ⵢⴻⵜⵜⵡⴰⵙⵜⴻⵏⵢⴰ, ⴰⵙⵙ ⵏ ⵓⵙⴰⵎⴰⵙ, ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵎⵜⴰⵡⴰ ⵊⴰⵔ ⵏ ⵓⵖⵍⵉⴼ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ ⴷ ⵜⵡⴰⵛⵓⵍⵜ ⴷ ⵜⵖⴰⵡⵙⵉⵡⵉⵏ ⵏ ⵜⵎⴻⵟⵟⵓⵜ ⴷ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ. ⴰⵎⵜⴰⵡⴰ-ⴰⵢⴰ ⵉⵙⵡⵉ-ⵏⵏⴻⵙ ⴷ ⴰⵙⵏⴻⵔⵏⵉ ⵏ ⵜⵎⵓⵙⵙⵏⵉ ⴷ ⵜⵣⴻⵎⵎⴰⵔ ⵜⵉⵎⵙⴰⴷⵓⵔⵉⵏ ⵏ ⵢⵉⴽⴰⵜⴰⵔⴻⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⵓⵏⵔⴰⵔ ⵏ ⵢⵉⵎⴻⵥⵍⴰ ⵉⵏⵎⴻⵜⵜⵉⵢⴻⵏ.
ⴷⴻⴳ ⵡⴰⵡⴰⵍ-ⵏⵏⴻⵙ ⵉ ⵍⵎⴻⵏⴷ ⵏ ⵜⴻⴳⵏⵉⵜ-ⴰ, ⵜⴰⵏⴻⵖⵍⴰⴼⵜ ⵏ ⵜⵉⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ, ⵏ ⵜⵡⴰⵛⵓⵍⵜ ⴷ ⵢⵉⵡⴻⵥⵍⴰ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵙⵓⵔⴰⵢⴰ ⵎⵓⵍⵓⴷⵊⵉ, ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵎⵜⴰⵡⴰ-ⴰ « ⵢⴻⵜⵜⴳⴻⵏⵙⵉⵙ-ⴷ ⴰⵙⵓⵔⵉⴼ ⴰⵙⵏⵓⴷⴷⵙⴰⵏ ⵢⴻⵙⵄⴰⵏ ⴰⵣⴰⵍ ⴷⴻⴳ ⵓⵙⵙⴻⴳⴷⴻⵔ ⵏ ⵓⵏⵎⵉⵔⴻⴳ ⴷ ⵓⴱⵍⴰⴳ ⴳⴰⵔ ⵢⵉⴳⵣⵓⵎⴻⵏ ⵏ ⵓⵏⴰⴱⴰⴹ ⴷ ⵢⵉⵙⵓⴹⴰⴼ ⵉⵖⴻⵍⵏⴰⵡⴻⵏ ».
ⴰⵙⵓⵔⵉⴼ-ⴰⵢⴰ ⵢⵓⵙⴻ-ⴷ ⴷⴻⴳ ⵡⴰⵜⵜⴰⵍ ⵏ ⵡⴰⴷⴰⴼ ⴷⴻⴳ ⵢⵉⵛⵇⵉⵔⵔⵉⵡⴻⵏ ⵉⵎⴻⵇⵇⵔⴰⵏⴻⵏ ⵢⴻⵎⵎⵓⴳⴳⴻⵏ ⵙ ⵖⴻⵔ ⵓⵍⵡⴰⵢ ⴰⵙⴻⵔⵜⴰⵏ ⴷⴻⴳ ⵜⵎⵓⵔⵜ-ⵏⵏⴻⵖ, ⴷⴻⴳ ⵢⵉⵅⴻⴼ-ⵏⵙⴻⵏ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷ ⵜⵖⴰⵡⵙⴰ ⵢⴻⵙⵙⵓⵖⴰⵍⴻⵏ ⴰⵙⴼⵓⴽⵜⵉ ⴷⴻⴳ ⵓⴼⴻⵔⴷⵉⵙ ⴰⵎⴷⴰⵏⴰⵏ ⴷ ⵜⵓⵣⵡⵉⵔⵜ ⵢⴻⵅⵅⵓⵜⵔⴻⵏ.
ⵜⴻⵏⵏⴰ-ⴷ, ⴷⴻⴳ ⵢⵉⵡⴻⵏ ⵏ ⵓⴽⴰⵜⴰⵔ, ⴷⴰⴽⴽⴻⵏ ⴰⵙⵉⵍⴻⵖ « ⵢⴻⵟⵟⴻⴼ ⴰⵎⴽⴰⵏ ⴷ ⴰⵎⴻⵇⵔⴰⵏ ⴷⴻⴳ ⵓⵄⵉⵡⴻⵏ ⴷ ⵓⵙⴻⴳⴷⴻⵔ ⵏ ⵓⴱⵔⵉⴷ-ⴰ ⴷ ⵜⴰⵙⴻⵎⵙⴻⴷⴷⵓⵜ ⵉⴳⴻⵔⵔⵣⴻⵏ ⵉ ⵓⵙⵙⴻⵍⵀⵓ ⴷ ⵓⵙⵏⴻⵔⵏⵉ ⵏ ⵜⵎⵓⵙⵙⵏⵉ ⴷ ⵓⵙⵡⵉⵔ ⴰⵎⵙⴰⴷⵓⵔ ⵉ ⵢⵉⴽⴰⵜⴰⵔⴻⵏ ⴷ ⵢⵉⵎⴰⵙⵍⴰⴹⴻⵏ ⵏ ⵓⵡⴰⵏⴰⴽ, ⵢⴻⵔⵏⵉ ⵢⴻⴱⴷⴻⵔ ⴱⴻⵍⵍⵉ ⵉⵙⴻⵏⴼⴰⵔⴻⵏ ⵏ ⵓⵏⵎⵉⵔⴻⴳ ⴷⴻⴳ ⵜⴰⵖⵓⵍⵜ ⵏ ⵓⵙⵉⵍⴻⵖ ⵙⵙⴻⴳⴷⴰⵔⴻⵏ ⵉⴷⵍⴻⵙ ⵏ ⵓⴱⵍⴰⴳ ⵓⵔⵎⵉⴷ ⴷ ⵜⴰⴼⵔⵉⵜ ⵜⵉⵎⴻⵣⴷⵉⵜ ⵙ ⵜⵉⵅⵅⵓⵜⴻⵔⵜ-ⵏⵏⴻⵙ ⴷⴻⴳ ⵓⵙⴻⵎⵀⴻⵣ ⵏ ⵜⵣⴻⵎⵎⴰⵔ ⴷ ⵜⴼⴻⵍⵖⴰ ⵜⴰⵎⵙⴰⴷⵓⵔⵜ ⴰⴽⴽⴻⴷ ⵜⵉⴽⵍⵉ ⵜⴳⴰⵔⴰ ⵏ ⵢⵉⴱⴻⴷⴷⵉⵍⴻⵏ ⵉⵎⵉⵔⴰⵏⴻⵏ.
ⵜⴻⵙⵙⵎⴻⴽⵜⵉ ⵜⵏⴻⵖⵍⴰⴼⵜ ⴱⴻⵍⵍⵉ ⴰⵡⴰⵏⴰⴽ ⵢⴻⵅⵙ ⴰⴷ ⵢⴻⵙⵙⵎⴻⵎⵎⵉ ⵜⴰⵙⴻⵔⵜⵉⵜ ⵜⴰⵎⴰⴽⴽⵉⵜ ⴷⴻⴳ ⵜⴰⵖⵓⵍⵜ ⵏ ⵓⵍⵀⴰⵢ ⴷ ⵓⵎⴻⵙⵜⴻⵏ ⵉⵏⵎⴻⵜⵜⵉ ⵉ ⵓⴽⴽ ⵜⴰⴳⴳⴰⵢⵉⵏ ⵢⴻⵜⵜⵡⴰⵙⴻⵃⵇⵔⴻⵏ ⴷⴻⴳ ⵜⵖⵓⵍⵉⵏ ⵢⴻⵎⴳⴻⵔⵔⴰⴷⴻⵏ, ⵜⴻⵔⵏⵉ ⵜⴱⴻⵢⵢⴻⵏ, ⴰⵡⵡⴰⵙ ⵏ ⵓⴳⵣⵓⵎ-ⵏⵏⴻⵙ ⴷⴻⴳ ⵓⵙⵉⵍⴻⵖ ⵏ ⵢⵉⴽⴰⵜⴰⵔⴻⵏ ⴷ ⵢⵉⵎⵙⴰⴷⵓⵔⴻⵏ ⴷⴻⴳ ⵜⴰⵖⵓⵍⵜ ⵏ ⵓⵙⴻⴳⵎⵓ ⵢⴻⵎⵎⵓⵣⵣⴳⴻⵏ, ⴷ ⵓⴷⵀⴰⵍ ⵉⵏⵎⴻⵜⵜⵉ ⴷ ⵓⵄⴰⵡⴻⴷ ⵏ ⵓⵙⴻⵣⴳⵉ ⴰⵎⵙⴰⴷⵓⵔ.
ⴷⴻⴳ ⵜⴰⵎⴰ-ⵏⵏⴻⵙ, ⵉⵡⴻⴽⴽⴻⴷ ⵓⵡⵏⴻⵜⵍⴰⵢ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⵎⴰⵙ ⴰⵍⵉ ⴱⴰⴷⴷⴰⵡⵉ, ⴱⴻⵍⵍⵉ ⴰⴱⵍⴰⴳ-ⴰⵢⴰ ⵢⵓⵙ-ⴷ ⴷ ⴰⴳⵎⵓⴹ ⵏ ⵡⵓⵙⵙⵉⵙⴻⵏ ⵉⵎⴻⵇⵇⵔⴰⵏⴻⵏ ⴷ ⵓⴱⵍⵉⴳⴻⵏ, ⴷ ⵓⵙⴻⴹⵔⴻⵡ ⵏ ⵜⴻⵙⵏⵓⴷⴷⴻⵙⵜ ⵢⴻⵅⵙⴻⵏ ⴰⴷ ⵜⴻⵙⵙⴻⴳⴷⴻⵔ ⴰⵎⴽⴻⵎⵎⴻⵍ ⴰⵙⵓⴷⴰⵏ ⵊⴰⵔ ⵢⵉⴳⵣⵓⵎⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵡⴰⵏⴰⴽ, ⵙⴻⴳ ⵓⵎⴻⵥⵍⵓ ⵏ ⵜⵎⴻⵜⵜⵉ ⴷ ⵜⵎⵓⵔⵜ, ⵢⴻⵔⵏⵉ ⵉⴱⴻⵢⵢⴻⵏ ⵜⵉⵅⵅⵓⵜⴻⵔⵜ ⵏ ⵓⵙⵉⵍⴻⵖ, ⴷⴳ ⵉ ⴷ-ⵢⴻⵍⵍⴰ ⵢⴻⵙⵙⴰⵍⴰⵢ ⴰⵙⵡⵉⵔ ⵏ ⵓⵙⵉⵍⴻⵖ ⴰⵎⴷⴰⵏⴰⵏ ⴷ ⵓⵙⴻⵍⵀⵓ ⵏ ⵓⵙⵉⵡⵔ ⵏ ⵓⵎⴻⵥⵍⵓ ⴰⵏⴰⴳⴷⵓⴷ.
ⵢⴻⵔⵏⵉ-ⴷ ⴱⴻⵍⵍⵉ ⴰⵎⵜⴰⵡⴰ-ⴰⵢⴰ ⵢⴻⵙⵄⴰ ⵜⵉⵅⵅⵓⵜⴻⵔⵜ ⵜⵓⵙⵍⵉⴳⵜ ⴷⴻⴳ ⵉ ⴷ-ⵢⴻⵍⵍⴰ ⵢⴻⵄⵏⴰ ⵉⵎⴰⵙⵍⴰⴹⴻⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴷ ⵢⵉⵎⴽⴻⵍⵍⴼⴻⵏ ⵙ ⵓⵙⴻⴼⵔⴻⴽ ⵏ ⵡⴰⵎⵎⴰⵙⴻⵏ ⵉⵏⵎⴻⵜⵜⵉⵢⴻⵏ ⴷ ⵢⵉⴷⴻⵍⵙⴰⵏⴻⵏ, ⴷ ⵢⵉⵎⴰⵀⴰⵍⴻⵏ ⵉⵏⵎⴻⵜⵜⵉⵢⴻⵏ, ⴷ ⵢⵉⵙⴻⵍⵡⴰⵢⴻⵏ ⵏ ⴻⵔⵎⵉⵚⵉⵏ ⵏ ⵓⵔⵎⴰⵙ ⴷ ⵍⴻⵄⵏⴰⵢⴰ ⵏ ⵢⵉⴳⴻⵔⴷⴰⵏ, ⴷ ⵜⵖⴰⵡⵙⴰ ⴰⴷ ⵢⴻⵙⵙⴻⴳⴼⵔⴻⵏ ⵉⵎⴻⵥⵍⴰ ⵉⵏⵎⴻⵜⵉⵢⴻⵏ ⵉ ⵢⵉⴰⵎⵙⵍⴰⴹⴻⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴷ ⵜⵡⴰⵛⵓⵍⵉⵏ-ⵏⵙⴻⵏ.
ⵢⴻⵜⵜⵀⴻⵏⵏⴰ ⵎⴰⵙⵙ ⴱⴰⴷⴰoⵓⵉ ⴱⴻⵍⵍⵉ ⵜⵉⵖⴻⵎⵍⵉⵍⵉⵢⵉⵏ-ⴰⵢⴰ ⵏ ⵓⵙⵉⵍⴻⵖ ⵣⴻⵎⵔⴻⵏ ⴰⴷ ⴰⵡⵡⵙⴻⵏ ⴷⴻⴳ ⵓⵙⴻⴹⵔⴻⵡ ⵏ ⵜⵙⴻⵔⵜⵉⵜ ⵜⵉⵏⵎⴻⵜⵜⵉⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴷ ⵓⴹⵎⴰⵏ ⵏ ⵓⵍⵀⴰⵢ ⵙ ⵢⵉⵖⵉⵍⵉⴼⴻⵏ ⵉⵏⵎⴻⵜⵜⵉⵢⴻⵏ ⴷ ⵢⵉⵎⵙⴰⴷⵓⵔⴻⵏ ⵏ ⵢⵉⵎⴰⵙⵍⴰⴹⴻⵏ ⵏ ⵜⴼⴻⴽⴽⴰ-ⴰⵢⴰ ⵜⴰⵖⴻⵍⵍⵉⵙⴰⵏⵜ.
