ⴰⵏⴻⵖⵍⴰⴼ ⵏ ⵓⵎⴰⵀⵉⵍ, ⵏ ⵓⵙⴻⵍⵎⴻⴷ ⴷ ⵓⵃⵔⴰⵣ ⴰⵏⵎⴻⵜⵜⵉ, ⵎⴰⵙⵙ ⴰⴱⴷⴻⵍⵀⴰⴽ ⵙⴰⵢⵃⵉ, ⵢⴻⴼⴽⴰ-ⴷ ⵡⴰⵙⵙ-ⴰ ⵏ ⵍⵃⴻⴷ ⵉⵏⴻⵔⵡⴰⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴼⵔⴰⵖ ⵏ ⵜⵎⴰⴼⴽⵉⵢⵉⵏ ⵏ ⵢⵉⵎⵢⵓⵔⴰⵔⴻⵏ ⴷⴻⴳ ⴷⴷⵓⵕⵜ ⵜⴰⵎⴻⵏⵣⵓⵜ ⵏ ⵡⴰⴳⴳⵓⵔ ⵏ ⵎⴰⵢⵢⵓ 2026 ⵙ ⵜⵎⴻⵔⵏⵉⵡⵉⵏ ⵜⵉⵎⴰⵢⵏⵓⵜⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⵢⴻⵏⵏⴻⵔⵏⴰ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ ⵎⴰⵙⵙ ⵙⴰⵢⵃⵉ ⵢⴻⵙⵙⴻⵖⵔⴻⵜ ⵉ ⵡⴰⴳⵔⴰⵡ ⵏ ⵓⵏⵢⵓⴷⴷⵓ ⵉ ⴷ-ⵢⴻⵍⵍⴰⵏ ⵉ ⵡⴰⴽⴽⴻⵏ ⴰⴷ ⴷ-ⵙⴻⴽⵍⴻⵏ ⴰⵢⴻⵏ ⵉ ⴷ-ⵜⴻⵅⴷⴻⵎ ⵜⴷⵉⵔⴻⴽⵙⵉⵢⵓⵏ ⵜⴰⵍⵍⴻⵎⵎⴰⵙⵜ ⵙⴻⴳ 1 ⵎⴻⵖⵔⴻⵙ ⴰⵔ 11 ⵢⴻⴱⵔⵉⵔ 2026. ⴷⴻⴳ ⵡⴰⴳⵔⴰⵡ-ⴰⴳⵉ, ⵢⴻⴼⴽⴰ ⵉⵏⴻⵔⵡⴰⵢⴻⵏ ⵉⵡⴰⴽⴽⴻⵏ "ⵉⵎⵢⵓⵔⴰⵔⴻⵏ ⴰⴷ ⴷ-ⴰⵡⵉⵏ ⵜⵎⴰⴼⴽⵉⵢⵉⵏ-ⵏⵙⴻⵏ ⴷⴻⴳ ⴷⴷⵓⵕⵜ ⵜⴰⵎⴻⵏⵣⵓⵜ ⵏ ⵎⴰⵢⵢⵓ 2026 ⵙ ⵜⵎⴻⵔⵏⵉⵡⵉⵏ-ⵏⵏⵉ, ⴰⴽⴽⴻⴷ ⵓⵀⴻⴳⴳⵉ ⵏ ⵢⵉⵙⵡⵉⵔⴻⵏ ⵉⵡⴰⴽⴽⴻⵏ ⴰⴷ ⵢⴻⵜⵜⵡⴰⵇⴰⴷⴻⵔ ⵓⵣⴻⵎⵣ-ⴰⴳⵉ".
ⵉⵍⵎⴻⵏⴷ ⵏ ⵡⴰⵏⵏⴻⵛⵜ-ⴰ, ⴰⵏⴻⵖⵍⴰⴼ ⵢⴻⵙⵍⴰ ⵉ ⵢⵉⵙⴰⵍⵉⵢⴻⵏ ⵉ ⴷ-ⵙⵓⵍⵉⵏ ⵢⵉⵎⴷⴻⴱⴱⵔⴻⵜ ⵏ ⵜⴷⵉⵔⴻⴽⵙⵉⵢⵓⵏ ⵜⴰⵍⵍⴻⵎⵎⴰⵙⵜ, ⴷⴰⴳⵉ ⵉ ⴷ-ⵙⵇⴻⵔⴷⵛⴻⵏ ⴰⵀⵉⵍⴻⵏ ⵏ ⵍⴻⵇⴷⵉⵛ ⵉ ⴷ-ⵢⴻⵍⵍⴰⵏ ⴷⴻⴳ ⵜⴰⵍⵍⵉⵜ-ⴰⴳⵉ ⵉ ⴷ-ⵢⵓⴼⵔⴰⵔⴻⵏ ⵙ "ⵓⵃⴻⵔⵔⴻⴽ ⴷ ⵓⵏⴰⵔⵎⴰⴷ ⴷ ⴰⵎⴻⵇⵇⵔⴰⵏ, ⵍⴰⴷⵖⴰ ⴷⴻⴳ ⵡⴰⵏⵏⴰⵔ ⵏ ⵓⵙⴻⴼⵔⴰⵣ ⵏ ⵓⵍⴻⵍⵍⵉ ⵏ ⵓⵎⴻⵣⵍⵓ ⵏ ⴱⴰⵢⵍⴻⴽ ⴷ ⵓⵔⵓⵔⴻⴷ ⵏ ⵓⵙⴻⵍⴽⵓⵎ-ⵉⵙ (numérisation), ⵉ ⵡⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⴻⴼⵔⴻⵣ ⵜⴰⵔⵔⴰⵢⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉⵢⴻⴱⵖⴰⵏ ⴰⴷ ⴷ-ⵢⴻⵙⵙⴻⵇⵔⴻⴱ ⵍⴰⴷⴰⵕⴰ ⵖⴻⵔ ⵓⵎⴻⵔⵣⵉ ⴷ ⵓⵙⵏⴻⵔⵏⵉ ⵏ ⵡⴰⴼⵓⵍ ⵏ ⵓⵎⴻⵣⵍⵓ ⵏ ⴱⴰⵢⵍⴻⴽ".
ⴷⴻⴳ ⵡⴰⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵢⴻⵙⵙⴰⵡⴻⵍ ⵉ ⵙⵙⴻⴱⵜ ⵏ ⵓⵔⵓⵔⴻⴷ ⵏ ⵓⵅⴻⴷⴷⵉⵎ ⴷ ⵓⵙⴻⴼⵔⴰⵣ ⵏ ⵡⴻⵃⵔⴰⵣ ⵏ ⵢⵉⵙⵓⵜⵔⴻⵏ ⵏ ⵢⵉⵎⴻⵔⵣⵉⵢⴻⵏ, ⵢⴻⵯⵯⴰ ⴰⵡⴰⵍ ⴱⴻⵍⵍⵉ "ⵉⵍⴰⵇ ⴰⴷ ⵉⴽⴻⵎⵎⴻⵍ ⵢⴻⵔⵏⴰ ⴰⴷ ⵢⴻⵔⵓⵔⴻⴷ ⵡⴰⵀⵉⵍ ⵏ ⵓⵙⴻⵍⴽⵓⵎ ⴷ ⵓⵙⴻⵎⵔⴻⵙ ⵏ ⵢⵉⵎⴻⵥⵍⴰ ⵏ ⵍⴱⵄⵉⴷ, ⵉ ⵡⴰⴽⴽⴻⵏ ⵉⵎⴻⵔⵣⵉⵢⴻⵏ ⴰⴷ ⴷ-ⴰⵡⵉⵏ ⵉⵎⴻⵣⵍⴰ-ⵏⵙⴻⵏ ⵎⴱⵍⴰ ⵎⴰ ⵔⵣⴰⵏ ⵖⴻⵔ ⵉⵛⵉⵡⴻⵏ
ⵉⵡⴰⴽⴽⴻⵏ ⴰⴷ ⵉⴽⴻⵎⵎⴻⵍ, ⵎⴰⵙⵙ ⵙⴰⵢⵃⵉ ⵢⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ "ⵜⵉⴼⵔⴰⵜ ⵏ ⵉⵎⵉⵔ-ⴰⴳⵉ ⴷ ⵜⵉⵏ ⵉⵍⴰⵏ ⵍⴼⴻⵟⵏⴰ ⵉ ⵢⵉⵙⵓⵜⵔⴻⵏ ⵏ ⵢⵉⵍⵎⴻⵣⵢⴻⵏ ⵓⵔ ⴷ-ⵏⴻⵡⵡⵉ ⴰⵔⴰ ⵜⴰⵍⵍⴻⵍⵜ ⵏ ⵓⴱⴰⵟⴻⵍ ⵙ ⵓⴱⵔⵉⴷ ⵏ ⵍⴱⵄⵉⴷ, ⴷⴻⴳ ⵜⴰⵏⵙⴰ 'ⵉⵏⵚⴰⵜ', ⴰⴽⴽⴻⴷ ⵓⴹⵎⴰⵏ ⵏ ⵓⵔⵉⵔ ⴼⴻⵍⵍ-ⴰⵙⴻⵏ ⴷⴻⴳ ⵍⵡⴻⵇⵜ ⵉ ⴷ-ⵢⵓⵔⴰ".
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵏⴻⵖⵍⴰⴼ ⵢⴻⵙⵙⴰⵡⴻⴷ-ⴷ ⴰⵡⴰⵍ-ⵉⵙ ⵖⴻⴼ "ⵓⵙⴻⴷⴷⴻⵙ ⵏ ⵓⵏⴰⵔⵎⴰⴷ ⵏ ⵜⵓⴷⴷⵙⵉⵡⵉⵏ ⵏ ⴷⴷⴰⵡ ⵏ ⵜⵙⴻⴷⵎⵉⵔⵜ-ⵉⵙ ⴷⴻⴳ ⵜⴳⴻⵞⴷⵉⵡⵉⵏ ⵢⴻⴷⴷⵓⴽⴽⵍⴻⵏ, ⵙ ⵍⴱⴰⵍ ⴷ ⴰⵎⴻⵇⵇⵔⴰⵏ ⵉ ⵜⵡⵉⵍⴰⵢⵉⵏ ⵜⵉⵎⴰⵢⵏⵓⵜⵉⵏ, ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⵢⴰⴷ ⴷ ⵍⴼⴻⵟⵏⴰ ⴷⴻⴳ ⵓⵅⴻⴷⴷⵉⵎ".
ⴷⴻⴳ ⵜⴰⴳⴳⴰⵔⴰ, ⵢⴻⵏⵏⴰ-ⴷ ⴱⴻⵍⵍⵉ ⵉⵏⴻⵔⵡⴰⵢⴻⵏ-ⴰⴳⵉ ⴷ ⵡⵉⴷ ⵉ ⴷ-ⵢⵓⵙⴰⵏ ⴷⴻⴳ "ⵓⴱⵔⵉⴷ ⵏ ⵓⵙⵉⵣⴷⴻⴳ ⴷ ⵓⵙⴻⵏⵏⴻⵔⵏⵉ ⵏ ⵓⵃⵔⵉⵛ-ⴰⴳⵉ ⵉ ⵡⴰⴽⴽⴻⵏ ⴰⴷ ⵢⵓⵖⴰⵍ ⴷ ⴰⵜⵔⴰⵔⴻⵏ", ⵢⴻⵙⵙⴰⵡⴻⵍ ⵉ ⵢⵉⵎⴷⴻⴱⴱⵔⴻⵜ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵍⵯⴻⵀⴷ-ⵏⵙⴻⵏ ⵉⵡⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⴻⴼⵔⴻⵣ ⵜⴰⵔⵔⴰⵢⵜ-ⴰⴳⵉ ⴷⴻⴳ ⵍⵡⴻⵇⵜ-ⵉⵙ, ⴰⴽⴽⴻⵏ ⴰⴷ ⴷ-ⵜⴰⵡⵉ ⴰⵢⴻⵏ ⵙⵙⴰⵔⴰⵎⴻⵏ ⵢⵉⵎⴻⵣⴷⴰⵞ.
ⴰⵔⵏⵓ ⵖⴻⵔ
