ⴰⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵉⴷ ⵙⴰⵉⵓⵓⴷ, ⵉⵙⵙⴻⴽⵏⴻⴷ-ⴷ ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴱⴻⵍⵍⵉ ⴰⵙⴰⴷⵓⴼ ⵏ ⵜⴻⴼⵔⴰⵏⵉⵏ ⴷ ⴰⵙⴻⴶⵀⴻⴷ ⵏ ⵡⴰⵢⴻⵏ ⵉ ⴷ-ⵜⴻⵡⵡⵉ ⵜⵙⴻⵔⵜⵉⵜ ⵏ ⵓⵙⴻⵍⴳⴻⵏ ⵢⴻⵄⵏⴰⵏ ⵜⵉ ⴼⵔⴰⵏⵉⵏ ⴷ ⵓⵙⵏⴻⴼⵍⵉ ⵏ ⵡⴰⵍⵍⴰⵍⴻⵏ-ⵉⵙ.
ⵙⴻⵍⴷ ⴰⵙⴻⵙⵜⵔⴻⴼ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (ⴰⵒⵏ) ⵖⴻⴼ ⵓⵙⴰⴷⵓⴼ-ⴰⴳⵉ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⴰⴹⵔⵉⵙ-ⴰⴳⵉ "ⴰⴷ ⴷ-ⵢⴻⵔⵔ ⵜⵣⴻⵎⵎⴰⵔ ⵏ ⵜⵏⴻⵣⵣⵉⵜ ⴷ ⵜⴼⴻⴼⴻⴼⴼⵉⵜ ⴷⴻⴳ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ ⵢⴻⵔⵏⴰ ⴰⴷ ⵉⵄⴰⵡⴻⵏ ⴷⴻⴳ ⵓⵙⴱⴻⴷⴷⵉ ⵏ ⵢⵉⵙⵇⴰⵎⵓⵡⴻⵏ ⵉⴼⵔⴰⵏⴻⵏ ⵉⵊⴻⵃⴷⴻⵏ, ⵉ ⴷ-ⵢⴻⵎⵎⴰⵍⴻⵏ ⵙ ⵜⵉⴷⴻⵜ ⴰⵢⴻⵏ ⵙⵙⵓⵜⵓⵔⴻⵏ ⵢⵉⵎⴻⵣⴷⴰⵖ ⴷ ⵓⵙⴻⴷⴷⴻⵔ ⵏ ⵓⵡⴰⵏⴰⴽ ⵏ ⵡⴻⵣⵔⴻⴼ".
ⴰⵏⴻⵖⵍⴰⴼ ⵉⴹⴼⴻⵔ-ⴷ ⵜⵎⴻⵙⵍⴰⵢⵜ-ⵉⵙ ⵖⴻⵔ ⵢⵉⵎⴰⵙⵍⴰⴷⴻⵏ: "ⴰⵙⴻⵙⵜⵔⴻⴼ-ⵏⵡⴻⵏ ⴰⵙⵙ-ⴰ ⵖⴻⴼ ⵓⵙⴻⵏⴼⴰⵔ ⵏ ⵓⵙⴰⴷⵓⴼ-ⴰⴳⵉ ⴷ ⴰⴷⴷⴰⴷ ⴰⵖⴻⵍⵏⴰⵡ ⵉⵕⴻⵙⵙⴰⵏ ⵉ ⴷ-ⵉⵙⴽⴰⵏ ⵍⵃⵉⵙ ⵉⵄⵍⴰⵢⴻⵏ ⵏ ⵜⵜⴻⴶⴶⴰⵜ ⵜⴰⵖⴻⵍⵏⴰⵡⵜ ⴷ ⵓⴼⴰ ⵏ ⵜⵙⴻⵔⵜⵉⵜ ⵏ ⵜⴰⵍⵍⵉⵜ ⵉ ⴷ-ⵉⵜⵜⴻⴷⴷⵓⵏ, ⴰⵎ ⴰⴽⴽⴻⵏ ⵉ ⴷ-ⵢⴻⵎⵎⴰⵍ ⵜⵓⵛⵛⵉⵜ ⵉ ⵓⴽⴻⵎⵎⴻⵍ ⵏ ⵓⴱⵔⵉⴷ ⵏ ⵢⵉⵙⵏⵉⵢⴰⵍⴻⵏ ⵏ ⵜⵎⵓⵙⵏⵉⵡⵉⵏ ⵉ ⴷ-ⵢⴻⵙⵙⴻⵔⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⴰⵀⵉⵍ ⵢⴻⵍⵀⴰⵏ ⵏ ⵢⵉⵙⵇⴰⵎⵓⵡⴻⵏ ⵉⴼⵔⴰⵏⴻⵏ ⵉ ⵏⴼⴰⵄ ⵏ ⵓⵖⵔⵉⵎ".
ⵢⴻⵔⵏⴰ-ⴷ ⵉⵙⵎⴻⴽⵜⵉ-ⴷ ⴱⴻⵍⵍⵉ ⵉⵙⵡⵉ ⵏ ⵓⴹⵔⵉⵙ-ⴰⴳⵉ ⴷ "ⴰⵙⴻⴶⵀⴻⴷ ⵏ ⵜⴰⵔⵔⴰⵢⵜ ⵜⴰⴷⴻⵎⵓⴽⵔⴰⵜⵉⵜ ⵉⵕⴻⵙⵙⴰⵏ ⵖⴻⴼ ⵢⵉⵍⵙⴰⵙⴻⵏ ⵏ ⵜⵎⴻⵏⴹⴰⵡⵜ ⵉⵊⴻⵃⴷⴻⵏ ⴷ ⵢⵉⵍⵓⴳⴰⵏ ⵉⴱⴰⵏⴻⵏ ⵏ ⵓⴼⵔⴰⵏ ⴰⵃⴻⵔⵔⵉ ⵏ ⵓⵖⵔⴻⴼ ⵉⵡⴰⴽⴽⴻⵏ ⴰⴷ ⴷ-ⵜⴻⵜⵜⵓⴽⴻⵎⵎⴻⵍ ⵜⵓⴷⴷⵙⵉⵡⴰ ⵏ ⵍⴻⵣⵣⴰⵢⴻⵔ ⵜⴰⵎⴰⵢⵏⵓⵜ, ⵍⴰⴷⵖⴰ ⵉⵙⵇⴰⵎⵓⵡⴻⵏ ⵉⴼⵔⴰⵏⴻⵏ ⵉ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴷ ⵜⵜⵓⵏⴻⵎⵍⴻⵏ ⵙⴻⴳ ⵢⵉⴷⵔⵉⵎⴻⵏ ⵏ ⵔⵔⴽⵡⴰ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵎⵉⵣⵉ ⵏ ⵓⵖⵔⴻⴼ ⵏ ⵜⵉⴷⴻⵜ".
ⵎⴰ ⴷ ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ, ⵎⴰⵙⵙ ⴱⵔⴰⵀⵉⵎ ⴱⵓⵓⴳⵀⴰⵍⵉ, ⵉⵙⵙⴻⴽⵏⴻⴷ-ⴷ ⴰⵣⴰⵍ ⵏ ⵓⴹⵔⵉⵙ-ⴰⴳⵉ ⴰⵙⴰⴷⵓⴼⴰⵏ "ⵉ ⴷ-ⵢⴻⵍⵍⴰⵏ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵏ ⵢⵉⵙⵏⵉⵢⴰⵍⴻⵏ ⵍⵇⴰⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵜⴻⵕⵚⵓ ⵜⴷⴻⵎⵓⴽⵔⴰⵜⵉⵜ ⴷ ⵓⵡⴰⵏⴰⴽ ⵏ ⵡⴻⵣⵔⴻⴼ ⵙ ⵢⵉⵡⴻⵏ ⵏ ⵓⵏⴰⴳⵔⴰⵡ ⵏ ⵜⴻⴼⵔⴰⵏⵉⵏ ⵉ ⵢⴻⵙⵄⴰⵏ ⵜⴰⵣⴰⵢⴻⵣⵜ (ⵛⵔéⴷⵉⴱⵉⵍⵉⵜé) ⴷ ⵜⴼⴻⴼⴻⴼⴼⵉⵜ, ⵉ ⴷ-ⵢⴻⵎⵎⴰⵍⴻⵏ ⵙ ⵜⵉⴷⴻⵜ ⵍⴻⴱⵖⵉ ⵏ ⵓⵖⵔⴻⴼ".
ⴰⵔⵏⵓ ⵖⴻⵔ
