ⵉⵙⴰⵜⵉⴳ (ⵉⵙⵏⴻⴽⵏⴻⴷ) ⵓⵙⴻⵍⵡⴰⵢ ⵏ ⵜⴷⵓⴽⵍⴰ ⵜⴰⵎⴰⴹⵍⴰⵏⵜ ⵏ ⵜⴽⵓⵔⵜ ⵏ ⵓⴹⴰⵔ (ⴼⵉⴼⴰ), ⴶⵉⴰⵏⵏⵉ ⵉⵏⴼⴰⵏⵜⵉⵏⵓ, ⴰⵙⴻⵏⴽⴻⴷ ⵓⴼⵔⵉⵏⴻⵏ ⵉ ⴷ-ⴼⴽⴰⵏ ⵢⵉⵎⵓⵍⴰⵡⴻⵏ ⵏ ⵍⴻⵣⵣⴰⵢⴻⵔ ⴷ ⵜⵓⵜⵔⵉⵛⵜ ⴷⴻⴳ ⵜⴻⵎⵍⵉⵍⵉⵜ-ⵏⵙⴻⵏ ⵏ ⵜⵙⴻⵎⵎⵓⵏⵜ ⵜⵉⵙ ⴽⵔⴰⴷⴻⵜ ⵓ ⴷ ⵜⴰⵏⴻⴳⴳⴰⵔⵓⵜ (ⵜⴰⴳⵔⵓⵎⵎⴰ ⵡⵉⵙ ⵎⵔⴰⵡ) ⵏ ⵓⵃⵔⵉⵛ ⴰⵎⴻⵏⵣⵡⵓⵔⵓ ⵏ ⵜⴰⴳⴳⴰⵔⴰ ⵏ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026. ⵉⵡⴰⵍⴰ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⴰⴷ ⵜⴻⵇⵇⵉⵎ ⴳⴰⵔ ⵜⴰⵍⵍⵉⵢⵉⵏ ⵉⵕⴻⵙⵙⴰⵏⴻⵏ ⵏ ⴷⴷⵓⵕⵜ-ⴰⴳⵉ.
ⴷⴻⴳ ⵢⵉⵡⴻⵜ ⵏ ⵓⵙⵓⴼⴼⴻⵖ ⴷⴻⴳ ⵓⵙⵎⴻⵍ-ⵉⵙ ⵓⵏⵚⵉⴱ ⴷⴻⴳ ⵓⵣⴻⵟⵟⴰ ⵏ "ⵉⵏⵙⵜⴰⴳⵔⴰⵎ", ⵙⴻⵍⴷ ⵓⵎⵎⵉⵣⵉ ⴳⴰⵔ ⵙⵏⴰⵜ ⵏ ⵜⴻⵔⴱⴰⵄⵉⵏ (3-3), ⴰⵙⴻⵍⵡⴰⵢ ⵏ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴽⵓⵔⵜ ⵉⵙⵙⴻⴽⵏⴻⴷ-ⴷ ⵍⴼⴻⵕⵃ-ⵉⵙ ⵙ ⵓⵙⵡⵉⵔ ⵉⵄⵍⴰⵢⴻⵏ ⴷ ⵜⵉⴷⴷⵢ ⵉⵃⵎⴰⵏ ⵉ ⴷ-ⵢⵉⵍⵍⴰⵏ ⴷⴻⴳ ⵜⴻⵎⵍⵉⵍⵉⵜ.
ⵢⵓⵔⴰ ⵉⵏⴼⴰⵏⵜⵉⵏⵓ: "ⴰⵙⵙ-ⴰ, ⵜⴻⵍⵍⴰ-ⴷ ⵢⵉⵡⴻⵜ ⵏ ⵜⴻⴳⵏⵉⵜ ⵓⴼⵔⵉⵏⴻⵏ ⵢⴻⵔⵏⴰ ⵏⵣⴻⵔ ⵜⵉⵎⵍⵉⵍⵉⵜ ⵜⴰⵙⴻⵃⵔⴰⵏⵜ. ⵜⵉⴽⵓⵔⵜ ⵏ ⵓⴹⴰⵔ ⴷ ⵜⵉⵏ ⴽⴰⵏ ⵉ ⵉⵣⴻⵎⵔⴻⵏ ⴰⴷ ⴷ-ⵜⴻⵙⵙⵉⴷⴻⵔ ⵢⴰⴽⴽ ⵢⵉⴱⴻⴷⴷⵉⵍⴻⵏ-ⴰⴳⵉ ⴷ ⵢⵉⵀⵓⵍⴼⴰⵏ ⵉⴶⴻⵀⴷⴻⵏ. ⵍⴻⵣⵣⴰⵢⴻⵔ ⴷ ⵜⵓⵜⵔⵉⵛⵜ ⴼⴽⴰⵏⵜ-ⴷ ⵜⵉⵎⵍⵉⵍⵉⵜ ⴰⵔⴰ ⴷ-ⵢⴻⵇⵇⵉⵎⴻⵏ ⵉ ⵍⴻⴱⴷⴰ ⴷⴻⴳ ⵜⵎⴻⴽⵜⵉ ⴷⴻⴳ ⵍⵡⴻⵇⵜ ⵉ ⴷⴻⴳ ⵙⵏⴰⵜ ⵏ ⵜⴻⵔⴱⴰⵄⵉⵏ ⵙⵙⵉⵡⴹⴻⵏⵜ ⵖⴻⵔ ⵓⵃⵔⵉⵛ ⵡⵉⵙ ⵎⵔⴰⵡ ⴷ ⵙⴹⵉⵙ (16). ⵜⴰⵍⵍⵉⵢⵉⵏ ⴰⵎ ⵜⵉⴳⵉ ⵉ ⵢⴻⵔⵔⴰⵏ ⴰⴽⴽⴰⵢⴰⴷ ⵏ ⵓⵎⴰⴹⴰⵍ ⴷ ⴰⵙⴰⵢⴻⵙ ⵡⴰⴷⴷⴰⵍ ⴰⵎⴻⵇⵇⵔⴰⵏ ⴷⴻⴳ ⵓⵎⴰⴹⴰⵍ ⵎⴻⵕⵕⴰ".
ⴰⵙⴰⵜⵉⴳ-ⴰⴳⵉ ⵏ ⵓⵙⴻⵍⵡⴰⵢ ⵏ "ⴼⵉⴼⴰ" ⴷ ⵜⵓⴽⴽⵉⵙⵜ ⵏ ⵓⵇⴱⴻⵍ ⴰⵎⴰⵢⵏⵓⵜ ⵉ ⵓⵙⵡⵉⵔ ⵏ ⵢⵉⵎⵓⵔⴰⵔ ⵏ "ⵉⵣⵉⵏⵣⴰⵡⴻⵏ" ⴷ ⵔⵔⵓⵃ ⵏ ⵓⵎⴻⵏⵏⵓⵖ ⵉ ⴷ-ⵙⵏⴻⴽⴷⴻⵏ ⴷⴻⴳ ⵓⴱⵔⵉⴷ-ⵏⵙⴻⵏ ⵉ ⵉⵜⴻⴷⴷⵓⵏ ⵉⵡⴰⴽⴽⴻⵏ ⴰⴷ ⴷ-ⴰⵡⵉⵏ ⵜⴰⵎⵓⵖⵍⵉ ⵏ ⵢⵉⵎⵙⴻⴼⵍⵉⴷⴻⵏ ⴷⴻⴳ ⵓⵎⴰⴹⴰⵍ ⵎⴻⵕⵕⴰ ⴷⴻⴳ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026.
ⴰⵔⵏⵓ ⵖⴻⵔ
