ⵉⵙⵙⵓⴼⴻⵖ-ⴷ ⵓⵙⴻⵍⵙⵓ ⴰⵖⴻⵍⵏⴰⵡ ⵏ ⵜⴻⵙⵏⵉⴳⵏⴻⵡⵜ (ONM) ⵢⵉⵡⴻⵏ ⵏ ⵓⵍⵖⵓ, ⴰⵙⵙ ⵏ ⵍⵃⴻⴷⴷ, ⵙⵖⵓⵔ-ⴰⵙ ⴰⵔⴰ ⴷ-ⵢⴰⵙ ⵡⴰⴷⴼⴻⵍ ⵢⵓⴳⵜⴻⵏ ⵖⴻⴼ ⵜⵉⵣⵉⵡⵉⵏ ⴷ ⵉⴷⵓⵔⴰⵔ ⵉ ⵉⵄⵍⴰⵢⴻⵏ ⵙ ⵓⴳⴰⵔ ⵏ 900 ⴷ 1000 ⵏ ⵍⵎⵉⵜⵔⴰⵜ, ⵙⴻⴳ ⵡⴰⵙⵙⴰ ⵏ ⵍⵃⴻⴷⴷ.
ⴷⴻⴳ ⵓⵍⵖⵓ-ⴰⴳⵉ ⵏ ⵡⴻⵙⵡⵉⵔ ⵡⵉⵙ ⵙⵉⵏ (2) ⵖⴻⴼ ⵜⴽⴰⵔⴹⴰ ⵏ ⵜⵢⴻⵇⵥⴻⵜ, ⵜⵓⵣⵣⴻⵔⵜ ⵏ ⵡⴰⴷⴼⴻⵍ ⴰⴷ ⵜⴻⵙⵙⵉⵡⴻⴹ ⴳⴻⵔ 15 ⴷ 25 ⵏ ⵙⵙⴻⵏⵜⵉⵎⵉⵜⵔⴰⵜ, ⵙⴻⴳ ⵜⵜⴻⵙⵄⴰ (09:00) ⵏ ⵚⵚⴱⴻⵃ ⵏ ⵍⵃⴻⴷⴷ ⴰⵍⴰⵎⵎⴰ ⴷ ⵢⵉⵡⴻⵜ (01:00) ⵏ ⵢⵉⴹ ⵏ ⵡⴰⵙⵙ ⵏ ⵍⴻⵜⵏⴰⵢⴻⵏ.
ⵜⵉⵡⵉⵍⴰⵢⵉⵏ ⵉ ⵡⵓⵎⵉ ⵢⴻⵄⵏⴰ ⵡⵓⵍⵖⵓ-ⴰⴳⵉ: ⵜⵉⴱⴰⵣⴰ, ⵄⵉⵏ ⴷⴷⴻⴼⵍⴰ, ⵜⵉⵙⴻⵎⵙⵉⵍⵜ, ⵍⴱⵍⵉⴷⴰ, ⵍⵎⴷⵉⵢⴰ, ⴱⵓⵎⴻⵔⴷⴰⵙ, ⴱⴳⴰⵢⴻⵜ, ⵜⵓⴱⵉⵔⴻⵜ, ⵜⵉⵣⵉ ⵡⴻⵣⵣⵓ.
ⴰⴽⴽⴻⵏ ⴷⴰⵖⴻⵏ ⵉ ⴷ-ⵢⵓⵙⴰ ⵓⵍⵖⵓ-ⵏⵏⵉⴹⴻⵏ ⵢⴻⵎⵎⴻⵙⵍⴰⵢ-ⴷ ⵖⴻⴼ ⵡⴰⴷⴼⴻⵍ ⵉ ⴷ-ⵉⵜⵜⴰⵔⴰⵙⴻⵏ ⴳⴻⵔ 10 ⴷ 20 ⵏ ⵙⵙⴻⵏⵜⵉⵎⵉⵜⵔⴰⵜ ⴷⴻⴳ: ⵍⵎⵙⵉⵍⴰ, ⵍⵊⴻⵍⴼⴰ, ⵜⵢⴰⵔⴻⵜ, ⵙⵄⵉⴷⴰ, ⵍⴻⵖⵡⴰⵟ, ⵍⴱⴻⵢⵢⴻⴹ. ⵡⴰⴳⵉ ⵙⴻⴳ ⵜⵣⴻⵀⵔⵉⵜ (12:00) ⵏ ⵡⴰⵙⵙⴰ ⴰⵔⵎⵉ ⴷ ⵜⵜⴻⵙⵄⴰ (09:00) ⵏ ⵚⵚⴱⴻⵃ ⵏ ⵡⴰⵙⵙ ⵏ ⵍⴻⵜⵏⴰⵢⴻⵏ.
ⴷⴻⴳ ⵓⵙⴰⵜⴰⵍ-ⴰⴳⵉ ⴷⴰⵖⴻⵏ, ⴰⴷ ⴷ-ⵢⴰⵙ ⵡⴰⴷⴼⴻⵍ ⵢⵓⴳⵜⴻⵏ ⴷⴻⴳ: ⴱⵓⵔⵊ ⴱⵓ ⵄⵔⵉⵔⵉⵊ, ⵙⵟⵉⴼ, ⵎⵉⵍⴰ, ⵊⵉⵊⴻⵍ, ⵇⵙⴻⵏⵟⵉⵏⴰ, ⴱⴰⵜⵏⴰ, ⵅⴻⵏⵛⵍⴻⵜ, ⵓⵎ ⵍⴱⵓⵡⴰⵇⵉ ⴷ ⵜⴱⴻⵙⵙⴰ. ⵙⴻⴳ ⵜⵣⴻⵀⵔⵉⵜ ⵏ ⵍⵃⴻⴷⴷ ⴰⵔⵎⵉ ⴷ ⵢⵉⵡⴻⵜ ⵏ ⵢⵉⴹ ⵏ ⵍⴻⵜⵏⴰⵢⴻⵏ.
ⴷⴻⴳ ⵜⴰⵎⴰ-ⵏⵏⵉⴹⴻⵏ, ⴰⵙⴻⵍⵙⵓ ⴰⵖⴻⵍⵏⴰⵡ ⵏ ⵜⴻⵙⵏⵉⴳⵏⴻⵡⵜ ⵉⴱⴻⵔⵔⴻⵃ-ⴷ ⵖⴻⴼ ⵓⴳⴻⴼⴼⵓⵔ ⵙ ⵜⵉⵔⵙⴰⵙ ⵢⵓⴳⵜⴻⵏ, ⴳⴰⵔ 20 ⴷ 40 ⵏ ⵎⵎⵍ (ⴰⴷ ⵜⴻⵙⵙⵉⵡⴻⴹ ⴰⵍⴰⵎⵎⴰ ⴷ 50 ⵎⵎⵍ), ⵙⴻⴳ ⵜⵜⴻⵙⵄⴰ ⵏ ⵚⵚⴱⴻⵃ ⴰⵔⵎⵉ ⴷ ⵜⵍⴰⵜⴰ (03:00) ⵏ ⵚⵚⴱⴻⵃ ⵏ ⵍⴻⵜⵏⴰⵢⴻⵏ ⴷⴻⴳ: ⵜⵉⴱⴰⵣⴰ, ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴱⵓⵎⴻⵔⴷⴰⵙ, ⵜⵉⵣⵉ ⵡⴻⵣⵣⵓ, ⵄⵉⵏ ⴷⴷⴻⴼⵍⴰ, ⵍⴱⵍⵉⴷⴰ, ⵍⵎⴷⵉⵢⴰ ⴷ ⵜⵓⴱⵉⵔⴻⵜ.
ⴰⵔⵏⵓ ⵖⴻⵔ
