ⵜⴻⵄⵍⴻⵏ-ⴷ ⵜⵏⴻⵖⵍⴰⴼⵜ ⵏ ⵓⵎⴹⴰⵎⴰⵏ ⴰⵖⴻⵍⵏⴰⵡ, ⵜⴰⵡⴰⵛⵓⵍⵜ ⴷ ⵜⴻⵎⵙⴰⵍ ⵏ ⵜⵎⴻⵟⵟⵓⵜ, ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵙⵙ-ⴰ ⵏ ⵍⵀⴻⴷ, ⵖⴻⴼ ⵜⴰⵣⵡⴰⵔⴰ ⵏ ⵜⵓⴼⴼⵖⴰ ⵏ ⵜⵎⵓⵔⵏⵉⵜ ⵏ ⵓⵖⴻⵔⴱⴰⵣ ⵉ ⵉⵡⴻⵣⵏⴻⵏ 5 ⵏ ⵡⴰⴳⵉⵎⴰⵏ ⵏ ⴷⵊⵉⵏⴰⵔⴻⵏ (5.000 DA) ⴷⴻⴳ ⵢⵉⴳⵓⵍⴰⴼ ⵏ ⵍⴱⵉⵔⵉⴹ ⵉⵜⴻⴷⴷⵓⵏ (ⵛⵛⵒ) ⵏ ⵢⵉⵎⵏⴻⴼⵄⴻⵏ, ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ 30 ⵢⵓⵏⵢⵓ. ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵀⴻⴳⴳⵉ ⵏ ⵣⵉⴽ ⵉ ⵓⵏⴻⴽⵛⵓⵎ ⴰⵖⴻⵔⴱⴰⵣⴰⵏ ⴷ ⵡⵉⵏ ⵏ ⵜⵎⴻⵜⵜⵉ ⵉ ⴷ-ⵉⵜⵜⴻⴷⴷⵓⵏ.
ⵢⵓⵔⴰ-ⴷ ⴷⴻⴳ ⵓⵙⵉⵡⴹ ⴱⴻⵍⵍⵉ "ⵉ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵜⵏⴻⵖⵍⴰⴼⵜ ⵏ ⵓⵎⴹⴰⵎⴰⵏ ⴰⵖⴻⵍⵏⴰⵡ, ⵜⴰⵡⴰⵛⵓⵍⵜ ⴷ ⵜⴻⵎⵙⴰⵍ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵙⵓⵔⴰⵢⴰ ⵎⵓⵓⵍⵓⵓⴷⵊⵉ, ⵉ ⵢⴻⴱⵖⴰⵏ ⴰⵀⴻⴳⴳⵉ ⵏ ⵣⵉⴽ ⵉ ⵓⵏⴻⴽⵛⵓⵎ ⴰⵖⴻⵔⴱⴰⵣⴰⵏ ⵉ ⴷ-ⵉⵜⵜⴻⴷⴷⵓⵏ, ⵍⴰⴷⵖⴰ ⵉ ⵓⵟⵎⴰⵏ ⵏ ⵓⵡⵡⵉ ⵏ ⵜⵡⴰⵛⵓⵍⵉⵏ ⵉ ⵜⵎⵓⵔⵏⵉⵢⵉⵏ ⵉ ⴷ-ⵢⴻⴼⴽⴰ ⵓⵡⴰⵏⴰⴽ ⴷⴻⴳ ⵡⴰⴽⵓⴷ ⵢⴻⵍⵀⴰⵏ, ⵜⴻⵙⵙⴻⴼⵀⴻⵎ-ⴷ ⵜⵏⴻⵀⵍⴰⴼⵜ ⵉ ⵡⵉⴷ ⵢⴻⵄⵏⴰⵏ ⴱⴻⵍⵍⵉ ⵜⴰⵎⵓⵔⵏⵉⵜ ⵏ ⵓⵖⴻⵔⴱⴰⵣ ⴰⴷ ⵜⴻⵜⵜⵡⴰⵅⴻⵍⵍⵚⴻⵏ ⴷⴻⴳ ⵢⵉⴳⵓⵍⴰⴼ-ⵏⵙⴻⵏ ⵏ ⵍⴱⵉⵔⵉⴹ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ 30 ⵢⵓⵏⵢⵓ 2026".
ⵜⴰⵏⴻⵖⵍⴰⴼⵜ ⵜⴻⵔⵏⴰ-ⴷ ⴱⴻⵍⵍⵉ ⵜⴰⵎⵓⵔⵏⵉⵜ-ⴰⴳⵉ "ⴰⴷ ⴷ-ⵜⴰⵡⴻⴹ ⵉ ⵢⴰⴽⴽ ⵉⵎⴰⵡⵍⴰⵏ ⴷ ⵢⵉⵎⴹⴻⴱⴱⵔⴻⵏ ⵏ ⵢⵉⴳⴻⵔⴷⴰⵏ ⵉ ⴷⴻⴳ ⵍⵍⴰⵏⵜ ⵜⴻⵡⵜⵉⵍⵉⵏ ⵏ ⵓⵏⴼⴰⵄ ⵙ ⵓⵇⴰⴷⴻⵔ ⵏ ⵜⵙⵓⴷⴷⴻⵙⵜ ⵏ ⵓⵙⴻⵍⴽⴻⵎ ⵡⵓⵟⵟⵓⵏ 26-168 ⵏ 22 ⵢⵓⵏⵢⵓ 2025".
ⵜⴰⵎⵓⵔⵏⵉⵜ-ⴰⴳⵉ ⵜⴻⵙⵙⴻⵏⴽⴰⴷ, ⴰⴽⴽⴻⵏ ⵉ ⴷ-ⵜⴻⵏⵏⴰ ⵜⵏⴻⵀⵍⴰⴼⵜ, "ⵓⴷⴻⵎ ⵏ ⵜⵎⴻⵜⵜⵉ ⵉⵕⴻⵙⵙⴰⵏ ⵏ ⵓⵡⴰⵏⴰⴽ ⴰⵣⵣⴰⵢⵔⵉ ⴷ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⴱⵖⴰⵏ ⴰⵙⴻⴶⵀⴻⴷ ⵏ ⵡⴰⵍⵍⴰⵍⴻⵏ ⵏ ⵓⵃⵔⴰⵣ ⵉ ⵏⴼⴰⵄ ⵏ ⵢⵉⵎⴻⵣⴷⴰⵖ ⵉⵡⴰⴽⴽⴻⵏ ⴰⴷ ⴷ-ⵜⴰⵡⴻⴹ ⵉ ⵡⵉⴷ ⵉ ⵜⵜ-ⵉⴷ-ⵢⵓⵙⵜⴰⵇⵍⴻⵏ".
ⵉⵎⴻⵥⵍⴰ ⵏ ⵜⵙⵏⵓⵔⴻⴼⵜ ⵏ ⵓⵙⵏⴻⴼⵍⵉ ⵏ ⵜⵎⴻⵜⵜⵉ ⴷⴻⴳ ⵜⵖⵉⵡⴰⵏⵜⵉⵏ ⴰⴷ ⵥⵔⴻⵏⵜ ⵢⴰⴽⴽ ⵜⵉⵖⵔⵉⵡⵉⵏ (recours) ⴷ ⵜⵛⴻⴽⵜⵉⵢⵉⵏ ⵢⴻⵄⵏⴰⵏ ⵜⴰⵎⵓⵔⵏⵉⵜ-ⴰⴳⵉ ⵓ ⴰⴷ ⴷ-ⴼⴽⴻⵏ ⵜⴰⵔⵔⴰⵢⵜ ⴰⵙⴰⴷⵓⴼⴰⵏ ⵉ ⵢⴰⵍ ⵜⴰⵍⵓⴼⵜ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⴰⵔⵏⵓ ⵖⴻⵔ
