ⵜⴻⴽⵎⴻⵍ ⵍⴻⵣⵣⴰⵢⴻⵔ ⴷⴻⴳ ⵓⵙⴻⴳⴳⴰⵙ ⵏ 2025 ⴰⵙⴻⴵⵀⴻⴷ ⵏ ⵓⵏⴰⴳⵔⴰⵡ-ⵉⵙ ⵏ ⵍⵇⴰⵏⵓⵏ ⵙ ⵓⵙⴻⵇⵄⴻⴷ ⴷ ⵓⵎⴰⵢⵏⵓ ⵏ ⵡⴰⵟⴰⵙ ⵏ ⵢⵉⴹⵔⵉⵙⴻⵏ ⵏ ⵍⵇⴰⵏⵓⵏ ⵉ ⵡⴰⴽⴽⴻⵏ ⴰⴷ ⵎⵙⴰⴷⴰⵏ ⴷ ⵓⴱⵔⵉⴷ ⵏ ⵜⵉⵙⴻⴷⵎⵉⵡⵉⵏ ⵜⵉⵎⴰⵜⵜⵓⵜⵉⵏ ⵉ ⵜⴻⵜⵜⵉⴷⵉⵔ ⵜⵎⵓⵔⵜ ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ ⴷⴻⴳ ⴽⵓⵍ ⴰⵃⵔⵉⵛ.
ⴷⴻⴳ ⵓⴱⵔⵉⴷ-ⴰⴳⵉ, ⴰⵙⴻⴳⴳⴰⵙ-ⴰ ⵢⴻⵥⵔⴰ ⵢⵉⵡⴻⵜ ⵏ ⴷⴷⵉⵏⴰⵎⵉⴽⵉⵢⴰ ⵜⵓⵛⵔⵉⵄⵜ ⵜⴰⵎⴻⵇⵇⵔⴰⵏⵜ ⵉ ⵢⴻⴼⴽⴰⵏ ⴰⴼⵓⵙ ⴷⴻⴳ ⵓⵙⴻⵀⵢⵢⵉ ⵏ ⵜⵓⴳⵏⴰ ⵉ ⵢⴻⵜⵜⵎⵙⴰⴷⴰⵏ ⴷ ⵡⴰⴽⵓⴷ ⵏ ⵜⵓⵔⴰ, ⵉⴷⴻⴳ ⵢⴻⵜⵜⵏⴻⵔⵏⵉ ⵓⵙⴻⴵⵀⴻⴷ ⵏ ⵜⴻⴳⴷⵓⴷⴰ ⵏ ⵍⵇⴰⵏⵓⵏ, ⵜⵉⵡⵓⵔⵉⵡⵉⵏ ⵏ ⵜⵎⵓⵔⵜ, ⴷ ⵓⵃⵔⴰⵣ ⵏ ⵢⵉⵣⴻⵔⴼⴰⵏ ⴷ ⵜⴻⵍⵍⴻⵍⵉⵢⵉⵏ ⵏ ⵢⵉⵎⵓⵔⴰⴷⴻⵏ. ⵙⴻⴳ ⵡⴰⵢⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵢⴻⵙⵙⴻⴽⴷ-ⴷ ⴱⴻⵍⵍⵉ ⴰⵙⴻⵔⵙ ⵏ ⵍⵇⴰⵏⵓⵏⴻⵏ ⵉⵎⴰⵢⵏⵓⵜⴻⵏ ⴷ ⵓⵙⴻⵇⵄⴻⴷ ⵏ ⵡⵉⴷ ⵉⵇⴷⵉⵎⴻⵏ ⴷ ⵜⵉⴷⴻⵜ ⵏ ⵡⴰⵢⴻⵏ ⵉ ⵡⴻⵄⴷⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ: "ⴰⵃⵔⵉⵛ ⴰⵎⴻⵇⵇⵔⴰⵏ ⵏ ⵓⵏⴰⴳⵔⴰⵡ ⵏ ⵍⵇⴰⵏⵓⵏ ⵉⵎⴰⵢⵏⵓ ⵢⴻⵜⵜⵡⴰⵅⴷⴻⵎ ⵉ ⵡⴰⴽⴽⴻⵏ ⴰⴷ ⵢⴻⵇⴷⴻⵛ ⴰⵎⵓⵔⴰⴷ ⵙ ⵡⵓⴷⴻⵎ ⴰⵎⵔⵉⴷ."
ⵉ ⵡⴰⴽⴽⴻⵏ ⴰⴷ ⵢⴰⵡⴻⴹ ⵓⵙⵡⵉⵢ-ⴰ, ⵢⵓⵙⴰ-ⴷ ⵍⵇⴰⵏⵓⵏ ⵓⵏⵚⵉⴱ ⵏ ⵓⵙⵓⴷⴷⴻⵙ ⵏ ⵓⵅⵅⴰⵎ ⵏ ⵓⵎⴻⵏⵏⵓⵖ ⵉ ⵡⴰⴽⴽⴻⵏ ⴰⴷ ⵢⴻⵔⵏⵓ ⵜⴰⴼⵓⵍⵜ ⵏⵏⵉⴹⴻⵏ ⵉ ⵓⵙⴻⴵⵀⴻⴷ ⵏ ⵜⵖⴷⴻⵎⵜ ⴷ ⵓⵔⵔⴰⵔ ⵖⴻⴼ ⵓⵙⵙⵉⵔⴻⵎ ⵏ ⵓⵎⵓⵔⴰⴷ ⵉ ⵢⴻⵔⵔⴰⵏ ⵖⴻⵔ ⵜⵖⴷⴻⵎⵜ ⵉⵊⴻⵀⴷⴻⵏ, ⵉⵣⴻⵎⵔⴻⵏ ⴰⴷ ⵜⵃⴰⵔⴻⴱ ⵖⴻⴼ ⵢⵉⵣⴻⵔⴼⴰⵏ ⴷ ⵜⴻⵍⵍⴻⵍⵉⵢⵉⵏ.
ⴷⴻⴳ ⵓⵃⵔⵉⵛ ⵏ ⵜⵖⴷⴻⵎⵜ ⴷⴰⵖⴻⵏ, ⴰⵙⴻⴳⴳⴰⵙ 2025 ⵢⴻⵥⵔⴰ-ⴷ ⴰⴼⵓⵖ ⵏ ⵍⵇⴰⵏⵓⵏ ⵏ ⵜⴰⵔⵔⴰⵢⵉⵏ ⵏ ⵓⵣⴻⴼⵔⴰⵏ (Procédures pénales) ⴰⵎⴰⵢⵏⵓ ⵉ ⵢⴻⵜⵜⴰⵡⵉⵏ ⴰⵃⵔⴰⵣ ⵏ ⵢⵉⴷⵔⵉⵎⴻⵏ ⵏ ⴱⴰⵢⵍⴻⴽ ⴷ ⵜⴻⴷⵎⴰⵙⵜ ⵜⴰⵏⴰⵎⵓⵔⵜ. ⵍⵇⴰⵏⵓⵏ-ⴰ ⵢⴻⵙⵄⴰ ⵜⵓⵏⴟⵉⵍⵉⵏ ⵉⵎⵙⴰⴷⴰⵏ ⴷ ⵡⴰⵢⴻⵏ ⵉ ⵢⴻⵜⵜⴷⵉⵔ ⵓⵎⴻⵜⵜⵉ ⴷ ⵡⴰⵢⴻⵏ ⵉ ⴷ-ⵜⴻⵏⵏⴰ ⵜⵎⴻⴳⵔⴰⴷⵜ ⵜⵉⴳⵔⴰⵖⵍⴰⵏⵉⵏ ⵉ ⵖⴻⴼ ⵜⵙⴻⵏⵢⴰ ⵍⴻⵣ];//ⵔ.
ⴷⴰⵖⴻⵏ, ⵢⴻⵜⵜⵡⴰⵙⴻⴵⵀⴻⴷ ⵓⵏⴰⴳⵔⴰⵡ ⴰⵎⵛⴻⵔⵔⴻⵄ ⵙ ⵍⵇⴰⵏⵓⵏ ⵏ "ⵓⵙⴻⵎⵍⴰⵍ ⴰⵎⴰⵜⵓ" (Mobilisation générale), ⵉ ⵢⴻⵜⵜⴰⵡⵉⵏ ⴰⵙⴻⵏⴻⵔⵏⵉ ⵏ ⵜⴻⵣⵎⴻⵔⵜ ⵏ ⵓⵃⴰⵔⴻⴱ ⵏ ⵜⵎⵓⵔⵜ ⴷ ⵜⵣⴻⵎⵔⴻⵜ ⵏ ⵍⵄⴻⵙⴽⴻⵔ (ⵍⴵⵉⵛ) ⵙ ⵓⵙⴻⵔⵙ ⵏ ⵢⵉⵎⴷⴰⵏⴻⵏ ⴷ ⵡⴰⵍⵍⴰⵍⴻⵏ ⵉⵍⴰⵇⴻⵏ ⴷⴻⴳ ⵓⴼⵓⵙ-ⵏⵙⴻⵏ ⵉ ⵡⴰⴽⴽⴻⵏ ⴰⴷ ⵃⴻⵔⵣⴻⵏ ⵜⴰⵎⵓⵔⵜ ⴷ ⵡⴰⴽⴰⵍ-ⵉⵙ, ⵉⴳⴻⵏⵏⵉ-ⵙ ⴷ ⵍⴱⵃⴻⵔ-ⵉⵙ.
ⴷⴻⴳ ⵓⵙⴻⴳⴳⴰⵙ 2025 ⴷⴰⵖⴻⵏ, ⴼⴼⵖⴻⵏ-ⴷ ⵙⵉⵏ ⵏ ⵍⵇⴰⵏⵓⵏⴻⵏ ⵉ ⵓⵙⴻⴽⵛⴻⵎ ⵏ ⵜⵉⵣⵔⴰⵣ (Décorations) ⵜⵉⵄⴻⵙⴽⵔⵉⵢⵉⵏ ⴷⴻⴳ ⵍⴵⵉⵛ ⴰⵏⴰⵎⵓⵔ ⴰⵖⴻⵔⴼⴰⵏ, ⴰⵢⴰⴳⵉ ⴷ ⴰⵢⴻⵏ ⵉ ⴷ-ⵢⴻⵜⵜⴱⴻⵢⵢⵉⵏ ⴰⵙⵜⴻⵄⵔⴻⴼ ⵏ ⵜⵎⵓⵔⵜ ⵙ ⵡⴰⵢⴻⵏ ⴼⴽⴰⵏ ⵡⴰⵔⵔⴰⵡ-ⵉⵙ ⵉ ⵓⵃⴰⵔⴻⴱ ⵏ ⵜⵎⵓⵔⵜ.
ⴷⴻⴳ ⵓⵃⵔⵉⵛ ⵏ ⵓⵎⴻⵜⵜⵉ, ⴰⵙⴻⴳⴳⴰⵙ-ⴰ ⵢⴻⵜⵜⵡⴰⵙⵙⴻⵏ ⵙ ⵓⴼⵓⵖ ⵏ ⵍⵇⴰⵏⵓⵏ ⵏ ⵓⵇⴰⵔⴰⵄ ⵏ ⵓⵙⵓⵎⵎ ⵏ ⴷⴷⵔⵓⴳⴰⵜ, ⵍⴰⴷⵖⴰ ⵎⵉ ⵜⵓⵖⴰⵍ ⵜⵡⴰⵖⵉⵜ-ⴰ ⴷ ⵢⵉⵡⴻⵏ ⵓⴳⵓⵔ ⴰⵎⴻⵇⵇⵔⴰⵏ ⵉ ⵢⴻⵜⵜⴰⵡⵉⵏ ⵢⵉⵍⵎⴻⵣⵢⴻⵏ. ⵎⴰ ⴷ ⵍⵇⴰⵏⵓⵏ ⵏ ⵓⵃⵔⴰⵣ ⵏ ⵢⵉⵎⴷⴰⵏⴻⵏ ⴷⴻⴳ ⵡⴰⵢⴻⵏ ⵢⴻⵣⵣⴻⵏ ⴷ ⵢⵉⵙⴰⵍⵍⴻⵏ (Données personnelles), ⵢⵓⵖⴰⵍ ⴷ ⴰⵔⴱⴰⵃ ⴰⵎⵛⴻⵔⵔⴻⵄ ⵉ ⵢⴻⵔⵔⴰⵏ ⵍⴱⴰⵍ ⵖⴻⵔ ⵓⵃⵔⴰⵣ ⵏ ⵓⵎⵓⵔⴰⴷ ⴷ ⵓⵎⴻⵏⵏⵓⵖ ⴷ ⵜⴽⴻⵔⴷⴰ.
ⴷⴻⴳ ⵓⵎⴻⵏⵏⵓⵖ ⴷ ⵜⴽⴻⵔⴷⴰ, ⴰⵙⴻⴳⴳⴰⵙ 2025 ⵢⴻⵥⵔⴰ ⴰⴼⵓⵖ ⵏ ⵍⵇⴰⵏⵓⵏ ⵏ ⵓⵇⴰⵔⴰⵄ ⵏ ⵓⵙⵉⵔⴻⴷ ⵏ ⵢⵉⴷⵔⵉⵎⴻⵏ ⴷ ⵓⴼⴽⴰ ⵏ ⵢⵉⴷⵔⵉⵎⴻⵏ ⵉ ⵔⵔⴻⴱⵔⴰⴱ, ⵉⴷⴻⴳ ⵍⵍⴰⵏⵜ ⵜⴰⵔⵔⴰⵢⵉⵏ ⵉ ⵓⴽⴷⴰⵙ ⵏ ⵡⵉⴷ ⵉⵅⴻⴷⵎⴻⵏ ⵔⵔⴻⴱⵔⴰⴱ ⴷ ⵓⵃⴱⴰⵙ ⵏ ⵢⵉⴷⵔⵉⵎⴻⵏ-ⵏⵙⴻⵏ.
ⴷⴻⴳ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ 2025, ⵢⴻⵜⵜⵡⴰⵙⵙⴻⴽⵏ-ⴷ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵉ ⵢⴻⵜⵜⴰⵡⵉⵏ ⴰⵙⴻⵔⵙ ⵏ ⵓⵙⵜⴰⵄⵎⴰⵔ ⴰⴼⵔⴰⵏⵙⵉⵙ ⴷⴻⴳ ⵍⴻⵣⵣⴰⵢⴻⵔ ⴷ ⵜⴰⵊⵔⵉⵎⵜ. ⴰⵙⴻⵏⴼⴰⵔ-ⴰ ⵉ ⴷ-ⵢⵓⵙⴰⵏ ⵙⴻⴳ ⴰⵖⴻⵔⴼⴰⵏ ⴰⵏⴰⵎⵓⵔ (APN), ⵢⴻⵔⵔⴰ-ⴷ ⴰⵙⵜⴰⵄⵎⴰⵔ ⵏ ⴼⵔⴰⵏⵙⴰ (1830-1962) ⴷ ⵜⴰⵊⵔⵉⵎⵜ, ⵢⴻⵔⵏⴰ ⵢⴻⵜⵜⴱⴻⵢⵢⵉⵏ-ⴷ ⵍⵎⴻⵙⵉⵓⵍⵉⵢⴰ ⵏ ⵜⴳⴻⵍⴷⴰ ⵏ ⴼⵔⴰⵏⵙⴰ ⵖⴻⴼ ⵡⴰⵢⴻⵏ ⵜⴻⵅⴷⴻⵎ, ⴷ ⵜⴰⵔⵔⴰⵢⵜ ⵏ ⵓⵙⵓⵜⵜⴻⵔ ⵏ ⵓⵙⵜⴻⵄⵔⴻⴼ ⴷ ⵓⵙⵓⵔⴻⴼ ⵓⵏⵚⵉⴱ.
ⴰⵙⴻⵏⴼⴰⵔ-ⴰ ⵢⴻⵜⵜⴰⵡⵉ-ⴷ ⴷⴰⵖⴻⵏ ⵖⴻⴼ ⵓⵔⵔⴰⵔ ⵏ ⵍⵅⴻⵙⵙⴰⵔⴰ (Indemnisation) ⵉ ⴽⵓⵍ ⵡⴰⵢⴻⵏ ⵢⴻⵅⴷⴻⵎ ⵓⵙⵜⴰⵄⵎⴰⵔ, ⴷ ⵓⵙⴻⵔⵙ ⵏ ⵍⵇⴰⵏⵓⵏⴻⵏ ⵏ ⵓⵄⴰⵇⴻⴱ ⵉ ⵡⵉⴷ ⵢⴻⵜⵜⴰⵣⴻⵏ ⵏⴻⵖ ⵢⴻⵜⵜⴻⵛⴽⵉⵔⴻⵏ ⴰⵙⵜⴰⵄⵎⴰⵔ ⴰⴼⵔⴰⵏⵙⵉⵙ ⵏⴻⵖ ⵢⴻⵜⵜⴰⴷⵉⵔⴻⵏ ⵉⵄⴻⴳⴳⴰⵍⴻⵏ ⵏ ⵜⵏⴻⵣⴱⴰⵢⵜ ⵜⴰⵖⴻⵔⴼⴰⵏⵜ ⴷ ⵜⴳⵔⴰⵡⵍⴰ ⵏ 1 ⵏⵓⵡⴻⵎⴱⴻⵔ 1954.
ⴷⴰⵖⴻⵏ, ⵢⴻⵜⵜⵡⴰⵙⵙⴻⴽⵏ-ⴷ ⵓⵙⴻⵏⴼⴰⵔ ⵏ ⵓⴱⴻⴷⴷⴻⵍ ⵏ ⵍⵇⴰⵏⵓⵏ ⵏ ⵜⵎⴻⵜⵜⵉ (ⵍⵇⴰⵏⵓⵏ ⵏ ⵜⴳⵍⴰⵏⵉⵜ / Nationalité) ⵏ 15 ⴷⵓⵊⴻⵎⴱⴻⵔ 1970, ⵉ ⵢⴻⵜⵜⵡⴰⵅⴷⴻⵎ ⵉ ⵡⵉⴷ ⵉⵅⴻⴷⵎⴻⵏ ⵜⵉⵅⴰⴱⵉⵜ (Trahison) ⵉ ⵜⵎⵓⵔⵜ ⵏⴻⵖ ⵉ ⵡⵉⴷ ⵢⴻⵜⵜⴰⴷⵉⵔⴻⵏ ⵜⴰⴷⵓⴽⵍⵉ ⵏ ⵓⵎⴻⵜⵜⵉ ⴰⵍⴻⵣⵣⴰⵢⵔⵉ, ⵍⴰⴷⵖⴰ ⵡⵉⴷ ⵢⴻⵙⵙⴻⵇⴷⴰⵛⴻⵏ ⵜⴰⴳⵍⴰⵏⵉⵜ-ⵏⵙⴻⵏ ⵜⵉⵏⵏⵉⴹⴻⵏ ⵉ ⵡⴰⴽⴽⴻⵏ ⴰⴷ ⴷⵉⵔⴻⵏ ⵜⴰⴳⵍⴰⵏⵉⵜ ⵜⴰⵍⴻⵣⵣⴰⵢⵔⵉⵜ ⵜⴰⵏⴻⵚⵍⵉⵜ.
ⴰⵔⵏⵓ ⵖⴻⵔ
