ⵙ ⵍⴻⴱⵖⵉ ⴰⵎⴻⵇⵇⵔⴰⵏ ⵉ ⵓⴽⴻⵎⵎⴻⵍ ⵏ ⵓⴱⵔⵉⴷ ⵙ ⵓⵔⵔⴱⵉⵃ, ⴰⵀⴻⵢⵢⵓⵍ ⴰⵖⴻⵍⵏⴰⵡ ⵏ ⵍⴻⵣⵣⴰⵢⴻⵔ ⵏ ⴷⴷⴰⴱⴻⵅ ⵏ ⵓⵟⴰⵔ ⴰⴷ ⵉⵎⴰⴳⴻⵔ ⵜⴰⴱⴻⵖⵔⴻⵢⵜ ⵏ ⵙⵡⵉⵙⵔⴰ ⴷⴻⴳ ⵡⴰⵏⵏⴰⵔ ⵏ "ⴱⵛ ⵃⵍⴰⵛⴻ" ⴷⴻⴳ ⵜⵎⴷⵉⵏⵜ ⵏ ⵠⴰⵏⵛⵓⵓⵠⴻⵔ ⴷⴻⴳ ⴽⴰⵏⴰⴷⴰ (ⴰⵙⵙ ⵏ ⵙⵙⴻⴱⵜ ⴷⴻⴳ 04:00 ⵏ ⵚⵚⴱⴻⵃ ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ), ⵉⵍⵎⴻⵏⴷ ⵏ ⵓⵃⵔⵉⵛ ⵡⵉⵙ 16 ⵏ ⵜⴻⴼⵔⴰⵏⵉⵢⵉⵏ ⵏ ⵓⴽⴰⵙ ⵏ ⵓⵎⴰⴹⴰⵍ 2026.
"ⵉⵣⴻⴳⵣⴰⵡⴻⵏ" ⴷⴷⴰⵏ-ⴷ ⵖⴻⵔ ⵓⵃⵔⵉⵛ-ⴰⴳⵉ ⵙⴷⴻⴼⴼⵉⵔ ⵓⴷⵢⴰⴷ (ⴷⵔⴰⵡ) ⵉ ⴷ-ⵢⴻⵍⵍⴰⵏ ⴳⴰⵔ-ⴰⵙⴻⵏ ⴷ ⵜⵎⵓⵔⵜ ⵏ ⵏⴻⵎⵙⴰ (3-3), ⴷⴻⴳ ⵜⴻⵎⵍⵉⵍⵉ ⵉ ⴷ-ⵢⴻⵍⵍⴰⵏ ⴷⴻⴳ ⴽⴰⵏⵙⴰⵙ ⵛⵉⵜⵢ ⴷⴻⴳ ⵎⴰⵔⵉⴽⴰⵏ. ⵜⴰⵏⵇⵉⴹⵜ-ⴰⴳⵉ ⵏ ⵓⴷⵢⴰⵏ ⵜⴻⵯⵯⴰ ⵍⴻⵣⵣⴰⵢⴻⵔ ⴰⴷ ⵜⴼⵓⴽⴽ ⵜⴰⵍⵍⵉⵜ ⵏ ⵢⵉⴳⵔⴰⵡⴻⵏ (ⴰⴳⵔⴰⵡ ⵡⵉⵙ 10) ⴷⴻⴳ ⵓⵎⴽⴰⵏ ⵡⵉⵙ ⴽⵔⴰⴷ ⵙ ⴽⵓⵣ (04) ⵏ ⵜⴻⵏⵇⵉⴹⵉⵏ, ⴷ ⵓⵄⴻⴷⴷⵉ ⴳⴰⵔ ⵜⵎⵓⵔⴰ ⵢⵓⴼⵔⴰⵔⴻⵏ ⵉ ⴷ-ⵢⵓⵙⴰⵏ ⴷⴻⴳ ⵓⵎⴽⴰⵏ ⵡⵉⵙ ⴽⵔⴰⴷ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⴰⴱⴻⵖⵔⴻⵢⵜ ⵏ ⵙⵡⵉⵙⵔⴰ ⵜⴻⵙⵙⴻⵏ ⵓⴱⵔⵉⴷ ⵏ ⵍⵯⴻⵀⴷ ⴷⴻⴳ ⵓⵃⵔⵉⵛ ⴰⵎⴻⵏⵣⵓ, ⵜⴻⵍⵍⴰ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⴳⵔⴰⵡ ⵡⵉⵙ ⵙⵉⵏ ⵙ ⵙⴻⴱⵄⴰ (07) ⵏ ⵜⴻⵏⵇⵉⴹⵉⵏ, ⵣⴷⴰⵜ ⵏ ⴽⴰⵏⴰⴷⴰ ⴷ ⴱⵓⵙⵏⵢⴰ, ⵙ ⵓⴼⴰⵔⵉⵙ ⵏ ⵙⴻⴱⵄⴰ ⵏ ⵢⵉⵙⵓⵡⴰⵢⴻⵏ (ⴳⵓⴰⵍⵙ).
ⴰⵎⴻⵙⵙⵉⵍⵖⴰ ⴰⵖⴻⵍⵏⴰⵡ ⵠⵍⴰⴷⵉⵎⵉⵔ ⵃⴻⵜⴽⵓⵠⵉⵛ ⵢⴻⵙⵙⴻⵏ ⵎⵔⴰⵡ ⴷⴷⴰⴱⴻⵅ ⵏ ⵓⵟⴰⵔ ⵏ ⵙⵡⵉⵙⵔⴰ, ⴰⵛⴽⵓ ⵢⴻⵙⵙⴻⵍⵡⵉ ⵜⴰⴱⴻⵖⵔⴻⵢⵜ-ⵏⵏⵉ ⴰⵣⴰⵍ ⵏ ⵙⴻⴱⵄⴰ ⵏ ⵢⵉⵙⴻⴳⴳⴰⵙⴻⵏ (ⴳⴰⵔ 2014 ⴷ 2021). ⴷⴻⴳ ⵜⴰⵍⵍⵉⵜ-ⵏⵏⵉ, ⴰⵙⵡⵉⵔ ⵏ ⵙⵡⵉⵙⵔⴰ ⵉⵡⵡⴹ-ⴻⴷ ⴰⵔ ⵓⵃⵔⵉⵛ ⵡⵉⵙ ⵜⴰⵎ (ⵇⵓⴰⵔⵜ ⴷⴻ ⴼⵉⵏⴰⵍⴻ) ⵏ ⴻⵓⵔⵓ 2021 ⵙⴷⴻⴼⴼⵉⵔ ⵎⴰ ⵙⵙⵓⴼⴼⵖⴻⵏ ⵜⴰⴱⴻⵖⵔⴻⵢⵜ ⵏ ⴼⵔⴰⵏⵙⴰ.
ⵃⴻⵜⴽⵓⵠⵉⵛ ⵢⴻⵏⵏⴰ-ⴷ: "ⵙⵡⵉⵙⵔⴰ ⴷ ⵜⴰⴱⴻⵖⵔⴻⵢⵜ ⵏ ⵍⵯⴻⵀⴷ ⵢⴻⵔⵏⴰ ⵙⵙⵏⴻⵖ ⴰⵎⴻⴽ ⵉ ⴷ-ⵜⵜⵓⵔⴰⵔⴻⵏ... ⴰⴷ ⴷ-ⵏⵙⴻⵎⵔⴻⵙ ⵜⴰⴱⴻⵖⵔⴻⵢⵜ-ⴰⴳⵉ ⵙ ⵍⴼⴻⵟⵏⴰ ⵉⵡⴰⴽⴽⴻⵏ ⴰⴷ ⴷ-ⵏⵉⵍⵉ ⴷⴻⴳ ⵓⵙⵡⵉⵔ ⵢⴻⵍⵀⴰⵏ ⵢⴻⵔⵏⴰ ⴰⴷ ⴷ-ⵏⴰⵡⵉ ⵍⴽⴰⵖⴻⵯ ⵏ ⵓⵄⴻⴷⴷⵉ".
ⵙⴻⴳ ⵜⴰⵎⴰ-ⵉⵙ, ⴰⵎⴻⵙⵙⵉⵍⵖⴰ ⵏ ⵙⵡⵉⵙⵔⴰ, ⵎⵓⵔⴰⵜ ⵢⴰⴽⵉⵏ, ⵉⵡⴰⵍⴰ ⴱⴻⵍⵍⵉ ⵜⵉⵎⵍⵉⵍⵉ ⵎⴳⴰⵍ ⵉⵇⵛⵉⵛⴻⵏ ⵏ ⵃⴻⵜⴽⵓⵠⵉⵛ ⴰⴷ ⵜⵉⵍⵉ ⴷ ⵜⵉⵏ ⵏ ⵍⵯⴻⵀⴷ, ⵢⴻⵏⵏⴻⵔⵏⴰ-ⴷ: "ⵏⵡⴰⵍⴰ ⴰⴽⴽ ⵜⵉⵎⵍⵉⵍⵉ ⵏ ⵍⴻⵣⵣⴰⵢⴻⵔ ⴷ ⵏⴻⵎⵙⴰ ⵙⴻⴳ ⵓⵙⴻⵏⵙⵓ... ⵍⴻⵣⵣⴰⵢⴻⵔ ⴷ ⵜⴰⴱⴻⵖⵔⴻⵢⵜ ⵉ ⴷ-ⵉⵜⵜⴰⵔⴰⵏ ⵍⴱⴰⵍ ⵢⴻⵔⵏⴰ ⵜⴻⵙⵄⴰ ⵉⵎⵓⵔⴰⵔ ⵉⵍⴰⵏ ⵜⵉⵣⴻⵎⵎⴰⵔ ⵓⴼⵔⴰⵔⴻⵏ, ⵏⵔⴰ ⴰⴷ ⵏⵎⴰⴳⴳⴻⵔ ⵜⵉⵎⵍⵉⵍⵉ-ⴰⴳⵉ ⵙ ⵍⵅⴰⵟⴻⵔ ⴰⵎⴻⵇⵇⵔⴰⵏ".
ⴷⴻⴳ ⵡⴰⵏⵏⴰⵔ ⵏ ⵓⵟⵟⵓⵏ ⵏ ⵢⵉⵎⵓⵔⴰⵔ, ⴰⵀⴻⵢⵢⵓⵍ ⴰⵖⴻⵍⵏⴰⵡ ⵓⵔ ⵢⴻⵙⵄⵉ ⴰⵔⴰ ⴰⵎⵓⵔⴰⵔ ⵎⵓⵀⴰⵎⴻⴷ ⴰⵎⵉⵏⴻ ⴰⵎⵓⵓⵔⴰ ⵉⵍⵎⴻⵏⴷ ⵏ ⵓⴳⴰⵣⵓ (ⵉⵏⵊⵓⵔⵢ), ⵎⴰ ⴷ ⵉⵎⴻⴷⴷⵓⴽⴽⴰⵍ ⵏ ⵓⵙⴻⵍⵡⴰⵢ ⵔⵉⵢⴰⴷ ⵎⴰⵀⵔⴻⵣ ⴰⴷ ⵄⴻⵔⴹⴻⵏ ⴰⴷ ⴷ-ⴰⵡⵉⵏ ⵓⵔⵔⴱⵉⵃ ⵎⴳⴰⵍ ⵙⵡⵉⵙⵔⴰ ⵉⵢⴻⵙⵄⴰⵏ ⴰⵇⴰⴷⴻⵔ ⵏ ⵜⵜⴻⴽⵏⵉ ⴷ ⵍⵯⴻⵀⴷ.
ⵉⵎⵓⵔⴰⵔ ⵏ ⵍⴻⵣⵣⴰⵢⴻⵔ, ⵙⴷⴻⴼⴼⵉⵔ ⵎⴰ ⵞⵀⴻⴷ ⵏⵏⵉⵢⴰ-ⵏⵙⴻⵏ, ⴰⴷ ⴽⴻⵛⵎⴻⵏ ⵜⵉⵎⵍⵉⵍⵉ-ⴰⴳⵉ ⵙ ⵍⴻⴱⵖⵉ ⵉⵡⴰⴽⴽⴻⵏ ⴰⴷ ⵙⴼⴻⵔⵃⴻⵏ ⴰⵖⵔⴻⴼ ⵏ ⵍⴻⵣⵣⴰⵢⴻⵔ ⵉ ⵜⴻⵏ-ⵉⴷ-ⵢⴻⴹⴼⴻⵔ ⵙ ⵍⵯⴻⵀⴷ.
ⴰⴷ ⵢⴻⵙⵙⴻⵍⵡⵉ ⵜⵉⵎⵍⵉⵍⵉ-ⴰⴳⵉ ⵓⵀⴻⵢⵢⵓⵍ ⵏ ⵢⵉⵎⴻⵙⴼⴰⵢⴻⵏ (ⵔⴻⴼⴻⵔⴻⴻⵙ) ⵏ ⴰⵔⵊⴰⵏⵜⵉⵏ ⵙ ⵓⵇⴻⵔⵔⵓ ⵏ ⵢⴰⴻⵍ ⴼⴰⵍⵛⵓⵏ ⵃⴻⵔⴻⵣ, ⵙ ⵜⴰⵍⵍⴻⵍⵜ ⵏ ⵎⴰⵅⵉⵎⵉⵍⵉⴰⵏⵓ ⴷⴻⵍ ⵢⴻⵙⵙⵓ ⴷ ⴼⴰⵛⵓⵏⴷⵓ ⵔⵓⴷⵔⵉⴳⵓⴻⵣ, ⵎⴰ ⴷ ⴰⵎⴻⵙⴼⴰⵢ ⵡⵉⵙ ⴽⵓⵣ ⴷ ⴽⴻⵠⵉⵏ ⵓⵔⵜⴻⴳⴰ ⵏ ⵎⵉⴽⵙⵉⴽ.
ⵎⴰ ⵜⵄⴻⴷⴷⴰ ⵍⴻⵣⵣⴰⵢⴻⵔ ⵖⴻⵔ ⵓⵃⵔⵉⵛ ⵡⵉⵙ ⵜⵜⵎⴻⵏ (1/8 ⴼⵉⵏⴰⵍ), ⴰⴷ ⵜⵎⴰⴳⴳⴻⵔ ⵡⵉⵏ ⴰⵔⴰ ⴷ-ⵢⴻⴼⴼⵔⴻⵏ ⴳⴰⵔ ⴽⵓⵍⵓⵎⴱⴰⵜ ⴷ ⴳⴰⵏⴰ.
ⴰⵔⵏⵓ ⵖⴻⵔ
