ⵢⴻⵙⵙⴻⴳⵔⴰ ⵓⵏⴻⵖⵍⴰⴼ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵎⵓⵃⴻⵎⵎⴻⴷ ⵙⵖⵉⵔ ⵙⴰɛⴷⴰⵡⵉ, ⴰⵙⵙ-ⴰ ⵏ ⵡⴰⵙⵉⵏ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵎⴻⴷⴷⵉⵙ-ⵉⵙ ⴰⴱⵉⵍⴰⵔⵓⵙⵉ, ⴰⵏⴷⵔⵉ ⵉⵯⴰⵏⵜⴻⵙ, ⴰⵏⴷⴰ ⵎⴻⵙⵍⴰⵢⴻⵏ ⵖⴻⴼ ⵢⵉⴱⴻⵔⴷⴰⵏ ⴰⵔⴰ ⵢⴻⵍⴷⵉⵏ ⵜⵉⵡⵡⵓⵔⴰ ⵉ ⵓⵎⵢⴰⵍⵍⴻ (ⵜⵜⴰⵡⵉⵍ) ⴳⴰⵔ ⵙⵏⴰⵜ ⵏ ⵜⵎⵓⵔⴰ-ⵢⴰ ⴷⴻⴳ ⵓⵃⵔⵉⵛ ⵏ ⵓⵙⴻⴳⵎⵉ.
ⵜⵉⵎⵍⵉⵍⵉⵜ-ⴰ ⵉ ⴷ-ⵢⴻⵍⵍⴰⵏ ⴷⴻⴳ ⵓⵅⵅⴰⵎ ⵏ ⵓⵖⵍⵉⴼ, ⵜⴻⵍⵍⴰ ⴷ ⵜⴰⴳⴳⵏⵉⵜ ⵉⵡⴰⴽⴽⴻⵏ ⴰⴷ ⵎⴻⵙⵍⴰⵢⴻⵏ ⵖⴻⴼ ⵡⴰⵎⴻⴽ ⴰⵔⴰ ⵢⵉⵍⵉ ⵓⵎⵢⴰⵍⵍⴻ ⴷⴻⴳ ⵓⵃⵔⵉⵛ ⵏ ⵓⵙⴻⴳⵎⵉ, ⴷ ⵡⴰⵢⴻⵏ ⴰⵔⴰ ⵢⴻⵍⴷⵉⵏ ⵜⵉⵡⵡⵓⵔⴰ ⵜⵉⵎⴰⵢⵏⵓⵜⵉⵏ ⵉ ⵜⵛⵔⵉⴽⵜ ⵜⴰⵙⴻⴷⵡⴰⵏⵜ ⴷ ⵜⴷⴻⵍⵙⴰⵏⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ. ⴷⵉ ⵜⴻⴳⵏⵉⵜ-ⴰ, ⵙⴰɛⴷⴰⵡⵉ ⵢⴻⴼⴽⴰ-ⴷ ⴰⴳⵣⵓⵍ ⵖⴻⴼ ⵓⵏⴰⴳⵔⴰⵡ ⵏ ⵓⵙⴻⴳⵎⵉ ⵢⴻⵍⵍⴰⵏ ⴷⵉ ⵍⴻⵣⵣⴰⵢⴻⵔ ⴰⴽⴽⴻⴷ ⵍⵎⴻⵊⵀⵓⴷⴰⵜ ⵉ ⵜⴻⵜⵜⴻⴳ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⵜⴻⵙⵙⵏⴻⵔⵏⵉ ⴰⵏⴰⴳⵔⴰⵡ-ⴰ, ⵢⴻⵔⵏⴰ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⴰⵙⴻⵖⵔⵉ ⴷⵉ ⵍⴻⵣⵣⴰⵢⴻⵔ ⴷⴰⴱⴻⵙ ⵢⴻⵔⵏⴰ ⴱⴰⵟⴻⵍ.
ⵢⴻⵎⵎⴻⵙⵍⴰⵢ ⴷⴰⵖⴻⵏ ⵖⴻⴼ ⵍǧⵉⵀⴰ ⵜⴰⵎⴻⵜⵜⵉⵜ ⵏ ⵓⵙⴻⵖⵔⵉ ⴷ ⵡⴰⵣⴰⵍ ⵏ ⵜⵉⴽⵛⵉ ⵏ ⵜⴻⴳⵏⴰⵜⵉⵏ ⵜⵉⴳⴷⵓⵢⴰⵏⵉⵏ ⵉ ⵢⵉⵏⴻⵍⵎⴰⴷⴻⵏ, ⵔⵏⵓ ⵖⴻⵔ-ⵙ ⵍⵎⴻⵊⵀⵓⴷⴰⵜ ⵉ ⵢⴻⵜⵜⵡⴰⵅⴷⴰⵎⴻⵏ ⵉ ⵓⵙⴻǧⵀⴻⴷ ⵏ ⵓⵙⴻⵖⵔⵉ ⴰⵜⵉⴽⵏⵓⵍⵓⵊⵉ ⴷ ⵓⵙⴻⴽⵛⴻⵎ ⵏ ⵜⵉⴽⵏⵓⵍⵓⵊⵉⵢⵉⵏ ⵏ ⵓⵙⴻⵍⵖⵓ ⴷ ⵜⴻⵢⵡⴰⵍⵜ ⴰⴽⴽⴻⴷ ⵏⵓⵎⵉⴷⵢⴰ (ⵔⴰⵇⵎⴰⵏⴰ), ⴱⵍⴰ ⵎⴰ ⵏⴻⵜⵜⵓ ⴰⵙⴻⵀⵡⵓ ⵏ ⵜⴻⴳⵏⴰⵜⵉⵏ ⵏ ⵍⴻⵇⵔⴰⵢⴰ ⴷⴻⴳ ⵢⵉⵖⴻⵔⴱⴰⵣⴻⵏ ⵖⴻⴼ ⵡⴰⴽⴽⴻⵏ ⵍⵍⴰⵏ ⵢⵉⵙⵛⴰⵔⴻⵏ ⵉⵎⴰⵢⵏⵓⵜⵉⵏ.
ⵙⴻⴳ ⵜⴰⵎⴰ-ⵙ, ⴰⵏⴻⵖⵍⴰⴼ ⴰⴱⵉⵍⴰⵔⵓⵙⵉ ⵢⴻⴼⴽⴰ-ⴷ ⵓⵍⴰ ⴷ ⵏⴻⵜⵜⴰ ⴰⴳⵣⵓⵍ ⵖⴻⴼ ⵓⵏⴰⴳⵔⴰⵡ ⵏ ⵓⵙⴻⴳⵎⵉ ⴷⵉ ⵜⵎⵓⵔⵜ-ⵉⵙ, ⴰⵏⴷⴰ ⵢⴻⵙⵙⴰⵙ ⵜⴰⴼⴰⵜ ⵖⴻⴼ ⵢⵉⴷⵉⵙⴰⵏ ⵉⵍⵀⴰⵢⴻⵏ ⴷ ⵡⴰⵎⴻⴽ ⵉ ⵜⴻⴷⴷⵓⵏ ⵢⵉⵙⴰⵏⴰⵢⴻⵏ ⵉⵜⵉⴽⵏⵉⵢⴻⵏ ⵏ ⵓⵏⴰⴳⵔⴰⵡ-ⵏⵙⴻⵏ, ⵢⴻⵔⵏⴰ ⵢⴻⵎⵎⴻⵙⵍⴰⵢ ⵖⴻⴼ ⵡⴰⵎⴻⴽ ⵉ ⵢⴻⵜⵜⵉⵍⵉ ⵓⵙⵉⵍⴻⵖ ⵏ ⵢⵉⵙⴻⵍⵎⴰⴷⴻⵏ ⴷ ⵓⵙⴼⵀⴻⵎ ⵏ ⵢⵉⵀⵉⵍ ⵏ ⵓⵙⴻⴳⵎⵉ ⵏ ⵢⵉⵏⴻⵍⵎⴰⴷⴻⵏ ⵙⴻⴳ ⵜⵏⴻⵣⵣⵉⵜ (ⵇⴱⴻⵍ ⴰⵖⴻⵔⴱⴰⵣ).
ⵎⵜⴰⵡⴰⵏ ⵙⵉⵏ ⵢⵉⴷⵉⵙⴰⵏ-ⴰ ⵖⴻⴼ ⵜⵏⴻⴼⵍⵉⵜ ⵏ ⵜⴻⵙⵇⴰⵎⵓⵜ ⵏ ⵍⴻⵇⴷⵉⵛ ⵉⵛⴻⵔⴽⴻⵏ ⵉⵡⴰⴽⴽⴻⵏ ⴰⴷ ⵀⴻⵢⵢⵉⵏ ⵉⵡⴰⵔⵏⵉⵙⴻⵏ ⵏ ⵚⵚⴻⵃ ⵉ ⵓⵙⴻⴱⴷⴻⴷ ⵏ ⵓⵎⵢⴰⵍⵍⴻ ⴰⵙⴻⴳⵎⴰⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴷ ⵡⴰⵢⴻⵏ ⴰⵔⴰ ⵢⴻⵙⵏⴻⵔⵏⵉⵏ ⴰⵎⵢⴱⴷⴻⵍ ⵏ ⵜⵎⵓⵙⵏⵉⵡⵉⵏ ⴷ ⵜⵏⴻⴼⵍⵉⵜ ⵏ ⵓⵙⴻⵖⵔⵉ ⴷ ⵓⵙⴻⴳⵎⵉ ⴷⵉ ⵍⴻⵣⵣⴰⵢⴻⵔ ⴰⴽⴽⴻⴷ ⵜⴻⴳⴷⵓⴷⴰ ⵏ ⴱⵉⵍⴰⵔⵓⵙⵢⴰ.
