ⴰⴳⴻⵏⵙⴰⵙ ⵉⵎⴻⵣⴳⵉ ⵏ ⴷⵣⴰⵢⴻⵔ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ, ⵎⴰⵙⵙ ⴰⵎⴰⵔ ⴱⴻⵏⴷⵊⴰⵎⴰ, ⵉⵙⴻⵔⵙ-ⵉⵜ, ⴷ “ⴰⴷⵉⵒⵍⵓⵎⴰⵜⵉ ⵏ ⵓⵙⴻⴳⴳⴰⵙ ⵏ 2025”, ⵓⵎⵉⴷⵢⴰ ⴰⵎⵣⴰⵔⵓⴳ ⴰⵎⴰⵔⵉⴽⴰⵏⵉ “ⵒⴰⵙⵙⴱⵍⵓⴻ » ⵙⴻⴳ ⵉⴳⴰⵏ ⴰⵙⴻⵏⵇⴻⴷ ⵏ ⵜⴰⵏⵏⴰⵢⵜ ⵏ ⵢⴰⵍ ⴰⵙⴻⴳⴳⴰⵙ ⴰⴽⴽⴻⵏ ⴰⴷ ⵙⴻⵔⵙⴻⵏ ⵓⴷⴻⵎ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵏ ⵓⵙⴻⴳⴳⴰⵙ ⵏ 2025.
ⵜⴻⵙⵙⴻⴷⴷⵉ-ⴷ ⵒⴰⵙⵙⴱⵍⵓⴻ, ⴷⴻⴳ ⵓⵎⴰⴳⵔⴰⴷ-ⵉⵙ, ⴷⴰⴽⴽⴻⵏ ⵎⴰⵙⵙ ⴱⴻⵏⴷⵊⴰⵎⴰ “ⵉⵃⵓⴷⴷ ⵍⴰⴷⵖⴰ ⵜⴰⵎⴻⵏⵜⵉⵍⵜ ⵜⴰⴼⴰⵍⴰⵙⵟⵉⵏⵉⵜ”, ⵢⴻⵙⴳⵓⵔⵉ-ⴷ ⵙⵔⵉⴷ ⵉ ⵢⵉⵔⵏⴰⵡⴻⵏ-ⵉⵙ ⴰⴽⴽⴻⴷ ⵓⵎⴰⴹⴰⵍ, ⵖⴻⴼ ⵓⵎⴻⴷⵢⴰ, ⵖⴻⵣⵣⴰ : « ⴰⵢⴻⵏ ⵉ ⵍⴰ ⵏⴻⵜⵜⵡⴰⵍⵉ ⵎⴰⵞⵞⵉ ⴷ ⴰⵎⴳⴰⵔⵓ, ⴷ ⴰⵙⴻⵏⴳⴻⵔ, ⵎⴰⵞⵞⵉ ⴽⴰⵏ ⵏ ⵢⵉⵎⴷⴰⵏⴻⵏ, ⵎⴰⵛⴰ ⵏ ⵜⵎⴻⴷⴷⵓⵔⵜ ⵙ ⵜⵉⵎⵎⴰⴷ-ⵉⵙ ».
ⴰⵎⵉⴷⵢⴰ ⴰⵎⴰⵔⵉⴽⴰⵏⵉ ⵢⴻⵔⵏⴰ ⵉⵙⴻⵔⵙ ⴰⵎⴰⵙⴰⵢ ⴰⵎⴰⵜⵓ ⵏ ⵓⵙⵉⵔⴰ ⵏ ⵓⵙⵓⴽⴽⴻⵙ ⴰⴽⴽⴻⴷ ⵢⵉⵎⴰⵀⵉⵍⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵢⵉⵣⵔⴰⵣⴰⵖⴻⵏ ⵉⴼⴰⵍⴰⵙⵟⵉⵏⵉⵢⴻⵏ ⴷ « ⵓⴷⴻⵎ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵏ ⵓⵙⴻⴳⴳⴰⵙ ⵏ 2025 ».
ⵢⵓⵔⴰ ⵉⵍⵎⴻⵏⴷ ⵏ ⵡⴰⵢⴰ : « ⴰⴷⵉⵒⵍⵓⵎⴰⵜⵉ ⴰⵙⵡⵉⵙⵉ ⵒⵀⵉⵍⵉⵒⵒⴻ ⵍⴰⵣⵣⴰⵔⵉⵏⵉ ⵢⴻⵙⵏⵉⵍⵉ ⵜⵓⴷⴷⵙⴰ « ⴰⵙⵉⵔⴰ ⵏ ⵓⵙⵓⴽⴽⴻⵙ ⴰⴽⴽⴻⴷ ⵢⵉⵎⴰⵀⵉⵍⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵢⵉⵣⵔⴰⵣⴰⵖⴻⵏ ⵉⴼⴰⵍⴰⵙⵟⵉⵏⵉⵢⴻⵏ » ⵙⴻⴳ ⵓⵙⴻⴳⴳⴰⵙ ⵏ 2020 ⴰⵔ ⴰⵙⵙ-ⴰ. ⵢⴻⵙⵙⴻⴷⴷⴰ ⵜⴰⵏⴻⴳⴳⴰ ⴳⴰⵔ ⵎⴻⵏⵏⴰⵡ ⵏ ⵜⵣⴻⵖⵏⵉⵏ ⵜⵉⵡⴻɛⵔⴰⵏⵉⵏ ⵓⴳⴰⵔ ⵉ ⵜⴻⴷⴷⴻⵔ ⴷⴻⴳ 76 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵢⵓⵖⴰⵍ ⴷ ⵢⵉⵡⴻⵏ ⴳⴰⵔ ⵢⵉⵎⵃⴰⴷⴷⵉⵢⴻⵏ ⵉ ⴷ-ⵢⵓⴼⵔⴰⵔⴻⵏ ⴷⴻⴳ ⵜⵓⴷⴷⵙⴰ ⵉ ⵢⵉⵎⴻⵍⵢⴰⵏ ⵏ ⵢⵉⵣⵔⴰⵣⴰⵖⴻⵏ ⵉⴼⴰⵍⴰⵙⵟⵉⵏⵉⵢⴻⵏ », ⵔⵏⵓ-ⴷ ⵜⴰⵎⴻⵜⵜⴰⵏⵜ ⵏ 309 ⵏ ⵢⵉⵎⴰⵙⵍⴰⴹⴻⵏ ⵏ ⵓⵙⵉⵔⴰ ⵉ ⵢⴻⵖⵍⵉⵏ ⴷⴻⴳ ⵓⵎⴳⴰⵔⵓ ⵏ ⵓⵙⴻⵏⴳⴻⵔ ⴰⵚⴻⵀⵢⵓⵏⵉ ⴷⴻⴳ ⵖⴻⵣⵣⴰ.
ⴰⵔⵏⵓ ⵖⴻⵔ
