ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴳⴳⴰ ⵓⵏⵖⵍⴰⴼ ⵏ ⵜⵣⵎⴻⵔⵜ ⴷ ⵓⵥⴰⵔⵓ ⵏ ⵜⵎⵓⵔⵜ ⵏ ⵎⵓⵔⵉⵟⴰⵏⵢⴰ, ⵎⴰⵙⵙ ⵎⵓⵃⴰⵎⴻⴷ ⵡⴻⵍⴷ ⵅⴰⵍⴻⴷ, ⵜⵉⴽⵍⵉ ⵏ ⵓⵎⴰⵀⵉⵍ ⵖⴻⵔ ⵡⴰⵙⵉⵔⴰ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵙⴻⴷⵎⴻⵔ ⵏ ⵡⴰⵏⴰⴳⵔⴰⵡ ⵏ ⵜⵔⵉⴽⵉⵜ. ⵉⵙⵡⵉ ⵏ ⵜⵓⵣⵣⵢⴰ-ⴰⴳⵉ ⴷ ⴰⵡⴰⵍⵉ ⵏ ⵜⵎⵓⵙⵏⵉ ⴷ ⵜⵔⴻⵣⵡⴰ ⵏ ⵍⵣⵣⴰⵢⴻⵔ ⴷⴻⴳ ⵓⵃⵔⵉⵛ-ⴰⴳⵉ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵎⵎⵓⵊⵎⵎⵓⵄ "ⵙⵓⵏⴻⵍⴳⴰⵣ" ⴰⵙⵙ-ⴰ ⵏ ⵜⵜⵍⴰⵜⴰ.
ⵎⴰⵙⵙ ⵡⴻⵍⴷ ⵅⴰⵍⴻⴷ ⵢⵓⵙⴰ-ⴷ ⴷ ⵢⵉⵡⴻⵜ ⵏ ⵜⵔⴰⴱⵄⵜ ⵜⵓⵏⵏⵉⴳⵜ ⴷⴻⴳ-ⵙ ⵓⵙⴼⵉⵔ ⵏ ⵎⵓⵔⵉⵟⴰⵏⵢⴰ ⴷⴻⴳ ⵍⵣⵣⴰⵢⴻⵔ, ⵢⵉⵎⵙⴻⵍⵡⴰⵢⴻⵏ ⵉⵎⴰⵜⵓⵜⴻⵏ ⵏ ⵜⵜⴻⵛⴰⵔⵉⴽⴰⵜ ⵏ ⵜⵔⵉⴽⵉⵜ (SOMELEC), ⵓⵥⴰⵔⵓ (SMH) ⴷ ⵓⵙⴻⵚⴼⵉ ⵏ ⵍⴱⴻⵟⵔⵓⵍ ⵏ ⵎⵓⵔⵉⵟⴰⵏⵢⴰ, ⵖⴻⵔ ⵜⴰⵎⴰ ⵏ ⵢⵉⵎⴻⵇⵇⵔⴰⵏⴻⵏ ⵏ ⵜⵏⴻⵖⵍⴰⴼⵜ-ⵉⵙ.
ⵢⴻⵙⵜⴻⵇⴱⴻⵍ ⵜⴰⵔⴰⴱⵄⵜ-ⴰⴳⵉ ⵓⵏⴻⴱⴷⴰⴷ ⴰⵎⴰⵜⵓ ⵏ ⵎⵎⵓⵊⵎⵎⵓⵄ "ⵙⵓⵏⴻⵍⴳⴰⵣ" ⵙ ⵡⴰⴷⴷⴰⵢ, ⵎⴰⵙⵙ ⵔⴰⵛⵉⴷ ⵄⴻⴱⴷⴻⵚⵚⴰⵎⴰⴷ, ⵢⴻⴷⴷⵓⴽⴽⴻⵍ ⴷ ⵢⵉⵎⵙⴻⵍⵡⴰⵢⴻⵏ ⵏ ⵓⵥⴻⵟⵟⴰ ⵏ ⵡⴰⵙⵙⴰⵢ ⵏ ⵜⵔⵉⴽⵉⵜ ⴷ ⵢⵉⵅⴻⴷⴷⴰⵎⴻⵏ ⵓⵏⵏⵉⴳⴻⵏ ⵏ ⵜⵎⴻⵔⵙⴻⵍⵜ.
ⴷⴻⴳ ⵜⵓⵣⵣⵢⴰ-ⴰⴳⵉ, ⴼⴽⴰⵏ ⵢⵉⵙⴻⴼⵔⴻⵯⵏ ⵢⴻⵛⵛⵓⵔⴻⵏ ⵉ ⵜⵔⴰⴱⵄⵜ ⴰⵎⵓⵔⵉⵟⴰⵏⵉⵜ ⵖⴻⴼ ⵡⴰⵎⴻⴽ ⵢⴻⵜⵜⵡⴰⵙⴻⴳⴳⴻⵎ ⵡⴰⵏⴰⴳⵔⴰⵡ ⵏ ⵜⵔⵉⴽⵉⵜ ⴷⴻⴳ ⵍⵣⵣⴰⵢⴻⵔ, ⴷ ⵡⴰⵍⴰⵜⴻⵏ ⵏ ⵓⵎⴹⴰⵏ (digital) ⵉⵎⴰⵢⵏⵓⵜⴻⵏ ⵉ ⵢⴻⵙⵙⴻⵍⵃⴰⵢⴻⵏ ⴰⵥⴻⵟⵟⴰ.
ⵎⴱⴰⵄⴻⴷ ⵡⴰⵢⴰ, ⵢⴻⵍⵍⴰ-ⴷ ⵢⵉⵡⴻⵏ ⵓⵎⵛⵉⵡⴰⵔ ⵉⵊⴻⵀⴷⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵖⴻⴼ ⵢⵉⴱⴷⴻⵏ ⵏ ⵓⵎⵢⴻⵍⵍⴻⵍ. ⵙⵙⴰⵡⵍⴻⵏ ⵍⴰⴷⵯⴰ ⵖⴻⴼ ⵡⴰⵎⴻⴽ ⴰⵔⴰ ⵜⴻⴼⴽ ⵍⵣⵣⴰⵢⴻⵔ ⵜⴰⵍⵍⴻⵍⵜ ⵉ ⵜⵎⵓⵔⵜ ⵏ ⵎⵓⵔⵉⵟⴰⵏⵢⴰ ⵉ ⵓⵙⵏⴻⴼⵍⴰⵢ ⵏ ⵓⵥⴻⵟⵟⴰ ⵏ ⵡⴰⵙⵙⴰⵢ ⵏ ⵜⵔⵉⴽⵉⵜ, ⴷ ⵓⵙⴻⵇⴷⴻⵛ ⵏ ⵜⵎⵓⵙⵏⵉ ⵜⴰⵣⵣⴰⵢⵔⵉⵜ ⴷⴻⴳ ⵓⵃⵔⵉⵛ ⵏ ⵜⵎⵓⵙⵏⵉ ⵏ ⵡⴰⵍⴰⵜⴻⵏ ⴷ ⵓⵙⵉⵍⴻⵯ (training) ⵏ ⵢⵉⵎⵓⵙⵏⴰⵡⴻⵏ ⴷ ⵢⵉⵜⴻⴽⵏⵉⴽⵉⵢⴻⵏ ⵉⵎⵓⵔⵉⵟⴰⵏⵉⵢⴻⵏ. ⵎⴰⵙⵙ ⵡⴻⵍⴷ ⵅⴰⵍⴻⴷ ⵢⴻⴱⵢⴻⵏ-ⴷ ⵍⴻⴱⵖⵉ-ⵙ ⵉ ⵡⴰⴽⴽⴻⵏ ⵢⵉⵏⴻⵍⵎⴰⴷⴻⵏ ⵏ ⵜⵎⵓⵔⵜ-ⵉⵙ ⴰⴷ ⵙⵜⴻⴼⵢⴻⴷⴻⵏ ⵙⴻⴳ ⵓⵙⵉⵍⴻⵯ ⴷⴻⴳ ⵍⵣⵣⴰⵢⴻⵔ.
ⵙⴻⴳ ⵍⵊⵉⵀⴰ ⵏⵏⵉⴹⴻⵏ, ⵎⴰⵙⵙ ⵄⴻⴱⴷⴻⵚⵚⴰⵎⴰⴷ ⵢⴻⵙⵙⴻⵊⴷⴻⴷ ⴱⴻⵍⵍⵉ ⵎⵎⵓⵊⵎⵎⵓⵄ "ⵙⵓⵏⴻⵍⴳⴰⵣ" ⵡⴻⵊⵊⴻⴷ ⴰⴷ ⵢⴻⴼⴽ ⵜⴰⵎⵓⵙⵏⵉ-ⵙ ⵉ ⵎⵓⵔⵉⵟⴰⵏⵢⴰ ⴷⴻⴳ ⵎⴰⵕⵕⴰ ⵢⵉⵃⵔⵉⵛⴻⵏ, ⵙⴻⴳ ⵓⴼⴰⵔⵉⵙ ⵏ ⵜⵔⵉⴽⵉⵜ ⴰⵍⴰⵎⵎⴰ ⴷ ⵓⴼⵔⴰⵇ-ⵉⵙ. ⵢⴻⵏⵏⴰ-ⴷ ⴱⴻⵍⵍⵉ ⵜⵉⵏⵎⴰⵍ ⵏ ⵓⵙⵉⵍⴻⵯ ⵏ ⵎⵎⵓⵊⵎⵎⵓⵄ ⵍⴷⴰⵏⵜ ⵜⵉⴱⴱⵓⵔⴰ-ⵏⵙⴻⵏⵜ ⵉ ⵢⵉⵎⵓⵙⵏⴰⵡⴻⵏ ⵉⵎⵓⵔⵉⵟⴰⵏⵉⵢⴻⵏ.
ⵜⴰⴳⴳⴰⵔⴰ, ⴰⵏⵖⵍⴰⴼ ⵏ ⵎⵓⵔⵉⵟⴰⵏⵢⴰ ⵢⴻⵙⵙⴻⵊⴷⴻⴷ ⴰⵣⴰⵍ ⵏ ⵓⵙⵊⴻⵀⴻⴷ ⵏ ⵓⵎⵢⴻⵍⵍⴻⵍ-ⴰⴳⵉ ⵙ ⵜⵎⴰⵖⵓⵏⵉⵏ ⵢⴻⴷⴷⵓⴽⴽⵍⴻⵏ. ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰ ⴰⴷ ⵢⴻⴼⴽ ⵜⴰⵣⵎⴻⵔⵜ ⵉ ⵍⴰⵎⴰⵏ ⵏ ⵜⵣⵎⴻⵔⵜ ⴷⴻⴳ ⵜⴼⵔⵉⵇⵜ ⵢⴻⵔⵏⴰ ⴰⴷ ⵢⴻⴷⴷⵓ ⴷ ⵓⴱⴻⴷⴷⴻⵍ ⵏ ⵓⵃⵔⵉⵛ ⵏ ⵜⵣⵎⴻⵔⵜ ⴷⴻⴳ ⵓⵎⴰⴹⴰⵍ ⴽⴰⵎⴻⵍ.
ⴰⵔⵏⵓ ⵖⴻⵔ
