ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⵖⵍⴰⴼ ⵏ ⵓⵡⴰⵏⴰⴽ, ⴰⵏⵖⵍⴰⴼ ⵏ ⵜⵎⵙⴰⵍ ⵏ ⴱⴻⵔⵔⴰ ⵏ ⵜⴳⴷⵓⴷⴰ ⵏ ⴱⵓⵔⵜⵓⴳⴰⵍ, ⵎⴰⵙⵙ ⴱⴰⵡⵍⵓ ⵔⴰⵏⵊⵉⵍ, ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵜⵉⵎⴷⵓⴽⴽⵍⵉⵡⵉⵏ ⴳⴰⵔ ⵜⵎⵓⵔⵜ-ⵉⵙ ⴷ ⵍⵣⵣⴰⵢⴻⵔ ⵍⵀⴰⵏⵜ ⴰⵟⴰⵙ ⵢⴻⵔⵏⴰ ⴷ ⵜⵓⵥⵍⴰⵢⵉⵏ. ⵢⴻⵙⵙⵉⵔⴻⵎ ⵜⵓⵣⵣⵢⴰ-ⴰⴳⵉ ⴰⴷ ⵜⴻⵍⵍⵉ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⵜⵊⴻⵀⴻⴷ ⵜⵎⴷⵓⴽⴽⵍⵉ-ⴰⴳⵉ ⵓⴳⴰⵔ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⵉ ⵢⴻⴼⴽⴰ ⵎⴱⴰⵄⴻⴷ ⵎⴰ ⵢⴻⵙⵜⴻⵇⴱⴻⵍ-ⵉⵜ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵎⴰⵙⵙ ⵔⴰⵏⵊⵉⵍ ⵢⴻⵏⵏⴰ-ⴷ: "ⵢⴻⵍⵍⴰ-ⵢⵉ ⴷ ⵍⵛⴻⵔⴼ ⵉⵎⵉ ⵢⵉ-ⵢⴻⵙⵜⴻⵇⴱⴻⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ. ⴼⵔⴻⵃⴻⵖ ⴰⵟⴰⵙ ⵙ ⵜⵓⵣⵣⵢⴰ-ⴰⴳⵉ ⵖⴻⵔ ⵍⵣⵣⴰⵢⴻⵔ, ⵢⴻⵔⵏⴰ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⵏⴻⵀⴻⴳⴳⵉ ⵍⵍⵃⴰⵍⴰ ⵉ ⵓⵙⵊⴻⵀⴻⴷ ⵏ ⵜⵎⴷⵓⴽⴽⵍⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ-ⴰⴳⵉ ⵉ ⵢⴻⵍⵍⴰⵏ ⵢⴰⴽⴰ ⴷ ⵜⵓⵥⵍⴰⵢⵜ."
ⴰⵏⵖⵍⴰⴼ ⵏ ⴱⵓⵔⵜⵓⴳⴰⵍ ⵢⴻⵙⵙⴻⴽⵏ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴻⵔⵣⴰ ⵍⵍⵃⴰⵍⴰ ⵏ ⵜⵎⴷⵓⴽⴽⵍⵉ ⴳⴰⵔ ⵍⵣⵣⴰⵢⴻⵔ ⴷ ⴱⵓⵔⵜⵓⴳⴰⵍ ⵉ ⵢⴻⵙⵄⴰⵏ ⵢⵉⵡⴻⵏ ⵏ ⵢⵉⵙⴻⵏⵜⴰⵍ ⵓⵙⵙⵏⴰⵏⴻⵏ. ⵙⵙⴰⵡⵍⴻⵏ ⴷⴰⵖⴻⵏ ⵖⴻⴼ ⵢⵉⵎⴰⵍ ⵏ ⵜⵎⴷⵓⴽⴽⵍⵉ-ⴰⴳⵉ ⴷ ⵜⵎⵉⵙⴰⵍ ⵉⵊⴻⵀⴷⴻⵏ ⵉ ⵇⵇⴻⵏⵏ ⵍⵣⵣⴰⵢⴻⵔ ⵖⴻⵔ ⵜⴰⴷⵓⴽⴽⵍⵉ ⵏ ⵜⵓⵔⵓⴼⵜ.
ⵢⴻⵔⵏⴰ-ⴷ ⴱⴻⵍⵍⵉ ⵙⵙⴰⵡⵍⴻⵏ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵜⵎⵉⵙⴰⵍ ⵏ ⵓⵎⴰⴹⴰⵍ, ⵍⴰⴷⵯⴰ ⵍⵍⵃⴰⵍⴰ ⴷⴻⴳ ⵓⴳⵎⵓⴹ ⴰⵏⴰⵎⵎⴰⵙ, ⵢⵉⵎⴻⵏⵏⵓⵖⴻⵏ ⴷⴻⴳ ⵜⴼⵔⵉⵇⵜ ⴷ ⵍⵍⵃⴰⵍⴰ ⵏ ⵜⵎⴻⵏⵏⴰⴹⵜ ⵏ ⵙⵙⴰⵃⴻⵍ.
ⴷⴻⴳ ⵜⴰⴳⴳⴰⵔⴰ, ⵢⴻⵙⵙⴻⴽⵜⴰ-ⴷ ⵓⵏⵖⵍⴰⴼ ⵏ ⴱⵓⵔⵜⵓⴳⴰⵍ ⵜⵉⵎⵍⵉⵍⵉⵜ ⵉⵊⴻⵀⴷⴻⵏ ⵉ ⵢⴻⴳⴳⴰ ⴷ ⵓⵏⵖⵍⴰⴼ ⵏ ⵓⵡⴰⵏⴰⴽ ⵢⴻⵔⵣⴰⵏ ⵜⵎⵙⴰⵍ ⵏ ⴱⴻⵔⵔⴰ ⴷ ⵜⵖⵔⴻⵎⵜ ⴷⵉ ⴱⴻⵔⵔⴰ, ⵎⴰⵙⵙ ⴰⵃⵎⴻⴷ ⵄⴻⵟⵟⴰⴼ.
ⴰⵔⵏⵓ ⵖⴻⵔ
