ⴰⵎⴻⵏⵏⵓⵖ ⵎⴳⴰⵍ ⵙⵙⴻⵎ: ⴰⵃⵙⴰⵔ ⵏ ⵓⴳⴰⵔ ⵏ ⵢⵉⵎⴻⵍⵢⵓⵏ ⵏ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ ⴷ ⵓⴽⵎⴰⵣ ⵏ ⵙⵉⵏ ⵏ ⵎⴻⴷⴷⴻⵏ ⴷⴻⴳ ⵜⴰⵎⴻⵏⵖⴰⵙⵜ

ⵙⵙⴰⵡⴹⴻⵏⵜ ⵜⵙⴻⴷⴷⴰⵔⵉⵏ (ⵎⴻⴼⴰⵔⴻⵣ) ⵉⵎⴻⵣⴷⴰⵢⴻⵏ ⵏ ⵢⵉⵙⴻⵔⴷⴰⵙⴻⵏ ⵏ ⵓⵖⵔⴻⴼ ⴰⵖⴻⵍⵏⴰⵡ (ANP) ⴷⴻⴳ ⵓⵃⵔⵉⵛ ⴰⵙⴻⵔⴷⴰⵙ ⵏ ⵜⴰⵎⴻⵏⵖⴰⵙⵜ, ⵉⴹⴻⵍⵍⵉ ⵏ ⵙⵙⴻⴱⵜ, ⴰⴷ ⴷ-ⴽⴻⵎⵣⴻⵏⵜ ⵙⵉⵏ ⵏ ⵎⴻⴷⴷⴻⵏ ⵓ ⴰⴷ ⵃⵙⴰⵔⴻⵏⵜ ⵉⵎⴻⵍⵢⵓⵏ ⴷ 48 ⵏ ⵡⴰⴳⵉⵎⴰⵏ ⵏ ⵜⵉⴳⵏⴰⵜⵉⵏ ⵏ ⵡⴰⵏⴰⵡ "ⵒⵔⴻⴳⴰⴱⴰⵍⵉⵏ 300 ⵎⴳ", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵓⵎⴻⵙⵜⵓⵏ ⴰⵖⴻⵍⵏⴰⵡ ⴰⵙⵙ-ⴰ ⵏ ⵍⵀⴻⴷ.

ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ "ⴷⴻⴳ ⵓⴱⵔⵉⴷ ⵏ ⵓⴽⴻⵎⵎⴻⵍ ⵏ ⵜⵎⵓⵀⴰⵍ ⵏ ⵓⵎⴻⵏⵏⵓⵖ ⵎⴳⴰⵍ ⵉⵇⴻⵔⵔⴰⵢ ⵏ ⵜⵏⴻⵣⵣⵓⵜ ⵏ ⵙⵙⴻⵎ (drogues), ⴷ ⵓⵙⴻⵎⵔⴻⵙ ⵢⴻⵍⵀⴰⵏ ⵏ ⵢⵉⵙⴰⵍⴰⵏ, ⵙⵙⴰⵡⴹⴻⵏⵜ ⵜⵙⴻⴷⴷⴰⵔⵉⵏ ⵉⵎⴻⵣⴷⴰⵢⴻⵏ ⵏ ANP ⴷⴻⴳ ⵓⵃⵔⵉⵛ ⴰⵙⴻⵔⴷⴰⵙ ⵏ ⵜⴰⵎⴻⵏⵖⴰⵙⵜ (ⵜⴰⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⵙⴹⵉⵙ), ⴰⵙⵙ ⵏ 09 ⵎⴰⵢⵓ 2026, ⵙⴻⵍⴷ ⵢⵉⵡⴻⵏ ⵏ ⵓⴽⴻⵎⵎⵉⵏ ⵉⵕⴻⵙⵙⴰⵏ, ⴰⴷ ⵟⵟⴼⴻⵏⵜ ⵜⴰⵎⴻⴽⵍⴰ ⵏ ⴽⵓⵣ ⵏ ⵔⵔⵡⴰⴷⵉ (4ⵝ4). ⵜⵉⴳⴳⴰⵡⴻⵜ-ⴰⴳⵉ ⵜⴻⵙⵙⴰⵡⴻⴹ ⵖⴻⵔ ⵓⴽⵎⴰⵣ ⵏ ⵙⵉⵏ (2) ⵏ ⵎⴻⴷⴷⴻⵏ ⴷ ⵓⵃⵙⴰⵔ ⵏ ⵓⴳⴰⵔ ⵏ ⵉⵎⴻⵍⵢⵓⵏ ⴷ ⵜⵙⴻⵜⵜⴰ ⵏ ⵜⵎⴻⵔⵡⵉⵏ ⴷ ⵜⴰⵎ (1.048.000) ⵏ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ ⴷ ⵙⵉⵏ (2) ⵏ ⵡⴰⵍⵍⴰⵍⴻⵏ ⵏ ⵜⴻⵢⵡⴰⵍⵜ ⵙ ⵓⴱⴰⵇⴰⵙ  -ⵝⵓⵔⴰⵢⴰ-".

ⵢⴻⵔⵏⴰ-ⴷ ⴷⴻⴳ ⵓⵙⵉⵡⴹ ⴱⴻⵍⵍⵉ "ⵜⵉⴳⴳⴰⵡⴻⵜ-ⴰⴳⵉ ⵓⴼⵔⵉⵏⴻⵏ ⵜⴻⵙⵙⴻⴽⵏⴰⵢ-ⴷ ⵜⵉⴽⴻⵍⵜ ⵏⵏⵉⴹⴻⵏ ⵜⵓⵛⵛⵉⵜ ⵏ ⵜⵙⴻⴷⴷⴰⵔⵉⵏ ⵏ ⵢⵉⵙⴻⵔⴷⴰⵙⴻⵏ ⵏ ⵓⵖⵔⴻⴼ ⴰⵖⴻⵍⵏⴰⵡ ⵉⵡⴰⴽⴽⴻⵏ ⴰⴷ ⵎⵎⴰⴳⵔⴻⵏ ⵢⴰⴽⴽ ⵜⴰⵔⵔⴰⵢⵉⵏ ⵏ ⵓⵙⵙⴻⴽⵛⴻⵎ ⴷ ⵜⵏⴻⵣⵣⵓⵜ ⵏ ⵙⵙⴻⵎ ⴷⴻⴳ ⵜⵎⵓⵔⵜ-ⵏⵏⴻⵖ".