ⴰⴳⵔⴰⵡ ⵏ ⵓⵏⴰⴱⴰⴹ: ⴰⵙⴻⵏⴽⴻⴷ ⴷ ⵓⵙⴻⵏⵇⴻⴷ ⵏ ⵢⵉⴽⴰⵔⴰⵎⴻⵏ ⵉ ⵉⵞⵓⴷⴷⴻⵏ ⵖⴻⵔ ⵜⴻⵎⴳⵓⵔⵉ, ⵢⴻⵎⵀⵉⵢⴻⵏ ⵉⵏⴰⴳⵔⴰⵡⴻⵏ ⴷ ⵓⵎⴻⵏⵖⵉ ⵎⴳⴰⵍ ⵢⵉⵙⴻⴼⴼⴰⵢⴻⵏ

ⵉⵙⵙⴻⵡⵙⴻⵢⵏ ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵓⵕⴻⴱⵄⴰ, ⴰⴳⵔⴰⵡ ⵏ ⵓⵏⴰⴱⴰⴹ ⵉ ⴷ-ⵢⴻⵜⵜⵡⴰⵀⴻⴳⴳⴰⵏ ⵉ ⵓⵙⴻⵏⴽⴻⴷ ⴷ ⵓⵙⴻⵏⵇⴻⴷ ⵏ ⵢⵉⴽⴰⵔⴰⵎⴻⵏ ⵉ ⵉⵞⵓⴷⴷⴻⵏ ⵖⴻⵔ ⵢⵉⴳⵣⵓⵍⴻⵏ ⵏ ⵜⴻⵎⴳⵓⵔⵉ ⴷ ⵢⴻⵎⵀⵉⵢⴻⵏ ⵉⵏⴰⴳⵔⴰⵡⴻⵏ, ⵖⴻⵔ ⵢⵉⴷⵉⵙ ⵏ ⵓⵙⴻⴽⵢⴻⴷ ⵏ ⵓⵙⵏⴰⵙ ⵏ ⵜⵙⴻⵔⵜⵉⵜ ⵜⴰⵖⴻⵍⵏⴰⵡⵜ ⵉ ⵜⴻⵎⵀⴰⵍⵜ ⴷ ⵓⵎⴻⵏⵖⵉ ⵎⴳⴰⵍ ⵢⵉⵙⴻⴼⴼⴰⵢⴻⵏ ⴷ ⵢⵉⵙⴻⴼⴼⴰⵢⴻⵏ ⵏ ⵡⵓⵍⵍⴻⵖ, ⴰⵎ ⴰⴽⴽⴻⵏ ⵉ ⴷ-ⵢⴻⵡⵡⵉ ⵓⵍⵉⵖ ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.

ⵉⵙⴼⵓⴽⵜⵉ ⵓⵏⴰⴱⴰⴹ ⵜⵉⵖⵉⵎⵉⵜ-ⵉⵙ ⵙ ⵓⵎⴻⵙⵍⴰⵢ ⵖⴻⴼ ⵓⵙⴻⵏⴽⴻⴷ ⵏ ⵜⴰⵔⵔⴰⵢⵜ ⵉ ⴷ-ⵢⴻⵜⵜⵡⴰⵙⵓⵎⵔⴻⵏ ⵉ ⵓⵙⵉⴹⴻⵏ ⴷ ⵓⵙⴻⴽⵢⴻⴷ ⵏ ⵓⵜⵓⴳ ⵏ ⵓⵙⴻⴽⵞⴻⵎ ⴷⴻⴳ ⵢⵉⴳⵣⵓⵍⴻⵏ ⵏ ⵓⵙⵏⴻⴼⵙⵉ ⵏ ⵢⵉⴽⴻⵔⵔⵓⵙⴻⵏ ⵉⵥⴰⵢⴰⵏⴻⵏ ⴷ ⵢⵉⴼⴻⵙⵙⴰⵙⴻⵏ ⴷ ⵓⵙⵏⴻⴼⵙⵉ ⵏ ⵢⵉⵜⵉⵍⵉⴼⵓⵏⴻⵏ ⵉⵎⴰⵢⵏⵓⵜⵉⵏ, ⵙ ⵢⵉⵙⵡⵉ ⵏ ⵓⵙⵙⴻⴱⴷⵓⴷ ⵏ ⵡⴰⵣⴰⵍ ⴰⵎⴰⴷⴷⴰⵏⴳ ⴷ ⵢⴻⵎⵀⵉⵍⴻⵏ ⵉⵎⴳⵓⵔⵉⵢⴰⵏⴻⵏ ⵉ ⵢⴻⵜⵜⵉⵍⵉⵏ ⴷⴻⴳ ⵡⴰⴷⴷⴰ, ⴰⵢⴰⴳⵉ ⴰⴷ ⵢⴰⵍⵍⴻⴼ ⴷⴻⴳ ⵓⵙⵙⴻⴱⴷⵓⴷ ⵏ ⵜⴻⵎⴳⵓⵔⵉⵡⵉⵏ-ⴰ, ⴰⵙⴰⵍⵉ ⵏ ⵓⵜⵓⴳ ⵏ ⵓⵙⴻⴽⵞⴻⵎ ⴷ ⵓⵙⴻⵏⵇⴻⵙ ⵏ ⵜⴻⵙⴼⵉⴼⵜ ⵏ ⵓⴽⵜⴰⵎⵓⵕ.

ⴷⴻⴳ ⵓⵃⵔⵉⵞ-ⴰ, ⵉⵙⵙⴻⵖⵔⴻⵜ-ⴷ ⵓⵏⴰⴱⴰⴹ ⴷⴰⴽⴽⴻⵏ ⵜⴰⵔⵔⴰⵢⵜ-ⴰ ⵜⴰⵎⴰⵢⵏⵓⵜ "ⵜⴻⵙⵙⴻⴼⵔⴰ, ⵙ ⵓⵜⵉⴽⴽⵓ ⴰⵎⴰⵢⵏⵓ, ⵖⴻⵔ ⵓⵙⴱⴻⴷⴷⵉ ⵏ ⵜⴻⵎⴳⵓⵔⵉ ⵜⴰⵖⴻⵍⵏⴰⵡⵜ ⵜⵉⴷⴻⵜ ⴰⵔⴰ ⵉⵄⴻⴷⴷⵉⵏ ⴰⵙⵡⵉⵔ ⵏ ⵓⵙⵙⵉⴷⴻⵔ ⴰⵎⴻⵏⵙⴰⵢ ⵙ ⵓⵙⵊⴻⵀⴻⴷ ⵏ ⵜⴷⵓⴽⵍⵉⵡⵉⵏ, ⴰⵙⵙⴻⴼⵍⵉⵍ ⵏ ⵓⵏⴻⴽⴽⵍⵓⴷ ⵏ ⵜⴰⵜⵉⴽⵏⵓⵍⵓⵊⵉⵜ, ⴰⵙⵏⴻⵔⵏⵉ ⵏ ⵜⴻⵣⵎⴻⵕⵜ ⴷ ⵓⵙⵊⴻⵀⴻⴷ ⵏ ⵓⵥⴻⵟⵟⴰ ⵏ ⵓⵙⴻⵏⴼⴰⵔ, ⴰⵔⴰ ⵉⵙⵏⴻⵔⵏⵉⵢⴻⵏ ⵜⵉⵣⵎⴰⵔ ⵏ ⵓⴼⴰⵔⴻⵙ ⴷⴻⴳ ⵡⴰⴷⴷⴰ."

ⵙⵢⵉⵏ ⴰⴽⴽⵉⵏ, ⴷⴻⴳ ⵓⴽⴰⵜⴰⵕ ⵏ ⵓⵜⴰⴱⴰⵄ ⵏ ⵓⵙⵏⴰⵙ ⵏ ⵢⵉⵖⵜⴰⵙⴻⵏ ⵏ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵉⵞⵓⴷⴷⴻⵏ ⵖⴻⵔ ⵓⴷⴻⵎ ⵎⴳⴰⵍ ⴰⵎⵓⵔ ⵏ ⵢⵉⵙⴻⴼⴼⴰⵢⴻⵏ ⴷ ⵢⵉⵙⴻⴼⴼⴰⵢⴻⵏ ⵏ ⵡⵓⵍⵍⴻⵖ, ⵙ ⵜⵙⴻⵔⵜⵉⵜ ⵉⵎⴻⴷⵡⴻⵍⴻⵏ, ⵉⵙⴻⵏⵇⴻⴷ ⵓⵏⴰⴱⴰⴹ "ⴰⵙⴻⴽⵢⴻⴷ ⵏ ⵜⵍⴻⵎⵎⴰⵙⵜ ⵉ ⵉⵞⵓⴷⴷⴻⵏ ⵖⴻⵔ ⵓⵙⵏⴰⵙ ⵏ ⵜⵙⴻⵔⵜⵉⵜ ⵜⴰⵖⴻⵍⵏⴰⵡⵜ ⵉ ⵜⴻⵎⵀⴰⵍⵜ ⴷ ⵓⵎⴻⵏⵖⵉ ⵎⴳⴰⵍ ⵢⵉⵙⴻⴼⴼⴰⵢⴻⵏ ⴷ ⵢⵉⵙⴻⴼⴼⴰⵢⴻⵏ ⵏ ⵡⵓⵍⵍⴻⵖ ⵉ ⵜⴰⵍⵍⵉⵜ ⵏ 2025-2029, ⵙⴻⵍⴷ ⴰⵙⵎⵉ ⵉ ⴷ-ⵉⵄⴻⴷⴷⴰ ⵓⵙⴻⴳⴳⴰⵙ ⵖⴻⴼ ⵓⵙⴻⴽⴽⴻⵔ-ⵉⵙ ⴷ ⵓⵙⵊⴻⵀⴻⴷ ⵏ ⵓⵏⴰⴳⵔⴰⵡ ⴰⵜⵉⴽⵏⵓⵊⵉ ⵉ ⵉⵞⵓⴷⴷⴻⵏ ⵖⵓⵔ-ⵙ."

ⴷⴻⴳ ⵓⵎⵓⵍⵍⵉ-ⴰ, ⴷ-ⵢⴻⵜⵜⵡⴰⵙⴻⵏⴽⴻⴷ ⵓⵙⴼⴰⵢⵍⵓ ⵏ ⵢⵉⴳⵎⴰⴹ ⴷⴻⴳ ⵓⵏⵏⴰⵔ ⵉ ⵉⴳⴰ ⵓⵖⴰⵡⴰⵙ ⵏ ⵓⵎⴰⵀⵉⵍ ⵏ ⵜⵙⴻⵔⵜⵉⵜ ⵢⴻⴱⵏⴰⵏ ⵖⴻⴼ ⵜⵎⴻⵏⵏⴰⵡⵜ, ⵓⵙⵙⴻⵏⵙⵉ ⴷ ⵓⵜⴻⴽⴽⴻⵍ, ⴰⵏⴷⴰ ⵉ ⴷ-ⵢⴻⵜⵜⵡⴰⵙⵊⴻⵀⴻⴷ ⵖⴻⴼ "ⵓⵙⴻⵍⵃⵉ ⵏ ⵓⴽⴰⵍⴰ ⵏ ⵓⵖⴰⵡⴰⵙ ⵏ ⵓⵎⴰⵀⵉⵍ ⴷ ⵢⵜⵉⵍⵙⵉⵏ ⵉⵎⴰⵢⵏⵓⵜⵉⵏ ⵏ ⵜⵓⴽⴻⵔⴹⴰ ⵜⵙⵓⴷⴷⴻⵙⵜ ⴰⵔⴰ ⵢⴻⵇⵇⵍⴻⵏ ⴷ ⴰⵙⴻⴽⵢⴻⴷ ⵏ ⵢⴰⵍ ⴰⴳⴳⵓⵔ ⴷⴻⴳ ⵓⵙⵡⵉⵔ ⵏ ⵓⵏⴰⴱⴰⴹ, ⵙ ⵡⴰⵣⴰⵍ ⵏ ⵓⵙⵊⴻⵀⴻⴷ ⵏ ⵓⵎⴰⵀⵉⵍ ⴷⴻⴳ ⵓⵏⵏⴰⵔ ⴷ ⵜⵏⴻⵣⴷⵓⵖⵜ, ⵍⴰⴷⵖⴰ ⵙ ⵓⵜⵜⴻⴽⴽⵉ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴰⵎ ⴰⵎⵓⵔⵓⵔ ⵓⵔ ⵏⴻⵜⵜⵡⴰⵟⵟⴰⴼⴻⵏ ⴷⴻⴳ ⵓⵎⵓⵙⵙⵓ ⴰⵖⴻⵍⵏⴰⵡ ⵉ ⵓⵎⴻⵏⵖⵉ ⵎⴳⴰⵍ ⴰⵟⵟⴰⵏ-ⴰ ⴷ ⵓⵙⴻⵏⵇⴻⵙ ⵏ ⵓⴼⵍⴰⵍⵉ-ⵉⵏⴻⵙ, ⵙ ⵢⵉⴷⵉⵙ ⵏ ⵓⵙⵊⴻⵀⴻⴷ ⵏ ⵓⵜⴰⵎⵡⴻⵍ ⴰⴳⵔⴰⵖⵍⴰⵏ ⴷⴻⴳ ⵓⵃⵔⵉⵞ-ⴰ."

ⴷⴻⴳ ⵜⴰⴳⴰⵔⴰ, ⵉⵙⵙⴻⴽⵢⴻⴷ ⵓⵏⴰⴱⴰⴹ ⴰⵣⴻⵢⵢⴻⵔ ⵏ ⵓⵙⴻⵍⵃⵉ ⵏ ⵢⵉⵔⵎⵓⴷⴻⵏ ⴷⴻⴳ ⵓⵏⵏⴰⵔ ⵉ ⵉⵞⵓⴷⴷⴻⵏ ⵖⴻⵔ ⵓⵙⴻⴽⴽⴻⴷ ⵏ ⵜⵃⴰⵕⴻⵜⵉⵏ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⴰⵔⴰ ⵉⵞⵓⴷⴷⴻⵏ ⴳⴰⵔ ⵍⵎⴻⵏⵉⴰ ⴷ ⵜⴰⵎⴻⵏⵖⴻⵙⵜ ⴰⵔⴰ ⴷ-ⵢⴻⴱⴷⵓⵏ, ⴰⵎ ⴰⴽⴽⴻⵏ ⵉ ⴷ-ⵍⵍⴰⵏ ⵢⵉⵡⴻⴹⴹⵉⵀⴻⵏ ⵏ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵓⴳⵔⴰⵡ ⵏ ⵢⵉⵏⴻⵖⵍⴰⴼⴻⵏ ⴰⵏⴻⴳⴳⴰⵔⵓ, ⵙⴻⴳ ⵜⵡⵉⵍⴰⵢⵜ ⵏ ⵜⴰⵎⴻⵏⵖⴻⵙⵜ.