ⴰⵏⴻⵖⵍⴰⴼ ⵢⴻⵜⵜⵓⵙⴰⵜⵉⴳⴻⵏ ⵙ ⵜⴰⵎⴰ ⵏ ⵓⵏⴻⵖⵍⴰⴼ ⵏ ⵓⵎⴻⵙⵜⵓⵏ ⴰⵖⴻⵍⵏⴰⵡ, ⴰⵎⵖⴰⵔ ⵏ ⵓⴱⴻⵕⴽⴰⵏ ⵏ ⵢⵉⵙⴻⵔⴷⴰⵙⴻⵏ ⵏ ⵓⵖⵔⴻⴼ ⴰⵖⴻⵍⵏⴰⵡ (ANP), ⴰⴼⴰⵔⵉⵇ ⴰⵎⴻⵏⵣⵓ ⵙⴰïⴷ ⵛⵀⴻⵏⴳⵔⵉⵀⴰ, ⵢⴻⵅⴷⴻⵎ ⵙⴻⴳ ⵡⴰⵙⵙ-ⴰ ⵏ ⵜⵜⵍⴰⵜⴰ ⵜⵉⵔⵣⵉ ⵏ ⵓⵎⴰⵀⵉⵍ ⴷ ⵓⵣⴻⵟⵟⴻⴹ ⵖⴻⵔ ⵜⴻⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⴽⵔⴰⴷⴻⵜ (3), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵓⵎⴻⵙⵜⵓⵏ ⴰⵖⴻⵍⵏⴰⵡ (MDN).
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴷⴻⴳ ⵓⵣⴻⵏⵣⵉⵖ ⵏ ⵓⵙⴼⵓⵍⴻⵍ ⵏ ⵓⵙⴻⵍⴽⴻⵎ ⵏ ⵡⴰⵀⵉⵍ ⵏ ⵓⵀⴻⴳⴳⵉ ⵏ ⵢⵉⵎⴻⵏⵖⵉ 2025-2026 ⴷⴻⴳ ⵢⴰⴽⴽ ⵜⵉⵎⵏⴰⴹⵉⵏ ⵜⵉⵙⴻⵔⴷⴰⵙⵉⵏ, ⵎⴰⵙⵙ ⴰⴼⴰⵔⵉⵇ ⴰⵎⴻⵏⵣⵓ ⵢⴻⴱⴷⴰ ⵜⵉⵔⵣⵉ-ⵉⵙ ⵙⴻⴳ ⵓⴱⵉⵕⵓ ⵏ ⵓⵇⴻⵔⵔⵓ ⵏ ⵜⴻⵎⵏⴰⵟ ⴷⴻⴳ ⴱⴻⵛⵛⴰⵔ. ⴷⵉⵏⵏⴰ, ⵙⴻⵍⴷ ⵎⵉ ⵜ-ⵉⴷ-ⵢⴰⵎⵎⴰⴳⴻⵔ ⴰⵍⵡⴰ (Général-major) ⵏⴰⵙⵙⴻⵔⴻⴷⴷⵉⵏⴻ ⴼⵓⴷⵉⵍ, ⴰⵎⵖⴰⵔ ⵏ ⵜⴻⵎⵏⴰⵟ ⵜⵉⵙ ⴽⵔⴰⴷⴻⵜ, ⵉⵙⴱⴻⵕ ⵓ ⵉⵙⵍⴻⵎ ⵙ ⵜⵎⵓⵖⵍⵉ ⵏ ⵏⴻⵢⵢⴰ ⵖⴻⴼ ⵔⵔⵓⵃ ⵏ ⵓⵎⵖⴰⵔⴰⵙ ⴰⵎⴻⵇⵇⵔⴰⵏ ⵎⵓⵙⵜⴻⴼⴰ ⴱⴻⵏ ⴱⵓⵓⵍⴰïⴷ ⵉ ⵢⴻⵙⵄⴰⵏ ⵉⵙⴻⵎ-ⵉⵙ ⵓⴱⵉⵕⵓ-ⴰⴳⵉ. ⵢⴻⵙⵙⴻⵔⵙ ⴰⵎⴻⵛⵡⴰⵇ ⵏ ⵜⵊⴻⴶⴶⵉⴳⵉⵏ ⵣⴷⴰⵜ ⵏ ⵓⴼⵓⵙ ⴰⵎⴻⵇⵇⵔⴰⵏ ⵉ ⵜ-ⵉⴷ-ⵢⴻⵙⵎⴻⴽⵜⴰⵢⴻⵏ, ⵓ ⵢⴻⵖⵔⴰ ⵍⴼⴰⵜⵃⴰ ⵖⴻⴼ ⵔⵔⵓⵃ-ⵉⵙ ⴷ ⵍⴻⵔⵡⴰⵃ ⵏ ⵢⵉⵎⴻⵖⵔⴰⵙⴻⵏ ⵓⴼⵔⵉⵏⴻⵏ.
ⵙⴻⵍⴷ ⴰⵏⵏⴻⵛⵜ-ⴰ, ⵢⴻⵏⵏⵓⵎⴻⵍ ⴷ ⵢⵉⵎⴹⴻⴱⴱⵔⴻⵏ ⴷ ⵢⵉⵎⴰⵀⵍⴰⵏⴻⵏ ⵏ ⵜⴻⵎⵏⴰⵟ, ⴰⵏⵉⴷⴰ ⵉ ⴷ-ⵢⴻⵡⵡⵉ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵏ ⵓⵙⴻⵏⵄⴻⵜ, ⵉ ⴼⴽⵓⵍⴻⵏ ⵢⴰⴽⴽ ⵢⵉⵎⴰⵀⵍⴰⵏⴻⵏ ⵏ ⵜⴻⵎⵏⴰⵟ ⵙ ⵜⵜⴰⵡⵉⵍ ⵏ ⵓⴷⵉⵡⴻⵏⵏⵉ ⵙ ⵓⵙⴻⵍⴽⵉⵎ ⵏ ⵍⴻⴱⵄⵉⴷ. ⵉⵙⵙⴻⴽⵏⴻⴷ ⴷⴻⴳ-ⵙ ⴱⴻⵍⵍⵉ "ⵍⴻⵣⵣⴰⵢⴻⵔ, ⵓⵍⴰ ⵎⴰ ⵢⴻⵍⵍⴰ-ⴷ ⵓⵙⴷⴻⵔⵡⵉⵃ ⴰⵊⵉⵓⵒⵓⵍⵉⵜⵉⴽ ⵉⴶⴻⵀⴷⴻⵏ ⴷⴻⴳ ⵓⵎⴰⴹⴰⵍ, ⴰⴷ ⵜⴻⵇⵇⵉⵎ ⴷ ⵜⵉⵏ ⵉⵕⴻⵙⵙⴰⵏ ⵓ ⵉⵚⴻⴱⵔⴻⵏ ⵣⴷⴰⵜ ⵏ ⵎⵅⴻⵕⴶⴰⵜ-ⵉⵙ, ⴰⵢⴰⴳⵉ ⵙ ⵙⴻⴱⴱⴰ ⵏ ⴽⵔⴰⴷ ⵏ ⵢⵉⴳⴻⵊⴷⴰ (ⵍⵙⴰⵙⴰⵜ) ⵉⵕⴻⵙⵙⴰⵏⴻⵏ".
ⵢⴻⵏⵏⴰ-ⴷ ⴷⴻⴳ ⵓⵏⵏⴰⵔ-ⴰⴳⵉ: "ⴰⵎⴰⴹⴰⵍ ⵜⵓⵔⴰ ⵢⴻⵣⵔⴰ ⵢⵉⵡⴻⵜ ⵏ ⵜⴻⴳⵏⵉⵜ ⵏ ⵓⵙⴷⴻⵔⵡⵉⵃ ⴰⵊⵉⵓⵒⵓⵍⵉⵜⵉⴽ ⵉⵡⴻⵄⵔⴻⵏ, ⵉ ⴷ-ⵢⴻⵜⵜⴰⴽⴽⴻⵏ ⵎⵅⴻⵕⴶⴰⵜ ⵉⴷⴰⵎⵙⴰⵏⴻⵏ ⵉⵅⴻⵚⵔⴻⵏ ⵖⴻⴼ ⵜⵎⵓⵔⴰ ⵎⴻⵕⵕⴰ, ⵍⴰⴷⵖⴰ ⵙ ⵙⴻⴱⴱⴰ ⵏ ⵜⵓⵛⵛⴹⴰ ⵏ ⵜⴻⵙⵔⴰⵔ ⵏ ⵜⴰⵍⵍⴻⵍⵜ (supply chains) ⴷⴻⴳ ⵓⵎⴰⴹⴰⵍ, ⴰⵏⵉⴷⴰ ⴰⵙⴰⵍⵉ ⵏ ⵙⵙⵓⵎⴰⵜ (inflation) ⴷ ⵓⵄⴻⵟⵟⴻⵍ ⴰⴷⴰⵎⵙⴰⵏ ⵓⵖⴰⵍⴻⵏ ⴷ ⵓⴷⴻⵎ ⵏ ⵜⴷⴰⵎⵙⴰ ⵜⴰⵎⴰⴹⵍⴰⵏⵜ".
ⵉⵙⵙⴻⴽⵏⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵇⵇⵉⵎ ⴷ ⵜⵉⵏ ⵉⵕⴻⵙⵙⴰⵏ ⵙ ⴽⵔⴰⴷ ⵏ ⵢⵉⴳⴻⵊⴷⴰ-ⴰⴳⵉ: ⴰⵎⴻⵣⵡⴰⵔⵓ, ⴷ ⵜⴰⵣⵎⴻⵔⵜ ⵜⴰⴷⴰⵎⵙⴰⵏⵜ ⵉ ⵢⴻⵙⵙⴻⴶⵀⴷⴻⵏ ⵙ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⴰⵎ ⵓⵙⴻⵏⴼⴰⵔ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⴳⴰⵔ ⴱⴻⵛⵛⴰⵔ ⴷ ⵖⴰⵔⴰ ⴷⵊⴻⴱⵉⵍⴻⵜ ⴷⴻⴳ ⵜⵉⵏⴷⵓⴼ. ⵡⵉⵙ ⵙⵉⵏ, ⴷ ⵜⴰⵣⵎⴻⵔⵜ ⵏ ⵜⵎⴻⵜⵜⵉ ⴷ ⵓⴷⵓⴽⴽⴻⵍ ⵏ ⵡⵓⴷⴻⵎ ⵏ ⴷⴰⵅⴻⵍ (front intérieur), ⵉ ⵢⴻⵔⵏⴰⵏ ⵙ ⵍⵃⵉⵙ ⵏ ⵓⵖⵔⴻⴼ ⴷ ⵏⴼⵉⵜ (élites) ⵜⴰⵖⴻⵍⵏⴰⵡⵜ ⵉ ⵢⴻⵙⵙⵏⴻⵏ ⵢⴰⴽⴽ ⵜⴰⵔⵔⴰⵢⵉⵏ ⵏ ⵔⵔⴽⵡⴰ ⵉ ⵢⴻⴱⵖⴰⵏ ⴰⴷ ⵙⵙⴻⵔⵡⵉⵃⴻⵏⵜ ⴰⴱⵔⵉⴷ ⵏ ⵓⵙⵏⴻⴼⵍⵉ ⵉ ⵜⵣⴻⵔ ⵜⵎⵓⵔⵜ. ⵡⵉⵙ ⴽⵔⴰⴷ, ⴷ ⵜⴰⵡⵉⵍⴰ ⵉⵄⵍⴰⵢⴻⵏ ⴷ ⵓⵃⵔⴰⵣ ⵏ ⵢⵉⵙⴻⵔⴷⴰⵙⴻⵏ (ANP), ⵉ ⵢⴻⵇⵇⵉⵎⴻⵏ ⴷ ⵍⵍⵙⴰⵙ ⵏ ⵡⵓⵔⴰⴽⵓ ⴰⵙⵔⴰⵜⵉⴷⵊⵉ ⵓⴼⵔⵉⵏ ⵏ ⵓⵡⴰⵏⴰⴽ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⵎⴰⵙⵙ ⴰⴼⴰⵔⵉⵇ ⴰⵎⴻⵏⵣⵓ ⵉⵙⵎⴻⵃⵙⴻⵍ ⵉ ⵢⵉⵙⵜⴻⵇⵙⵉⵢⴻⵏ ⵏ ⵢⵉⵎⴰⵀⵍⴰⵏⴻⵏ ⵏ ⵜⴻⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⴽⵔⴰⴷⴻⵜ, ⵉ ⵉⵙⵏⴻⴽⴷⴻⵏ ⵍⴻⴱⵖⵉ-ⵏⵙⴻⵏ ⵉ ⵓⴽⴻⵎⵎⴻⵍ ⵏ ⵍⵎⴻⴶⵀⵓⴷⴰⵜ ⵉ ⵓⵟⵎⴰⵏ ⵏ ⵜⵎⴰⵏⴻⴳⵜ ⵏ ⵜⵉⵍⵉⵙⴰ ⴷ ⵓⵃⵔⴰⵣ ⵏ ⵡⴰⴽⴰⵍ ⴰⵖⴻⵍⵏⴰⵡ ⵙⴻⴳ ⵢⵉⵎⵉⵀⵉⵢⴻⵏ ⵎⴻⵕⵕⴰ.
ⴰⵔⵏⵓ ⵖⴻⵔ
