ⵜⴻⴼⵔⴻⵏ ⵜⴰⵙⵇⴰⵎⵓⵜ ⵏ ⵓⵏⴰⴼⵔⴻⴰⴳ ⵏ ⵜⵓⴷⴷⵙⴰ ⵜⴰⴼⵔⵉⵇⵉⵜ ⵏ ⴷⴷⴰⴱⴻ ⵏ ⵓⴹⴰⵔ (ⴽⴰⴼ), ⴰⵏⴰⴼⵔⴻⴰⴳ ⴰⴱⵓⵔⵓⵏⴷⵉ ⴱⴰⵙⵉⴼⵉⴽ ⵏⴷⴰⴱⵉⵀⴰⵡⵉⵏⵉⵎⴰⵏⴰ ⵉ ⵓⵙⴻⴷⴷⴻⵜ ⵏ ⵜⵓⵔⴰⵔⵜ ⴳⴰⵔ ⵖⵉⵏⵢⴰ ⵜⴰⵎⵙⴰⵡⴰⵢⵜ ⴷ ⴷⵣⴰⵢⴻⵔ, ⵉ ⵢⴻⵜⵜⵡⴰⵇⴻⵚⴷⴻⵏ ⴰⵙⵙ-ⴰ ⵏ ⵡⴰⵀⴰⴷ ⵖⴻⴼ ⵜⴰⵙⵔⴰⴳⵜ (17:00), ⴷⴻⴳ ⵓⵃⵔⵉⵛ ⵏ ⵜⵓⵔⴰⵔⵜ ⵜⵉⵙ ⴽⵔⴰⴹⵜ ⵢⴻⵔⵏⴰ ⴷ ⵜⴰⵏⴻⴳⴳⴰⵔⵓⵜ ⵏ ⵜⵔⴰⴱⴱⵓⵜ ⵜⵉⵙ ⵙⵎⵓⵙⵜ (E) ⴷⴻⴳ ⵡⴰⵇⴱⵓⵛ ⵏ ⵜⴼⵔⵉⵇⵜ (ⴽⴰⵏ-2025), ⵉ ⵢⴻⵜⵜⴻⴷⴷⵓⵏ ⵙⵉ 21 ⴷⵓⵊⴰⵏⴱⵉⵔ 2025 ⴰⵔ 18 ⵢⴻⵏⵏⴰⵢⴻⵔ 2026.
ⴰⴷ ⵢⴻⵄⴰⵡⴻⵏ ⵓⵏⴰⴼⵔⴻⴰⴳ ⵏⴷⴰⴱⵉⵀⴰⵡⵉⵏⵉⵎⴰⵏⴰ (40 ⵏ ⵢⵉⵙⴻⴳⴳⴰⵙⴻⵏ), ⵎⵓⴷⵉⴱⵓ ⵙⴰⵎⴰⴽⵉ ⵙⵉ ⵎⴰⵍⵉ ⴷ ⴰⵎⵄⴰⵡⴻⵏ ⴰⵎⴻⵣⵡⴰⵔⵓ, ⴷ ⴷⵢⴰⵏⴰ ⵜⵛⵉⴽⵓⵜⴻⵙⵀⴰ ⵙⵉ ⵣⴰⵎⴱⵢⴰ ⴷ ⵜⴰⵎⵄⴰⵡⴻⵏⵜ ⵜⵉⵙ ⵙⵏⴰⵜ, ⵎⴰ ⴷ ⵓⴳⴰⴱⵓⵏⵉ ⵜⴰⵏⴳⵉ ⴱⴰⵜⵔⵉⵙ ⵎⵉⴱⵢⴰⵎⵉ ⴰⴷ ⵢⵉⵍⵉ ⴷ ⴰⵏⴰⴼⵔⴻⴰⴳ ⵡⵉⵙ ⴽⴽⵓⵥ.
ⵖⴻⴼ ⵜⴻⴽⵏⵓⵍⵓⵊⵉⵜ ⵏ ⵓⴼⴰⵔ (VAR), ⴰⴷ ⵜⵜ-ⵢⴻⵙⵙⴻⴷⴷⴻⵜ ⵓⴳⴰⴱⵓⵏⵉ ⴱⵢⵉⵔ ⴳⵉⵙⵍⴰⵏ ⴰⵜⵛⵓ, ⵙ ⵜⴰⵍⵍⴰⵍⵜ ⵏ ⵓⵎⵓⵔⵉⵜⴰⵏⵉ ⴱⴰⴱⴰⴽⴰⵔ ⵙⴰⵔ.
ⵙⵉ ⵊⵉⵀⴰ-ⵏⵏⴻⵙ, ⵜⵓⵔⴰⵔⵜ ⵏⵏⵉⴹⴻⵏ ⴷⴻⴳ ⵜⵔⴰⴱⴱⵓⵜ-ⴰ ⴰⴷ ⵜⴻⵙⵙⴻⵎⵍⵉⵍ ⴱⵓⵔⴽⵉⵏⴰ ⴼⴰⵙⵓ ⴷ ⵙⵙⵓⴷⴰⵏ, ⴷⴻⴳ ⵢⵉⵡⴻⵏ ⵍⵡⴻⵇⵜ (17:00).
ⴷⴻⴼⴼⵉⵔ ⵜⵓⵔⴰⵔⵜ ⵜⵉⵙ ⵙⵏⴰⵜ, ⵜⴰⵔⴰⴱⴱⵓⵜ ⵏ ⴷⵣⴰⵢⴻⵔ, ⵉ ⵢⴻⴹⵎⵏⴻⵏ ⴰⴷⴷⵓⵢ-ⵉⵙ ⴰⵔ ⵓⵃⵔⵉⵛ ⵡⵉⵙ ⵙⵉⵏ, ⵜⴻⵍⵍⴰ ⴷ ⵜⴰⵎⴻⵣⵡⴰⵔⵓⵜ ⵙ 6 ⵏ ⵜⵇⵉⴹⵉⵏ, ⴷⴰⵜ ⴱⵓⵔⴽⵉⵏⴰ ⴼⴰⵙⵓ ⴷ ⵙⵙⵓⴷⴰⵏ ⵉ ⵢⴻⵙⵄⴰⵏ 3 ⵏ ⵜⵇⵉⴹⵉⵏ ⵉ ⵢⵉⵡⴻⵏ, ⵎⴰ ⴷ ⵖⵉⵏⵢⴰ ⵜⴰⵎⵙⴰⵡⴰⵢⵜ ⵉ ⵢⴻⴼⴼⵖⴻⵏ ⵙⵉ ⵜⴱⵓⵖⴰⵔⵜ, ⵜⴻⵍⵍⴰ ⴷ ⵜⴰⵏⴻⴳⴳⴰⵔⵓⵜ ⵡⴰⵔ ⵜⴰⵇⵉⴹⵜ.
ⴰⵔⵏⵓ ⵖⴻⵔ
