ⴰⴷⴼⵍ ⴷ ⵡⴰⴹⵓ ⴳ ⵡⴰⵟⴰⵙ ⵏ ⵜⵡⵉⵍⵢⴰⵜⵉⵏ ⵏ ⵜⵎⵓⵔⵜ ⵙⴳ ⵡⴰⵙⵙ ⴰ ⵏ ⵓⴽⵕⴰⵙ

ⵢⵏⵏⴰ ⴷ ⵓⵅⵅⴰⵎ ⴰⵖⵍⵏⴰⵡ ⵏ ⵜⴳⵏⴰⵡⵜ ⴷⴳ ⵢⵉⵡⵏ ⵓⵍⵖⵓ ⵓⵙⵍⵉⴳ, ⴱⵍⵍⵉ ⴰⴷ ⵢⵉⵍⵉ ⵓⴷⴼⵍ ⴷ ⵡⴰⴹⵓ ⴳ ⵡⴰⵟⴰⵙ ⵏ ⵜⵎⵏⴰⴹⵉⵏ ⵏ ⵜⵎⵓⵔⵜ ⵙⴳ ⵡⴰⵙⵙ ⴰ ⵏ ⵓⴽⵕⴰⵙ.

ⴰⵍⵖⵓ ⵢⴰ, ⵉ ⵢⵍⵍⴰⵏ ⴷⴳ ⵓⵙⵡⵉⵔ "ⴰⵛⵉⵏⴰ", ⵢⵄⵏⴰ ⵜⵉⵡⵉⵍⵢⴰⵜⵉⵏ ⵏ: ⵜⵍⵎⵙⴰⵏ, ⵙⵉⴷⵉ ⴱⵍⵄⴱⴱⴰⵙ, ⵙⵄⵉⴷⴰ, ⵜⵢⴰⵔⵜ, ⵜⵉⵙⵎⵙⵉⵍⵜ, ⵏⵄⴰⵎⴰ, ⵍⴱⵢⵢⴹ, ⵍⵖⵡⴰⵟ ⴷ ⴵⵍⴼⴰ. ⴰⴷⴼⵍ ⴰⴷ ⵉⵖⵍⵉ ⵖⴼ ⵜⵇⴰⵛⵓⵛⵉⵏ ⵢⴼⵍⴰⵍⵏ ⵙ 1300 ⵎⵉⵜⵔⵓ, ⵙⴳ ⵜⵙⴰⵄⵜ ⵜⵉⵙ 12:00 ⴰⵔⵎⵉ ⴷ 23:00 ⵏ ⵡⴰⵙⵙ ⴰ ⵏ ⵓⴽⵕⴰⵙ. ⵜⵓⵣⵔⵜ ⵏ ⵓⴷⴼⵍ ⴰⴷ ⵜⵉⵍⵉ ⴳⴰⵔ 5 ⴷ 10 ⵉⵙⵓⵏⵜⵉⵎⵏ.

ⴰⵍⵖⵓ ⵢⴰ ⵢⵄⵏⴰ ⴷⴰⵖⵏ ⵜⵉⵡⵉⵍⵢⴰⵜⵉⵏ ⵏ: ⵜⵉⵣⵉ ⵡⵣⵣⵓ, ⵜⵓⴱⵉⵔⵜ, ⴱⴳⴰⵢⵜ, ⴱⵓⵔⴵ ⴱⵓⵄⵔⵉⵔⵉⴵ, ⵓⵎ ⵍⴱⵡⴰⵇⵉ, ⴱⴰⵜⵏⴰ, ⵅⵏⵛⵍⴰ ⴷ ⵜⴱⵙⵙⴰ. ⴰⴷⴼⵍ ⴷⴳ ⵜⵎⵏⴰⴹⵉⵏ ⴰ, ⴰⴷ ⵉⴱⴷⵓ ⵙⴳ ⵡⴰⵙⵙ ⴰ ⵖⴼ ⵜⵙⴰⵄⵜ ⵜⵉⵙ 15:00 ⴰⵍⴰⵎⵎⴰ ⴷ ⴰⵣⴽⴽⴰ ⴰⵎⵀⴰⴷ ⵖⴼ ⵜⵙⴰⵄⵜ ⵜⵉⵙ 6:00 ⵏ ⵙⵙⴱⴰⵃ. ⵜⵓⵣⵔⵜ ⴰⴷ ⵜⵉⵍⵉ ⴳⴰⵔ 5 ⴷ 15 ⵉⵙⵓⵏⵜⵉⵎⵏ.

ⵔⵏⵓ ⵖⵔ ⵙ, ⵜⵉⵡⵉⵍⵢⴰⵜⵉⵏ ⵏ ⵏⵄⴰⵎⴰ, ⵍⴱⵢⵢⴹ, ⵍⵖⵡⴰⵟ ⴷ ⵖⵔⴷⴰⵢⴰ, ⴰⴷ ⵙⵄⵓⵏⵜ ⴰⴹⵓ ⵏ ⵓⴳⴰⴼⴰ-ⴰⵎⴰⵍⵓ ⵙ ⵜⵣⵎⵔⵜ ⴳⴰⵔ 60 ⴷ 70 ⴽⵎ/ⵙ, ⵜⵉⴽⵡⴰⵍ ⴰⴷ ⵢⴰⵡⴹ 80 ⴽⵎ/ⵙ. ⴰⵢⴰ ⵙⴳ ⵡⴰⵙⵙ ⴰ ⵏ ⵓⴽⵕⴰⵙ ⵖⴼ 12:00 ⴰⵔⵎⵉ ⴷ 21:00.

ⵎⴰ ⴷ ⵜⵉⵡⵉⵍⵢⴰⵜⵉⵏ ⵏ ⴵⵍⴼⴰ, ⵎⵙⵉⵍⴰ, ⵡⵍⴰⴷ ⴵⵍⵍⴰⵍ, ⵍⵎⵓⵖⵉⵔ, ⵡⵔⵇⵍⴰ, ⵜⵓⴳⴳⵓⵔⵜ ⴷ ⵍⵡⴰⴷ, ⵓⵍⴰ ⴷ ⵏⵓⵜⵏⵜⵉ ⴰⴷ ⵢⵉⵍⵉ ⴷⴳ ⵙⵏⵜ ⵡⴰⴹⵓ ⵙⴳ ⵜⵙⴰⵄⵜ ⵜⵉⵙ 15:00 ⴰⵔ 23:00.