ⴰⴷ ⵜⵎⴰⴳⴻⵔ ⵜⴰⵔⴰⴱⴱⵓⵜ ⵜⴰⵖⴻⵍⵏⴰⵡⵜ ⵏ ⴷⵣⴰⵢⴻⵔ ⵏ ⴷⴷⴰⴱⴻⵅ ⵏ ⵓⴹⴰⵔ ⵜⵉⵏ ⵏ ⵜⴳⴷⵓⴷⴰ ⵜⴰⵎⴰⴳⴷⵓⵜ ⵏ ⵍⴽⵓⵏⴳⵓ, ⴰⵙⵙ ⵏ ⵓⵔⴰⵎ 6 ⵢⴻⵏⵏⴰⵢⴻⵔ ⵖⴻⴼ ⵜⴰⵙⵔⴰⴳⵜ (17:00), ⴷⴻⴳ ⵓⵃⵔⵉⵛ ⵏ ⵜⵓⴽⴽⵙⴰ (ⵜⵓⵎⴻⵏ ⵏ ⵓⵏⴻⴳⴳⴰⵔⵓ) ⵏ ⵡⴰⵇⴱⵓⵛ ⵏ ⵜⴼⵔⵉⵇⵜ ⵏ ⵢⵉⴳⴷⵓⴷⴻⵏ (ⴽⴰⵏ-2025), ⵉ ⵢⴻⵜⵜⴻⴷⴷⵓⵏ ⵙⵉ 21 ⴷⵓⵊⴰⵏⴱⵉⵔ 2025 ⴰⵔ 18 ⵢⴻⵏⵏⴰⵢⴻⵔ 2026.
ⵜⴻⴹⵎⴻⵏ ⵜⴳⴷⵓⴷⴰ ⵜⴰⵎⴰⴳⴷⵓⵜ ⵏ ⵍⴽⵓⵏⴳⵓ ⴰⴷⴷⵓⵢ-ⵉⵙ ⴰⵔ ⵓⵃⵔⵉⵛ ⵡⵉⵙ ⵙⵉⵏ, ⵉⴹ-ⴰ ⵏ ⵓⵔⴰⵎ, ⴷⴻⴼⴼⵉⵔ ⵎⴰ ⵜⴻⵔⵏⴰ ⵜⴰⵔⴰⴱⴱⵓⵜ ⵏ ⴱⵓⵜⵙⵡⴰⵏⴰ (3-0), ⴷⴻⴳ ⵜⵓⵔⴰⵔⵜ ⵜⴰⵏⴻⴳⴳⴰⵔⵓⵜ ⵏ ⵜⵔⴰⴱⴱⵓⵜ ⵜⵉⵙ ⴽⴽⵓⵥⵜ (D). ⵜⴰⵔⴰⴱⴱⵓⵜ ⵏ ⵙⵙⵉⵏⵉⴳⴰⵍ ⵜⴻⵍⵍⴰ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵜⵔⴰⴱⴱⵓⵜ-ⴰ ⴷⴻⴼⴼⵉⵔ ⵎⴰ ⵜⴻⵔⵏⴰ ⴱⴻⵏⵉⵏ (3-0).
ⵙⵉ ⵊⵉⵀⴰ-ⵏⵏⴻⵙ, ⵜⴰⵔⴰⴱⴱⵓⵜ ⵏ ⴷⵣⴰⵢⴻⵔ ⵜⴻⴹⵎⴻⵏ ⴰⴷⴷⵓⵢ-ⵏⵏⴻⵙ ⴰⵙⵙ ⵏ ⵓⵢⵏⴰⵙ ⵉⵄⴻⴷⴷⴰⵏ, ⴷⴻⴼⴼⵉⵔ ⵎⴰ ⵜⴻⵔⵏⴰ ⴱⵓⵔⴽⵉⵏⴰ ⴼⴰⵙⵓ (1-0), ⴷⴻⴳ ⵜⵓⵔⴰⵔⵜ ⵜⵉⵙ ⵙⵏⴰⵜ ⵏ ⵜⵔⴰⴱⴱⵓⵜ ⵜⵉⵙ ⵙⵎⵓⵙⵜ (E).
ⴰⴷ ⴼⴻⴽⴽⴻⵏ ⵉⵎⴻⵔⵔⴰⵔⴻⵏ ⵏ ⵓⵎⴻⵙⵙⴻⵖⵏⴻ ⴼⵍⴰⴷⵉⵎⵉⵔ ⴱⵉⵜⴽⵓⴼⵉⵜⵛ ⴰⵃⵔⵉⵛ ⴰⵎⴻⵣⵡⴰⵔⵓ ⴰⵙⵙ-ⴰ ⵏ ⵡⴰⵀⴰⴷ ⵖⴻⴼ ⵜⴰⵙⵔⴰⴳⵜ (17:00), ⵙ ⵜⵓⵔⴰⵔⵜ ⴷⴰⵜ ⵜⵔⴰⴱⴱⵓⵜ ⵏ ⵖⵉⵏⵢⴰ ⵜⴰⵎⵙⴰⵡⴰⵢⵜ, ⵉ ⵢⴻⴼⴼⵖⴻⵏ ⵙⵉ ⵜⴱⵓⵖⴰⵔⵜ, ⴷⴻⴳ ⵜⵓⵔⴰⵔⵜ ⵜⴰⵏⴻⴳⴳⴰⵔⵓⵜ.
ⵜⵓⵔⴰⵔⵉⵏ ⵏ ⵓⵃⵔⵉⵛ ⵏ ⵜⵓⴽⴽⵙⴰ (ⵜⵓⵎⴻⵏ ⵏ ⵓⵏⴻⴳⴳⴰⵔⵓ) ⴰⴷ ⴷ-ⵉⵍⵉⵏⵜ ⴰⵢⵢⴰⵎ ⵏ 3, 4, 5 ⴷ 6 ⵢⴻⵏⵏⴰⵢⴻⵔ ⵉ ⴷ-ⵢⴻⵜⵜⴻⴷⴷⵓⵏ.
ⴰⵔⵏⵓ ⵖⴻⵔ
