ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⴷⴰ ⵓⵏⵖⵍⴰⴼ ⵏ ⵜⵣⵎⴻⵔⵜ ⴷ ⵓⵥⴰⵔⵓ ⵏ ⵜⴳⴷⵓⴷⴰ ⵜⴰⵏⵙⵍⴻⵎⵜ ⵏ ⵎⵓⵔⵉⵟⴰⵏⵢⴰ, ⵎⴰⵙⵙ ⵎⵓⵃⴰⵎⴻⴷ ⵡⴻⵍⴷ ⵅⴰⵍⴻⴷ, ⴰⵙⵙ-ⴰ ⵏ ⵍⵃⴻⴷ, ⵜⵉⴽⵍⵉ ⵏ ⵓⵎⴰⵀⵉⵍ ⵖⴻⵔ ⵍⵣⵣⴰⵢⴻⵔ ⴰⵔⴰ ⵢⴻⵇⵇⵉⵎⴻⵏ ⵙⵉⵏ ⵓⵙⵙⴰⵏ. ⵢⵓⵙⴰ-ⴷ ⴷ ⵢⵉⵡⴻⵜ ⵏ ⵜⵔⴰⴱⵄⵜ ⵜⵓⵏⵏⵉⴳⵜ ⵏ ⵢⵉⵎⵓⵙⵏⴰⵡⴻⵏ ⴷ ⵢⵉⵎⴻⵇⵇⵔⴰⵏⴻⵏ ⵏ ⵜⵎⴻⵔⵙⴻⵍⵉⵏ ⵏ ⵜⵣⵎⴻⵔⵜ ⴷⴻⴳ ⵎⵓⵔⵉⵟⴰⵏⵢⴰ, ⴰⵎ ⵜⵜⴻⵛⴰⵔⵉⴽⴰ ⵏ ⵓⵥⴰⵔⵓ, ⵜⵉⵏ ⵏ ⵜⵔⵉⴽⵉⵜ ⴷ ⵜⵎⴻⵔⵙⴻⵍⵜ ⵏ ⵓⵙⴻⵚⴼⵉ ⵏ ⵍⴱⴻⵟⵔⵓⵍ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⵜⵓⵣⵣⵢⴰ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⵊⴻⵀⴻⴷ ⵏ ⵜⵎⴷⵓⴽⴽⵍⵉ ⴷ ⵜⴳⵎⴰⵜ ⴳⴰⵔ ⵍⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ. ⵉⵙⵡⵉ-ⵙ ⴷ ⴰⵙⴻⴷⵎⴻⵔ ⵏ ⵍⴻⴱⵖⵉ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵡⴰⴽⴽⴻⵏ ⴰⴷ ⵙⵙⴻⵎⵖⴻⵔⵏⵜ ⴰⵎⵢⴻⵍⵍⴻⵍ ⴷⴻⴳ ⵓⵃⵔⵉⵛ ⵏ ⵓⵥⴰⵔⵓ, ⵜⵉⵎⴰⴷⵏⵉⵡⵉⵏ, ⵜⴰⵣⵎⴻⵔⵜ ⵜⵉⵎⴰⵢⵏⵓⵜ ⴷ ⵓⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ.
ⴰⵏⵖⵍⴰⴼ ⵏ ⵎⵓⵔⵉⵟⴰⵏⵢⴰ ⴰⴷ ⵢⴻⴳ ⵜⵉⵎⵙⵍⴰⵢⵉⵏ ⴷ ⵓⵏⵖⵍⴰⴼ ⵏ ⵓⵡⴰⵏⴰⴽ ⵢⴻⵔⵣⴰⵏ ⵓⵥⴰⵔⵓ ⴷ ⵜⵎⴰⴷⵏⵉⵡⵉⵏ, ⵎⴰⵙⵙ ⵎⵓⵃⴰⵎⴻⴷ ⴰⵔⴽⴰⴱ, ⴰⴽⴽⴻⵏ ⴷⴰⵖⴻⵏ ⴷ ⵓⵏⵖⵍⴰⴼ ⵏ ⵜⵣⵎⴻⵔⵜ, ⵎⴰⵙⵙ ⵎⵓⵔⴰⴷ ⵄⴻⵊⵊⴰⵍ. ⴰⴷ ⵙⵙⵉⵡⵍⴻⵏ ⵖⴻⴼ ⵡⴰⵎⴻⴽ ⴰⵔⴰ ⵙⵊⴻⵀⴷⴻⵏ ⴰⵎⵢⴻⵍⵍⴻⵍ ⵢⴻⵔⵏⴰ ⴰⴷ ⴱⴷⴻⵍⵏ ⵜⵉⵎⵓⵙⵏⵉⵡⵉⵏ-ⵏⵙⴻⵏ ⴷⴻⴳ ⵢⵉⵙⴻⵏⴼⴰⵔⴻⵏ ⵏ ⵓⵙⵓⵎⴻⵔ ⵢⴻⵔⴷⵓⴽⴽⵍⴻⵏ.
ⴰⵎ ⵢⴻⴽⴽⴰ ⵍⵇⴰⴷ, ⴰⵏⵖⵍⴰⴼ ⴰⵎⵓⵔⵉⵟⴰⵏⵉ ⴰⴷ ⵢⴻⵎⵍⵉⵍ ⴷ ⵢⵉⵎⴻⵇⵇⵔⴰⵏⴻⵏ ⵏ ⵎⵎⵓⵊⵎⵎⵓⵄ ⵏ "ⵙⵓⵏⴰⵟⵔⴰⴽ" ⴷ "ⵙⵓⵏⴻⵍⴳⴰⵣ" ⵉ ⵡⴰⴽⴽⴻⵏ ⴰⴷ ⵢⵉⵡⴰⵍⵉ ⵜⴰⵔⵎⵉⵜ ⵏ ⵍⵣⵣⴰⵢⴻⵔ ⴷⴻⴳ ⵓⵏⴰⴷⵉ, ⴰⴼⴰⵔⵉⵙ ⴷ ⵓⵙⴻⴳⴳⴻⵎ ⵏ ⵡⴰⵏⴰⴳⵔⴰⵡⴻⵏ ⵏ ⵜⵔⵉⴽⵉⵜ ⴷ ⵓⴳⴰⵣ.
ⵜⴰⴳⴳⴰⵔⴰ, ⵜⵉⴽⵍⵉ-ⴰⴳⵉ ⵜⴻⵙⴽⴰⵏⴰⵢ-ⴷ ⵜⴰⴷⴻⵊⵊⴰⵢⵜ ⵉⵊⴻⵀⴷⴻⵏ ⵏ ⵜⵎⴷⵓⴽⴽⵍⵉ ⴳⴰⵔ ⵍⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⴷ ⵍⴻⴱⵖⵉ-ⵏⵙⴻⵏⵜ ⴰⴽⴽⴻⵏ ⴰⴷ ⴷⴷⵓⴽⴽⵍⴻⵏⵜ ⴷⴻⴳ ⵓⵃⵔⵉⵛ ⵏ ⵜⵣⵎⴻⵔⵜ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵏⴻⴳⵎⵓ ⵓⵔⴰⵙⵡⴰⵢ ⵢⴻⵔⵏⴰ ⴰⴷ ⵃⴰⴷⵔⴻⵏⵜ ⵜⵔⴻⵣⵡⴰ ⵏ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
