ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵢⵉⴳⴰⵍⵍⴻⵏ ⵏ ⵓⵄⵉⵙⴽⴻⵔ, ⴰⵏⵖⵍⴰⴼ ⵏ ⵓⵎⵎⴻⵙⵜⴻⵏ ⴰⵖⴻⵍⵏⴰⵡ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴱⵓⵏ, ⵉⵙⵀⴻⵕⵕⴻⴼ ⴰⵙⵙ-ⴰ ⵏ ⵜⵍⴰⵜⵉⵏ ⵖⴻⴼ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ. ⵜⴻⵎⵍⵉⵍⵉⵜ-ⴰⴳⵉ ⵜⴻⵡⵡⵉ-ⴷ ⵍⴰⴷⵖⴰ ⵖⴻⴼ ⵓⴹⴻⴼⴻⵔ ⵏ ⵢⵉⵚⵓⵔⴰⴼ ⵏ ⵓⵙⵙⴰⵡⴰⴹ ⵏ ⵍⵙⴻⵍⵄⴰ ⵉ ⴷ-ⵢⴻⵄⵏⴰⵏ ⵙⵙⵓⵇ ⴰⵖⴻⵍⵏⴰⵡ ⵙ ⵢⵉⴼⴰⵔⵉⵙⴻⵏ ⵏ ⵡⵓⵜⵞⵓ ⴰⵎⴻⵇⵇⵔⴰⵏ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ, ⴷ ⴰⵢⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵉ ⴷ-ⵢⵓⵔⴰⵏ ⴰⴽⴽⴰ:
"ⵉⵙⵀⴻⵕⵕⴻⴼ ⴰⵙⵙ-ⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴱⵓⵏ, ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵢⵉⴳⴰⵍⵍⴻⵏ ⵏ ⵓⵄⵉⵙⴽⴻⵔ, ⴰⵏⵖⵍⴰⴼ ⵏ ⵓⵎⵎⴻⵙⵜⴻⵏ ⴰⵖⴻⵍⵏⴰⵡ, ⵖⴻⴼ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ. ⵜⴻⵎⵍⵉⵍⵉⵜ-ⴰⴳⵉ ⵜⴻⵡⵡⵉ-ⴷ ⵖⴻⴼ ⵓⴹⴻⴼⴻⵔ ⵏ ⵢⵉⵚⵓⵔⴰⴼ ⵏ ⵓⵙⵙⴰⵡⴰⴹ ⵏ ⵙⵙⵓⵇ ⴰⵖⴻⵍⵏⴰⵡ ⵙ ⵢⵉⴼⴰⵔⵉⵙⴻⵏ ⵏ ⵡⵓⵜⵞⵓ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ, ⴷ ⵓⵙⵡⵉⵔ ⵏ ⵢⵉⵙⴻⵏⴼⴰⵔⴻⵏ ⵏ ⵓⴽⵎⴻⵍ ⴷⴻⴳ ⵜⵡⵉⵍⴰⵢⵉⵏ ⵏ ⵅⴻⵏⵛⵍⴰ, ⵜⵉⵙⴻⵎⵙⵉⵍⵜ, ⵍⵊⴻⵍⴼⴰ ⴷ ⵜⵉⵏⴷⵓⴼ.
ⴷⴻⴼⴼⵉⵔ ⵓⴽⴰⵏⴼⴻⵔ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵏ ⵓⵏⴰⴱⴰⴹ ⵉ ⴷ-ⵢⴻⴼⴽⴰ ⵓⵏⴻⵖⵍⴰⴼ ⴰⵎⴻⵣⵓⵡⴰⵔⵓ ⴷⴻⴳ ⵙⵏⴰⵜ ⵏ ⴷⴷⵓⵕⴰⵜ ⵉ ⵉⵄⴻⴷⴷⴰⵏ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⴼⴽⴰ-ⴷ ⵢⵉⵙⴻⵎⵎⵉⵜⴻⵏ-ⴰⴳⵉ:
ⵖⴻⴼ ⵓⵃⵔⵉⵛ ⵏ ⵡⴰⵎⴰⵏ:
- ⴷⴻⴳ ⵜⴰⵣⵡⴰⵔⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵍⵎⴻⵔ ⴰⵏⵖⵍⴰⴼ ⵏ ⵢⵉⵖⴱⵓⵍⴰ ⵏ ⵡⴰⵎⴰⵏ ⵉⵡⴰⴽⴽⴻⵏ ⴰⴷ ⴱⴷⴻⵏ ⴰⵙⴱⴻⴷⴷⵉ ⵏ ⵙⵏⴰⵜ ⵏ ⵜⵜⴰⵃⴻⵟⵟⴰⵜⵉⵏ ⵏ ⵓⵙⵉⵣⴷⴻⴳ ⵏ ⵡⴰⵎⴰⵏ (ⵜⴰⵃⵍⵉⵢⴰ) ⴷⵉ ⵜⴰⵎⴻⵏⵖⴰⵙⵜ ⴷ ⵜⵉⵏⴷⵓⴼ ⴷⴻⴳ ⵡⴰⴳⴳⵓⵔ ⵉ ⴷ-ⵉⵜⴻⴷⴷⵓⵏ, ⵉⵎⵉ ⵉⵙⴻⵏⴼⴰⵔⴻⵏ-ⴰⴳⵉ ⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ ⵉ ⵢⵉⵎⴻⵣⴷⴰⵖ ⵏ ⵓⵏⵥⵓⵍ.
- ⵢⴻⵍⵎⴻⵔ ⴷⴰⵖⴻⵏ ⴰⵙⴱⴻⴷⴷⵉ ⵏ ⵢⵉⵡⴻⵜ ⵏ ⵜⵜⴰⵃⴻⵟⵟⴰⵜ ⵜⴰⵎⴰⵢⵏⵓⵜ ⴷⵉ ⵜⵉⵏⴷⵓⴼ ⵉ ⵓⵙⵙⴻⵖⵜⵉ ⵏ ⵡⴰⵎⴰⵏ ⵉ ⵢⴻⵜⵜⵡⴰⵇⴷⵛⴻⵏ, ⵍⴰⴷⵖⴰ ⵉ ⵢⵉⵙⴻⵏⴼⴰⵔⴻⵏ ⵏ ⵜⴼⴻⵍⵍⴰⵃⵜ.
- ⵢⴻⵍⵎⴻⵔ ⵓⵍⴰ ⴷ ⵓⵃⴰⴷⴻⵔ ⴰⵎⴻⵇⵇⵔⴰⵏ ⴷⴻⴳ ⵓⴼⵔⴰⵖ ⵏ ⵡⴰⵎⴰⵏ ⵏ ⵢⵉⵙⴻⴳⴳⵉⴷ ⵉ ⵢⵞⵞⵓⵔⴻⵏ.
- ⴰⵙⴻⵍⵡⴰⵢ ⵉⵃⴻⵜⵜⴻⵎ ⵓⵇⴰⴷⴻⵔ ⵏ ⵡⴰⵀⵉⵍ ⵏ ⵓⴱⴰⴷⴷⵓ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵓⵙⴻⴳⴳⴰⵙ ⵎⴻⵕⵕⴰ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⴰⵏⵇⵉⵟ ⵏ ⵡⴰⵎⴰⵏ ⵖⴻⴼ ⵢⵉⵎⴻⵣⴷⴰⵖ ⵏ ⵛⵍⴻⴼ ⴷ ⴰⵢⴻⵏ ⵓⵔ ⵏⴻⵇⴱⵉⵍ ⴰⵔⴰ ⵢⴰⴽⴽ, ⵢⴻⵔⵏⴰ ⵢⴰⵍ ⵡⴰ ⴰⴷ ⵉⴹⴻⴱⴱⴻⵔ ⵜⴰⵎⴰⵙⵉⵜ-ⵉⵙ.
ⵖⴻⴼ ⵓⵀⴻⴳⴳⵉ ⵉ ⵡⴰⴳⴳⵓⵔ ⵏ ⵔⴻⵎⴹⴰⵏ:
- ⴰⵙⴻⵍⵡⴰⵢ ⵢⴻⵍⵎⴻⵔ ⵉⵡⴰⴽⴽⴻⵏ ⴰⴷ ⴷ-ⵀⴻⴳⴳⵉⵏ ⴰⴽⴽ ⵜⵉⴳⵏⴰⵜⵉⵏ ⵉ ⵢⵉⵎⴻⵣⴷⴰⵖ ⵉⵡⴰⴽⴽⴻⵏ ⴰⴷ ⵄⴻⴷⴷⵉⵏ ⴰⴳⴳⵓⵔ ⵏ ⵔⴻⵎⴹⴰⵏ ⴷⴻⴳ ⵜⴰⵍⵡⵉⵜ ⴷ ⵍⵉⵙⴻⵔ.
- ⵢⴻⵍⵎⴻⵔ ⵉ ⵓⵏⴰⴱⴰⴹ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵍⵃⴻⵔⵙ ⵏ ⵓⵎⴰⵀⵉⵍ ⴷⴻⴳ ⵡⴰⴳⴳⵓⵔ-ⴰⴳⵉ ⵉ ⵓⵙⵜⴻⵇⴱⴻⵍ ⵏ ⵓⵖⴱⴻⵍ ⵏ ⵡⴻⴳⴷⵓⴷ.
- ⵉⵛⴻⴽⴽⴻⵔ ⴰⵙⵡⵉⵔ ⵏ ⵓⴼⴰⵔⵉⵙ ⴷⴻⴳ ⵙⵙⵓⵇ (ⵜⴼⴻⵍⵍⴰⵃⵜ ⴷ ⵓⴽⵙⵓⵎ), ⵢⴻⵔⵏⴰ ⵉⵃⴻⵜⵜⴻⵎ ⴱⴻⵍⵍⵉ ⵉⵍⴰⵇ ⴰⵢⴰⴳⵉ ⴰⴷ ⴷ-ⵢⴻⵔⵔ ⵙ ⵍⵉⵙⴻⵔ ⴷⴻⴳ ⵙⵙⵓⵎⴰ ⵏ ⵍⵙⴻⵍⵄⴰ.
ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵓⴽⵎⴻⵍ ⵏ ⵜⵡⵉⵍⴰⵢⵉⵏ (ⵅⴻⵏⵛⵍⴰ, ⵜⵉⵙⴻⵎⵙⵉⵍⵜ, ⵍⵊⴻⵍⴼⴰ ⴷ ⵜⵉⵏⴷⵓⴼ):
- ⴰⵙⴻⵍⵡⴰⵢ ⵉⵛⴻⴽⴽⴻⵔ ⴰⵙⴱⴻⴷⴷⵉ ⵏ ⵢⵉⵙⴻⵏⴼارⴻⵏ-ⴰⴳⵉ ⴷⴻⴳ ⵍⵡⴰⵇⵜ-ⵏⵙⴻⵏ ⵢⴻⵜⵜⵡⴰⵙⴻⵔⵙⴻⵏ.
- ⵢⴻⵍⵎⴻⵔ ⵉ ⵓⵏⴰⴱⴰⴹ ⵉⵡⴰⴽⴽⴻⵏ ⴰⴷ ⴷ-ⵙⵙⴻⵡⵊⴻⴷ ⴰⵀⵉⵍⴻⵏ ⵏ ⵓⴽⵎⴻⵍ ⵉⵎⴰⵢⵏⵓⵜⴻⵏ ⵉ ⵜⵡⵉⵍⴰⵢⵉⵏ ⵉ ⵢⵉⵅⵓⵚⵚⴻⵏ ⴷⴻⴳ ⵜⵏⴻⴼⵍⵉ, ⵍⴰⴷⵖⴰ ⵜⵉⴷ ⵉ ⴷ-ⵢⴻⵍⵍⴰⵏ ⵜⵓⵔⴰ ⵎⴰⵛⵛⵉ ⴰⵟⴰⵙ."
ⴰⵔⵏⵓ ⵖⴻⵔ
