ⵢⴻⵜⵜⵡⴰⴽⴻⵜⴱⴻⵏ ⵡⴰⴽⴽⴻⵏ ⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴰⴷ ⵡⴰⵍⵉⵏⵜ ⴰⴹⵓ ⵉⵊⴻⵀⴷⴻⵏ ⴰⵔⴰ ⵢⴻⴳⵍⵓⵏ ⵙ ⵜⵣⴻⵣⵔⴻⴼⵜ ⵏ ⵢⵉⵊⴷⵉ ⴷ ⵡⴻⴳⴳⵉⵢ ⵏ ⵜⵎⵓⵖⵍⵉ, ⴰⵙⵙ ⵏ ⵍⴻⵜⵏⴰⵢⴻⵏ ⴷ ⵜⵜⵍⴰⵜⴰ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵓⴼⵔⵉⵔ ⵏ ⵓⵙⴻⵍⵙⵓ ⴰⵖⴻⵍⵏⴰⵡ ⵏ ⵜⴻⵙⵏⵉⴳⵏⴻⵡⵜ (ONM).
ⵓⵍⵖⵓ-ⴰⴳⵉ ⵉ ⵢⴻⵜⵜⵡⴰⵙⴻⵏⵜⵍⴻⵏ ⴷⴻⴳ ⵡⴻⵙⵡⵉⵔ ⵏ ⵜⵢⴻⵇⵥⴻⵜ "ⵜⴰⵛⵉⵏⵉⵅⵜ" (Orange), ⵢⴻⵄⵏⴰ ⵜⵉⵡⵉⵍⴰⵢⵉⵏ ⵏ: ⵏⵏⵄⴰⵎⴰ, ⵓⵏⵥⵓⵍ ⵏ ⵡⴻⵍⴱⴻⵢⵢⴻⴹ, ⵜⵉⵎⵉⵎⵓⵏ, ⴰⴷⵔⴰⵔ, ⴱⴻⵛⵛⴰⵔ ⴷ ⵜⵉⵏⴷⵓⴼ. ⴰⴹⵓ ⴰⴷ ⵢⴻⴽⴽ ⵙⴻⴳ ⵓⴳⴰⴼⴰ ⵖⴻⵔ ⵓⴳⴰⴼⴰ-ⴰⴳⵎⵓⴹⴰⵏ ⵙ ⵜⵣⴻⵡⵔⵉ ⵏ 60/70 ⴽⵎ/ⵙⴰ, ⵢⴻⵣⵎⴻⵔ ⴰⴷ ⵢⴻⵄⴷⵉ 80/90 ⴽⵎ/ⵙⴰ ⵙ ⵡⴰⴷⵓ ⵏ ⵢⵉⵊⴷⵉ ⴷ ⵡⴻⴳⴳⵉⵢ ⵏ ⵜⵎⵓⵖⵍⵉ, ⴰⵍⴰⵎⵎⴰ ⴷ ⵜⵜⴻⵙⵄⴰ (21:00) ⵏ ⵢⵉⴹ ⵏ ⵡⴰⵙⵙⴰ ⵏ ⵍⴻⵜⵏⴰⵢⴻⵏ.
ⴰⴹⵓ ⴰⴷ ⵢⵉⵍⵉ ⵙⴻⴳ ⵓⴳⴰⴼⴰ-ⴰⵎⴰⵍⵓ ⴷⵉ ⵜⵡⵉⵍⴰⵢⵉⵏ ⵏ ⵙⴽⵉⴽⴷⴰ, ⵄⴻⵏⵏⴰⴱⴰ, ⵍⵟⴰⵔⴻⴼ, ⴳⴰⵍⵎⴰ ⴷ ⵙⵓⵇ ⴰⵀⵔⴰⵙ, ⵙⴻⴳ ⵢⵉⵡⴻⵜ ⵏ ⵚⵚⴱⴻⵃ (01:00) ⵏ ⵡⴰⵙⵙ ⵏ ⵜⵜⵍⴰⵜⴰ ⴰⵔⵎⵉ ⴷ ⵜⵜⴻⵙⵄⴰ (21:00) ⵏ ⵢⵉⴹ ⵏ ⵡⴰⵙⵙ-ⵏⵏⵉ, ⵙ ⵜⵣⴻⵡⵔⵉ ⵏ 60/70 ⴽⵎ/ⵙⴰ, ⵢⴻⵣⵎⴻⵔ ⴰⴷ ⵢⴻⵄⴷⵉ 80/90 ⴽⵎ/ⵙⴰ ⴷⴻⴳ ⴽⵔⴰ ⵏ ⵜⴻⴳⵏⵉⵜⵉⵏ.
ⵓⵍⵖⵓ-ⴰⴳⵉ ⵢⴻⵄⵏⴰ ⴷⴰⵖⴻⵏ ⵜⵉⵡⵉⵍⴰⵢⵉⵏ ⵏ: ⴱⵓⵔⵊ ⴱⵓ ⵄⴻⵔⵉⵔⵉⵊ, ⵙⵟⵉⴼ, ⵎⵉⵍⴰ, ⵇⵙⴻⵏⵟⵉⵏⴰ, ⵍⵎⵙⵉⵍⴰ, ⴱⴰⵜⵏⴰ, ⵓⵎ ⵍⴱⵓⵡⴰⵇⵉ, ⵅⴻⵏⵛⵍⴻⵜ, ⴱⵉⵙⴽⵔⴰ ⴷ ⵜⴱⴻⵙⵙⴰ. ⴰⴹⵓ ⴰⴷ ⵢⵉⵍⵉ ⵙⴻⴳ ⵓⴳⴰⴼⴰ-ⴰⵎⴰⵍⵓ, ⵙ ⵜⵣⴻⵡⵔⵉ ⵏ 60 ⴰⵔ 70 ⴽⵎ/ⵙⴰ, ⵢⴻⵣⵎⴻⵔ ⴰⴷ ⵢⴻⵡⵡⴻⴹ 90/100 ⴽⵎ/ⵙⴰ, ⵙⴻⴳ ⵜⵜⴻⵙⵄⴰ (09:00) ⵏ ⵚⵚⴱⴻⵃ ⵏ ⵡⴰⵙⵙ ⵏ ⵜⵜⵍⴰⵜⴰ ⴰⵔⵎⵉ ⴷ ⵜⵎⴻⵔⵡⵉⵏ ⴷ ⵢⵉⵡⴻⵜ (23:00) ⵏ ⵢⵉⴹ.
ⴰⴽⴽⴻⵏ ⴷⴰⵖⴻⵏ ⴷⴻⴳ ⵜⵡⵉⵍⴰⵢⵉⵏ ⵏ ⵍⴻⵖⵡⴰⵟ, ⵍⵊⴻⵍⴼⴰ, ⵡⵍⴰⴷ ⵊⴻⵍⵍⴰⵍ, ⵍⵎⵖⵉⵔ ⴷ ⵍⵡⴰⴷⵉ, ⴰⴹⵓ ⴰⴷ ⵢⴻⴽⴽ ⵙⴻⴳ ⵓⴳⴰⴼⴰ ⵖⴻⵔ ⵓⴳⴰⴼⴰ-ⴰⵎⴰⵍⵓ, ⵙ ⵜⵣⴻⵡⵔⵉ ⵏ 60 ⴰⵔ 70 ⴽⵎ/ⵙⴰ, ⵢⴻⵣⵎⴻⵔ ⴰⴷ ⵢⴻⵄⴷⵉ 80/90 ⴽⵎ/ⵙⴰ, ⴰⵙⵙ ⵏ ⵜⵜⵍⴰⵜⴰ ⵙⴻⴳ ⵜⵜⴻⵙⵄⴰ ⵏ ⵚⵚⴱⴻⵃ ⴰⵔⵎⵉ ⴷ ⵜⵎⴻⵔⵡⵉⵏ ⴷ ⵢⵉⵡⴻⵜ ⵏ ⵢⵉⴹ ⵏ ⵡⴰⵙⵙ-ⵏⵏⵉ.
