ⴰⵙⵓⴷⵓ ⴰⵖⵍⵏⴰⵡ ⵏ ⵜⵙⵏⵉⴳⵏⵓⵜ (ONM) ⵉⵃⴻⴷⴷⴻⵔ-ⴷ ⴷⴻⴳ ⵢⵉⵡⴻⵏ ⵏ ⵡⵓⵍⵖⵓ ⵓⵣⵣⵉⴳ, ⴰⵙⵙ-ⴰ ⵏ ⵜⵍⴰⵜⵉⵏ, ⴱⴻⵍⵍⵉ ⴰⴷ ⴷ-ⵢⴻⴽⴽⴻⵔ ⵡⴰⴹⵓ ⵉⵊⵀⴷⵏ ⴰⵔⴰ ⵢⴰⵡⴹⵏ ⵓⵍⴰ ⴷ 80 ⴽⵎ/ⵙⴰ ⴰⵣⴻⴽⴽⴰ ⵏ ⵍⴰⵔⴻⴱⵄⴰ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⴰⵙⵓⴷⵓ-ⴰⴳⵉ, ⴷⴻⴳ ⵜⴽⴰⵕⴹⴰ ⵏ ⵜⵜⴻⵢⴰⵇⴽⴰ (ⴰⵙⵡⵉⵔ ⵡⵉⵙ ⵙⵉⵏ), ⵉⴱⴷⴻⵔ-ⴷ ⴱⴻⵍⵍⵉ ⵉⴹⵓ-ⴰⴳⵉ ⴰⵔⴰ ⴷ-ⵢⴻⵔⵔ ⵙⴻⴳ ⵓⵎⴰⵍⵓ ⵏⴻⵖ ⵓⵎⴰⵍⵓ-ⵡⴻⵏⵥⵓⵍ ⴰⵎⴰⵍⵓ, ⵜⵉⵣⴻⵍⴰ-ⵉⵙ ⴳⴰⵔ 50 ⴷ 80 ⴽⵎ/ⵙⴰ, ⴰⴷ ⵉⴽⴻⵎⵎⴻⵍ ⴰⵍⴰⵎⵎⴰ ⴷ ⴰⵣⴻⴽⴽⴰ ⵏ ⵍⴰⵔⴻⴱⵄⴰ ⴷⴻⴳ ⵜⵙⴻⴱⵄⴰ ⵏ ⵜⵎⴻⴷⴷⵉⵜ (19:00), ⴷⴻⴳ ⵜⵡⵉⵍⴰⵢⵉⵏ ⵏ: ⵛⵍⴻⴼ, ⵜⵉⵃⴰⵣⴰ, ⴷⵣⴰⵢⵔ, ⴱⵓⵎⴻⵔⴷⴰⵙ, ⴷ ⵜⵉⵣⵉ ⵡⴻⵣⵣⵓ.
ⴷⴰⵖⴻⵏ, ⵓⵍⵖⵓ-ⴰⴳⵉ ⵢⴻⵏⵏⴰ-ⴷ ⴱⴻⵍⵍⵉ ⴰⴷ ⴷ-ⵢⴻⴽⴽⴻⵔ ⵡⴰⴹⵓ ⵙⴻⴳ ⵓⵎⴰⵍⵓ-ⵡⴻⵏⵥⵓⵍ ⴰⴳⴰⴼⴰ, ⵜⵉⵣⴻⵍⴰ-ⵉⵙ ⴳⴰⵔ 50 ⴷ 60 ⴽⵎ/ⵙⴰ ⵢⴻⵣⵎⴻⵔ ⴰⴷ ⵢⴰⵡⴻⴹ ⵏⴻⵖ ⴰⴷ ⵉⵄⴻⴷⴷⵉ 80 ⴽⵎ/ⵙⴰ. ⴰⵢⴰⴳⵉ ⴰⴷ ⴷ-ⵢⴻⴱⴷⵓ ⵙⴻⴳ ⵜⵉⵏⴻⵙ ⵏ ⵢⵉⴹ (00:00) ⵏ ⵍⴰⵔⴻⴱⵄⴰ ⴰⵍⴰⵎⵎⴰ ⴷ ⵔⴻⴱⴰ ⵏ ⵜⵎⴻⴷⴷⵉⵜ (16:00), ⴷⴻⴳ ⵜⵡⵉⵍⴰⵢⵉⵏ ⵏ: ⴱⴳⴰⵢⴻⵜ, ⵊⵉⵊⴻⵍ, ⵙⴽⵉⴽⴷⴰ, ⵄⴻⵏⵏⴰⴱⴰ, ⴷ ⵍⵟⴰⵔⴼ.
ⴷⴻⴳ ⵓⵏⵏⴰⵔ-ⴰⴳⵉ ⵏⵏⵉⴹⴻⵏ, ⵜⵉⵡⵉⵍⴰⵢⵉⵏ ⵏ ⵜⵍⴻⵎⵙⴰⵏ, ⵄⵉⵏ ⵜⴻⵎⵓⵛⴻⵏⵜ, ⵡⴻⵀⵔⴰⵏ, ⴷ ⵎⴻⵙⵜⵖⴰⵏⴻⵎ, ⴰⴷ ⴷ-ⵢⴰⵙ ⴼⴻⵍⵍ-ⴰⵙⴻⵏⵜ ⵡⴰⴹⵓ ⵙⴻⴳ ⵡⴻⵏⵥⵓⵍ-ⴰⵎⴰⵍⵓ ⵙ ⵜⵉⵣⴻⵍⴰ ⵏ 50 ⴰⵍⴰⵎⵎⴰ ⴷ 60 ⴽⵎ/ⵙⴰ, ⴰⴷ ⵉⴽⴻⵎⵎⴻⵍ ⴰⵍⴰⵎⵎⴰ ⴷ ⵍⴰⵔⴻⴱⵄⴰ ⴷⴻⴳ ⵜⵙⴻⴱⵄⴰ ⵏ ⵜⵎⴻⴷⴷⵉⵜ.
ⴰⵔⵏⵓ ⵖⴻⵔ
