⴻⵎ-ⵏⵙⴻⵏ ⴷ ⵓⵣⴻⵟⵟⴻⴹ ⵏ ⴷⴰⵅⴻⵍ" ⴰⴷ ⵢⴻⵙⵙⴻⴶⵀⴻⴷ ⵜⵉⵣⴻⵎⵎⴰⵔ-ⵏⵙⴻⵏ ⵓ ⴰⴷ ⵜⴻⵏ-ⵉⵃⵔⴻⵣ ⵙⴻⴳ ⵜⵓⵛⵛⴹⵉⵡⵉⵏ ⵉ ⴷ-ⵢⴻⵜⵜⴰⵡⴻⵏ ⵓⵅⵓⵚⵚⵓ ⵏ ⵓⵙⵉⵍⴻⵖ ⵏⴻⵖ ⵓⵏⵡⴰⵍ ⵏ ⵜⴰⵔⵔⴰⵢⵉⵏ.
ⵙⴻⴳ ⵜⴰⵎⴰ-ⵙ, ⵎⴰⵙⵙⴰ ⵎⵓⵙⵙⴻⵔⴰⵜⵉ ⵜⴻⵙⵙⴻⴽⵜⵉ-ⴷ ⴱⴻⵍⵍⵉ ⵜⴰⵙⴻⴽⴽⴰ-ⴰⴳⵉ ⵢⴻⵔⵏⴰ ⵡⴻⵎⴽⴰⵏ-ⵉⵙ ⵏ ⵓⵣⴻⵟⵟⴻⴹ ⵙ ⴷⴷⴰⵡ ⵏ ⵓⴱⴻⴷⴷⴻⵍ ⴰⵙⴰⴷⵓⴼⴰⵏ ⵏ 2020 ⵉ ⵓⵣⴻⴶⴶⴻⴷ ⵏ ⵍⵍⵙⴰⵙⴻⵏ ⵏ ⵜⴰⵏⴻⵣⵣⵉⵜ ⴷ ⵓⵎⵃⴰⵙⴻⴱ. ⵜⴻⵏⵏⴰ-ⴷ ⴱⴻⵍⵍⵉ ⴰⵙⵙ-ⴰⴳⵉ ⵏ ⵓⵙⵉⵍⴻⵖ ⴷ "ⴰⴳⴻⵎⵓ ⵏ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⴰⵎⵉⵡⵉⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴼⵓⵍⴻⵍ ⵏ ⵓⵏⵏⴰⵔ ⵏ ⵓⵙⴻⴳⵎⵉ ⴷⴻⴳ ⵓⵏⴰⴷⵉ ⵏ ⵓⵙⵉⵍⴻⵖ".
ⴰⵀⵉⵍ ⵏ ⵡⴰⵙⵙ-ⴰⴳⵉ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ — ⴷⴻⴳ-ⵙ ⵜⴰⵎⴻⵙⵍⴰⵢⵜ ⵏ ⵢⵉⵎⵓⵣⵣⴰⴳⴻⵏ ⵏ ⵜⴰⴷⴱⴻⵍⵜ ⵜⵓⵏⵉⴳⴻⵏ ⵖⴻⴼ: "ⴰⵣⴻⵏⵣⵉⵖ ⴰⵙⴰⴷⵓⴼⴰⵏ ⴷ ⵡⵉⵏ ⵏ ⵜⵎⵓⵙⵏⵉⵡⵉⵏ ⵉ ⵓⵙⴻⵃⴷⴻⵔ ⵏ ⵓⵛⴻⴼⴼⵓ, ⵢⵉⵎⵉⵀⵉⵢⴻⵏ ⵏ ⵓⵛⴻⴼⴼⵓ ⴷⴻⴳ ⵜⵚⵓⵔⴰⴼ ⵜⵉⴳⴷⵓⴷⴰⵏⵉⵏ, ⴰⵏⴰⴳⵔⴰⵡ ⵏ ⵓⵣⴻⵟⵟⴻⴹ ⵏ ⴷⴰⵅⴻⵍ ⴷ ⵜⴽⴰⵔⴹⵉⵜ ⵏ ⵢⵉⵎⵉⵀⵉⵢⴻⵏ ⵉ ⵓⵙⴻⴶⵀⴻⴷ ⵏ ⵜⴼⴻⴼⴻⴼⴼⵉⵜ", ⵔⵏⵉ-ⴷ ⵖⴻⵔ-ⴰⵙⴻⵏ "ⴰⵙⴻⴶⵀⴻⴷ ⵏ ⵜⵎⴰⴳⵉⵜ ⵏ ⵜⴰⵏⴻⵣⵣⵉⵜ ⴷⴻⴳ ⵜⵎⵓⵙⵏⵉⵡⵉⵏ ⴷ ⵜⵏⴻⵀⵎⴰⵍⵉⵏ ⵜⵉⴳⴷⵓⴷⴰⵏⵉⵏ" ⴷ "ⵜⴼⴻⴼⴻⴼⴼⵉⵜ ⴷⴻⴳ ⵓⵙⴻⴷⴱⴻⵔ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ ⴷ ⵜⴰⵔⵔⴰⵢⵉⵏ ⵏ ⵓⵙⴻⴼⵔⴻⴽ ⵏ ⵓⵎⴳⴰⵔⵔⴻⴷ ⵏ ⵏⴼⴰⵄⴰⵜ
ⴰⵔⵏⵓ ⵖⴻⵔ
