ⵜⵉⵙⵇⵓⵎⴰ ⵏ ⵛⵔⴱ (ⵍⴻⵛⴱⴰⴱ ⵏ ⴱⴻⵍⵓⵉⵣⴷⴰⴷ) ⴷ ⵓⵙⵎⴰ (ⵉⵜⵜⵉⵃⴰⴷ ⵏ ⵍⴻⵣⵣⴰⵢⴻⵔ) ⵙⵙⴰⵡⴹⴻⵏⵜ ⴰⴷ ⵄⴻⴷⴷⵉⵏⵜ ⵖⴻⵔ ⵡⴻⵣⴳⴻⵏ ⵏ ⵓⵏⴻⴳⴳⴰⵔⵓ (demi-finale) ⵏ ⵜⴻⵇⴱⵓⵛⵜ ⵏ ⵜⴷⴻⵔⴼⵉⵜ ⵏ ⵜⴻⴼⵔⵉⵇⵜ ⵏ ⴷⴷⴰⴱⴻⵅ ⵏ ⵓⴹⴰⵔ, ⵙⴻⵍⴷ ⵎⵉ ⵉ ⴷ-ⵍⵍⴰⵏ ⵢⵉⵙⵉⴽⴻⵍⴻⵏ ⵏ ⵜⵓⵖⴰⵍⵉⵏ ⵏ ⵡⴻⵣⴳⴻⵏ ⵏ ⵓⵏⴻⴳⴳⴰⵔⵓ ⴰⵙⵙ ⵏ ⵙⵙⴻⴱⵜ ⴷ ⵍⵃⴻⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ.
ⵓⵙⵎⴰ ⵜ-ⵓⵡⵉ ⵍⵎⴰⵛⵡⴰⵔ-ⵉⵙ ⵖⴻⵔ ⵡⴻⵣⴳⴻⵏ ⵏ ⵓⵏⴻⴳⴳⴰⵔⵓ ⵙⴻⵍⴷ ⵎⵉ ⵉ ⵜⴻⵔⴱⴻⵒ ⵜⴰⵎⴻⴷⴷⵉⵜ ⵏ ⵍⵒⴻⴷ ⵎⴳⴰⵍ ⵎⴰⵏⵉⴻⵎⴰ ⵓⵏⵉⵓⵏ ⵏ ⴽⵓⵏⴳⵓ ⵙ 1-0 ⴷⴻⴳ ⵡⴰⵏⵏⴰⵔ ⵏ "5 ⵢⵓⵍⵢⵓ", ⵙ ⵢⵉⵙⵡⵉ ⵉ ⴷ-ⵢⴻⵙⵙⴻⵏⴼⴰⵍⵉ ⴱⵔⴰⵒⵉⵎ ⴱⴻⵏⵣⴰⵣⴰ. ⵜⴰⵔⴱⴰⵄⵜ ⵏ ⵓⵙⵎⴰ ⴰⴷ ⵜⴻⵎⵍⵉⵍⵉ ⴷⴻⴳ ⵡⴻⵣⴳⴻⵏ ⵏ ⵓⵏⴻⴳⴳⴰⵔⵓ ⴷ ⵓⵍⵢⵎⵒⵉⵛ ⵙⴰⴼⵉ ⵏ ⵍⵎⴻⵔⵔⵓⴽ.
ⵎⴰ ⴷ ⵍⴻⵛⴱⴰⴱ ⵏ ⴱⴻⵍⵓⵉⵣⴷⴰⴷ (ⵛⵔⴱ), ⵜⵓⵔⴰ ⴰⵎⴻⵣⵔⵓⵢ ⴰⵎⴰⵢⵏⵓⵜ ⵉⵎⵉ ⵉ ⵜⴻⵙⵙⴰⵡⴻⴹ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⴻⵣⴳⴻⵏ ⵏ ⵓⵏⴻⴳⴳⴰⵔⵓ ⵏ ⵜⵎⵉⵜⵔⴰⵡⵜ-ⴰⴳⵉ ⵉ ⵜⵉⴽⴽⴻⵍⵜ ⵜⴰⵎⴻⵏⵣⵓⵜ, ⵙⴻⵍⴷ ⵎⵉ ⵉ ⴷ-ⵜⴻⵡⵡⵉ ⴰⵎⵢⴻⵄⴷⴻⵍ (0-0) ⵎⴳⴰⵍ ⴻⵍ ⵎⴰⵙⵔⵢ ⵏ ⵎⴰⵚⴻⵔ. ⴷⴻⴳ ⵡⴻⵣⴳⴻⵏ ⵏ ⵓⵏⴻⴳⴳⴰⵔⵓ, ⵍⴻⵛⴱⴰⴱ ⴰⴷ ⵜⴻⵎⵍⵉⵍⵉ ⴷ ⵣⴰⵎⴰⵍⴻⴽ ⵏ ⵎⴰⵚⴻⵔ.
ⵜⵉⵎⵍⵉⵍⵉⵢⵉⵏ ⵏ ⵡⴻⵣⴳⴻⵏ ⵏ ⵓⵏⴻⴳⴳⴰⵔⵓ ⴰⴷ ⴷ-ⵉⵍⵉⵏⵜ ⴰⵙⵙ ⵏ 12 ⴷ 19 ⵢⴻⴱⵔⵉⵔ ⵉ ⴷ-ⵉⵜⵜⴰⵙⴻⵏ.
ⴰⵔⵏⵓ ⵖⴻⵔ
