ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴼⴼⴻⵖ-ⴷ ⴷⴻⴳ ⵡⵓⵟⵟⵓⵏ ⵡⵉⵙ 12 ⵏ ⵜⵙⵖⵓⵏⵜ ⵜⵓⵏⵚⵉⴱⵜ (Official Journal) ⵢⵉⵡⴻⵏ ⵓⵏⴰⴳⵔⴰⵡ ⴰⵎⴰⵢⵏⵓ ⵏ ⵜⵙⴻⵇⵇⴰⵎⵓⵜ ⵏ ⵓⵙⴻⴳⴳⴻⵎ ⴷ ⵓⵄⴰⵙⵙ ⵏ ⵍⴱⵓⵔⵚⴰ . ⴰⵏⴰⴳⵔⴰⵡ-ⴰⴳⵉ ⵢⴻⵔⵔⴰ ⵜⵉⵎⴻⵔⵙⴻⵍⵉⵏ ⵢⴻⵙⵄⴰⵏ ⴰⵣⴰⵍ ⴷⴻⴳ ⵓⵏⵏⴰⵔ ⵏ ⵡⴰⵜⵉⴳⴻⵏ ⵓⵛⵛⵉⵍ ⵖⴻⴼ-ⵙⴻⵏⵜ ⴰⴷ ⴱⴻⵢⵢⴻⵏⴻⵏⵜ ⵎⴰⵕⵕⴰ ⵉⵙⴰⵍⵍⴻⵏ-ⵏⵙⴻⵏⵜ (ⵡⵉⴷ ⵏ ⵡⴻⴷⵔⵉⵎ, ⵏ ⵜⵏⴻⵣⵣⵓⵜ ⴷ ⵜⵜⴻⴽⵏⵉⴽ) ⵙ ⵓⴱⵔⵉⴷ ⵏ ⵓⵎⴹⴰⵏ (digital).
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴰⴳⵔⴰⵡ ⵓⵟⵟⵓⵏ 25-04, ⵉ ⵜⴻⵇⴱⴻⵍ ⵜⵏⴻⵖⵍⴰⴼⵜ ⵏ ⵡⴻⴷⵔⵉⵎ, ⴽⵓⵍ ⵜⴰⵎⴻⵔⵙⴻⵍⵜ ⵢⴻⵍⵀⴰ ⴰⴷ ⵜⴻⴳ ⵢⵉⵡⴻⵏ ⵓⵃⵔⵉⵛ ⵢⴻⵚⴼⴰⵏ ⴷⴻⴳ ⵓⵙⵎⴻⵍ-ⵉⵙ ⵏ ⵍⵉⵏⵜⴻⵔⵏⴻⵜ ⵉ ⵡⴰⴽⴽⴻⵏ ⴰⴷ ⵜⴻⵙⵙⴻⴼⵔⵓ ⵡⵉⴷ ⵢⴻⴱⵯⴰⵏ ⴰⴷ ⵙⵙⴻⴽⵛⴻⵎⴻⵏ ⴰⴷⵔⵉⵎ-ⵏⵙⴻⵏ. ⴰⵃⵔⵉⵛ-ⴰⴳⵉ ⵢⴻⵍⵀⴰ ⴰⴷ ⵢⵉⵍⵉ ⴷ ⵓⵙⴷⵓⴽⴽⴻⵍ ⵏ ⵢⵉⵙⴰⵍⵍⴻⵏ ⵏ ⵡⴻⴷⵔⵉⵎ, ⵢⵉⵡⵏⴻⴳⵉⵡⴻⵏ ⵓⵏⵚⵉⴱⴻⵏ, ⵢⵉⵙⴻⴼⵔⴻⵯⵏ ⵏ ⴽⵓⵍ ⴰⴽⵓⴷ ⴷ ⵜⵡⵔⵉⵇⵉⵏ ⵏ ⵜⵏⴻⴱⴷⴰⴷⵜ ⵏ ⵜⵎⴻⵔⵙⴻⵍⵜ.
ⵢⴻⵍⵀⴰ ⴰⴷ ⵢⵉⵍⵉ ⵓⵙⴱⴻⵢⵢⴻⵏ ⵏ ⵢⵉⵙⴰⵍⵍⴻⵏ-ⴰⴳⵉ ⵙ ⵢⵉⵡⴻⵜ ⵏ ⵜⵓⵜⵍⴰⵢⵜ ⵢⴻⵜⵜⵓⴼⴻⵀⵎⴻⵏ, ⵢⴻⵔⵏⴰ ⴰⴷ ⵢⵉⵍⵉ ⵓⴼⵔⴰⵢ-ⵏⵙⴻⵏ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ ⴷ ⵜⵓⵜⵍⴰⵢⵉⵏ ⵏⵏⵉⴹⴻⵏ. ⵉⵙⴰⵍⵍⴻⵏ-ⴰⴳⵉ ⵢⴻⵍⵀⴰ ⴰⴷ ⵇⵇⵉⵎⴻⵏ ⴷⴻⴳ ⵓⵙⵎⴻⵍ ⵓⴳⴰⵔ ⵏ ⵎⵔⴰⵡ (10) ⵏ ⵢⵉⵙⴻⴳⴳⴰⵙⴻⵏ ⵙⴻⴳ ⵡⴰⵙⵎⵉ ⵉ ⴷ-ⴼⴼⵖⴻⵏ. ⵜⴰⵙⴻⵇⵇⴰⵎⵓⵜ ⵜⴻⵙⵙⴻⵊⴷⴻⴷ ⴱⴻⵍⵍⵉ ⵉⵙⴰⵍⵍⴻⵏ-ⴰⴳⵉ ⵢⴻⵍⵀⴰ ⴰⴷ ⵍⵍⵉⵏ ⴷ ⵜⵉⴷⴻⵜ, ⴷ ⵡⵉⴷ ⵢⴻⵚⴼⴰⵏ ⵢⴻⵔⵏⴰ ⴷ ⵡⵉⴷ ⵢⴻⵜⵜⵡⴰⵇⴻⴱⵍⴻⵏ.
ⵙ ⵓⵏⴰⴳⵔⴰⵡ-ⴰⴳⵉ ⴰⵎⴰⵢⵏⵓ, ⵎⴰⵕⵕⴰ ⵡⵉⴷ ⵢⴻⵙⵙⴻⴽⵛⴰⵎⴻⵏ ⴰⴷⵔⵉⵎ ⵙⵄⴰⵏ ⵢⵉⵡⴻⵏ ⵍⵃⴻⵇⵇ ⵉ ⵡⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵢⵉⵙⴰⵍⵍⴻⵏ ⴷ ⵜⵡⵔⵉⵇⵉⵏ ⵏ ⵜⵎⴻⵔⵙⴻⵍⵜ ⴷⴻⴳ ⵢⵉⵡⴻⵏ ⵡⴰⴽⵓⴷ. ⵜⴰⵎⴻⵔⵙⴻⵍⵜ ⵓⵛⵛⵉⵍ ⵖⴻⴼ-ⵙ ⴰⴷ ⵜⴻⴼⴽ ⵉⵙⴰⵍⵍⴻⵏ ⵖⴻⴼ ⴽⵓⵍ ⵓⴱⴻⴷⴷⴻⵍ ⵉⵊⴻⵀⴷⴻⵏ ⵢⴻⵣⵎⵔⴻⵏ ⴰⴷ ⵢⴻⴳ ⵛⵛⵡⴰⵍ ⴷⴻⴳ ⵡⴰⵜⵉⴳ ⵏ ⵜⵎⴻⵔⵙⴻⵍⵜ ⴷⴻⴳ ⵓⵏⵏⴰⵔ ⵏ ⵡⴰⵜⵉⴳⴻⵏ.
ⵎⴰ ⵢⴻⵍⵍⴰ ⵜⴻⴼⴼⴻⵖ-ⴷ ⴽⵔⴰ ⵏ ⵜⵙⴻⵔⴽⴻⵙⵜ ⴷⴻⴳ ⵢⵉⵙⵡⴰⵇⴻⵏ ⵢⴻⵣⵎⵔⴻⵏ ⴰⴷ ⵜⴻⴳ ⵛⵛⵡⴰⵍ ⵉ ⵡⴰⵜⵉⴳ ⵏ ⵜⵎⴻⵔⵙⴻⵍⵜ, ⵢⴻⵍⵀⴰ ⴰⴷ ⵜⴻⴼⴽ ⵜⴰⵎⴻⵔⵙⴻⵍⵜ-ⵏⵏⵉ ⵢⵉⵡⴻⵏ ⵡⴰⵍⵖⵓ ⵓⵏⵚⵉⴱ ⵉⵎⵉⵔⴻⵏ ⴽⴰⵏ ⵉ ⵡⴰⴽⴽⴻⵏ ⴰⴷ ⵜⴻⵚⴼⵉ ⵜⵉⴷⴻⵜ.
ⵜⴰⵙⴻⵇⵇⴰⵎⵓⵜ ⵏ "COSOB" ⵜⴻⵏⵏⴰ-ⴷ ⴱⴻⵍⵍⵉ ⴰⵏⴰⴳⵔⴰⵡ-ⴰⴳⵉ ⴰⵎⴰⵢⵏⵓ ⵢⵓⵙⴰ-ⴷ ⵉ ⵡⴰⴽⴽⴻⵏ ⴰⴷ ⵢⴻⵙⵊⴻⵀⴻⴷ ⵜⴰⴼⴰⵡⵜ ⴷ ⵓⵇⴰⴷⴻⵔ ⵏ ⵍⵇⴰⵏⵓⵏ, ⵢⴻⵔⵏⴰ ⴰⴷ ⵢⴻⵙⵎⴰⵢⵏⵓ ⴰⴱⵔⵉⴷ ⵏ ⵓⵙⵓⴼⴼⴻⵖ ⵏ ⵢⵉⵙⴰⵍⵍⴻⵏ ⵙ ⵓⵙⴻⵇⴷⴻⵛ ⵏ ⵡⴰⵍⴰⵜⴻⵏ ⵏ ⵓⵎⴹⴰⵏ ⵢⴻⵊⵊⴻⵀⴷⴻⵏ. ⴰⵏⴰⴳⵔⴰⵡ-ⴰⴳⵉ ⴰⴷ ⵢⴻⵟⵟⴻⴼ ⴰⵎⴽⴰⵏ ⵏ ⵡⵉⵏ ⵏ ⵓⵙⴻⴳⴳⴰⵙ 2000, ⵉ ⵡⴰⴽⴽⴻⵏ ⴰⴷ ⵢⴻⴷⴷⵓ ⴷ ⵓⴱⴻⴷⴷⴻⵍ ⵏ ⵍⵇⴰⵏⵓⵏ ⴷ ⵓⵏⴻⴼⵍⵓ ⵏ ⵓⵎⴹⴰⵏ ⴷⴻⴳ ⵓⵎⴰⴹⴰⵍ ⴽⴰⵎⴻⵍ.
ⴰⵔⵏⵓ ⵖⴻⵔ
