ⴰⵖⵎⵉⵙ ⵏ "الشعب" (ⴰⵖⵔⴻⴼ) ⵢⴻⵅⴷⴻⵎ ⵢⵉⵡⴻⵏ ⵡⴻⴷⴷⴰⴷ ⴰⵎⴻⵇⵇⵔⴰⵏ ⴷⵉ ⵜⵓⵖⵎⵉⵙⵜ ⵜⴰⵏⴰⵎⵓⵔⵜ ⵉⵎⵉ ⵢⴻⵡⵡⴻⴹ ⵖⴻⵔ ⵡⵓⵟⵟⵓⵏ-ⵉⵙ ⵡⵉⵙⵙ ⵄⴻⵛⵔⵉⵏ ⵏ ⵍⴰⵍⴻⴼ (20,000). ⴷ ⴰⴱⵔⵉⴷ ⵏ ⵓⵅⴻⴷⴷⵉⵎ ⵉ ⵢⴻⴱⴷⴰⵏ ⵙⴻⴳ ⵓⵙⴻⴳⴳⴰⵙ ⵏ 1962, ⵢⴻⵔⵏⴰ ⵢⴻⵍⵍⴰ ⴷ ⵉⵏⵉⴳⵉ ⴰⵃⴻⵇⵇⴰⵏ ⵖⴻⴼ ⵡⴰⵢⴻⵏ ⴰⴽⴽ ⵢⴻⴹⵔⴰⵏ ⴷⵉ ⵍⵣⵣⴰⵢⵔ.
ⵓⵟⵟⵓⵏ-ⴰ ⵡⵉⵙⵙ 20,000 ⵎⴰⵛⵉ ⴷ ⵓⵟⵟⵓⵏ ⵏ ⵡⴰⴽⵓⴷ ⴽⴰⵏ, ⵍⴰⴽⵉⵏ ⴷ ⴰⵣⴰⵎⵓⵍ ⵏ ⵜⵏⴰⵣⵣⴰⴳⵜ ⴷ ⵜⴷⵓⴽⵍⵉ ⵏ ⵢⵉⵎⴻⵖⵔⵉⵢⴻⵏ. ⴰⵖⵎⵉⵙ-ⴰ ⵢⴻⵙⵙⴻⴽⵏ-ⵉⴷ ⴱⴻⵍⵍⵉ ⵜⵓⵖⵎⵉⵙⵜ ⵢⴻⵊⵀⴻⴷⵏ ⵜⴻⵜⵜⵉⴷⵉⵔ ⵙ ⵜⵣⵎⴻⵔⵜ ⵏ ⵡⴰⵡⴰⵍ-ⵉⵙ.
ⵙⴻⴳ ⵡⴰⵙⵙ ⵎⵉ ⴷ-ⵜⴻⵡⵡⵉ ⵍⵣⵣⴰⵢⵔ ⵜⵉⵍⴻⵍⵍⵉ-ⵉⵙ, "الشعب" ⵜⴻⵍⵍⴰ ⴷ ⴰⴳⴰⴷⵉⵔ ⵏ ⵢⵉⵙⴰⵍⴻⵏ ⵉⵏⴰⵎⵓⵔⴻⵏ. ⵓⵔ ⵜⴻⵍⵍⵉ ⴰⵔⴰ ⴷ ⴰⵖⵎⵉⵙ ⵏ ⵢⵉⵙⴰⵍⴻⵏ ⴽⴰⵏ, ⵍⴰⴽⵉⵏ ⵜⴻⵍⵍⴰ ⴷ ⴰⴷⵉⴳ ⵏ ⵜⵎⵓⵙⵏⵉ ⴷ ⵓⴷⵉⵢⴰⵍⵓⴳ ⴰⵏⴰⵎⵓⵔ. ⵜⴻⴷⴷⴰ ⴰⴽⴽⴻⴷ ⵡⴰⵔⵔⴰⵡ ⵏ ⵍⵣⵣⴰⵢⵔ ⴷⵉ ⵍⴼⴻⵔⵃ ⴷ ⵍⵇⴻⵔⵃ, ⴷⵉ ⵍⴱⴻⵏⵢⴰⵏ ⴷ ⵜⵎⴻⴽⵜⵉⵜ.
ⴷⴻⴳ ⵡⴰⴽⵓⴷ-ⴰ ⵏ ⵜⴻⵔⵇⴻⵎⵏⴻⵜ ,"الشعب" ⵜⴻⵙⵙⴻⴽⵏ-ⵉⴷ ⴱⴻⵍⵍⵉ ⴰⵣⵣⴰⵢⵔⵉ ⵢⴻⵣⵎⴻⵔ ⴰⴷ ⵢⴻⵙⵜⴻⵇⴷⴻⵎ ⵜⴰⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⴱⵍⴰ ⵎⴰ ⵢⴻⴼⴼⴻⵖ ⴷⴻⴳ ⵍⵇⵉⵎⴰ ⵏ ⵜⵓⵖⵎⵉⵙⵜ. ⴰⵙⴼⴻⴳⴳⴻⵍ-ⴰⴳⵉ ⵏ ⵡⵓⵟⵟⵓⵏ ⴰⵎⴻⵣⵔⵓⵢⴰⵏ ⵎⴰⵛⵉ ⴷ ⵜⴰⴳⴰⵔⴰ, ⵍⴰⴽⵉⵏ ⴷ ⴰⴱⵔⵉⴷ ⴰⵎⴰⵢⵏⵓ ⵖⴻⵔ ⵡⵓⵙⵙⴰⵏ ⵉ ⴷ-ⵢⴻⵜⵜⴻⴷⴷⵓⵏ.
ⵓⵟⵟⵓⵏ-ⴰ ⵡⵉⵙⵙ 20,000 ⴰⴷ ⵢⴻⵇⵇⵉⵎ ⴷ ⴰⵎⴻⴷⵢⴰ ⵉ ⵢⵉⵍⵎⴻⵣⵢⴻⵏ ⵏ ⴰⵣⴻⴽⴽⴰ."الشعب" ⵜⴻⵙⵙⴻⴽⵏ-ⵉⴷ ⴱⴻⵍⵍ ⵜⵉⵎⵓⵙⵙⵏⵉⵡⵉⵏ ⵉⵎⴻⵇⵇⵔⴰⵏⴻⵏ ⴷ ⵜⵉⵏ ⵉⴱⴻⵏⵏⵓⵏ ⴰⵎⴻⵣⵔⵓⵢ, ⵢⴻⵔⵏⴰ ⴰⴷ ⵜⴻⵇⵇⵉⵎ ⴷⴰⵢⴻⵎ ⴷ ⴰⵃⴻⵇⵇⴰⴷ (Gardien) ⵏ ⵜⵎⴻⴽⵜⵉⵜ ⵏ ⵍⵣⵣⴰⵢⵔ.
ⴰⵔⵏⵓ ⵖⴻⵔ
