ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ ⴷ ⵢⵉⵖⴰⵍⴰⴷⴻⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⵢⴻⵅⴷⴻⵎ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵉⵎⴻⵙⵍⴰⵢⴻⵏ ⴷ ⵓⵏⴻⵖⵍⴰⴼ ⵏ ⵍⵒⴻⵜⵔⵓⵍ ⴷ ⵜⵎⴻⵔⵔⵉ ⵏ ⵜⴻⴳⴷⵓⴷⴰ ⵏ ⵎⵓⵔⵉⵟⴰⵏⵢⴰ, ⵎⴰⵙⵙ ⵎⵓⵀⴰⵎⴻⴷ ⵓⵓⵍⴷ ⵅⴰⵍⴻⴷ. ⴰⵎⴻⴳⴳⴰⵔⵉ-ⴰⴳⵉ ⵢⵓⵙⴰ-ⴷ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⴷⴻⴳ ⵓⴱⵔⵉⴷ ⵏ ⵓⵜⴻⴽⴽⵉ-ⵉⵙ ⴷⴻⴳ ⵜⴰⵔⴱⴰⵄⵜ ⵏ ⵢⵉⵏⴻⵖⵍⴰⴼⴻⵏ ⵉ ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵎⵓⵔⵉⵟⴰⵏⵢⴰ, ⵎⴰⵙⵙ ⵎⵓⴽⵀⵜⴰⵔ ⵓⵓⵍⴷ ⴷⵊⴰⵢ, ⵉ ⴷ-ⵢⵓⵙⴰⵏ ⵉ ⵜⵙⴻⵎⵎⵓⵏⵜ ⵜⵉⵙ ⵜⵎⴻⵔⵡⵉⵏ (20) ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵎⴻⵇⵇⵔⴰⵏⵜ ⵏ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⵉ ⵓⵎⵢⴻⵛⵛⴻⵔ. ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵢⴻⵄⵏⴰⵏ ⵢⵉⵖⴰⵍⴰⴷⴻⵏ, ⵎⴰⵙⵙⴰ ⴽⴰⵔⵉⵎⴰ ⴱⴻⴽⵉⵔ ⵟⴰⴼⴻⵔ, ⴷ ⵓⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ, ⵎⴰⵙⵙ ⵏⵓⵓⵔⴻⴷⴷⵉⵏⴻ ⴷⴰⵓⵓⴷⵉ.
ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵜⴻⵙⵙⴻⵍⴽⴻⵎ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⴱⵖⴰⵏ ⴰⵙⴻⴶⵀⴻⴷ ⵏ ⵜⴷⵓⴽⵍⵉⵡⵉⵏ ⵏ ⵜⴻⴼⵔⵉⵇⵜ ⴷ ⵓⵙⵏⴻⵔⵏⵉ ⵏ ⵓⵎⵢⴻⵛⵛⴻⵔ "ⵓⵏⵥⵓⵍ-ⵓⵏⵥⵓⵍ" (ⵙⵓⴷ-ⵙⵓⴷ).
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ (ⵀⵢⴷⵔⵓⵛⴰⵔⴱⵓⵔⴻⵙ), ⵍⴰⴷⵖⴰ ⵙ ⵓⴷⴻⴳⴳⴻⵔ ⵏ ⵢⵉⵙⴻⵏⴼⴰⵔⴻⵏ ⵏ ⵓⵏⴰⴷⵉ (ⴻⵅⵒⵍⵓⵔⴰⵜⵉⵓⵏ) ⴷ ⵓⴼⴰⵔⵉⵙ ⴷⴻⴳ ⵎⵓⵔⵉⵟⴰⵏⵢⴰ, ⴷ ⵓⵙⵙⴻⵎⵖⴻⵔ ⵏ ⵜⴷⵓⴽⵍⵉ ⴷⴻⴳ ⵢⵉⵢⴻⵙⴽⵉⵔⴻⵏ ⵎⴻⵕⵕⴰ ⵏ ⵓⵣⴻⵏⵣⵉⵖ ⵏ ⵏⴼⴰⵄ, ⵙⴻⴳ ⵓⵏⴰⴷⵉ ⴰⵔⵎⵉ ⴷ ⵓⵣⵓⵏⴻⵢ, ⴰⴱⴻⴷⴷⴻⵍ ⴷ ⵜⵏⴻⵣⵣⵓⵜ. ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵉⵄⴰⵡⴻⴷ ⵉⵙⵙⴻⴽⵏⴻⴷ-ⴷ ⵍⴻⴱⵖⵉ ⵏ ⵍⴻⵣⵣⴰⵢⴻⵔ, ⵙ ⵓⴱⵔⵉⴷ ⵏ ⵓⵎⵓⵍⵍⵉ ⵏ "ⵙⵓⵏⴰⵜⵔⴰⵛⵀ", ⵉⵡⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⵙ ⵜⵎⵓⵖⵍⵉ-ⵉⵙ ⴷ ⵓⵙⴼⵓⵍⴻⵍ ⵏ ⵜⴰⵎⴰ ⵏ ⵎⵓⵔⵉⵟⴰⵏⵢⴰ ⵙ ⵡⴰⵀⵉⵍⴻⵏ ⵏ ⵓⵙⵉⵍⴻⵖ ⴷ ⵓⵏⵉⴳ ⵏ ⵜⵎⵓⵙⵏⵉ ⵜⴰⵜⵉⴽⵏⵉⴽⵜ.
ⴷⴰⵖⴻⵏ, ⵙⵉⵏ ⵏ ⵢⵉⴽⵓⴱⴰⵔ ⵎⵎⴻⵙⵍⴰⵢⴻⵏ ⵖⴻⴼ ⵜⴰⵔⵔⴰⵢⵉⵏ ⵉ ⵓⵙⴻⴶⵀⴻⴷ ⵏ ⵜⵉⵍⵉⵜ ⵏ ⵜⵎⵓⵙⵏⵉⵡⵉⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⴳⴻⴷⴻⵣ (ⵙⵙⵓⵇ) ⵏ ⵎⵓⵔⵉⵟⴰⵏⵢⴰ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵜⵏⴻⵣⵣⵓⵜ ⵏ ⵢⵉⴼⴰⵔⴰⵙⴻⵏ ⵏ ⵍⵒⴻⵜⵔⵓⵍ. ⵎⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ ⵓⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⴷⴻⴳ ⵢⵉⵏⵏⴰⵔⴻⵏ ⵉ ⴷ-ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⴰⵎⵉⵡⵉⵏ, ⵍⴰⴷⵖⴰ ⴷⴻⴳ ⵓⵙⴰⵜⵉⴳ ⴷ ⵓⴱⴻⴷⴷⴻⵍ ⵏ ⵢⵉⵙⴰⴼⴰⵔⴻⵏ, ⴰⵎ ⵍⴼⵓⵙⴼⴰⵜ, ⴷ ⵓⵙⵏⴻⴼⵍⵉ ⵏ ⵜⴻⵎⴳⵓⵔⵉ ⵏ ⵢⵉⴱⴻⵕⵕⴰⵏⴻⵏ (ⴻⵏⴳⵔⴰⵉⵙ).
ⴷⴻⴳ ⵜⴰⴳⴳⴰⵔⴰ, ⵙⴻⵃⵔⴻⵙⴻⵏ ⵖⴻⴼ ⵡⴰⵣⴰⵍ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵓⵙⵉⵍⴻⵖ ⴷ ⵓⵙⵏⴻⵔⵏⵉ ⵏ ⵜⵣⴻⵎⵎⴰⵔ ⵏ ⵜⴰⵍⵙⴰ, ⵙ ⵓⵏⴼⴰⵄ ⵙⴻⴳ ⵜⵎⵓⵖⵍⵉ ⵏ ⵢⵉⵎⴰⵄⵀⴷⴻⵏ ⵏ ⵓⵙⵉⵍⴻⵖ ⵏ ⵓⵏⵏⴰⵔ, ⴷⴻⴳ ⵓⵇⴻⵔⵔⵓ-ⵏⵙⴻⵏ ⴰⵎⴰⵄⵀⴻⴷ ⴰⵣⵣⴰⵢⵔⵉ ⵏ ⵍⵒⴻⵜⵔⵓⵍ (IAP).
ⴰⵔⵏⵓ ⵖⴻⵔ
