ⴷⴻⴳ ⵓⵙⴰⴳⴻⵏ ⵏ ⵙⴽⵉⴽⴷⴰ, ⵜⴻⵍⵍⴰ-ⴷ ⵜⵉⴳⴳⴰⵡⵜ ⵏ ⵓⵄⴻⴱⴱⵉ ⵏ ⵢⵉⵡⴻⵜ ⵏ ⵜⴳⴻⵔⵔⵓⵎⵎⴰ ⵜⴰⵎⴻⵇⵇⵔⴰⵏⵜ ⵏ ⵡⵓⵣⴰⵍ ⵏ ⵍⴻⴱⵏⵉ ⵖⴻⵔ ⵜⵎⵓⵔⵜ ⵏ ⵎⵓⵔⵉⵟⴰⵏⵢⴰ. ⴰⵢⴰⴳⵉ ⴷ ⴰⵃⵔⵉⵛ ⴷⴻⴳ ⵓⵙⵏⴻⵔⵏⵉ ⵏ ⵉⵎⵢⴻⵛⵛⴻⵔⴻⵏ ⵏ ⵜⵏⴻⵣⵣⵓⵜ ⴳⴰⵔ ⵍⴻⵣⵣⴰⵢⴻⵔ ⴷ ⵜⵎⵓⵔⴰ ⵏ ⵜⴻⴼⵔⵉⵇⵜ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⵎⵓⵙⵏⵉ, ⵜⴰⵄⴻⴱⴱⴰ-ⴰⴳⵉ ⵜⵓⵙⴰ-ⴷ ⵙ ⵍⵇⴻⴷⴷ ⵏ 3000 ⵏ ⵢⵉⵟⵓⵏⵏⵓⵏⴻⵏ ⵏ ⵡⵓⵣⴰⵍ ⵏ ⵍⴰⵔⵙⴰⵙ, ⴷ ⵜⵉⵏ ⵉ ⴷ-ⵢⴻⵎⵎⴰⵍⴻⵏ ⴱⴻⵍⵍⵉ ⵎⵙⴻⴳⵔⴰⵢⴻⵏ ⴼⴻⵍⵍ-ⴰⵙ ⴰⵟⴰⵙ ⴷⴻⴳ ⵓⵏⵏⴰⵔ ⵏ ⵍⴻⴱⵏⵉ ⴷ ⵓⵎⴰⵀⵉⵍ ⴰⴳⴷⵓⴷⴰⵏ.
ⵜⴰⵎⵓⵙⵏⵉ ⵜⴰⵖⴻⵍⵏⴰⵡⵜ ⵏ ⵓⵣⵓⵏⴻⵢ ⵏ ⵢⵉⵍⵍⴻⵍ "ⵛⵏⴰⵏ"ⴷ ⵜⵉⵏ ⵉ ⴷ-ⵢⴻⵡⵡⵉⵏ ⵜⴰⵎⴰⵙⵉⵜ ⵏ ⵓⵣⵓⵏⴻⵢ-ⴰⴳⵉ. ⵜⴰⵎⵓⵙⵏⵉ-ⴰⴳⵉ ⵜⴻⵙⵙⴻⵃⵔⴰⵙ ⴰⵎⴰⵀⵉⵍ-ⵉⵙ ⵉⵡⴰⴽⴽⴻⵏ ⴰⴷ ⴷ-ⵜⴻⵙⵙⵉⵡⴻⴹ ⵙⵙⴻⵍⵄⴰ ⵏ ⵍⴻⵣⵣⴰⵢⴻⵔ ⵖⴻⵔ ⵙⵙⵓⵇ ⴰⴳⵔⴻⵖⵍⴰⵏ, ⵍⴰⴷⵖⴰ ⴰⵢⴻⵏ ⵓⵔ ⵏⴻⵍⵍⵉ ⴰⵔⴰ ⴷ ⵉⵎⴻⵔⵢⴰ.
ⵢⴻⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⵜⴻⴷⴷⵓ ⴷⴻⴳ ⵓⵏⵏⴰⵔ ⵏ ⵜⵙⵔⴻⵟ ⵜⴰⵖⴻⵍⵏⴰⵡⵜ ⵉⵡⴰⴽⴽⴻⵏ ⴰⴷ ⵜⴻⵜⵜⵓⵙⴻⵎⴳⴰⵔⴰⴷ ⵜⴷⴰⵎⵙⴰ ⴷ ⵓⵙⴱⴻⴳⴳⴻⵏ ⵏ ⵙⵙⴻⵍⵄⴰ ⵏ ⵜⵎⵓⵔⵜ ⴷⴻⴳ ⵓⴳⴻⴷⴻⵣ . ⵍⴻⵣⵣⴰⵢⴻⵔ ⵜⴻⴱⵖⴰ ⴰⴷ ⵜⴻⵙⵙⴰⵡⴻⴹ ⴰⴷ ⵜⵉⵍⵉ ⵙ ⵍⴶⴻⵀⴷ ⴷⴻⴳ ⵉⴳⴻⴷⴻⵣⴻⵏ ⵏ ⵜⴻⴼⵔⵉⵇⵜ ⴷ ⵓⵙⵏⴻⵔⵏⵉ ⵏ ⵡⴰⵙⵙⴰⵖⴻⵏ-ⵉⵙ ⵏ ⵜⵏⴻⵣⵣⵓⵜ ⴷ ⵢⵉⵎⵛⴻⴷⴷⵉⵡⴻⵏ ⵏⵏⵉⴹⴻⵏ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⴰⴷ ⵜ-ⵄⵉⵡⴻⵏ ⴷⴻⴳ ⵓⵙⴰⵍⵉ ⵏ ⵍⵇⴻⴷⴷ ⵏ ⵉⵎⵢⴻⵛⵛⴻⵔⴻⵏ ⵏ ⵜⵏⴻⵣⵣⵓⵜ ⴷ ⵓⵙⴻⴷⴷⴻⵔ ⵏ ⵢⵉⵙⴰⴳⵏⴻⵏ ⵏ ⵍⴻⵣⵣⴰⵢⴻⵔ ⴰⵎ ⵡⴰⵎⵎⴰⵙⴻⵏ ⵏ ⵓⵍⵓⵊⵉⵢⵙⵜⵉⴽ (pôles logistiques) ⵉⵕⴻⵙⵙⴰⵏ ⴷⴻⴳ ⵢⵉⵍⵍⴻⵍ ⴰⴳⵔⴰⴽⴰⵍ ⴷ ⵜⴻⴼⵔⵉⵇⵜ.
ⴰⵔⵏⵓ ⵖⴻⵔ
