ⵉⵙⵍⴻⵎ-ⴷ ⵢⵉⵎⵓⵙⵙⵏⴰⵡⴻⵏ ⴷ ⵢⵉⵎⵏⴰⴷⵉⵢⴻⵏ ⵍⴻⵣⵣⴰⵢⵔⵉⵢⴻⵏ ⵙ ⵓⵙⴱⴻⴷⴷⵉ ⵏ ⵓⵙⵇⴰⵎⵓ ⵓⵏⵉⴳ ⵏ ⵜⵓⴽⴽⵉⵙⵜ ⵜⴰⵎⴰⵙⵙⴰⵏⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵉ ⴷ-ⵢⵓⵙⴰⵏ ⵙ ⵜⵏⴻⵖⵜⴰⵙⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ. ⵙⵏⴻⴽⴷⴻⵏ ⴰⵣⴰⵍ ⵏ "ⵓⵙⵓⵔⵉⴼ-ⴰⴳⵉ ⴰⵎⴻⵣⵔⴰⵢ" ⵉ ⵢⴻⴱⵖⴰⵏ ⴰⴷ ⵢⴻⵙⴷⵓⴽⴻⵍ ⵜⵉⵣⴻⵎⵎⴰⵔ ⵜⴰⵣⵣⴰⵢⵔⵉⵢⵉⵏ ⵓ ⴰⴷ ⵜⴻⵏⵜ-ⵉⵛⵓⴷⴷ ⴷ ⵜⵙⴻⴷⴷⴰⵔⵉⵏ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⴻⴳⴳⴻⵔ ⵏ ⵓⵙⵏⴻⴼⵍⵉ ⴰⵖⴻⵍⵏⴰⵡ.
ⵉⵙⵔⴻⵚ-ⴷ ⵓⵔⴻⴱⴱⴰⵄ-ⴰⴳⵉ ⵏ ⵢⵉⵎⵓⵙⵙⵏⴰⵡⴻⵏ, ⴷⴻⴳ ⵜⵎⴻⵙⵍⴰⵢⵜⵉⵏ ⵉ ⵜⵏⴻⵖⵎⴰⵙⵜ ⴷⴻⴳ ⵔⵔⵉⴼ ⵏ ⵓⵜⴻⴽⴽⵉ-ⵏⵙⴻⵏ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴱⴻⴷⴷⵉ ⵏ ⵓⵙⵇⴰⵎⵓ, ⵖⴻⴼ ⵡⴰⵣⴰⵍ ⵏ "ⵡⴰⴷⴷⵓⴽⴻⵍ ⵏ ⵍⵎⴻⴶⵀⵓⴷⴰⵜ ⵏ ⵢⵉⵎⵏⴰⴷⵉⵢⴻⵏ ⵍⴻⵣⵣⴰⵢⵔⵉⵢⴻⵏ ⴷⴻⴳ ⴱⴻⵕⵕⴰ ⴷ ⵓⵎⵙⴰⵙⴻⵢ ⵏ ⵢⵉⵎⴰⵀⵉⵍⴻⵏ-ⵏⵙⴻⵏ ⵉ ⵏⴼⴰⵄ ⵏ ⵜⴻⵙⴷⴰⵡⵉⵢⵉⵏ, ⵜⴻⵎⵔⵉⵢⵉⵏ (laboratoires) ⴷ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ". ⵏⵏⴰⵏ-ⴷ ⴱⴻⵍⵍⵉ ⴰⵏⵉⴳ ⵏ ⵜⵉⵜⵉⴽⵏⵓⵍⵓⴶⵉⵢⵉⵏ ⵉⵙⵙⵓⵜⵜⵓⵔ ⵢⵉⵡⴻⵜ ⵏ ⵜⴰⵡⵏⵏⴰⴹⵜ ⵜⴰⵎⴰⵙⵙⴰⵏⵜ ⵉ ⵉⵣⴻⵎⵔⴻⵏ ⴰⴷ ⵜⵜ-ⵉⴷ-ⵜⴰⵡⵉ ⵓ ⴰⴷ ⵜⵜ-ⵉⴷ-ⵜⴻⵙⵏⴻⴼⵍⵉ.
ⴷⴻⴳ ⵓⵣⴻⵏⵣⵉⵖ-ⴰⴳⵉ, ⴰⴱⵕⵓⴼⵉⵙⵓⵔ ⵙⴰⴰⴷ ⵎⴻⴽⵀⵉⵍⴻⴼ, ⵙⴻⴳ ⵜⴻⵙⴷⴰⵡⵉⵜ ⵏ ⵎⴻⵍⴱⵓⵓⵔⵏⴻ (ⴰⵓⵙⵜⵕⴰⵍⵢⴰ), ⴰⵎⵓⵣⵣⴰⴳ ⴷⴻⴳ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ, ⵉⵙⵙⴻⴽⵏⴻⴷ ⵏⵏⴻⴼⵅⴰ-ⵉⵙ ⵙ ⵓⵜⴻⴽⴽⵉ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵉ ⵢⴻⵍⵍⴰⵏ — ⴰⴽⴽⴻⵏ ⵉ ⴷ-ⵢⴻⵏⵏⴰ — "ⴷ ⵜⴰⴳⵏⵉⵜ ⵉ ⵓⵕⵓⵚⵓ ⵏ ⵜⴰⵊⵎⵉⵍⵜ ⵉ ⵜⵎⵓⵔⵜ ⵙ ⵓⵏⵉⴳ ⵏ ⵜⵎⵓⵖⵍⵉⵡⵉⵏ ⴷ ⵓⵜⴻⴽⴽⵉ ⴷⴻⴳ ⵓⵙⵏⴻⴼⵍⵉ ⵏ ⵓⵃⵔⵉⵛ ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ".
ⵙⴻⴳ ⵜⴰⵎⴰ-ⵙ, ⴰⴱⵕⵓⴼⵉⵙⵓⵔ ⴰⴱⴷⴻⵍⴰⵣⵉⵣ ⵃⴰⵎⵣⴰⵓⵓⵉ, ⵙⴻⴳ ⵜⴻⵙⴷⴰⵡⵉⵜ ⵏ ⵔⴻⵏⵏⴻⵙ (ⴼⵔⴰⵏⵙⴰ), ⵉⵡⴰⵍⴰ ⴰⵙⴱⴻⴷⴷⵉ ⵏ ⵓⵙⵇⴰⵎⵓ-ⴰⴳⵉ ⴰⵎ "ⵜⴻⴳⵏⵉⵜ ⵏ ⵍⵅⵉⵕ ⵉ ⵓⵡⴻⵣⵣⵉ ⵏ ⵏⴼⴰⵄ ⵉ ⵍⴻⵣⵣⴰⵢⴻⵔ". ⵎⴰ ⴷ ⵜⴰⴷⵓⴽⵜⵓⵔⵜ ⵎⴰⵍⵉⴽⴰ ⴰïⵜ ⴱⵓⵓⴷⵔⵉⴰⵙ, ⵜⴰⵎⵏⴰⴷⵉⵢⵜ ⴷⴻⴳ ⵜⴻⵙⴷⴰⵡⵉⵜ ⵏ ⵀⴰⵔⵠⴰⵔⴷ (USA), ⵜⴻⵙⵙⴻⴽⵏⴻⴷ ⴱⴻⵍⵍⵉ ⴰⵙⵇⴰⵎⵓ-ⴰⴳⵉ ⴷ "ⵍⵍⵙⴰⵙ ⴰⵎⴻⵏⵣⵓ ⵉ ⵓⵙⵓⴷⴷⴻⵙ ⵏ ⵜⵓⴽⴽⵉⵙⵜ ⵜⴰⵎⴰⵙⵙⴰⵏⵜ", ⵜⴻⵙⴻⵀⵔⴻⵙ ⴱⴻⵍⵍⵉ "ⵉⵍⴰⵇ ⴰⴷ ⵏⵄⴻⴷⴷⵉ ⵙⴻⴳ ⵜⵎⴻⵙⵍⴰⵢⵉⵏ ⵏ ⵜⴻⴳⵏⵉⵜ ⵖⴻⵔ ⵓⵏⵉⴳ ⵏ ⵜⵉⴷⴻⵜ ⵓ ⵉ ⵉⵜⴻⴷⴷⵓⵏ ⵏ ⵜⵉⵜⵉⴽⵏⵓⵍⵓ ⵉⵢⵉⵏ ⴷ ⵓⵙⴻⴶⵀⴻⴷ ⵏ ⵓⵏⴰⴷⵉ ⴰⵎⴰⵙⵙⴰⵏ".
ⴷⴻⴳ ⵓⴱⵔⵉⴷ-ⴰⴳⵉ ⴷⴰⵖⴻⵏ, ⵎⴰⵙⵙ ⴰⴷⵓⴽⵀⵜⵓⵔ ⴱⴻⵍⴳⴰⵛⴻⵎ ⵀⴰⴱⴰ, ⴰⵎⴻⵙⵏⵓⵍⴼⵓ ⴰⵣⵣⴰⵢⵔⵉ ⵉⵕⴻⵙⵙⴰⵏ ⴷⴻⴳ ⵓⵏⵏⴰⵔ ⵏ ⵜⵉⵍⵉⴽⵜⵔⵓⵏⵉⵢⵉⵏ, ⵉⵙⵙⴻⴼⵀⴻⵎ-ⴷ ⴰⵣⴰⵍ ⵏ ⵓⵙⴱⴻⴷⴷⵉ ⵏ ⵓⵣⴻⵟⵟⴰ ⵏ ⵜⵣⴻⵎⵎⴰⵔ ⵍⴻⵣⵣⴰⵢⵔⵉⵢⴻⵏ ⴷⴻⴳ ⴱⴻⵕⵕⴰ ⵉ ⵓⴷⴻⴳⴳⴻⵔ ⵏ ⵜⴻⵙⴷⴰⵡⵉⵢⵉⵏ ⴷ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ (startups), ⵢⴻⵔⵏⴰ ⵢⴻⵙⵙⴰⵔⴰⵎ ⴰⵙⵇⴰⵎⵓ-ⴰⴳⵉ ⴰⴷ ⵢⴻⵙⵙⵉⵡⴻⴹ ⵢⴰⴽⴽ ⵉⵙⵡⵉⵢⴻⵏ ⵉ ⵏⴼⴰⵄ ⵏ ⵓⵙⵏⴻⴼⵍⵉ ⴰⵖⴻⵍⵏⴰⵡ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⴰⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵇⴱⴻⵍ ⴷⴻⴳ ⵜⴻⵎⵍⵉⵍⵉⵜ-ⵉⵙ ⵜⴰⵏⴻⴳⴳⴰⵔⵓⵜ ⴰⵙⴱⴻⴷⴷⵉ ⵏ ⵓⵙⵇⴰⵎⵓ ⵓⵏⵉⴳ ⵏ ⵜⵓⴽⴽⵉⵙⵜ ⵜⴰⵎⴰⵙⵙⴰⵏⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴰⵎ ⵜⴰⵙⴻⴽⴽⴰ ⵜⴰⵎⴻⵛⵛⴰⵡⴻⵔⵜ ⵉ ⵢⴻⵟⵟⴰⴼⴰⵔⴻⵏ ⵜⵉⵙⴻⵍⵡⵉⵜ ⵏ ⵜⴻⴳⴷⵓⴷⴰ, ⵢⴻⵔⵏⴰ ⵜⴻⵜⵜⴰⵡⵉ ⴰⵣⴰⵔⵓⴳ ⵏ ⵜⴻⴷⵔⵉⵎⵜ ⴷ ⵓⴷⴱⴻⵍ.
ⴷⴻⴳ ⵜⴰⴳⴳⴰⵔⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⵙⵉⵡⴻⵍ ⵉ ⵢⴰⴽⴽ ⴰⵔⵔⴰⵡ ⵏ ⵍⴻⵣⵣⴰⵢⴻⵔ ⴳⴰⵔ ⵢⵉⵜⵔⵉⵢⴻⵏ ⵏ ⵜⵓⵙⵙⵏⴰ ⴷⴻⴳ ⵓⵎⴰⴹⴰⵍ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⴷⴻⴳ ⵓⵙⴻⵏⴼⴰⵔ ⵏ ⵓⵙⴰⵍⵉ ⵏ ⵜⵎⵓⵔⵜ ⵖⴻⵔ ⵓⵙⵡⵉⵔ ⵏ ⵜⵎⵓⵔⴰ ⵉⴶⴻⵀⴷⴻⵏ.
ⴰⵔⵏⵓ ⵖⴻⵔ
