ⴰⵏⴻⵖⵍⴰⴼ ⵏ ⵓⵙⵉⵡⴻⵍ ⵉⵙⴻⵍⴻⴷ ⵖⴻⴼ ⵜⵉⴽⵛⵉ ⵏ ⵜⵙⴰⴳ ⵏ ⵓⵇⴱⴰⵍ ⵉ ⵢⵉⵎⴹⴻⴱⴱⵔⴻⵏ ⵏ ⵢⵉⵎⴻⵙⴽⴰⵔⴻⵏ ⵏ ⵓⵙⵉⵡⴻⵍ ⵉⴱⴻⵔⵔⴰⵏⵉⵢⴻⵏ ⴷⵉ ⵍⵣⵣⴰⵢⴻⵔ

ⵢⴻⵎⵎⵓⵜ ⵓⵎⴼⴻⵙⵙⴻⵔ ⵏ ⵡⴰⴷⴷⴰⵍ ⵏ ⵣⵉⴽ ⴷⵉ ⵜⵉⵍⵉⵡⵉⵣⵢⵓ ⵏ ⵍⵣⵣⴰⵢⴻⵔ, ⵄⴰⴱⴷⴻⵍⵔⴻⵣⵣⴰⵇ ⵣⵓⴰⵡⵉ, ⴰⵙⵙ-ⴰ ⵏ ⵜⵍⴰⵜⴰ, ⴷⵉ ⵍⵄⴻⵎⵔ-ⵉⵙ ⵏ 90 ⵏ ⵢⵉⵙⴻⴳﮕⴰⵙⴻⵏ, ⴰⵎⴻⴽ ⵉ ⴷ-ⵜⴻⵏⵏⴰ ⵜⵡⴰⵛⵓⵍⵜ-ⵉⵙ.

ⵣⵓⴰⵡⵉ ⵢⴻⵜⵜⵡⴰⵙⵙⴻⵏ ⵙ ⵜⵓⴳⴻⵜ ⴷⴻⴳ ⵢⵉⵙⴻⴳﮕⴰⵙⴻⵏ ⵏ ⵙⴻⴱⵄⵉⵏ (70), ⵍⴰⴷⵖⴰ ⴷⴻⴳ ⵜⵓⵔⵔⵓⴼⴰⵜ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵏ ⴷⴷⴰⴱⴻⵅ ⵏ ⵓⴹⴰⵔ. ⵢⴻⵊⵊⴰ ⵉⵙⴻⵎ-ⵉⵙ ⴷⴻⴳ ⵡⵓⵔⴰⵔⴻⵏ ⵉⵎⴻⵇⵇⵔⴰⵏⴻⵏ ⵉ ⴷ-ⵢⴻⵍⵍⴰⵏ ⴷⵉ ⵍⵣⵣⴰⵢⴻⵔ ⵜⴰⵎⴰⵏⴰⵖⵜ: ⵓⵔⴰⵔⴻⵏ ⵏ ⵢⵉⵍⵍⴻⵍ ⴰⴳⵔⴰⴽⴰⵍ ⵏ 1975 ⴷ ⵡⵓⵔⴰⵔⴻⵏ ⵏ ⵜⴻⴼⵔⵉⵇⵜ ⵏ 1978.

ⵉⵎⴻⴼⵔⴻⵊⴻⵏ ⵏ ⵡⴰⴷⴷⴰⵍ ⵓⵔ ⵜⵜⵓⵏ ⴰⵔⴰ ⴰⵡⴰⵍ-ⵉⵙ ⴰⵎⴻⵛⵀⵓⵔ ⴷⴻⴳ ⵓⴼⵔⴰⴳ ⵏ ⵜⴳⴰⵔⴰ (finale) ⵏ ⴽⴰⵙ ⵏ ⵜⴻⴼⵔⵉⵇⵜ ⵏ ⵢⵉⴼⴻⵔⴽⴰⵏ (clubs), ⴳⴰⵔ ⵜⴻⵔⴱⴰⵄⵜ ⵏ ⵎⵓⵍⵓⴷⵢⴰ ⵏ ⵍⵣⵣⴰⵢⴻⵔ (MCA) ⴷ ⵍⵃⴰⴼⵢⴰ ⴽⵓⵏⴰⴽⵔⵉ ⵏ ⴳⴰⵍⵡⴰ. ⵍⴼⴰⵇⵉⴷ ⵢⴻⵍⵍⴰ ⴷⴻⴳ ⵢⵉⵎⴻⵣⵡⵓⵔⴰ ⵏ ⵓⵙⵉⵡⴻⵍ ⵏ ⵡⴰⴷⴷⴰⵍ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ ⴷⴻⴳ ⵜⵉⵍⵉⵡⵉⵣⵢⵓ ⵏ ⵍⵣⵣⴰⵢⴻⵔ.

ⵍⴼⴰⵇⵉⴷ, ⵉ ⴷ-ⵢⴻⴽⴽⴰⵏ ⵙⴻⴳ ⵜⴻⵎⴷⵉⵏⵜ ⵏ ⵍⵄⴻⵍⵎⴰ, ⵢⴻⵅⴷⴻⵎ ⴷ ⴰⵎⵛⵓⵔ ⴷⴻⴳ ⵜⵎⴰⵡⴰⵙⵜ ⵏ ⵡⴰⴷⴷⴰⵍ ⴷ ⵢⵉⵍⴻⵎⵣⵉⵢⴻⵏ ⴷⵉ ⵜⴰⴳⴳⴰⵔⴰ ⵏ ⵢⵉⵙⴻⴳﮕⴰⵙⴻⵏ ⵏ 70, ⵙⵢⵉⵏ ⵢⴻⵔⵔⴰ ⵖⴻⵔ ⵜⵓⵏⴻⵙ ⴰⴽⴽⴻⵏ ⴰⴷ ⵢⴻⵅⴷⴻⵎ ⴷⴻⴳ "ⵜⴰⴷⵓⴽⵍⵉ ⵏ ⵜⵎⵓⵔⴰ ⵜⴰⵄⵔⴰⴱⵉⵏ" ⴰⵎ ⵓⵎⴻⵏⴷⵓⴱ ⵏ ⵡⴰⴷⴷⴰⵍ ⴰⵟⴰⵙ ⵏ ⵢⵉⵙⴻⴳﮕⴰⵙⴻⵏ.