ⵜⴻⵙⵍⴻⵍ ⵜⴰⵎⴰⵡⵙⴰⵙⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ, ⵎⴰⵙⵙⴰ ⵎⴰⵍⵉⴽⴰ ⴱⴻⵏ ⴷⵓⴷⴰ, ⵖⴻⴼ ⵓⵙⴱⴻⴷⴷⵉ ⵏ ⵜⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⵉ ⵓⴹⴼⴰⵔ ⵏ ⵢⵉⴼⴰⵢⵍⵓⵡⴻⵏ ⵏ ⵡⴰⴳⴻⵔⵔⵓⵊ ⴰⵢⴷⵍⴰⵏ ⵡⴰⵔ ⵜⵓⵎⴰⵏⵜ. ⵡⴰⵢⵉ ⵢⴻⵙⴽⴰⵏ-ⴷ ⴰⵣⴰⵍ ⵎⴻⵇⵇⵔⴻⵏ ⵉ ⵜⴻⴼⴽⴰ ⵜⵎⵓⵔⵜ ⵜⴰⴷⵣⴰⵢⵔⵉⵜ ⵉ ⵓⵃⵓⴷⴷⵓ ⵏ ⵡⴰⴳⴻⵔⵔⵓⵊ-ⴰ ⴷ ⵓⵇⴰⴷⴻⵔ-ⵉⵙ ⴷ ⵓⵙⵏⴻⴼⵍⵉ-ⵢⵉⵙ ⵙ ⵢⵉⵡⴻⵏ ⵏ ⵜⵎⵓⵖⵍⵉ ⵜⴰⵙⵜⵔⴰⵜⵉⵊⵉⵜ ⵢⴻⴽⵎⴻⵍⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵜⵎⴰⵡⴰⵙⵜ ⵏ ⵢⵉⴷⵍⴻⵙ ⴰⵙⵙ ⴰ ⵏ ⵓⵔⴰⵎ.
ⴰⵙⴱⴻⴷⴷⵉ ⵏ ⵜⵙⵇⴰⵎⵓⵜ-ⴰ ⵢⵓⵙⴰ-ⴷ ⴷⴻⴳ ⵓⵎⵏⴰⴹ ⵏ ⵜⵎⵓⵖⵍⵉ ⵜⴰⵎⴰⵢⵏⵓⵜ ⵏ ⵜⵎⴰⵡⴰⵙⵜ ⵏ ⵢⵉⴷⵍⴻⵙ, ⵉ ⵢⴻⴱⴷⴰⴷⴻⵏ ⵖⴻⴼ ⵓⵎⵢⴰⵣⴰⵏ ⴳⴰⵔ ⵜⵓⵙⵏⴰ ⴷⴻⴳ ⵓⵊⴻⵔⵔⴻⴷ ⴷ ⵡⴻⴽⵜⴰⴱ ⴷ ⵓⴹⴼⴰⵔ ⵏ ⵍⵛⴻⵖⵍ. ⵡⴰⵢⵉ ⴷ ⵜⵉⴷⴻⵜ ⵏ ⵢⵉⵡⴻⵏ ⵓⴱⵖⵉ ⴰⵎⴰⵡⵙⴰⵙ ⵉ ⵢⴻⴱⵖⴰⵏ ⴰⴷ ⵢⴻⵙⵙⴻⴷⴷⴻⵜ ⴰⵊⴻⵔⵔⴻⴷ ⴰⵖⴻⵍⵏⴰⵡ ⵏ ⵢⵉⴳⵎⴰⵎⴻⵏ ⵏ ⵡⴰⴳⴻⵔⵔⵓⵊ ⴰⵢⴷⵍⴰⵏ ⵡⴰⵔ ⵜⵓⵎⴰⵏⵜ, ⵢⴻⵔⵏⴰ ⴰⴷ ⵢⴻⵜⵜⵡⴰⵃⴽⴻⵎ ⵓⴱⵔⵉⴷ ⵏ ⵓⵀⴻⵢⵢⵉ ⵏ ⵢⵉⴼⴰⵢⵍⵓⵡⴻⵏ, ⵙⵉ ⵊⵉⵀⴰ ⵏ ⵜⵎⵓⵔⵜ ⵏⴻⵖ ⵉ ⵡⴰⵢⴻⵏ ⵢⴻⵣⵣⴻⵏⵣⵉⵍⴻⵏ ⴷⴻⴳ ⵜⵍⴳⴰⵎⵉⵏ ⵏ ⵜⵓⴷⴷⵙⴰ ⵏ "ⵢⵓⵏⵉⵙⴽⵓ".
ⵜⴻⵙⴷⴻⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴱⴻⵍⵍⵉ "ⴰⴳⴻⵔⵔⵓⵊ ⴰⵢⴷⵍⴰⵏ ⵡⴰⵔ ⵜⵓⵎⴰⵏⵜ ⴷ ⵢⵉⵡⴻⵏ ⵓⴳⴻⵊⴷⵉ ⴰⵙⵉⵍⴰⵏ ⵏ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ, ⵢⴻⵔⵏⴰ ⵢⴻⵙⵙⵓⵜⵓⵔ ⵢⵉⵡⴻⵏ ⵓⵇⴻⴷⴷⴻⵛ ⵏ ⵜⵓⵙⵏⴰ ⴷ ⵜⵎⴻⵔⵙⴻⵍⵜ ⵉⵊⴻⵀⴷⴻⵏ ⵢⴻⴱⴷⴰⴷⴻⵏ ⵖⴻⴼ ⵓⵎⵢⴰⵡⴰⵙ ⴳⴰⵔ ⴽⵓⵍ ⵉⵃⵔⵉⵛⴻⵏ".
ⵜⴰⵙⵇⴰⵎⵓⵜ ⵜⴰⵖⴻⵍⵏⴰⵡⵜ — ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ — ⴰⴷ ⵜⴻⵙⵄⵓ ⴷⴷⵓⵔ "ⴰⴷⴻⵙⵍⴰⵏ" ⴷⴻⴳ ⵓⵙⵓⴷⴷⴻⵙ ⵏ ⵓⵊⴻⵔⵔⴻⴷ ⴷ ⵓⴹⴼⴰⵔ ⵏ ⵢⵉⴼⴰⵢⵍⵓⵡⴻⵏ, ⵢⴻⵔⵏⴰ ⴰⴷ ⴷ-ⵜⴻⴼⴽ ⵉⴱⵔⵉⴷⴻⵏ ⵏ ⵍⵇⴰⵏⵓⵏ ⵉ ⵓⵃⵓⴷⴷⵓ ⵏ ⵡⴰⴳⴻⵔⵔⵓⵊ-ⴰ ⵙⵉ ⵡⴰⴽⴽⴻⵏ ⴰⴷ ⵓⵔ ⵢⴻⵏⴳⴻⵔ ⴰⵔⴰ.
ⵜⴰⵎⴻⴽⴽⴻⵔⵙⵉ-ⴰ ⵜⴻⵙⴽⴰⵏ-ⴷ ⴷⴰⵖⴻⵏ ⵍⵊⴻⵀⴷ ⵏ ⵜⵎⴰⵡⵙⴰⵙⵜ ⵉ ⵓⵙⵔⴻⵙ ⵏ ⵢⵉⵡⴻⵏ ⵍⵃⴻⴽⵎ ⵢⴻⵊⵊⴻⵀⴷⴻⵏ, ⵙ ⵓⵙⴻⴷⴷⴻⵜ ⵏ ⵢⵉⵎⵓⵙⵏⴰⵡⴻⵏ ⴷ ⵢⵉⵏⴰⴷⵉⵢⴻⵏ ⴷ ⵓⵙⴻⵇⴷⴻⵛ ⵏ ⵜⴻⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ. ⵡⴰⵢⵉ ⴰⴷ ⵢⴻⵔⵔ ⴷⵣⴰⵢⴻⵔ ⴰⴷ ⵜⵉⵍⵉ ⴷ ⵜⴰⵎⴻⵇⵔⴰⵏⵜ ⴷⴻⴳ ⵓⵎⴰⴹⴰⵍ ⵙ ⵢⵉⴼⴰⵢⵍⵓⵡⴻⵏ ⵢⴻⴽⵎⴻⵍⵏ ⵉ ⵢⴻⵙⴽⴰⵏⴰⵢⴻⵏ ⴰⵏⴻⵔⵏⵉ ⴰⵢⴷⵍⴰⵏ ⵏ ⵜⵎⵓⵔⵜ-ⵏⵏⴻⵖ.
ⵜⴻⵙⴷⴻⴷ ⵜⵎⴰⵡⴰⵙⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ ⴱⴻⵍⵍⵉ ⴰⵇⴰⴷⴻⵔ ⵏ ⵡⴰⴳⴻⵔⵔⵓⵊ ⴰⵢⴷⵍⴰⵏ ⵡⴰⵔ ⵜⵓⵎⴰⵏⵜ ⴷ "ⴰⴼⵔⴰⵏ ⴰⵙⵜⵔⴰⵜⵉⵊⵉ ⴷ ⵜⵎⴻⵏⵖⵉⵡⵜ ⵜⴰⵖⴻⵍⵏⴰⵡⵜ" ⵉ ⵢⴻⵙⵙⵓⵜⵓⵔⴻⵏ ⴰⴹⴼⴰⵔ ⴷ ⵓⵇⴻⴷⴷⴻⵛ ⵢⴻⴽⵎⴻⵍⵏ ⵉ ⵓⴹⵎⴰⵏ ⵏ ⵓⵙⵙⵉⵡⴻⴹ ⵏ ⵍⵡⴻⵔⵜ-ⴰ ⴰⵔ ⵜⴰⵙⵓⵜⵉⵡⵉⵏ ⵉ ⴷ-ⵢⴻⵜⵜⴻⴷⴷⵓⵏ.
ⴰⵔⵏⵓ ⵖⴻⵔ
