ⵜⴻⵙⵙⵓⴼⴼⴻⵖ-ⴷ ⵜⴰⵙⵓⵍⵟⴰⵏⵜ ⵜⵓⵏⵏⵉⴳⵜ ⵏ ⵜⵉⴼⴰⴼⴼⴻⵜ, ⴰⵃⵔⴰⵣ ⴷ ⵓⵎⴻⵏⵏⵓⵖ ⵎⴳⴰⵍ ⵜⵓⴽⴻⵔⴹⴰ, ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ, ⴰⵏⴰⵙⵉ ⵓⵙⵙⵍⵉⴼ ⴷ ⵡⵉⵏ ⵏ ⵜⵙⵓⴷⴰ ⵉ ⵓⵃⵔⴰⵣ ⴷ ⵓⵎⴻⵏⵏⵓⵖ ⵎⴳⴰⵍ ⵜⵓⴽⴻⵔⴹⴰ ⴷⴻⴳ ⵍⴻⵣⵣⴰⵢⴻⵔ. ⴰⵢⴰⴳⵉ ⴷ ⴰⵎⵏⵉⵔ ⴰⵎⴻⵇⵇⵔⴰⵏ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⵔⴰⵣ ⵏ ⵜⴰⵔⵔⴰⵢⵉⵏ ⵏ ⵍⵇⴰⵏⵓⵏ ⴷ ⵓⵙⵓⴷⴷⴻⵙ ⵉ ⵢⴻⵇⵇⵏⴻⵏ ⵖⴻⵔ ⵓⵎⴻⵏⵏⵓⵖ-ⴰⴳⵉ.
ⴰⵎⵏⵉⵔ-ⴰⴳⵉ ⵢⴻⵜⵜⵡⴰⵀⴻⴳⴳⴰ ⵉ ⵢⵉⵎⴰⵙⵡⴰⵢⴻⵏ ⵏ ⴱⴰⵢⵍⴻⴽ, ⵉⵎⴰⵙⵍⴰⵢⴻⵏ, ⵉⵏⴰⴷⵉⵢⴻⵏ, ⵉⵙⴷⴰⵡⵉⵢⴻⵏ, ⵉⵖⴻⵎⵙⴰⵢⴻⵏ, ⵡⵉⴷ ⵢⴻⵇⵇⵓⴷⴻⵏ ⴷⴻⴳ ⵜⵎⴻⵜⵜⵉ ⴷ ⵢⵉⵎⴰⵙⵍⴰⵢⴻⵏ ⵏ ⵜⵓⴷⴷⵙⵉⵡⵉⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ. ⵉⵙⵉⴳ-ⵉⵙ ⴷ ⴰⵙⴻⴼⵀⴻⵎ ⵏ ⵢⵉⵍⵓⴳⴰⵏ ⵏ ⵍⵇⴰⵏⵓⵏ ⵉ ⵢⴻⵇⵇⵏⴻⵏ ⵖⴻⵔ ⵓⵎⴻⵏⵏⵓⵖ ⵎⴳⴰⵍ ⵜⵓⴽⴻⵔⴹⴰ, ⴳⴰⵔ-ⴰⵙⴻⵏ ⵍⵇⴰⵏⵓⵏ ⵏ ⵓⵄⴰⵇⴻⴱ ⵏ ⵜⵓⴽⴻⵔⴹⴰ ⴷ ⵓⵎⴻⵏⵏⵓⵖ ⵎⴳⴰⵍ ⴰⵙⵙⵉⵣⴷⴻⴳ ⵏ ⵢⴻⴷⵔⵉⵎⴻⵏ, ⴰⴽⴽⴻⴷ ⵢⵉⴹⵔⵉⵙⴻⵏ ⵉ ⴷ-ⵉⵙⴱⴻⴳⴳⵉⵏⴻⵏ ⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵏ ⵜⵙⵓⴷⴰ ⵏ ⵓⴼⵔⴰⴳ.
ⵉⵙⵉⵡⵉⵙ ⴷⴰⵖⴻⵏ ⵉ ⵡⴻⵙⵏⴻⵔⵏⵉ ⵏ ⵜⵣⴻⵎⵎⴰⵔ ⵏ ⵢⵉⵎⴰⵙⵡⴰⵢⴻⵏ ⵏ ⴱⴰⵢⵍⴻⴽ ⵉ ⵡⴰⴽⴽⴻⵏ ⴰⴷ ⴷ-ⵃⴻⵔⵣⴻⵏ ⵎⴳⴰⵍ ⵜⵓⴽⴻⵔⴹⴰ, ⵙ ⵓⵙⴻⴼⵀⴻⵎ ⵏ ⵢⵉⵍⵓⴳⴰⵏ ⵉ ⴷ-ⵢⴻⵍⵍⴰⵏ ⴷⴻⴳ ⵢⵉⴹⵔⵉⵙⴻⵏ ⵏ ⵍⵇⴰⵏⵓⵏ, ⴰⵎⴰ ⴷⴻⴳ ⵜⵎⵓⵔⵜ ⵏⴻⵖ ⴷⴻⴳ ⵙⵙⵓⵇ ⴰⴳⵔⴰⵖⵍⴰⵏ , ⵉ ⵡⴰⴽⴽⴻⵏ ⴰⴷ ⵢⴻⵍⵀⵓ ⵓⵙⴻⵍⵎⴻⴷ ⴷ ⵓⵙⴻⵍⴽⴻⵎ ⵏ ⵓⵏⴰⴳⵔⴰⵡ ⵏ ⵍⵇⴰⵏⵓⵏ.
ⴰⵎⵏⵉⵔ-ⴰⴳⵉ ⵢⴻⴱⴷⴻⵔ-ⴷ ⵜⵉⵙⵓⴷⴰ ⵜⵉⵖⴻⵍⵏⴰⵡⵉⵏ ⵉ ⵉⵅⴻⴷⴷⵎⴻⵏ ⴷⴻⴳ ⵡⴰⵏⵏⴰⵔ-ⴰⴳⵉ, ⵍⴰⴷⵖⴰ ⵜⴰⵙⵓⵍⵟⴰⵏⵜ ⵜⵓⵏⵏⵉⴳⵜ ⵏ ⵜⵉⴼⴰⴼⴼⴻⵜ, ⴰⵃⵔⴰⵣ ⴷ ⵓⵎⴻⵏⵏⵓⵖ ⵎⴳⴰⵍ ⵜⵓⴽⴻⵔⴹⴰ, ⵙⴻⴳ ⵜⴰⵎⴰ ⵏ ⵓⵙⵓⴷⴷⴻⵙ-ⵉⵙ ⴷ ⵜⵣⴻⵎⵎⴰⵔ-ⵉⵙ, ⴰⴽⴽⴻⴷ ⵜⵙⵓⴷⴰ ⵏⵏⵉⴹⴻⵏ ⵏ ⵓⴼⵔⴰⴳ ⴷ ⵓⵙⴻⵍⴽⴻⵏ ⵏ ⵍⵇⴰⵏⵓⵏ, ⴷ ⵢⵉⵎⴻⵥⵍⴰ ⵏ ⵓⵎⴻⵏⵏⵓⵖ ⵎⴳⴰⵍ ⵜⵓⵛⵟⵉⵡⵉⵏ ⵏ ⵜⴷⴰⵎⵙⴰ ⴷ ⵢⴻⴷⵔⵉⵎⴻⵏ.
ⵉⵍⴰⵇ ⴰⴷ ⴷ-ⵏⴻⵎⵎⴻⴽⵜⵉ ⴱⴻⵍⵍⵉ ⵜⴰⵙⵓⵍⵟⴰⵏⵜ-ⴰⴳⵉ ⵜⵓⵏⵏⵉⴳⵜ, ⵉ ⴷ-ⵢⴻⵏⵏⵓⵍⴼⴰⵏ ⵙ ⴷⴷⴰⵡ ⵏ ⵓⵎⴰⴳⵔⴰⴷ 204 ⵏ ⵜⵎⴻⵏⴷⴰⵡⵜ, ⵜⴻⵙⵄⴰ ⴰⵟⴰⵙ ⵏ ⵢⵉⵎⴻⵀⵍⴰⵏ, ⴰⵎ ⵓⵙⴰⵍⵉ ⵏ ⵜⴰⵔⵔⴰⵢⵜ ⵜⴰⵖⴻⵍⵏⴰⵡⵜ ⵏ ⵜⵉⴼⴰⴼⴼⴻⵜ ⴷ ⵓⵃⵔⴰⵣ ⵎⴳⴰⵍ ⵜⵓⴽⴻⵔⴹⴰ, ⴷ ⵓⵙⴻⴹⴼⴻⵔ ⵏ ⵓⵙⴻⵍⴽⴻⵎ-ⵉⵙ, ⴰⴽⴽⴻⴷ ⵓⵏⴰⴷⵉ ⴷ ⵓⵙⴻⵍⴽⵓⵎ ⵏ ⵜⴻⵍⵖⵓⵜ ⵉ ⵢⴻⵇⵇⵏⴻⵏ ⵖⴻⵔ ⵡⴰⵏⵏⴰⵔ-ⵉⵙ.
ⵜⴻⵙⵄⴰ ⴷⴰⵖⴻⵏ ⵜⴰⵣⴻⵎⵔⵜ ⵉ ⵡⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵉⵙⴰⵍⵉ ⵖⴻⵔ ⵓⵙⵇⴰⵎⵓ ⵏ ⵜⵎⴰⴼⴽⵉⵢⵉⵏ ⴷ ⵜⵙⵓⵍⵟⴰⵏⵜ ⵏ ⵍⵇⴰⵏⵓⵏ ⵢⴰⵍ ⵜⵉⴽⴽⴻⵍⵜ ⵉ ⴷ-ⵜⵓⴼⴰ ⵜⵓⵛⵟⵉⵡⵉⵏ, ⴷ ⵓⵙⵓⴼⴼⴻⵖ ⵏ ⵢⵉⵏⴻⵔⵡⴰⵢⴻⵏ ⵉ ⵜⵙⵓⴷⴰ ⵉ ⵎⵄⵏⵉⵢⴻⵏ, ⴰⴽⴽⴻⴷ ⵓⵣⴻⵔⵔⴰⵄ ⵏ ⵜⴰⵢⴻⵔⵣⴰ ⵏ ⵜⵉⴼⴰⴼⴼⴻⵜ ⴷⴻⴳ ⵜⵎⴻⴷⴷⵓⵔⵜ ⵏ ⴱⴰⵢⵍⴻⴽ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵎⵏⵉⵔ-ⴰⴳⵉ ⵢⴻⵙⴻⴳⵣⵉ-ⴷ ⵉⵎⴻⵀⵍⴰⵏ ⵏ ⵜⵙⵓⴷⴰ ⵏⵏⵉⴹⴻⵏ ⵉ ⵉⵅⴻⴷⴷⵎⴻⵏ ⴷⴻⴳ ⵓⵃⵔⴰⵣ ⴷ ⵓⵎⴻⵏⵏⵓⵖ ⵎⴳⴰⵍ ⵜⵓⴽⴻⵔⴹⴰ, ⴰⵙⵙⵉⵣⴷⴻⴳ ⵏ ⵢⴻⴷⵔⵉⵎⴻⵏ ⴷ ⵓⵙⴻⵍⴽⵓⵎ ⵏ ⵔⵔⵀⴰⴱ. ⴷⴰⴳⵉ ⵍⵎⴻⵏⵜ ⴷ ⵓⵏⴰⵙⵉ ⴰⵍⵍⴻⵎⵎⴰⵙ ⵏ ⵓⴼⵔⴰⴳ ⵏ ⵜⵓⴽⴻⵔⴹⴰ ⵉ ⴷ-ⵢⴻⵜⵜⵏⴰⴷⵉⵏ ⵉⵙⴰⵍⵉⵢⴻⵏ ⵉ ⴷ-ⵉⵙⴱⴻⴳⴳⵉⵏⴻⵏ ⵜⵓⴽⴻⵔⴹⴰ, ⴰⴽⴽⴻⴷ ⵜⴰⵙⴻⴷⵎⵉⵔⵜ ⵏ ⵓⵙⴻⵍⴽⵓⵎ ⵏ ⵢⴻⴷⵔⵉⵎⴻⵏ ⵉ ⵉⵅⴻⴷⴷⵎⴻⵏ ⵍⴰⴷⵖⴰ ⵎⴳⴰⵍ ⴰⵙⵙⵉⵣⴷⴻⴳ ⵏ ⵢⴻⴷⵔⵉⵎⴻⵏ ⴷ ⵓⵙⴻⴷⴻⵔ ⵏ ⵔⵔⵀⴰⴱ.
ⴰⵔⵏⵓ ⵖⴻⵔ
