ⵉⵜⴻⴷⴷⵓ ⵡⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⴰⵙⴻⴷⴷⴰⵔⵜ ⵜⴰⵎⴻⵏⵣⵓⵜ ⵏ ⵓⵙⵇⴰⵎⵓ ⵏ ⵢⵉⵔⴳⴰⵣⴻⵏ ⵏ ⵢⵉⵎⴻⵀⵍⴻⵔ ⴰⵣⵣⴰⵢⵔⵉ-ⴰⵜⵛⴰⴷⵉ. ⵉⵙⵉⴳ ⵏ ⵡⴰⴳⵔⴰⵡ-ⴰⴳⵉ ⴷ ⴰⵏⴰⴷⵉ ⵏ ⵢⵉⵙⵓⴼⴰ ⵏ ⵜⴰⵍⵍⴻⵍⵜ ⴷ ⵓⵙⴱⴻⴷⴷⵉ ⵏ ⵜⴷⵓⴽⵍⵉ ⴳⴰⵔ ⵢⵉⵎⵙⴻⴼⴻⴷⵡⴰⵢⴻⵏ ⵏ ⵜⴷⴰⵎⵙⴰ ⵏ ⵜⵎⵓⵔⴰ ⵏ ⵙⵏⴰⵜ.
ⵢⴻⵙⵙⴻⵍⵡⵉ ⴰⵏⵓⵔⵎⵓⵎ ⵏ ⵜⵙⴻⴷⴷⴰⵔⵜ-ⴰⴳⵉ, ⵉ ⴷ-ⵢⴻⵍⵍⴰⵏ ⴷⴻⴳ ⵓⵎⴻⵣⴷⵓⵖ ⵏ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴱⴻⵔⵔⴰ ⴷ ⵓⵙⵏⴻⵔⵏⵉ ⵏ ⵢⵉⴼⴰⵔⴽⵉⵙ (ⴻⵅⵃⵓⵔⵜⵙ), ⵎⴰⵙⵙ ⴽⴰⵎⴻⵍ ⵔⴻⵣⵉⴳ, ⴰⴽⴽⴻⴷ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ ⴷ ⵙⵚⴻⵏⴰⵄⴰ ⵏ ⵜⵛⴰⴷ, ⵎⴰⵙⵙ ⵎⴰⵜⵀⵉⴻⵓ ⴳⵓⵉⴱⵓⵍⵓ ⴼⴰⵏⴳⴰ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⴷⴻⴳ ⵡⴰⵡⴰⵍ-ⵉⵙ, ⵎⴰⵙⵙ ⵔⴻⵣⵉⴳ ⵢⴻⵏⵏⴰ-ⴷ ⴱⴻⵍⵍⵉ ⴰⴳⵔⴰⵡ-ⴰⴳⵉ ⴷ "ⴰⵎⴻⵛⵡⴰⵕ ⴰⵎⴻⵇⵇⵔⴰⵏ" ⵉ ⵓⵙⵏⴻⵔⵏⵉ ⵏ ⵜⴰⵍⵍⴻⵍⵜ ⵏ ⵜⴷⴰⵎⵙⴰ ⴳⴰⵔ ⵍⴻⵣⵣⴰⵢⴻⵔ ⴷ ⵜⵛⴰⴷ. ⵢⴻⵔⵏⴰ-ⴷ ⴱⴻⵍⵍⵉ ⴰⵙⴱⴻⴷⴷⵉ ⵏ ⵓⵙⵇⴰⵎⵓ-ⴰⴳⵉ ⴷ "ⵜⴰⵔⵔⴰⵢⵜ ⵉⵍⴰⵏ ⵏⴼⴰⵄ" ⵉⵡⴰⴽⴽⴻⵏ ⴰⵙⵙⴰⵢⴻⵏ ⵏ ⵓⵎⴻⵣⵔⵓⵢ ⴷ ⵜⴻⴳⵎⴰⵜ ⴰⴷ ⵓⵖⴰⵍⴻⵏ ⴷ ⵉⵙⴻⵏⴼⴰⵔⴻⵏ ⵏ ⵜⴷⴰⵎⵙⴰ ⵏ ⵍⵃⴻⵇⵇ ⵉⵡⴰⴽⴽⴻⵏ ⴰⴷ ⴷ-ⴰⵡⵉⵏ ⵔⴱⴻⵃ ⵉ ⵙⵏⴰⵜ ⵏ ⵜⵎⵓⵔⴰ.
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵙⵇⴰⵎⵓ-ⴰⴳⵉ ⴷ "ⵍⴻⴱⵖⵉ ⴰⵙⴻⵔⵜⵉ ⵏ ⵓⵙⴻⵍⵡⴰⵢ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ ⴷ ⵓⵙⴻⵍⵡⴰⵢ ⵎⴰⵀⴰⵎⴰⵜ ⵉⴷⵔⵉⵙⵙ ⴷéⴱⵢ ⵉⵜⵏⵓ", ⵉ ⵢⴻⴱⵖⴰⵏ ⴰⴷ ⵙⵏⴻⵔⵏⵉⵏ ⵜⴰⵍⵍⴻⵍⵜ ⵏ ⵜⴷⴰⵎⵙⴰ ⴷ ⵜⵏⴻⵣⵣⵓⵜ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵇⵇⴻⵏ ⵏ ⵜⴷⴰⵎⵙⴰ ⵏ ⵜⴻⴼⵔⵉⵇⵜ ⵢⴻⴱⵏⴰⵏ ⵖⴻⴼ ⵓⴳⴻⵔⵔⵓⵞ ⵉ ⴷ-ⵢⴻⵜⵜⵡⴰⴼⴻⵔⵖⴻⵏ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵎⴰⵙⵙ ⵔⴻⵣⵉⴳ ⵉⵙⴻⴳⵣⵉ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵡⵉ-ⴷ ⴰⴷ ⵜⵍⴻⴷⴷⵉ ⵜⴰⵡⵡⵓⵔⵜ ⵏ ⵜⴷⴰⵎⵙⴰ ⵖⴻⵔ ⴷⴰⵅⴻⵍ ⵏ ⵜⴻⴼⵔⵉⵇⵜ, ⵍⴰⴷⵖⴰ ⵉⵎⵉ ⵉⵜⴻⴷⴷⵓ ⵓⵚⴻⴳⴳⴻⵎ ⵏ ⵓⴱⵔⵉⴷ ⵏ ⵍⵀⴰⵡⵡⴰ (ⴰⵙⴰⴼⴰⴳ) ⴳⴰⵔ ⵍⴻⵣⵣⴰⵢⴻⵔ ⴷ ⵏ'ⴷⵊⴰⵎⴻⵏⴰ, ⴰⴽⴽⴻⴷ ⵓⴱⵔⵉⴷ ⴰⵎⴻⵇⵇⵔⴰⵏ "ⵓⴱⵔⵉⴷ ⵏ ⵜⴷⵓⴽⵍⵉ ⵏ ⵜⴻⴼⵔⵉⵇⵜ" (ⵍⴻⵣⵣⴰⵢⴻⵔ-ⵍⴰⴳⵓⵙ), ⵉⵡⴰⴽⴽⴻⵏ ⴰⴷ ⵢⵉⵙⵀⵉⵍ ⵓⵏⵢⵓⴷⴷⵓ ⵏ ⵙⵙⴻⵍⵄⴰ ⴷ ⵢⵉⵎⴷⴰⵏⴻⵏ.
ⵙⴻⴳ ⵜⴰⵎⴰ-ⵉⵙ, ⴰⵏⴻⵖⵍⴰⴼ ⵏ ⵜⵛⴰⴷ ⵢⴻⵙⵙⴻⵏⵎⴻⵔ ⴰⵙⴰⵍⵉ ⵏ ⵓⵙⵇⴰⵎⵓ-ⴰⴳⵉ, ⵢⴻⵏⵏⴰ-ⴷ ⴱⴻⵍⵍⵉ ⴷ "ⴰⵎⴻⵛⵡⴰⵕ ⵉⵍⴰⵏ ⴰⵣⴰⵍ" ⵉⵡⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴷⵓⴽⵍⵉ, ⵉⵎⵉ ⵜⴰⵎⵓⵔⵜ-ⵉⵙ ⵜⴻⵙⵄⴰ ⴰⵟⴰⵙ ⵏ ⵜⵣⴻⵎⵎⴰⵔ ⵉ ⵢⴻⴱⵖⴰⵏ ⴰⵙⴻⵏⴽⴻⵔ ⵏ ⵜⴷⴰⵎⵙⴰ ⴷ ⵜⵏⴻⵣⵣⵓⵜ. ⵢⴻⵙⵙⴰⵡⴻⵍ ⵉ ⵢⵉⵔⴳⴰⵣⴻⵏ ⵏ ⵢⵉⵎⴻⵀⵍⴻⵔ ⴰⵣⵣⴰⵢⵔⵉⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵏⴰⴷⵉⵏ ⵉⵙⵓⴼⴰ ⵏ ⵓⵙⵎⴰⵔⵉ ⴷⴻⴳ ⵜⵛⴰⴷ ⴷⴻⴳ ⵓⵏⴰⴳⵔⴰⵡ "ⵔⴱⴻⵃ-ⵔⴱⴻⵃ".
ⴰⵔⵏⵓ ⵖⴻⵔ
