ⴰⵎⴰⵔⴰⵢ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⴻⵣⵎⴻⵔⵜ, ⵎⴰⵙⵙ ⵎⵓⵃⴰⵎⴻⴷ ⵜⴰⵍⵃⵉ, ⵢⴻⵙⵜⴻⵇⴱⴻⵍ ⴰⵙⵙ-ⴰⴳⵉ ⵏ ⵜⵜⵍⴰⵜⴰ ⵢⵉⵡⴻⵜ ⵏ ⵜⴻⵔⴱⴰⵄⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵉ ⵢⴻⴷⴷⴰⵏ ⴷⴷⴰⵡ ⵏ ⵓⴼⵓⵙ ⵏ ⵓⵇⴻⵔⵔⵓ ⵏ ⵓⵃⵔⵉⵛ ⵏ ⵜⴻⵣⵎⴻⵔⵜ ⵎⴰⵙⵙ ⴰⴷⴰⵎⵓ ⵉⵙⵙⴰⵀ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⵏⴰⵖ ⵏ ⵓⵖⵍⵉⴼ.
ⵉⵖⴱⵓⵍⴰ ⵏⵏⴰⵏ-ⴷ ⴱⴻⵍⵍⵉ ⴰⴷⴰⵎⵓ ⵉⵙⵙⴰⵀ, ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⴹⵔⴰⵏ ⵉⴹ ⵏ ⵍⵜⵏⵉⵏ ⴷⴻⴳ ⵓⵎⵓⵔ (ⵍⴱⵉⵕⵓ) ⵏ ⵓⵖⵍⵉⴼ, ⵢⴻⴱⴷⴰ ⴰⵡⴰⵍ-ⵉⵙ ⵙ "ⵓⴱⴻⴳⴳⴻⵏ ⵏ ⵓⵚⴻⴱⴱⴻⵔ ⴷ ⵙⴱⴻⵕ ⴰⵎⴻⵇⵇⵔⴰⵏ ⵖⴻⴼ ⵜⵎⴻⵜⵜⴰⵏⵜ ⵏ ⵓⵙⴻⵍⵡⴰⵢ ⴰⵇⴷⵉⵎ ⵏ ⵜⴳⴷⵓⴷⴰ ⵎⴰⵙⵙ ⵍⵉⴰⵎⵉⵏⴻ ⵣⴻⵔⵓⵓⴰⵍ, ⵢⴻⵙⵙⵓⵜⵓⵔ-ⴰⵙ ⵜⴰⵍⵡⵉⵜ ⵉ ⵔⵔⵓⵃ-ⵉⵙ".
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⴰⵏⵉⴷⴰ ⵍⵍⴰⵏ ⵉⵊⴻⵔⵕⴰⴱⴻⵏ ⵏ ⵜⴷⴰⴱⴻⵔⵜ ⵜⴰⵍⴻⵎⵎⴰⵙⵜ, ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ "ⴰⵏⴰⴳⵔⴰⵡ ⵏ ⵜⴻⵣⵎⴻⵔⵜ ⴷⴻⴳ ⵍⴻⵣⵣⴰⵢⴻⵔ ⵢⴻⵡⵡⴻⴹ ⵖⴻⵔ ⵓⵙⵡⵉⵔ ⴰⵎⴻⵇⵇⵔⴰⵏ, ⵢⴻⵔⵏⴰ ⵢⴻⵜⵜⵡⴰⵍⵉ ⴰⵢⴻⵏ ⵉ ⴷ-ⵢⴻⵍⵍⴰⵏ ⵏ ⵓⵙⵏⴻⵔⵏⵉ ⵏ ⵍⵅⵉⴷⵎⴰⵜ ⵏ ⵜⴻⵣⵎⴻⵔⵜ ⴷ ⵓⴼⴰⵔⴻⵙ ⵏ ⵉⵙⴰⴼⴰⵔⴻⵏ (ⴷⴷⵡⴰ), ⴰⵢⴰⴳⵉ ⵢⴻⴱⴳⴻⵏ-ⴷ ⴰⵎⵓⵙⵙⵓ ⵏ ⵓⵙⵎⵉⵀⴻⵍ (réforme) ⴷ ⵜⴻⵣⵎⴻⵔⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ-ⴰⴳⵉ ⵏ ⵜⵓⴷⴻⵔⵜ".
ⴷⴻⴳ ⵓⵏⵏⴰⵔ-ⴰⴳⵉ, ⴰⴷⴰⵎⵓ ⵉⵙⵙⴰⵀ ⵢⴻⴱⴳⴻⵏ-ⴷ "ⵜⴰⵣⵎⴻⵔⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⵏⴻⵔⵏⵉ ⵏ ⵜⵙⵏⵉⵙⴰⴼⴰⵔⵜ", ⵉⵙⴻⴷⴷⴻⴷ ⴷⴰⵖⴻⵏ ⵖⴻⴼ "ⵡⴰⵣⴰⵍ ⵏ ⵓⵙⵏⴻⵔⵏⵉ ⵏ ⵓⴼⴰⵔⴻⵙ ⵏ ⴷⴷⵡⴰ ⴷⴻⴳ ⵜⴰⴼⵔⵉⵇⵜ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴳⴻⵍⵍⵉ ⵏ ⵢⵉⵎⴰⵏ ⵙ ⴷⴷⵡⴰ, ⴰⵢⴻⵏ ⴰⴷ ⵢⴻⵙⵏⴻⵔⵏⵉⵏ ⵜⴰⵖⴻⵍⵍⵉⵙⵜ ⵏ ⵜⴻⵣⵎⴻⵔⵜ ⵏ ⵓⵎⴻⵏⵥⴰⵡ".
ⵙⴻⴳ ⵜⴰⵎⴰ-ⵙ, ⴰⵎⴰⵔⴰⵢ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⴻⵣⵎⴻⵔⵜ ⵢⴻⵔⵔⴰ-ⴷ ⵍⵅⵉⵕ ⵉ ⵔⵔⴻⵣⴼⴰⵜ-ⴰⴳⵉ, ⵉ ⵢⴻⵜⵜⵡⴰⵍⵉ ⴷ "ⴰⵙⵓⵔⵉⴼ ⵎⴻⵇⵇⵔⴻⵏ ⵉⵡⴰⴽⴽⴻⵏ ⴰⴷ ⵊⵀⴻⴷⴻⵏⵜ ⵜⴻⵇⵇⵏⵉⵢⵉⵏ ⵏ ⵜⴰⵍⵍⴻⵍⵜ ⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ".
ⵎⴰⵙⵙ ⵜⴰⵍⵃⵉ ⵢⴻⵜⵜⵀⴻⵎⴰⵏ "ⵍⴰⵢⴰⵜ ⵉ ⴷ-ⵜⴻⴼⴽⴰ ⵜⴷⵓⴽⵍⵉ ⵉ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ ⵏ ⵜⴻⵣⵎⴻⵔⵜ", ⵢⴻⵔⵏⴰ ⵉⵙⴻⴷⴷⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ "ⵜⴻⵜⵜⵓⵏⴻⵃⵙⴰⴱ ⴷ ⵜⴰⵏⵉⵍⴰ ⵜⵓⵙⵜⵔⴰⵜⵉⵊⵉⵜ ⴷⴻⴳ ⵍⵅⵉⴷⵎⴰⵜ ⵏ ⵜⴻⵣⵎⴻⵔⵜ ⴷ ⵜⵙⵏⵉⵙⴰⴼⴰⵔⵜ ⴷⴻⴳ ⵜⴰⴼⵔⵉⵇⵜ".
ⵜⴻⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷⴰⵖⴻⵏ ⴷ ⴰⴱⵔⵉⴷ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ "ⵓⵎⵢⴰⴷⵉ ⵏ ⵔⵔⴰⵢ" ⴳⴰⵔ ⵙⵉⵏ ⵢⵉⴷⵉⵙ-ⴰⴳⵉ, ⴰⵏⵉⴷⴰ ⵎⵎⴻⵙⵍⴰⵢⴻⵏ ⵖⴻⴼ "ⵜⴰⵔⵔⴰⵢⵉⵏ ⵏ ⵜⴰⵍⵍⴻⵍⵜ, ⵍⴰⴷⵖⴰ ⴰⵢⴻⵏ ⵢⴻⵔⵣⴰⵏ ⵉⵡⴰⴽⴽⴻⵏ ⵉⵅⴻⴷⴷⴰⵎⴻⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴷ ⴷ-ⴷⴰⵡⵉⵏ ⴷⴻⴳ ⵍⴻⵣⵣⴰⵢⴻⵔ, ⴷ ⵓⵙⴻⵍⵎⴻⴷ ⵏ ⵓⵎⵜⴰⵡⴰⵢ ⵏ ⵓⴷⴰⵡⵉ ⴳⴰⵔ ⵜⵙⵓⵏⵉⵜⵉⵏ ⵏ ⵜⴻⵣⵎⴻⵔⵜ ⵏ ⴷⴷⵓⵍⴰ ⴷ ⵜⵉⵏ ⵏ ⵍⴱⵔⵉⵣⵉ", ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⵏⴰⵖ.
ⴰⵔⵏⵓ ⵖⴻⵔ
