ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴷⴰⵡⵙⴰ, ⵎⴰⵙ ⵎⵓⵃⴰⵎⴻⴷ ⵚⴻⴷⴷⵉⵇ ⴰⵢⵜ ⵎⴻⵙⵄⵓⴷⴰⵏ, ⴰⵙⵙ-ⴰ ⵏ ⵍⵃⴻⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴱⴻⵍⵍⵉ ⴰⵎⴻⵏⵏⵓⵖ ⵖⴻⴼ ⵍⴰⵎⴰⵏ ⵏ ⵙⴰⵢⴱⴻⵔ (Cybersecurity) ⴷ ⵓⵃⵓⴷⴷⵓ ⵏ ⵢⵉⵙⴰⵍⵍⴻⵏ ⵏ ⵜⴷⴰⵡⵙⴰ ⵍⵍⴰⵏ ⴷⵉ ⵜⵉⵣⵡⴰⵔⵉⵏ ⵜⵉⵙⵜⵉⵔⴰⵜⵉⵊⵉⵢⵉⵏ ⵏ ⵜⵎⵓⵔⵜ ⵜⴰⵣⵣⴰⵢⵔⵉⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵜⵏⴻⵖⵍⴰⴼⵜ.
ⴷⴻⴳ ⵓⵍⴷⴰⵢ ⵏ ⴷⴷⵓⵔⵜ ⵏ ⵓⵙⵙⴻⵍⵎⴻⴷ ⴰⵖⴻⵍⵏⴰⵡ ⵖⴻⴼ "ⵍⴰⵎⴰⵏ ⵏ ⵙⴰⵢⴱⴻⵔ ⴷ ⵓⵃⵓⴷⴷⵓ ⵏ ⵢⵉⵙⴰⵍⵍⴻⵏ ⵏ ⵢⵉⵎⴷⴰⵏⴻⵏ ⴷⴻⴳ ⵓⴼⴻⵔⴷⵉⵙ ⵏ ⵜⴷⴰⵡⵙⴰ", ⴰⵏⴻⵖⵍⴰⴼ ⵢⴻⵙⵙⴻⴽⵜⴰ-ⴷ ⴱⴻⵍⵍⵉ ⴰⵃⵓⴷⴷⵓ ⵏ ⵢⵉⵙⴰⵍⵍⴻⵏ-ⴰⴳⵉ ⵢⴻⵍⵍⴰ "ⴷⴻⴳ ⵜⵉⵣⵡⴰⵔⵉⵏ ⵜⵉⵙⵜⵉⵔⴰⵜⵉⵊⵉⵢⵉⵏ ⵏ ⵜⵎⵓⵔⵜ, ⵍⴰⴷⵖⴰ ⴷⴻⴳ ⵡⴰⴽⵓⴷ ⵏ ⵓⴱⴻⴷⴷⴻⵍ ⴰⵎⴻⵇⵇⵔⴰⵏ ⵖⴻⵔ ⵓⴷⵉⵊⵉⵜⴰⵍ ⵉ ⵜⴻⵣⵔⴻⵔ ⵜⴷⴰⵡⵙⴰ".
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴱⴻⵍⵍⵉ ⴰⴱⴻⴷⴷⴻⵍ-ⴰⴳⵉ ⵖⴻⵔ ⵓⴷⵉⵊⵉⵜⴰⵍ ⵢⴻⵙⵙⵓⵜⵓⵔ ⴰⵙⴻⵇⴷⴻⵛ ⵏ ⵡⴰⵍⵍⴰⵍⴻⵏ ⵏ ⵓⵎⵢⴰⵡⴰⴹ ⵉⵡⴰⴽⴽⴻⵏ ⴰⴷ ⵜⴻⵏⵔⴻⵏⵏⵉ ⵜⴼⴰⵔⴻⵙⵜ ⵏ ⵜⴷⴰⵡⵙⴰ ⴷ ⵓⵃⴰⴷⴻⵔ ⵏ ⵢⵉⵎⵓⴹⴰⵏ. ⴳⴰⵔ ⵜⵓⵎⵔⵉⵡⵉⵏ ⵜⵉⵎⴻⵇⵇⵔⴰⵏⵉⵏ, ⵢⴻⵍⵍⴰ "ⵓⴹⵎⴰⵏ ⵏ ⵍⴰⵎⴰⵏ ⵏ ⵢⵉⵙⴰⵍⵍⴻⵏ ⴷ ⵓⵃⵓⴷⴷⵓ ⵏ ⵢⵉⵙⴰⵍⵍⴻⵏ ⵏ ⵢⵉⵎⴷⴰⵏⴻⵏ, ⵉⵎⵉ ⵍⵍⴰⵏ ⴷ ⵉⵙⴰⵍⵍⴻⵏ ⵉⵚⴻⵄⴱⴻⵏ ⵢⴻⵔⵏⴰ ⵛⵓⴷⴷⴻⵏ ⵖⴻⵔ ⵢⵉⵣⴻⵔⴼⴰⵏ ⵏ ⵓⵎⴷⴰⵏ".
ⵢⴻⵏⵏⴰ-ⴷ ⴷⵉⵖⴻⵏ ⴱⴻⵍⵍⵉ ⴰⴼⴻⵔⴷⵉⵙ-ⵉⵙ ⴰⴷ ⵢⴻⵙⵙⴻⵇⴷⴻⵛ ⵜⴰⵖⴰⵔⴰ ⵏ ⵍⴰⵎⴰⵏ ⴷ ⵍⵇⴰⵏⵓⵏ ⴷⴻⴳ ⵢⴰⵍ ⴰⵙⴻⵏⴼⴰⵔ ⵏ ⵓⴷⵉⵊⵉⵜⴰⵍ, ⵢⴻⵔⵏⴰ ⴰⴷ ⵢⴻⵙⵙⴻⵏⵔⴻⵏ ⵜⴰⵢⵙⵉ ⵏ ⵓⵃⵓⴷⴷⵓ ⵏ ⵢⵉⵙⴰⵍⵍⴻⵏ ⴷⴻⴳ ⵢⵉⵅⵅⴰⵎⴻⵏ ⵏ ⵜⴷⴰⵡⵙⴰ ⵙ ⵓⵙⵙⴻⵍⵎⴻⴷ ⴷ ⵓⵙⴼⴻⵀⴻⵎ ⵏ ⵢⵉⵎⴷⴰⵏⴻⵏ.
ⴷⴻⴳ ⵓⵏⵏⴰⵔ-ⴰ, ⴰⵙⴻⴷⴷⵓ ⵏ ⴷⴷⵓⵔⵜ-ⴰⴳⵉ ⵏ ⵓⵙⵙⴻⵍⵎⴻⴷ ⴷⴻⴳ ⵓⵙⵉⵔⵉⵎ ⴰⵖⴻⵍⵏⴰⵡ ⵏ ⵓⵙⵙⴻⵍⵎⴻⴷ ⵓⵏⵏⵉⴳ (INFSPS), ⵢⴻⵜⵜⵏⴰⴷⵉ "ⴰⴷ ⵢⴻⵙⵙⴻⵊⵀⴻⴷ ⵓⵇⴰⴷⴻⵔ ⵏ ⵍⵇⴰⵏⵓⵏ ⴰⵖⴻⵍⵏⴰⵡ ⵢⴻⵄⵏⴰⵏ ⵓⵙⴻⴷⴷⵓ ⵏ ⵢⵉⵙⴰⵍⵍⴻⵏ ⵏ ⵜⴷⴰⵡⵙⴰ ⴷ ⵜⵡⵉⵣⴰ ⴷ ⵜⵎⴻⵀⵍⴰ ⴰⵖⴻⵍⵏⴰⵡⴻⵜ ⵏ ⵓⵃⵓⴷⴷⵓ ⵏ ⵢⵉⵙⴰⵍⵍⴻⵏ ⵏ ⵢⵉⵎⴷⴰⵏⴻⵏ".
ⵡⴰⵢⴰ ⵢⴻⵙⵙⴻⴱⴳⴻⵏ-ⴷ ⴷⵉⵖⴻⵏ ⴱⴻⵍⵍⵉ ⵜⴰⵏⴻⵖⵍⴰⴼت ⵜⴻⴱⵔⴰ ⴰⴷ ⵜⴻⵙⵙⴻⴼⵍⴻⵢ ⴷⴻⴳ ⵢⵉⵎⴷⴰⵏⴻⵏ ⴷ ⵜⵎⵓⵣⵣⴰⵜ ⵜⵉⵍⴻⵎⵣⵉⵢⵉⵏ ⵉⵡⴰⴽⴽⴻⵏ ⴰⴷ ⴼⵔⵓⵏⵜ ⵜⵉⵎⴰⵙⴰⵢⵉⵏ ⵜⵉⵣⵣⴰⵢⵔⵉⵢⵉⵏ ⴷ ⵜⵉⵇⴰⵏⵓⵏⵉⵢⵉⵏ ⵏ ⵓⵙⴻⵇⴷⴻⵛ ⵏ ⵓⴷⵉⵊⵉⵜⴰⵍ.
ⴷⴻⴳ ⵜⴰⴳⴰⵔⴰ, ⵎⴰⵙ ⴰⵢⵜ ⵎⴻⵙⵄⵓⴷⴰⵏ ⵢⴻⵛⴽⴻⵔ ⵜⴰⵡⵉⵣⴰ ⵏ ⵢⵉⵎⴷⵔⴰⵡⴻⵏ ⵉⵡⴰⴽⴽⴻⵏ ⴰⴷ ⵢⴻⴱⴷⵓ ⵡⴰⵀⵉⵍ-ⴰⴳⵉ ⵏ ⵓⵙⵙⴻⵍⵎⴻⴷ, ⵡⴰⵢⴰ ⵢⴻⵙⵙⴻⴱⴳⴻⵏ-ⴷ "ⵜⴰⴷⵓⴽⵍⵉ ⵏ ⵜⵎⵓⵖⵍⵉⵡⵉⵏ ⵉ ⵓⵃⵓⴷⴷⵓ ⵏ ⵍⴰⵎⴰⵏ ⵏ ⵓⴷⵉⵊⵉⵜⴰⵍ ⴰⵖⴻⵍⵏⴰⵡ ⴷ ⵓⵃⵓⴷⴷⵓ ⵏ ⵜⵖⴻⵍⵍⵉⵙⵜ ⵏ ⵢⵉⵙⴰⵍⵍⴻⵏ".
ⴰⵔⵏⵓ ⵖⴻⵔ
